Skip to main content

Area of Cooperation: Economy

Фати ме за рака

Објавено . Објавено во Приказни.

Со поддршка на ЕУ, српски стартап разви „паметна ракавица“ за зголемување на самостојноста на лицата со попреченост во видот.

Никола Крстиќ е млад претприемач од Србија чиј изум, неодамна, ги разбранува меѓународните пазари. За помалку од две години, Никола премина од средношколец во извршен директор на компанија. Неговиот изум е „паметна ракавица“ преку која слепите лица и лицата со попреченост во видот можат да се ориентираат и да препознаваат бои; како и банкноти и други предмети, и преку која нивните придружници или пријатели ќе можат да ги следат нивните движења.

Приказната на овој изум датира од периодот кога Никола бил сè уште во средно училиште и присуствувал на натпревар на којшто младите требало да развијат и предложат иновативни бизнис идеи. Неговото учество било инспирирано од фактот што имал попреченост на едното око. „Идејата сама по себе беше спонтана и дојде од фактот што го имам овој проблем уште од раѓање,“ вели Никола.

„Развивањето на идејата беше само почеток: ни претстоеше долг пат пред нас“

Навистина потребна поддршка

Но, да се има идеја за тоа што сакате да го направите и основно знаење за тоа како да го реализирате истото, не се доволни во светот на стартаповите. „Развивањето на идејата беше само почеток: ни претстоеше долг пат пред нас,“ вели Никола. Тој и неговиот тим имале потреба од поддршка во насока на експертиза и финансирање на понатамошно развивање на производот.

Потенцијалот на идејата на Никола бил препознаен од Фондот за иновации во Србија кој, преку својата Програма за ран развој; со средства од ЕУ, го поддржа развојот на овој иновативен производ кој Никола го именува „Анора“.

Никола објаснува дека финансирањето било, главно, употребено за развој на хардверот во ракавицата со кој компактната електроника ги овозможува сите функции неопходни во секојдневието на едно слепо лице. Имале можност дополнително да инвестираат во дизајнот на ракавицата; па, денес, имаат незабележлив дизајн изработен од премиум материјали кој може да издржи неколку години секојдневна употреба. „Значи, најважните делови; хардверот и дизајнот за ракавицата, беа овозможени со поддршка на ЕУ,“ вели тој.

Ракавицата вклучува десет суштински функции. Тука спаѓаат детектирање предмети во просторот и поврат на вибрациски сигнали, засновани на блискоста на предметите; слично како радар. Дополнително, ракавицата детектира бои и банкноти и го кажува датумот и времето. Исто така, помага и при ориентација, а доколку лицето кое ја носи се изгуби, ракавицата може да ја испрати неговата адреса до придружникот или пријателите.

„Поддршката од ЕУ беше клучна, бидејќи претходно бев обичен средношколец со идеја, а сега сум лидер на компанија која изработува неопходен производ кој ќе биде меѓународно признаен.“

За проектот

Србија е една од првите држави во регионот која ја усвои така наречената иновативна одредба – идеја дека успешното учество во светската економија заснована на знаење подлежи на можност за адаптација и подобрување на технолошките и истражувачки капацитети преку соработка помеѓу јавните и приватни сектори. Активен уште од 2011 година, Фондот за иновации е пионер во институционалната имплементација на оваа одредба; главно, преку зголемување на капацитетот за стартапови и достапни ресурси за нивен раст. Од започнувањето на Фондот, во 2011 година, ЕУ овозможува значаен импулс за финансирање на иновацијата во Србија; како и зајакнување на врските помеѓу истражувањето и приватните сектори. Досега, повеќе од 17 милиони евра се насочени кон овие програми преку Инструментот за претпристапна помош (ИПА).

Компанијата „Anoris Technology“, управувана од Никола, сега склучи договор за производство и дистрибуција на паметната ракавица „Anora“ во САД; а таму, исто така, планираат набрзо да отворат експозитура на компанијата. Контакти и координација со партнери во државите на ЕУ се исто така во тек.

