Автор: WeBalkans

Дебатниот клуб на Млади европски амбасадори на Светскиот ден на СИДА во Скопје

Напишал/ла WeBalkans на декември 15, 2022. Објавено во News.

На иницијатива од Мила Младенова, студентка по медицина и млад европски амбасадор од Северна Македонија, „Europe House“ во Скопје организираше дискусија, на 1. декември, во чест на Светскиот ден на СИДА. Целта на дискусијата беше да се подигне свеста за ХИВ/СИДА, обезбедувајќи практични информации на темата, засновани на факти, како и кршење на стигмата за луѓето кои живеат со ХИВ/СИДА.

Во дискусијата зедоа збор амбасадорот на ЕУ во Северна Македонија, Дејвид Гир, доктори и претставници на граѓанското општество; кои заедно со учесниците споделија релевантни информации за ХИВ/СИДА, дијагностицирање, превенција, третман, студентски активности и проекти за ХИВ/СИДА, општествена работа со ХИВ-позитивни луѓе, нивните предизвици и потреби, како и мерки кои треба да се преземат за да се подобри статусот на луѓето кои живеат со ХИВ/СИДА.

Светскиот ден на СИДА беше првиот светски ден на здравјето и секоја година, на 1. декември, со почеток од 1988 година, светот се обединува во борба за ставање крај на епидемијата со СИДА. Светскиот ден на СИДА му овозможува на светот не само да оддаде почит на сите оние кои го загубија својот живот поради оваа болест, но и да се подигне свеста за континуираната потреба од превенција и едукација, намалување на стигмата, како и поголемо разбирање за тоа како СИДА-та продолжува да влијае врз јавното здравје ширум светот.

Регионалниот совет за соработка е домаќин на вториот форум за бизнис и иновации „Butterfly“ во Сараево

Напишал/ла WeBalkans на декември 15, 2022. Објавено во News.

Вториот форум за бизнис и иновации „Butterfly“ се одржа од 6. до 7. декември во Сараево. Негов домаќин беше Регионалниот совет за соработка, во партнерство со проектот „EU4DigitalSME“ – Иновација и дигитализација на мали и средни претпријатија во БиХ, имплементиран од „ГИЗ“ и Европската мрежа на претпријатија.

Овогодинешниот форум се фокусираше на промовирање одржливи модели за академска и деловна соработка, моќта на центрите за дигитална иновација, старт-апови, партнерства со високообразовни институции и исклучителни иновациски иницијативи кои ја разбрануваа Југоисточна Европа. Мотивирачки говорници ги споделија своите преобразувачки искуства во согласност со мотото „Замисли. Иновирај. Креирај…“

Форумот обедини импресивна група иновативни практикувачи кои споделија научени лекции за развивање иновативни еко-системи и академско-деловна соработка. Оваа активност е дел од Акцискиот план за заеднички регионален пазар и е кофинансирана од ЕУ.

Преку 200 компании во Северна Македонија ја подобруваат конкурентноста со поддршка од ЕУ и Европската банка за реконструкција и развој

Напишал/ла WeBalkans на декември 14, 2022. Објавено во News.

Преку 200 мали и средни претпријатија во Северна Македонија успешно имплементираа инвестициски проекти и станаа поконкурентни благодарение на програмите за конкурентност на мали и средни претпријатија на Европската банка за реконструкција и развој и ЕУ.

Програмата, која започна во 2019 година, комбинира заеми од Европската банка за реконструкција и развој, како и стимулации за грантови, финансирани од ЕУ, кои им се доделуваат на мали бизниси во партнерство со локалните комерцијални банки. Вкупно 51 милион евра им беа доделени на малите бизниси во Северна Македонија за 316 инвестициски проекти. Поголемиот дел од инвестициите беа во производство, транспорт, малопродажба и услуги, индустрии за храна, и повеќе од 60 % од нив беа наменети за мали и средни претпријатија надвор од главниот град.

Малите и средни претпријатија можеа да аплицираат за средства за инвестирање во нова опрема и надградување за да ја зголемат својата продуктивност, да ги намалат оперативните трошоци, да ја зголемат енергетската ефикасност и да го подобрат своето усогласување со стандардите на ЕУ. Покрај заемите, малите и средни претпријатија искористија и стимулации за грантови, финансирани од ЕУ, во вредност од 15 % од вкупната вредност на заемот.

Подобрениот пристап до финансии им помогна на малите и средни претпријатија да ги надминат своите обични операции и да инвестираат за да бидат поконкурентни на локалните пазари и пазарите на ЕУ.

Програмата за конкурентност на мали и средни претпријатија на Европската банка за реконструкција и развој се имплементира во сите држави од Западен Балкан, со цел овозможување подобар пристап до финансии за локалните мали и средни претпријатија. Досега, преку 850 бизниси ја искористиле регионалната програма.

ЕУ, Европската банка за реконструкција и развој и билатерални донатори на Инвестициската рамка за Западен Балкан финансираат развој на широкопојасен интернет во рурална Србија

Напишал/ла WeBalkans на декември 14, 2022. Објавено во News.

