Skip to main content

Area of Cooperation: Economy

BE-ja dhe EBRD-ja ndihmojnë shitësit serbë me pakicë të artikujve sportivë që të arrijnë më mirë klientët

Written on . Posted in Lajme.

Një nga shitësit me pakicë më të suksesshëm të veshjeve dhe pajisjeve sportive në Serbi, Planeta Sport, e cila disponon mbi 100 dyqane ne mbarë vendin, kishte një rrjet të mirëndërtuar shitjesh, si me dyqane fizike ashtu dhe online. Kompania kërkoi asistencë nga BE-ja dhe European Bank for Reconstruction and Development (EBRD) për të përmirësuar komunikimin me klientët e saj duke investuar për mjete të reja digjitale. Ndryshimet që solli projekti, së bashku me financimin nga BE-ja dhe EBRD-ja, përkuan me fillimin e pandemisë COVID-19, pikërisht në momentin kur shumicës së bizneseve iu desh të kalonin me shpejtësi te puna online.

 

Projekti përfshinte krijimin e një strategjie digjitale dhe zbatimin e softuerit të ri të marketingut dhe komunikimit. Për të arritur këtë, Planeta Sport kishte nevojë për asistencë të jashtme. Më pas, kompania kontaktoi Advice for Small Businesses programme të EBRD-së, i cili mbështet ndërmarrjet e vogla dhe të mesme duke i lidhur ato me ekspertë që ofrojnë këshilla dhe njohuri teknike. Programi mbulon një gamë të gjerë fushash, duke përfshirë strategjinë, operacionet, menaxhimin e cilësisë, raportimin financiar, eficiencën e energjisë etj. Është financuar nga Bashkimi Evropian dhe ka mbështetur aktualisht qindra biznese në Serbi.

Këshilli i Stabilizim-Asociimit, BE-Mal i Zi

Written on . Posted in Lajme.

Mali i Zi dhe Bashkimi Evropian zhvilluan një takim në nivel ministror për Këshillin e 11-të të Stabilizim-Asociimit. Takimi u zhvillua në Podgoricë, Mal i Zi.

 

Kjo ishte hera e parë që takimi i Këshillit të Stabilizim-Asociimit u mbajt në rajonin e Ballkanit Perëndimor. Mbledhja theksoi angazhimin e qartë të Bashkimit Evropian për integrimin evropian të të gjithë rajonit dhe për procesin e antarësimit të Malit të Zi.

 

Pjesëmarrësit diskutuan strategjinë e anëtarësimit – kryesisht duke u mbështetur te Commission’s Montenegro 2021 Report. Pjesëmarrësit mirëpritën përparimin e shënuar në negociatat e anëtarësimit deri më tani, me të 33 kapituj të negociatave të hapur dhe tre kapituj përkohësisht të mbyllur.

 

Gjithashtu, Këshilli i Stabilizim-Asociimit shqyrtoi marrëdhëniet dypalëshe në kuadër të Marrëveshjes së Stabilizim-Asociimit dhe shkëmbeu pikëpamje mbi zhvillimet e fundit në Mal të Zi dhe në Ballkanin Perëndimor.

 

BE-ja përgëzoi harmonizimin e plotë të Malit të Zi me Politikën e Përbashkët të Jashtme dhe të Sigurisë të Bashkimit Evropian, duke përfshirë masat kufizuese të BE-së pas agresionit të paprovokuar të Rusisë kundër Ukrainës, dhe e vlerësoi këtë si një sinjal të fortë të orientimit strategjik të vendit dhe angazhimit për arritjen e synimit të anëtarësimit në BE. Pjesëmarrësit mirëpritën edhe përpjekjet e bëra tashmë për të zbatuar sanksionet dhe inkurajuan që të vazhdojnë me hapat e nevojshëm për të zbatuar plotësisht masat kufizuese të miratuara.