Никола објаснува дека нивната стратегија е да овозможат бесплатна употреба на производот за корисниците; со тоа што трошоците би биле покриени преку јавно одговорни бизниси, организации за помош и владини институции. Во Србија, се приближуваат кон достава на преку 5000 бесплатни ракавици со поддршка на владата на Србија. Според Никола, ништо од ова не би се случило без европска поддршка. „Поддршката од ЕУ беше клучна, бидејќи претходно бев обичен средношколец со идеја, а сега сум лидер на компанија која изработува неопходен производ кој ќе биде меѓународно признаен,“ вели тој.

Компанија за долна облека која се буди со дигитален импулс

Објавено . Објавено во Приказни.

Ромска претприемачка од Србија го проширува својот бизнис онлајн со поддршка на ЕУ.

Слаѓана Васиќ е ромска претприемачка од Краљево; град во централна Србија. Нејзината компанија произведува памучна долна облека; како и облека за спиење, под брендот „Arilje“; од името на малечок град во западниот дел на државата каде што се произведува квалитетниот памук. Нејзината компанија е семеен бизнис кој Слаѓана го води со своите два сина и сопругот.

Преку 15 години биле во бизнисот како трговци на памучни производи; а, од 2014 година, започнале со производство на долна облека и облека за спиење која ја продаваат во семејната продавница лоцирана во центарот на градот. Меѓутоа, пред две години, морале да ја променат оваа продажна стратегија.

„Немавме приходи и не можевме да ги продаваме производите ниту на големо, ниту, пак, во нашата продавница.“

Трансформирање на кризата во можност

Со почетокот на пандемијата КОВИД-19, Слаѓана морала да ја затвори продавницата, не знаејќи кога би можела повторно да отвори. „Немавме приходи и не можевме да ги продаваме производите ниту на големо, ниту, пак, во нашата продавница,“ вели таа.

Тогаш, ја контактирале од Иницијативата за развој на ромско претприемништво (Roma Entrepreneurship Development Initiative (REDI)); иницијатива, финансирана од ЕУ, која имплементира програма насловена „Ромски дигитален импулс“ („Roma Digital Boost“), соработувајќи со ромските заедници ширум Западен Балкан за зголемување на нивните дигитални вештини. Ѝ предложиле да ја поддржат во промената на нејзината продажна стратегија; со цел да може да ги продава своите производи онлајн и таа, неволно, прифатила да се обиде. „На почетокот се двоумев дали би можела своите производи да ги продавам онлајн, бидејќи не се работи за луксузни производи; но лицата од Иницијативата за развој на ромско претприемништво ме убедија во спротивното, па, сега, продаваме онлајн и работата добро се одвива,“ вели Слаѓана.

Иницијативата за развој на ромско претприемништво ја отпочна програмата „Ромски дигитален импулс“ („Roma Digital Boost“) со цел поддршка на онлајн транзиција на традиционалните бизниси, како и нивна формализација. Програмата ги обезбеди ромските претприемачи, како Слаѓана, со дигитални алатки и вештини за да го унапредат својот бизнис и да започнат со развивање на своето претприемништво во онлајн формат. Претприемачите кои ја проследија програмата, добија пакети за дигитализација; вклучително и индивидуално советување и менторска поддршка од експертите при Иницијативата за развој на ромско претприемништво.

„Ромите не смеат да бидат изоставени и се надевам дека ќе има повеќе програми како оваа.“

 

За проектот

 Проектот за интеграција на Ромите 2020, имплементиран од Советот за регионална соработка; со финансиска поддршка на ЕУ и Фондациите отворено општество, цели, меѓу другото, кон намалување на општествено-економскиот јаз помеѓу ромското и неромското население во Западен Балкан и Турција.