Поддршката на ЕУ за проектот Рурален развој на широкопојасен интернет започна во 2020 година, овозможувајќи ѝ на Србија да ја прошири својата оптичка мрежа до 300000 домаќинства и 1500 училишта/државни институции во 1800 оддалечени населби во руралните подрачја, без пристап до широкопојасна мрежа.

Инвестициите, кои треба да се имплементираат во две фази, ќе создадат нови економски можности и вештини за локалното население во помалку развиените региони преку зголемен пристап до поврзаност и обуки, како и унапредување на ангажманите за конкурентно-засновани политики во телекомуникацискиот сектор.

Првата фаза од проектот е во напредок и веќе резултираше со проширена широкопојасна мрежа во руралните подрачја на Србија. Во декември 2022 година, се започна со работа за поврзување на локално училиште во Шумадија (Централна Србија); во присуство на премиерката на Србија, Ана Брнабиќ, и министерот за информации и телекомуникации, Михајло Јовановиќ, како и амбасадорот на ЕУ во Србија, Емануеле Џауфрет, и Матео Коланџели, директор на Европската банка за реконструкција и развој за Западен Балкан.

Инвестицијата е поддржана со инвестициски грант од 34 милиони евра од ЕУ, заем од 118 милиони евра од Европската банка за реконструкција и развој и грант за техничка помош, во висина од 1,7 милиони евра, од билатерални донатори на Инвестициската рамка за Западен Балкан.

Избрани првите добитници на грантови за мобилност во рамки на „Culture Moves Europe“

Напишал/ла WeBalkans на декември 14, 2022. Објавено во News.

176 уметници и професионалци од областа на културата ќе имаат можност да започнат проекти за културна мобилност, патувајќи во некоја друга земја-учесничка во „Creative Europe“. Првата добитничка на грант, која патуваше, на 23. ноември, од Украина, веќе го започна својот проект; од областа на културното наследство, во Литванија. Неколку други ќе ги започнат своите проекти во 2022 година.

Пристигнаа успешни апликации од 26-те земји учеснички во „Creative Europe“; особено од Германија, Италија, Франција, Финска, Белгија и Украина; вклучително и еден виртуелен проект. Добитниците на грантови избраа 29 дестинации, а меѓу најпопуларните дестинации беа Германија, Шпанија, Исланд, Финска и Португалија. Дел од проектите ќе се имплементираат во Украина, Тунис и Србија.

Од 7 сектори, погодни за избор, повеќето од избраните проекти се од доменот на сценски и визуелни уметности и музика. Во првиот период за евалуација, немаше успешни проекти од полето на архитектура, а само неколку беа избрани во доменот на литературен превод. Во 44 од 111 избрани проекти, учесниците одлучија да патуваат на одржлив начин и побараа еколошки начин на патување. Овој модалитет е можен за оние кои не патуваат со авион. 25 % од избраните проекти беа доставени од групи, најмногу до 5 члена.

Вечни ривали обединети против насилство

Напишал/ла WeBalkans на декември 14, 2022. Објавено во News.

Обединети против насилството врз жени – ова е слоганот на овогодинешната глобална кампања за шеснаесетдневен активизам – „Обој го светот портокалово“. Портокаловата боја ги обедини кошаркарите на Црвена ѕвезда и Партизан, кои месецов, за првпат, се соочија на дерби во најдобриот европски кошаркарски натпревар – Евролигата. Капитените на двата белградски тимови снимија заедничка видео порака: „Насилството врз жени мора да запре. Наша должност е да ги заштитиме сите жени: мајки, сестри, сопруги, пријателки… Веднаш пријавете насилство – не постојат изговори! Да им помогнеме на оние кои претрпуваат насилство. Насилникот е кукавица – да бидеме храбри. Да ги заштитиме жртвите.“ На играчите им се придружи српскиот национален тренер – Светислав Пешиќ, како и тренерот на Партизан – Жељко Обрадовиќ.

Секоја трета жена, како во ЕУ, така и во светот, искусила физичко, сексуално, социо-економско и/или вербално насилство најмалку еднаш во животот. Родово заснована дискриминација, сексуално вознемирување и родово засновано насилство се проблеми поврзани со основните човекови права. Годинава, Делегацијата на ЕУ во Србија се придружува на глобалната кампања од шеснаесетдневен активизам против родово засновано насилство преку промовирање еманципирани жени и преку соработка со широката заедница против физичко, вербално и социо-економско насилство.

За време на оваа глобална кампања, Делегацијата на ЕУ во Србија склучи партнерства со познати личности од сферата на модата, уметноста, спортот, литературата и кинематографијата во Србија.

Објавени добитниците на награди на онлајн игра за човекови права во Црна Гора

Напишал/ла WeBalkans на декември 14, 2022. Објавено во News.