 

Bashkimi Evropian u përfaqësua nga Përfaqësuesi i Lartë i BE-së, Josep Borrell dhe Komisioneri për Zgjerimin dhe Politikat e Fqinjësisë, Olivér Várhelyi. Mali i Zi u përfaqësua nga kryeministri Dritan Abazović. Takimi u kryesua nga Përfaqësuesi i Lartë i BE-së, Josep Borrell.

Prodhimi i ushqimeve të lehta me energji diellore

Written on . Posted in Tregime.

Një kompani nga BH-ja ka fituar pavarësi energjitike thuajse të plotë duke instaluar panele diellore me mbështetjen e BE-së.

Kompania Voćar nga Brčko u themelua mbi 30 vjet më parë. Në gjuhën boshnjake, emri i kompanisë do të thotë “kultivues frutash” dhe farat e kompanisë u mbollën nga Avdo Musić-i shumë dekada më parë. Ai ishte një ndër prodhuesit më me famë të kumbullave në rajon dhe shiste kumbulla natyrale dhe të thata në tregjet vendase. Në vitin 1989, kur Jugosllavia socialiste filloi të liberalizohej ekonomikisht dhe qytetarët lejoheshin të hapnin kompani private, djali i tij Meho vendosi ta çonte biznesin një hap më tej duke regjistruar dhe hapur zyrtarisht kompaninë Voćar. Voćar-i tanimë prodhon një gamë të gjerë ushqimesh të lehta, që nga vaferët e kokoshkat e deri tek gjalpi i kikirikut. Slogani i kompanisë është “Për një shije më të mirë jete!”.

Tani, kompania drejtohet nga nipi i Avdos, Esed Musić-i. Esedi shpjegon se rrugëtimi nga rritja e kumbullave deri tek prodhimi i ushqimeve të lehta ishte mjaft i vështirë. Si shumë familje të tjera gjatë luftës në Bosnjë dhe Hercegovinë, edhe e tyrja humbi thuajse gjithçka dhe, kur mbaroi lufta, iu desh të niste çdo gjë nga fillimi. Pikërisht gjatë kohës që rinisën punën, u erdhi ideja të provonin të zgjeronin gamën e produkteve të tyre. “Në atë kohë nuk kishte thuajse fare prodhim në Bosnjë dhe Hercegovinë: gjithçka vinte nga jashtë shtetit. Papritmas, u krijua një treg i madh, kështu që vendosëm ta shfrytëzonim këtë mundësi dhe të përqendroheshim tek zëvendësimi i produkteve të importuara,” thotë Esedi.

“Po të kishim instaluar vetë një sistem panelesh diellore, do të kishim një barrë shumë të madhe financiare mbi supe. Mbështetja nga Bashkimi Evropian ishte vërtet thelbësore: na dha shtysën që na nevojitej për të vazhduar me planifikimin e punës tonë dhe zhvillimit afatgjatë.”

Pas luftës, Voćar-i nisi punën me pesë punonjës, ndërsa tani ka 60 punonjës me orar të plotë dhe shumë bashkëpunëtorë të jashtëm që përfitojnë nga bashkëpunimi me kompaninë. Pas 30 vjetësh, kompania prodhon mbi 100 produkte të ndryshme që u ofrohen klientëve në Bosnjë dhe Hercegovinë, por edhe atyre në Shtetet e Bashkuara, Australi, shtetet e Bashkimit Evropian, etj.

Sidoqoftë, pandemia ndikoi tek operacionet e kompanisë njëlloj si tek ekonomia globale. Esedi thotë se gjatë krizës filluan të mendonin si të shkurtonin shpenzimet që të mund të ruanin qëndrueshmërinë financiare. Shpenzimi i parë që u erdhi ndërmend ishte fatura e energjisë elektrike, por çdo investim kishte kosto dhe nuk dukej shumë praktike tentimi i investimit në një kohë të atillë.

Megjithatë, në vitin 2021, me ndihmën e projektit EU4AGRI, të financuar nga BE-ja, një ëndërr e vjetër e parealizuar e kompanisë Voćar u bë realitet, duke qenë se arritën të investonin për një sistem panelesh diellore që u dha mundësinë të plotësonin rreth 65% të nevojave totale të energjisë elektrike. “Po të kishim instaluar vetë një sistem panelesh diellore, do të kishim një barrë shumë të madhe financiare mbi supe. Mbështetja nga Bashkimi Evropian ishte vërtet thelbësore: na dha shtysën që na nevojitej për të vazhduar me planifikimin e punës tonë dhe zhvillimit afatgjatë,” thotë Esedi.