Орхан Усеин e раководител на бирото на Советот за регионална соработка и интеграција на Ромите. Тој објаснува дека е неопходно да се зајакне ромската заедница со цел употреба на дигитални вештини и следење на најновите деловни трендови. Образовните програми; како програмата „Ромски дигитален импулс“, поддржана од тимот на Советот за регионална соработка и интеграција на Ромите, како финансиски, така и со човечки ресурси, можат да го забрзаат процесот и да го зајакнат инволвирањето на ромските граѓани во промоција, обликување и имплементирање на Дигиталната агенда за Западен Балкан. „Ромите не смеат да бидат изоставени и се надевам дека ќе има повеќе програми како оваа,“ вели Орхан.

Иако пандемијата КОВИД-19 се намалува, а карантините се завршени; онлајн продажбата на Слаѓана постојано расте. Таа сонува дека, еден ден, дополнително ќе ја прошири својата компанија и ќе стане познат бренд. Нејзината порака до другите е инспиративна: „Сакам да им порачам на сите жени Ромки во бизнисот дека жените се способни да ја завршат истата работа како мажите, па дури и многу повеќе. Затоа, само напред, работете си ја работата: правете го тоа со полно срце и дајте го најдоброто од себе, а успехот загарантирано ќе дојде.“

Европската инвестициска банка ја зголемува поддршката за приватниот сектор во Црна Гора

Објавено . Објавено во Вести.

Европската инвестициска банка (The European Investment Bank (EIB)), институцијата за позајмување на ЕУ, ќе обезбеди грант од 400000 евра за техничка помош на Инвестицискиот и развоен фонд на Црна Гора (Investment and Development Fund (IDF)). Грантот ќе го зајакне капацитетот на Инвестицискиот и развоен фонд за обезбедување финансиски услуги наменети за малите и средни претпријатија во Црна Гора; помагајќи им, истовремено, да ја одржат својата ликвидност, да ги прошират своите инвестиции и да одржуваат и креираат инклузивни и долготрајни работни места. Преку оваа техничка помош, Европската инвестициска банка го поддржува Инвестицискиот и развоен фонд во подобрувањето на неговиот организационен и деловен модел со цел негово хармонизирање со најдобрите практики за националните развојни банки.

 

Грантот на Европската инвестициска банка цели кон забрзување на зацврстувањето и развојот на приватниот сектор во Црна Гора и создавање нови можности за вработување; особено за младите, жените и лицата од останатите општествено ранливи групи. Грантот потекнува од Иницијативата за економски отпор, креирана од Европската инвестициска банка во 2016, која има за цел мобилизирање на финансиите за побрз развој, создавање работни места, општествена кохезија и развој на неопходните инфраструктурни проекти во Западен Балкан.

 

Од почетокот на пандемијата во 2020, Европската инвестициска банка потпиша со Инвестицискиот и развоен фонд финансиски операции во вредност од 100 милиони евра кои им помогнаа на околу 350 компании во Црна Гора побрзо да закрепнат од кризата КОВИД-19. Во 2021, Европската инвестициска банка го потпиша својот прв заем со Инвестицискиот и развоен фонд кој имаше за цел поддршка при воведувањето на енергетско-ефикасни практики и проекти за малите и средни претпријатија во Црна Гора; обезбедувајќи побрза транзиција кон одржлива и циркуларна економија во државата.

Помош за вкусните малини од БиХ кои го освојуваат пазарот на ЕУ

Објавено . Објавено во Приказни.