По деветдневно натпреварување и започнати 6624 игри, објавени се победниците на онлајн играта „Човековите права во твоја дланка“. Емро Фератовиќ од Плав, Маша Стојановиќ од Цетиње и Матеј Стијовиќ од Беране освоија пакет луксузен промотивен материјал од ЕУ.

Онлајн играта, организирана по повод Меѓународниот ден на човекови права, во соработка со компанијата „Alicorn“, траеше од 1. до 9. декември. Според коментарите, играчите навистина уживале во играта. Секој со освоени 50 или повеќе поени, од вкупно 81, бил квалификуван за награда – пакет луксузни промотивни материјали, потпишани од домашни модни дизајнери и дизајнери на накит. Трите победници беа избрани, по случаен избор, од податочната база на квалификувани натпреварувачи.

Меѓународниот ден на човекови права се одбележува на 10. декември во чест на денот кога била усвоена Универзалната декларација на човекови права; признавајќи го, за првпат во историјата, правото, на сите луѓе, за живот, слобода и безбедност.

Проект, во соработка помеѓу ЕУ и Германија, придонесува за развивање на систем за управување со отпад во регионот на Приштина

Напишал/ла WeBalkans на декември 14, 2022. Објавено во News.

На 12. декември, како дел од проект, финансиран од ЕУ и Германија, за развивање на заеднички систем за управување со отпад во регионот на Приштина; градоначалниците на Косово Поле, Глоговац, Грачаница, Обилиќ, Подујево и Приштина потпишаа меморандум за разбирање со цел отпочнување на нивната соработка.

Во согласност со релевантните директиви на ЕУ и законите во Косово, општините ќе работат со цел развивање Меѓуопштински план за управување со отпад и Меѓуопштинска спогодба за соработка за заедничка работа во секторот за управување со отпад. Имплементацијата на Меѓуопштинскиот план за управување со отпад ќе биде следниот чекор во поставувањето интегриран систем за управување со отпад; започнат со финансирање, од ЕУ и Германија, во вредност од 35 милиони евра, за конструкција, проширување и санација на депонии и претоварни станици за цврст отпад во регионот.

Со цел поддржување реформи во секторот за управување со отпад, и во соработка со владата на Германија; ЕУ финансира проекти, со 19 милиони евра, имплементирани од „ГИЗ“, за развивање соодветни политики и закони за управување со отпад, спогодби за планирање и соработка за интегрирано меѓуопштинско управување со отпад, градење капацитети на централно и локално ниво, воведување циркуларна економија и имплементација на проекти за приоритетно инвестирање.

ЕУ отпочнува проект, вреден 10 милиони евра, за зајакнување на здравството во БиХ

Напишал/ла WeBalkans на декември 14, 2022. Објавено во News.

На 13. декември, Канцеларијата на ЕУ во БиХ најави проект, вреден 10 милиони евра, за зајакнување на превентивното и примарно здравство во БиХ. Проектот е дел од континуираната поддршка на ЕУ за здравствениот сектор во БиХ, а ќе биде имплементиран од УНИЦЕФ, СЗО и Светската банка.

Во текот на следните четири години, проектот за поддршка на ЕУ за реформи во здравствениот сектор во БиХ ќе се фокусира на поддржување реформи во примарното здравство и градење капацитети во здравствениот сектор во БиХ. Исто така, проектот ќе придонесе и за развој на политики за зголемување на детските здравствени услуги; со фокус на детска имунизација, услуги за ран детски развој, нутриција и ментално здравје.

За време на пандемијата, ЕУ беше најголемиот донатор и обезбедувач на поддршка за БиХ, обезбедувајќи преку 20 милиони евра за набавка на високо квалитетна медицинска опрема, вакцини и ладилници за складирање вакцини. ЕУ обезбеди преку 75 милиони евра за поддршка на социоекономско закрепнување на БиХ од ефектите на пандемијата КОВИД-19; со цел зајакнување на економијата на БиХ, овозможувајќи задржување на постоечките работни места и создавање нови.

ЕУ ги зајакнува капацитетите на Агенцијата за медицински производи и уреди на БиХ со донација од информатичка опрема

Напишал/ла WeBalkans на декември 14, 2022. Објавено во News.

Како дел од континуираната поддршка на ЕУ за здравството во БиХ, канцеларијата на ЕУ во БиХ ѝ врачи информатичка опрема, во вредност од околу 20000 евра, на Агенцијата за медицински производи и уреди на БиХ. За секојдневната работа на агенцијата, ЕУ обезбеди пет компјутери, 11 големи монитори, два мулти-функционални ласерски печатачи и девет преносни компјутери. Оваа опрема ќе ги зајакне капацитетите на агенцијата која е одговорна за обезбедување високо квалитетни и безбедни медицински производи и уреди за човечка употреба, како и за обезбедување функционален систем за регулација на медицински производи во согласност со меѓународните стандарди.

Донираната опрема не само што ќе овозможи подобар увид во дијаграми, сложени лабораториски анализи и голем волумен на податоци, туку и поголема мобилност на вработените и деловен континуитет во итни случаи.