“Produktet tona prodhohen me ndihmën e energjisë së gjelbër dhe për këtë jemi shumë krenarë.”

Lidhur me projektin

Projekti EU4AGRI është një nismë katër-vjeçare (2020-2024) që synon modernizimin e sektorit agro-ushqimor, hapjen e vendeve të reja të punës bashkë me ruajtjen e vendeve aktuale dhe mbështetjen e rimëkëmbjes nga kriza e COVID-19-ës në Bosnjë dhe Hercegovinë. Vlera totale e projektit të financuar nga BE-ja është mbi 20.25 milion euro dhe është vënë në zbatim me bashkëpunimin dhe bashkë- financimin e Agjencisë Çeke të Zhvillimit dhe Programit të Kombeve të Bashkuara për Zhvillim në BH.

Deri më tani, projekti EU4AGRI ka mbështetur fermerët dhe ndërmarrjet e BH-së me 45 investime me vlerë rreth 5,5 milion euro, mbi 3,2 milion euro prej të cilave u financuan nga Bashkimi Evropian.

“U vendosën panele diellore në çatitë e godinave tona të prodhimit dhe magazinave, që ishin ideale për shkak tëvendndodhjes dhe formës së çative,” shpjegon Esedi. “Centrali ynë fotovoltaik zë një hapësirë prej 1000 m2 dhe prodhon 150 KW energji elektrike, gjë që na jep shumë dorë për pavarësinë tonë energjitike. Shpenzimet e ngritjes së centralit fotovoltaik arrinin rreth 83,000 euro, nga të cilat 54,000 euro u mundësuan nga projekti EU4AGRI dhe 29,000 euro nga Voćar-i.

Një vlerë tjetër e këtij projekti ishte reduktimi i emetimit të dioksidit të karbonit (CO2) me rreth 76%, duke ulur kështu edhe ndikimin negativ në mjedis. Siç thotë Esedi, “Produktet tona prodhohen me ndihmën e energjisë së gjelbër dhe për këtë jemi shumë krenarë.”

Rezultatet e deritanishme e kanë nxitur Voćar-in të plotësojë nevojat e energjisë elektrike ekskluzivisht nga burimet e ripërtërishme edhe në të ardhmen. Esedi shpjegon, “Kemi edhe çati të tjera të pashfrytëzura që plotësojnë kriteret për instalimin e një centrali fotovoltaik dhe duam të arrijmë 100%pavarësi energjitike. Në këtë mënyrë, do të mund të kontribuojmë edhe më tepër për mbrojtjen mjedisore”.

Krahu robotik që arrin mirë-ushqyerjen e peshqve

Written on . Posted in Tregime.

Një laborator i mbështetur nga BE-ja u dha mundësinë vëllezërve nga Mali i Zi të krijojnë një pajisje për menaxhimin e sasisë dhe cilësisë së ushqimeve për peshqit.

Bogdan dhe Goran Maksimović janë vëllezër nga Nikshiqi, në Malin e Zi. Më i riu, Bogdani, është ekspert IT-je, ndërkohë që vëllai i tij më i madh, Gorani, është elektricist dhe peshkatar i apasionuar pas punës së tij. Në momentin që bashkuan forcat, ata krijuan një ushqyes peshku modern. “Procesi i sotëm i ushqyerjes së peshkut është paksa i vjetruar, njëlloj siç ka qenë 50 vite më parë. Njerëzit nuk dinë as sa peshq kanë në pellg, e jo më për sa ushqim kanë nevojë, prandaj ndërtuam një sistem, i cili ndihmon për kursimin e ushqimit dhe, rrjedhimisht, edhe të parave,” thotë Gorani.