Земјоделска компанија од БиХ го зголемува својот производствен капацитет со поддршка на ЕУ

Преку повеќе од две децении, Небојша Радовиќ, од Братунац во БиХ, одгледува малини; а, денес, неговата сопруга и трите деца му помагаат на насадите со малини. Поради дополнителните приходи кои ги добиваме од малините, Небојша објаснува: „Малините ни значат многу. Мојата сопруга нема друга работа, а мојата постојана работа не е доволна за покривање на сите трошоци. И децата ги подучуваме за одгледувањето малини.“

Небојша е еден од неколкуте кооперанти во семејната компанија, „Herbos Nature“, која собира шумски овошја уште од 2006 година. Од 2012 година, компанијата е ангажирана во купување, преработка и продажба на големо на шумски плодови, печурки и билки. Денес, имаат мрежа од преку 1000 кооперанти ширум државата.

„Како што постојано растевме, имавме и проблеми, но со пандемијата, проблемите пораснаа, особено за нашите кооперанти.“

Поддржување раст во време на криза

Маида Хаџиавдиќ, од „Herbos Nature“, објаснува дека компанијата стабилно растела со години; но дека, како и многу други бизниси, биле соочени со тешкотии кога пандемијата КОВИД-19 започна во 2020 година. „Како што постојано растевме, имавме и проблеми, но со пандемијата, проблемите пораснаа, особено за нашите кооперанти,“ вели Маида.

Тогаш, наишле на повик за предлози за поддршка на земјоделските претпријатија во БиХ, отворен од проектот „EU4AGRI“; финансиран од ЕУ. „Herbos Nature“ се пријавиле и добиле поддршка; вклучително и купување опрема за компанијата и нивните кооперанти, како и друг вид помош за подобрување на условите за работа; во вкупна вредност од преку 114000 евра.

Како еден од кооперантите на „Herbos Nature“, Небојша добил вредна опрема, финансирана од ЕУ, за олеснување на семејната работа и поголема ефикасност. „Со оглед на тоа што сега имам свој мотокултиватор, дониран од „EU4AGRI“, моите трошоци се помали,“ објаснува Небојша.

„EU4AGRI“ ни помогна да го прошириме нашиот пазар. Покрај Устиколина и Братунац, сега имаме филијала и во Травник. Вработивме повеќе работници и започнавме соработка со дополнителни кооперанти.“

За проектот

Проектот „EU4AGRI“ е четиригодишна иницијатива (2020 – 2024), насочена кон модернизирање на земјоделско-прехранбениот сектор, создавање нови работни места, како и задржување на веќе постоечките, и поддржување на закрепнувањето од кризата КОВИД-19 во БиХ. Целосната вредност на проектот, основан од ЕУ, изнесува преку 20 милиони евра; а истиот е заеднички имплементиран и кофинансиран од програмата на Обединетите Нации за развој во БиХ и Агенцијата за развој на Република Чешка.

Проектот ѝ овозможил на компанијата да искористи нова опрема и дополнителна  поддршка. „Поддршката од „EU4AGRI“ ни помогна да го прошириме нашиот пазар. Покрај Устиколина и Братунац, сега имаме филијала и во Травник. Вработивме повеќе работници и започнавме соработка со дополнителни кооперанти.,“ вели Маида. Преку опремата добиена од „EU4AGRI“, компанијата ги модернизирала, исто така, и своите производствени процеси.

Како 23 годишната Маида, така и останатите вработени се, најчесто, млади обучени професионалци; имајќи за задача да внимаваат работата да ги исполнува највисоките стандарди за квалитет. Преку 95 % од производството е наменето за извоз во држави како Франција, Германија, Полска, Србија, Словенија, Швајцарија и Турција. „Новата опрема ни овозможи да го подобриме производството и да ги задоволиме барањата на нашите клиенти,“ вели Маида. „Среќни сме што учествувавме во проектот „EU4AGRI“; придонесувајќи, на тој начин, за одржливоста на земјоделскиот и прехранбениот сектор во БиХ.“

„Udhë“ наоѓа начин за автомобилско здружување во Косово

Објавено . Објавено во Приказни.