Gorani shpjegon më tej se, kur nuk ke dijeni se sa ushqim u nevojitet peshqve, mund të shkaktosh probleme të tjera. Për shembull, ushqimi i tepërt mund të ndotë ujin dhe të shkaktojë ngordhjen e peshqve. “Tanimë, të gjitha këto probleme janë zgjidhur,” thotë Gorani. Pajisja e ushqyerjes së peshqve, të cilën ai e modeloi me vëllain e tij, mund të përdoret për të programuar dhe monitoruar sasinë e ushqimit që u jepet peshqve. Bazuar mbi këtë informacion, pajisja mund të llogarisë edhe sasinë e ushqimit që u nevojitet në ditë. Makineria punon me panele diellore, prandaj kursen energji, është e lëvizshme dhe mund të përdoret në pellgje në vende të largëta, si malësitë.

“Na u desh të prezantonim dhe shpjegonim nga fillimi koncepte të tilla si risia, start-up-et dhe teknologjia. Gjithsesi, arritëm të krijonim një lloj epiqendre për energjinë pozitive, idetë, projektet e aftësitë dhe jemi shumë të kënaqur nga kjo.”

Një vend për risi

Pajisja për ushqyerjen e peshkut u krijua dhe u testua në Qendrën Tehnopolis për Risi dhe Sipërmarrje në Nikshiq, qendër për zhvillimin e kompanive start-up dhe sipërmarrjes. Kohët e fundit, projekti i financuar nga BE-ja me titullin “Të përmirësojmë infrastrukturën për kërkimet dhe risinë, që mund të përdoren për të nxitur zhvillimin e ndërmarrjeve të vogla dhe të mesme (NVM-të)” e përkrahu Tehnopolis-in, duke ngritur një laborator të ri modelimi industrial, një laborator bioteknologjik dhe një qendër të dhënash. Modeli 3D për ushqyesin e peshqve u krijua në laboratorin e modelimit industrial, i cili është i pajisur me printerët më modernë 3D, makineri CNC dhe një krah robotik.

Đorđije Brkuljan-i drejton Qendrën për Aktivitetet e Programit, Kërkimet dhe Zhvillimin në Tehnopolis, e cila u themelua në vitin 2014 nga qeveria e Malit të Zi, si një kompani jofitimprurëse me përgjegjësi të limituar, e zotëruar nga qeveria. Đorđije shpjegon se fillimi ishte shumë i vështirë për shkak të vendosjes në Nikshiq, ku nuk kishte pasur asnjë lloj aktiviteti në lidhje me teknologjinë para nisjes së Tehnopolis-it. “Na u desh të prezantonim dhe shpjegonim nga fillimi koncepte të tilla si risia, start-up-et dhe teknologjia. Gjithsesi, arritëm të krijonim një lloj epiqendre për energjinë pozitive, idetë, projektet e aftësitë dhe jemi shumë të kënaqur nga kjo,” thotë Đorđije.

Đorđije shpjegon se grupi i synuar është shumë i gjerë dhe përfshin fëmijë të vegjël, të rritur të moshës së mesme dhe të vonë, nxënës, start-up-e, sipërmarrës, ekipe zhvillimi, ndërmarrje mikro, të vogla, e të mesme, prodhues bujqësorë, institucione, investitorë, partnerë vendas dhe rajonalë, e të tjerë.

“Aktualisht, qendrën e të dhënave, laboratorin bioteknologjik dhe laboratorin e modelimit industrial në qendrën tonë e përdorin rreth 40 novatorë. Të gjitha këto janë të financuara nga BE-ja.”

Lidhur me projektin

Projekti “Të përmirësojmë infrastrukturën për kërkimet dhe risinë, që mund të përdoren për të nxitur zhvillimin e ndërmarrjeve të vogla dhe të mesme (NVM-të), i financuar nga BE-ja, mbështeti Tehnopolis-in me rritjen e kapacitetit të infrastrukturës së laboratorit biokimik, laboratorit për modelim industrial dhe qendrën e të dhënave. Si rezultat, projekti arriti të krijojë një platformë inovative për të mbështetur shërbimet dhe produktet e reja në Malin e Zi, si dhe për të nxitur konkurrencën e NVM-ve aktuale, duke ndihmuar njëkohësisht edhe me zhvillimin e NVM-ve krejtësisht të reja me orientim teknologjik. Buxheti total i projektit arrin 818,000 euro.