Група млади иноватори, со поддршка на ЕУ, започнуваат апликација за автомобилско здружување

Како студент во Приштина, Ерол Горчи морал неколкупати неделно да патува, од својот роден град Пеќ, приближно 80 км. Такси превозот бил скап, а автобусите не биле чести. Како и други бројни патници, и тој испробал алтернативни решенија; проверувајќи дали некој од неговите пријатели или роднини оди кон главниот град за да може да им се придружи.

Ерол студирал компјутерски науки и технологии и како што ги развивал своите ИТ способности, согледал дека пополнувањето на празнините во меѓуградскиот сообраќај со мрежа за автомобилско здружување може да биде интересна бизнис прилика. Така започна и „Udhë“ (зборот значи „пат“ или „патување“ на албански); прва апликација за автомобилско здружување во јужниот дел на Балканот која ги поврзува возачите со патници.

„Пред да ја развиеме апликацијата, најпрво, сакавме да го тестираме приодот преку социјалните медиуми и функционираше.“

Ерол и неговите другари дискутирале за идејата неколку години претходно и се договориле да креираат страница на социјалните медиуми за оние кои се заинтересирани за автомобилско здружување да можат да комуницираат меѓусебно и да договорат заедничко патување. „Пред да ја развиеме апликацијата, најпрво, сакавме да го тестираме приодот преку социјалните медиуми и функционираше,“ вели Ерол.

Групата за автомобилско здружување на Фејсбук добила околу 10000 члена за краток период. Ова било доказ дека луѓето се заинтересирани, а тимот препознал прилика за развивање професионална услуга. Започнале да ја развиваат апликацијата за возачи и патници на почетокот од 2020 година. Бидејќи имале малку искуство со вакви подвизи, се пријавиле за проектот „VentureUP“, финансиран од ЕУ, за техничка помош со посебен фокус на прототипирање. Ерол и неговиот тим искористиле вебинари и алатки за маркетинг, бизнис моделирање и финансирање кои биле особено важни при градењето на нивната експертиза.

„Поддршката од ЕУ беше неопходна за развојот и реализирањето на нашата идеја.“

За проектот

Проектот „VentureUP“ (проект „Venture Incubator“ на универзитетот Приштина) е поддржан од ЕУ во Косово и им овозможува на студентите и стартапови можности за развивање бизниси за креирање работни места и зголемување на нивните шанси за вработување во Косово. Во текот на првата програма за инкубација, во 2019 година, седум стартапови со вкупно 23 члена ја завршија програмата. Од нив, четири стартапови се регистрираа како законски бизниси; креирајќи приходи и вработувајќи вкупно 15 луѓе. Во 2020 година, дванаесет стартапови со 31 член ја завршија втората програма за инкубација. Како резултат, регистрирани беа пет законски бизниси кои создаваат приходи и вработуваат вкупно 18 луѓе.

Апликацијата е на пазарот преку „Google Play“ и „Apple store“ од јануари 2021. Денес, онлајн заедницата има преку 30000 следбеници на социјалните мрежи и приближно 15000 корисници на мобилната апликација. Преку неа, наоѓаат решение за транспортните проблеми на неколку стотици патници дневно. Сега, четиричлениот тим е во потрага на позначаен опсег и помош за обезбедување бизнис-ангелска инвестиција за проширување. Планираат да ја предложат услугата во Албанија и на балканскиот пазар каде што најголемата платформа за автомобилско здружување не успеа во подвигот.

Ерол објаснува дека во косовскиот едукативен систем има недостаток на учење на претприемништвото и начините за развивање на идеите во производи, како и начини за монетизирање на идеите. За него, проектите за инкубација се неопходни за овозможување на првите чекори во светот на бизнисот и претприемништвото. „Поддршката од ЕУ беше неопходна за развојот и реализирањето на нашата идеја,“ вели тој.

Високиот претставник / Заменик-претседателот Жозеп Борел во Западен Балкан

Објавено . Објавено во Вести.

Високиот претставник за надворешни работи и безбедносна политика / Заменик-претседателот на Европската Комисија – Жозеп Борел, во понеделникот, беше во Северна Македоника пред да отпатува, во вторникот, за Албанија, и во Босна и Херцеговина во средата. Неговата посета ја потврдува посветеноста и поддршката на ЕУ за регионот, особено во насока на руската војна против Украина и нејзиното влијание на безбедноста во Европа во целост.

 

Високиот претставник / Заменик-претседателот Борел во Скопје оствари средба со Претседателот Стево Пендаровски и Премиерот Димитар Ковачевски, заменик-министерот за европски прашања – Бојан Маричиќ, министерот за надворешни работи – Бујар Османи и министерката за одбрана – Славјанка Петровска. Во вторник, високиот претставник ќе отпатува за Тирана каде што ќе оствари средба со Премиерот Еди Рама и други претставници на албанските авторитети и граѓанското општество, а ќе ја посети, исто така, и реставрацијата на мозаикот во Музејот за национална историја, реновиран под покровителство на програмата Поддршка на ЕУ за оправување по земјотресот (EU’s post-earthquake recovery assistance).

 

Во среда, високиот претставник / заменик-претседателот ќе биде во Сараево каде, најпрво, ќе ја посети операцијата „EUFOR Althea“ чиј капацитет на земјени трупи неодамна се зголеми за приближно двапати. Ќе се состане и со босанските авторитети, претставници на политичката опозиција и граѓанското општество

Албанка која договорите ги прави достапни на клик

Објавено . Објавено во Приказни.

Со финансирање од ЕУ, стартап нуди дигитални правни услуги.

Како пандемијата го промени твојот свет? Бројни експерти тврдат дека луѓето можат да изнајдат нови решенија за проблеми кога се надвор од својата рутина и имаат време да разработат и развијат одредена идеја. Ваква иновација се случи и со стартапот основан од Кристиана Филип; млада жена од Албанија. Нејзината идеја за основање онлајн правна услуга се роди за време на карантинот и оттогаш континуирано се развива.

Сфатив дека голем број правни услуги можат да бидат автоматизирани, но ваков вид услуга не постоеше во Албанија. За време на карантинот, имав време да размислам и ми дојдоа идеи за тоа како да го решам овој проблем.“

Ефикасна поддршка за претприемачи која доаѓа преку автоматизација

Како млада адвокатка која студирала корпоративно право во Албанија и странство, Кристиана била фрустрирана од времето кое го трошела на едноставни правни услуги кои ѝ го одземале вниманието од поважните прашања.

„Сфатив дека голем број правни услуги можат да бидат автоматизирани, но ваков вид услуга не постоеше во Албанија. За време на карантинот, имав време да размислам и ми дојдоа идеи за тоа како да го решам овој проблем,“ вели таа.

„Legit“, стартапот кој го основала Кристиана, е дигитална платформа која има за цел обезбедување висококвалитетни, брзи и лесно достапни правни услуги за албанските претприемачи. Платформата овозможува креирање на правни документи; како, на пример, договор за работа, овластување или имотен закуп. Корисниците треба да одговорат на краток прашалник и нивниот персонализиран правен документ е готов за неколку минути. Дополнителна клучна одлика на платформата е тоа што овозможува ангажирање правни професионалци.

„Дигиталните услуги на „Legit“ се единствени во Албанија и, верувам, во целиот регион на Западен Балкан,“ со гордост вели Кристиана за нејзиниот приод заснован на западните пазарни модели. Уште од почетокот, се насочила и кон косовскиот пазар, каде што законите се слични, а албанскиот јазик се зборува како официјален јазик.

Платформата на Кристиана поседува секција посветена на информирање на младите претприемачи и основачи за можности за инкубација, забрзување и финансирање; како и правна помош која e обезбедена преку статиите на нејзиниот блог.