Deri më tani, Tehnopolis-i ka vënë në zbatim rreth 30 projekte, nga të cilat 16 janë akoma në proces e sipër. Mbi 90% e fondeve për këtë projekt janë mundësuar nga BE-ja, e cila e ka mbështetur Tehnopolis-in me rreth 4 milion euro nëpërmjet programeve të ndryshme gjatë këtyre pesë viteve të fundit. “Aktualisht, qendrën e të dhënave, laboratorin bioteknologjik dhe laboratorin e modelimit industrial në qendrën tonë e përdorin rreth 40 novatorë. Të gjitha këto janë të financuara nga BE-ja,” thotë Đorđije.

“Ne po zhvillojmë edhe burimet tona njerëzore, për t’u siguruar që të kemi njerëz me aftësitë e duhura për të punuar me këto pajisje. Kjo do të thotë se, në të ardhmen e afërt, do të jemi në gjendje t’u ofrojmë përkrahje edhe më të madhe fermerëve, novatorëve dhe NVM-ve që duan të përmirësojnë procesin e tyre të prodhimit dhe të konkurrojnë në treg,” përfundon ai.

BE dhe EBRD ndihmojnë SME-të e Bosnjes që të bëhen digjitale

Written on . Posted in Lajme.

European Bank for Reconstruction and Development (EBRD) po i jep një hua prej 5 milionë eurosh ProCredit Bank në Bosnjë dhe Hercegovinë, mbështetur nga grantet e Bashkimit Evropian (BE), në kuadër të programit të lançuar kohët e fundit Go Digital në Bosnjë dhe Hercegovinë. Të ardhurat do të përdoren për të ndihmuar firmat e vogla të investojnë në digjitalizimin e proceseve të biznesit dhe për të përmirësuar produktivitetin, efikasitetin operacional dhe qëndrueshmërinë.

 

Ndërmarrjet e vogla dhe të mesme (NVM) do të mund të aplikojnë për fonde që të investojnë në hardware dhe software për projekte të transformimit digjital në fushën e komunikimeve digjitale, sigurisë së informacionit dhe IT, menaxhimit digjital të kompanisë dhe proceseve të shërbimeve digjitale të prodhimit. Qëllimi është të nxisë transformimin digjital të NVM-ve dhe t’i bëjë ato më konkurruese në tregjet e BE-së dhe në përputhje me standardet e kërkuara nga direktivat e BE-së.

 

Përveç huave, NVM-të do të përfitojnë nga stimujt e granteve deri në 15% të shumës totale të huasë. Këta stimuj financohen nga Bashkimi Evropian.

 

BE-ja ka siguruar grante prej 9 milionë euro për pagesa stimuluese, shërbime këshilluese dhe asistencë teknike për programin e përbashkët EBRD-BE Go Digital në Bosnje dhe Hercegovinë, ndërsa EBRD-ja ka siguruar 40 milionë euro nga huatë. Programi do të shoqërohet nga aktivitetet e agjencisë gjermane për bashkëpunim ndërkombëtar, GIZ, i cili do të punojë me qeverinë dhe palët e interesuara për të ndihmuar në ndërtimin e një ekosistemie për digjitalizimin, automatizimin dhe inovacionin në Bosnje dhe Hercegovinë, duke përfshirë qendrat e inovacionit digjital, në përputhje me praktikat më të mira të BE-së.

 

Programi kontribuon drejtpërdrejt në Agjendën digjitale të Komisionit Evropian për Ballkanin Perëndimor, e cila synon të mbështesë tranzicionin e sektorit privat dhe të ndihmojë bizneset të sigurojnë plotësisht përfitimet e transformimit digjital të ekonomisë.