„Поддршката на ЕУ е добредојдена, бидејќи пополнува празнина која институциите допрва треба да ја пополнат со специјални фондови за стартапови.“

За проектот

„ЕУ за иновација“ („EU for Innovation“) има за цел подобрување на иновативниот екосистем и зголемување на креирањето стартапови во Албанија преку развој на капацитетите за иновација меѓу чинителите на иновацискиот екосистем; градејќи врски со албанскиот иновациски екосистем и финансирање иновативни стартапови и даватели на иновативна поддршка.

Стартапови како „Legit“ го искористија фондот „Challenge Fund“; конкурентен финансиски инструмент кој се користи како средство за решавање на прашањето за пристап до финансии за иновативните стартапови и промоција на албанскиот иновациски систем.

Одете до крај за тоа во што верувате

Родена како идеја за време на карантинот, платформата „Legit“ денес е потполно оперативна. Процесот на основање на бизнисот не бил едноставен, а предизвиците со кои се соочила, Кристиана ги објави во е-книга; надополнета со сите неопходни правни елементи. Грант, обезбеден во 2021 година преку иницијативата за иновација на ЕУ, овозможи развој на капацитетот и техничка експертиза за дополнително развивање и промоција на платформата во март 2022.

„Поддршката на ЕУ е добредојдена, бидејќи пополнува празнина која институциите допрва треба да ја пополнат со специјални фондови за стартапови,“ објаснува Кристиана.

Гледа потреба за континуирана работа за ефикасно подобрување на неисполнетите правни потреби, па нејзиното учење и идеи за усовршување на платформата не запираат тука. Стартапот цели кон раст рамо до рамо со експертите кои дополнително ќе ги развијат неговите услуги. Кристиана вели дека е склона да покани и други жени да ѝ се придружат во стартап авантурата; иако признава дека пораснала како адвокат и претприемач преку учење од мажи.

Советот на Кристиана за младите жени кои сакаат да се ангажираат во бизнис и дополнително да ги развијат своите кариери е следниот: „Одете до крај за тоа во што верувате! #Без каење.“

 

Српски воени доктори и персонал се приклучуваат во Мисијата за воена обука на ЕУ во Сомалија

Објавено . Објавено во Вести.

Шест српски воени доктори и персонал ќе се приклучат во Мисијата за воена обука на ЕУ во Сомалија (EUTMS). Мисијата беше лансирана во 2010 година со цел да се зајакнат федералните сомалиски институции за одбрана преку обуки, менторства и советување. Мисијата има персонал од околу 200 лица од седум земји-членки на ЕУ, плус Србија.

 

Емануеле Жофре, Амбасадорот на ЕУ во Србија, им се заблагодари на српските војници кои се приклучуваат на мисијата и им посака среќа. Тој изјави: „Благодарни и горди сме што можеме да сметаме на Србија во нашите цивилни и воени мисии и операции. Слободата, демократијата и безбедноста имаат висока цена, а српскиот кадар презема клучни улоги кои се суштински за успехот на овие мисии. Војниците на ЕУ ја имаат привилегијата да се чувствуваат безбедно во рацете на српскиот медицински тим. Се надеваме дека нашето партнерство ќе расте и ќе се продлабочува, со што ќе се прошири и глобалната безбедност и стабилност.“

 

Улогата на српскиот медицински контингент во оваа мисија се однесува на лекување, евакуација, снабдување и други функции кои се суштински за одржување на здравјето на воените сили. Тоа вклучува и пружање на прва помош, непосредни мерки за спасување на живот и тријажа. Дополнително, тие ќе придонесат за подобрување на здравјето и благосостојбата на единицата преку советување и насоки за превенција од болести, неборбени повреди и борбен и оперативен стрес.

ЕИБ (EIB) ги поддржа босанските МСП со 20 милиони долари

Објавено . Објавено во Вести.

Европската инвестициска банка (EIB), банката на Европската унија, потпиша заем од 20 милиони долари преку својата нова филијала EIB Global. Со помош на банката Интеза Санпаоло (Intesa Sanpaolo Banka) во Босна и Херцеговина, заемот има за цел да поттикне вработување на млади лица, родова еднаквост и социјално инклузивни практики во малите и средните претпријатија (МСП), како и во компании со средна пазарна капитализација помеѓу 2 милиони и 10 милиони евра.

 

Овие средства ќе ѝ овозможат на Интеза Санпаоло (Intesa Sanpaolo) во БиХ да дава заеми на локални компании кои се посветени на подобрување на општественото влијание од нивните бизниси и на создавање долгорочни можности за лидерство и вработување на жени, млади луѓе и други сегменти од населението кои се соочуваат со поголеми бариери за влез на пазарот на трудот.

 

Овој иновативен заем вклучува и механизам за наградување базиран на перформанси за компаниите кои исполнуваат специфични критериуми за креирање можности за лидерство, вработување и професионален развој за жени, млади луѓе и ранливи групи (на пр. лица со попреченост, бегалци итн.) Во склоп на овој план за стимулација, сите компании што ќе го искористат финансирањето од ЕИБ (EIB) ќе добијат конкретни општествени цели, приспособени за нивните компании. Компаниите кои ќе ги исполнат целите ќе добијат финансиска награда еднаква на нивото на општествено влијание кое го постигнале.

 

Механизмот за наградување ќе биде финансиран со грант во висина од 3,3 милиони евра од фондот на Иницијативата за економска отпорност (Economic Resilience Initiative Fund) на ЕИБ (EIB), чија намена е да се зголеми бројката на нови работни места и да се постигне одржлив и инклузивен раст на приватниот сектор. Сеопфатна програма за техничка поддршка ќе биде креирана со цел да се поддржи имплементацијата на проектот и постигнувањето на целите со општествено влијание кои ќе бидат договорени со МСП и компаниите со средна пазарна капитализација.

 

Ова ќе биде шеста соработка помеѓу ЕИБ (EIB) и Интеза Санпаоло (Intesa Sanpaolo) во БиХ наменета за поддршка на приватниот сектор во БиХ со што досега се распределени преку 238 милиони евра за поддршка на 339 компании. Досега ЕИБ (EIB) има обезбедено 860 милиони евра за приватниот сектор во Босна и Херцеговина со што се овозможи одржување на близу 100.000 работни места.

RCC ги промовираше наградите „Жени претприемачи на годината од Западен Балкан“

Објавено . Објавено во Вести.

Советот за регионална соработка (RCC) ја започна иницијативата „Жени претприемачи на годината од Западен Балкан“ за да им оддаде почит на жените кои започнале и развиле сопствен бизнис и придонеле за отворање на нови и оддржливи работни места за други жени и мажи од регионот.

 

Конкурсот опфаќа шест категории: зелена жена претприемач, креативна жена претприемач, жена претприемач за туризам и угостителство, жена претприемач Ромка, старт-ап жена претприемач и млада жена претприемач. Номинациите ќе бидат отворени до 4 март.

 

Победничките кои ќе бидат избрани од жирито ќе бидат објавени на Регионалната конференција за жени претприемачи од Западен Балкан на 11 март во Тирана. Победничките исто така ќе имаат можност да ги претстават своите бизниси на настанот.

 

Шесте жени претприемачи од Западен Балкан за 2021 година ќе добијат до 20 дена менторство во период од 5 месеци, членство и статус на придонесувач во Регионалниот центар за жени претприемачи, промоција преку комуникациските канали на RCC, како и покана за разни настани во организација на RCC за презентација на нивните успешни приказни.

 

Оваа иницијатива се организира како дел од Акцискиот план за заеднички регионален пазар (CommonRegional Market Action Plan 2021-2024 и Агендата на RCC за економско зајакнување на жените (RCC WomenEconomic Empowerment Agenda). Проектот е ко-финансиран од Европската унија.