Sondazhi i opinionit publik tregon një mbështetje të fortë për BE-në në Mal të Zi

Written on . Posted in Lajme.

Një numër i madh njerëzish mbështesin anëtarësimin e Malit të Zi në Bashkimin Evropian, të cilët kanë një qëndrim pozitiv ndaj komunitetit dhe do të jepnin votën e tyre në referendumin e mundshëm që Mali i Zi të jetë vendi anëtar i radhës. Mbështetja e tyre u konfirmua përsëri në muajin maj nëpërmjet një sondazhi të opinionit publik të organizuar nga DeFacto Cosultancy for the European Union dhe qeveria e Malit të Zi. Në këtë sondazh morën pjesë 1,008 persona në të gjithë vendin, të cilët u pyetën për opinionin e tyre rreth procesit të integrimit dhe pranimit në BE.

 

Mbështetja e fortë për idenë evropiane, e përkthyer në shifra tregon se 76% e qytetarëve kanë një qëndrim pozitiv ndaj Bashkimit Evropian dhe pothuajse po i njëjti numër (74.6%) mbështet procesin e anëtarësimit në BE. Nëse do të mbahej një referendum ditën e nesërme, pothuajse 90% e votave duke u mbështetur në sondazhin e bërë, 4/5 e votave ose 83.5% do të votonin që Mali i Zi të bëhej pjesë e Bashkimit Evropian.

 

BE-ja njihet si donatori më i madh në Malin e Zi nga 43% e qytetarëve, dhe 39% mendojnë se BE-ja ka treguar solidaritetin më të madh në luftën kundër COVID-19.

YEA-të takohen me Presidentin e Këshillit Evropian në Kosovë

Written on . Posted in Lajme.

Young European Ambassadors (YEAs) nga Kosova u takuan dhe diskutuan me Presidentin e Këshillit Evropian, Charles Michel, gjatë vizitës së tij në Kosovë. YEA-të prezantuan rrjetin e tyre dhe shpjeguan qëllimin e tij dhe motivimet e tyre për t’u bërë Young European Ambassadors.

 

Pas prezantimit të parë, diskutimi kaloi në çështjet rajonale dhe globale si konflikti i kohëve të fundit në Ukrainë dhe rëndësia e paqes. Në pjesën përfundimtare të diskutimit, YEA-të ngritën temën e lirisë së lëvizjes për të rinjtë nga Ballkani Perëndimor dhe ranë dakord me Presidentin për rëndësinë e programeve të tilla si ERASMUS+ dhe nismave e programeve të tjera të financuara nga BE-ja për zhvillimin e mëtejshëm personal dhe profesional të të rinjve në Ballkanin Perëndimor.

 

Platforma YEA është një rrjet krijues i aktivistëve të rinj nga i gjithë Ballkani Perëndimor (Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia). YEA-të kanë formime të ndryshme, por të gjithë ndajnë një vizion të përbashkët: bashkimin e Ballkanit Perëndimor  në diversitet. Ata mësojnë për njëri-tjetrin dhe BE-në së bashku, ndjekin projekte krijuese, fitojnë aftësi të reja, lidhen përmes rrjeteve sociale dhe organizojnë veprimtari frymëzuese – gjithmonë të shtyrë nga ideja se aktivizmi tek të rinjtë është forca më e fuqishme e ndryshimit social.

 

Qëllimet e rrjetit përfshijnë: ndarjen e vlerave të BE-së; shtimin e ndërgjegjësimit për bashkëpunimin e BE-së me partnerët e saj të Ballkanit Perëndimor; paraqitjen e rezultateve konkrete të këtij bashkëpunimi; kontributin në dialogun politik mbi tema të ndryshme dhe shtimin e aktivizmit civil.

Lançohet fushata Europeans Making A Difference

Written on . Posted in Lajme.

On 10 June, the European External Action Service launched the fourth edition of the “Europeans Making a Difference” campaign at the Italian Cultural Institute in Paris. Within the European Year of Youth, this edition of the “Europeans Making a Difference” campaign portrays young people from the Western Balkans who do things that matter, in the region and far beyond.

 

High Representative/ Vice-President Josep Borrell said: “This campaign gives a platform to people who move boundaries; who inspire and open doors for others. In our work we come across Europeans who make a difference every day. With this campaign, we want to highlight their stories not just because they are good, genuine human stories but also because their stories are not known enough in our EU Member States, and not visible enough in the Western Balkans either.”

   

The launch event presented inspiring young people from the Western Balkans in debate followed by six videos portraying their work.

Fushata e BE-së thekson lidhjet me Bosnje dhe Hercegovinën

Written on . Posted in Lajme.

Nën sloganin “Connected through good”, Bashkimi Evropian në Bosnje dhe Hercegovinë ka nisur një fushatë dy mujore të fokusuar në biznes dhe sipërmarrje që do të informojë publikun për programet e disponueshme të BE-së, si të aplikojnë për grantet e BE-së, si dhe duke prezantuar histori suksesi nga njerëzit që kanë marrë mbështetje nga BE-ja në Bosnje dhe Hercegovinë.

 

“Ambicia jonë është të mbështesim Bosnjën dhe Hercegovinën për t’u bërë një vend më i mirë për të filluar një biznes dhe për t’u rritur. Mbështetja jonë nuk fokusohet vetëm në dhënien e subvencioneve: ne po punojmë gjithashtu për të sjellë sipërmarrësit, kompanitë dhe autoritetet më afër. Ekonomia në tërësi mund të menaxhojë sfidat e ardhshme vetëm nëse bizneset janë të qëndrueshme”, u shpreh Ambasadori Johann Sattler, Kreu i EU Delegation dhe EU Special Representative në Bosnje dhe Herzegovinë.

 

Nëpërmjet seminareve, ngjarjeve dhe podcast-eve, si dhe bashkëpunimit me sipërmarrësit, fermerët, artizanët dhe të tjerë që kanë kontribuar për një Bosnje dhe Herzegovinë më të qëndrueshme me aktivitetet e tyre të biznesit, fushata “Connected through good” do të demonstrojë potencialin që mund të arrihet me mbështetje të mirë dhe me ekspertizën e duhur. Fushata mund të ndiqet në faqet e Facebook-ut, Instagram-it dhe Twitter-it të EU Delegation të BE-së në Bosnje dhe Herzegovinë.

EIB hap një zyrë përfaqësimi në Maqedoninë e Veriut

Written on . Posted in Lajme.

The European Investment Bank (EIB) inauguroi zyrtarisht zyrën e re të përfaqësimit në Shkup më 30 maj, e cila ndodhet pranë ambienteve të Delegation of the European Union në Republikën e Maqedonisë së Veriut. Duke ndërmarrë këtë veprim, Bank of European Union konfirmoi mbështetjen e saj për rritjen e qëndrueshme të vendit dhe tranzicionit të gjelbër. Hapësira e re e dedikuar lokale, do të rrisë mbështetjen teknike dhe financiare për investimet private dhe publike.  
Hapja e një zyre përfaqësimi në Shkup është në përputhje me politikën e EIB-së për vendosjen e një zyre dhe në vende që janë jashtë Bashkimit Evropian. Kjo përpjekje do të ndihmojë bankën e BE-së të kuptojë nevojat e financimit rajonal, të identifikojë më shumë projekte të reja dhe të ndërtojë lidhje më të ngushta me autoritetet kombëtare dhe palët e tjera të interesit. Deri më tani, EIB ka krijuar zyra në 23 shtete anëtare të BE-së dhe 30 vende jashtë BE-së, duke promovuar dialogun e biznesit dhe politikave.  
Në ceremoninë e hapjes, Kryeministrit të Maqedonisë së Veriut Dimitar Kovačevski dhe Zëvendës Presidentes Lilyana Pavlova  ju bashkuan dhe Ministri i Financave Fatmir Besimi, Kreu i EU Delegation në Maqedoninë e Veriut David Geer dhe partnerë të tjerë ndërkombëtarë financiarë e përfaqësues të nivelit të lartë të botës së biznesit dhe komunitetit bankar.