Përmes instrumentit IPA, BE ju ofron vendeve mbështetje financiare dhe teknike në shkallë të gjerë, në rrugën e tyre drejt anëtarësimit në BE. Shqipëria, Bosnje dhe Hercegovina, Kosova, Mali i Zi, Maqedonia e Veriut dhe Serbia janë të gjitha vende përfituese.

Si pjesë e IPA-s, IPARD ka për objekt zonat rurale dhe sektorin agro-ushqimor. Këtu mund të aplikojnë bizneset rurale dhe fermat në vendet aktuale kandidate të BE-së, pra Shqipërisë, Malit të Zi, Maqedonisë së Veriut dhe Serbisë.

Sipas këtij mekanizmi, autoritetet e mbrojtjes civile në Evropë bashkëpunojnë për të koordinuar ndihmesën ndaj viktimave të fatkeqësive në Evropë dhe më gjerë. Këtu marrin pjesë Mali i Zi, Maqedonia e Veriut dhe Serbia.

COSME ofron mbështetje për ndërmarrjet e vogla dhe të mesme në të gjithë BE-në dhe është e hapur për NVM-të e Ballkanit Perëndimor.

Evropa Krijuese ofron mbështetje për sektorin e kulturës dhe audiovizive dhe është e hapur për organizata kulturore e krijuese nga vendet e BE-së dhe vendet jo anëtare të BE-së, përfshirë vendet e Ballkanit Perëndimor.

Doganat 2020 lehtëson bashkëpunimin mes autoriteteve doganore të Shteteve Anëtare të BE-së dhe vendeve kandidate dhe kandidate të mundshme. Këtu marrin pjesë Shqipëria, Bosnje dhe Hercegovina, Maqedonia e Veriut, Mali i Zi dhe Serbia.

ERASMUS+ promovon bashkëpunimin në fushën e arsimit, trajnimit, rinisë dhe sportit. Ai është i hapur për studentët, stafin arsimor dhe grupet e të rinjve nga Ballkani Perëndimor, të cilët dëshirojnë të studiojnë, japin mësim ose të dalin vullnetarë jashtë vendit.

EaSI nxit punësim, mbrojtje sociale dhe kushte pune më të mira. Këtu mund të marrin pjesë autoritetet publike, shërbimet e punësimit, partnerët socialë dhe institutet kërkimore nga Ballkani Perëndimor.

Programi Evropa për Qytetarët jep kontribut për të njohur më të mirë BE-në dhe nxit pjesëmarrjen demokratike të qytetarëve në nivel BE-je. Organet publike ose organizatat jofitimprurëse të Ballkanit Perëndimor kanë të drejtë të aplikojnë.

Fiscalis 2020 nxit shkëmbimin e informacionit mes autoriteteve tatimore në mbarë Evropën. Shqipëria, Bosnje dhe Hercegovina, Mali i Zi, Maqedonia e Veriut dhe Serbia janë vende pjesëmarrëse.

Horizont 2020 financon projekte që inkurajojnë kërkimin dhe inovacionin. Është i hapur për kërkues, universitete dhe shoqëri inovative nga Ballkani Perëndimor.

WBIF është një nismë e përbashkët e BE-së, institucioneve financiare, donatorëve dypalësh dhe qeverive të Ballkanit Perëndimor. Ajo përqendrohet në investime strategjike në sektorët e energjisë, mjedisit, social, transport dhe infrastrukturë dixhitale.

Fondi WB EDIF, i financuar nga BE-ja, ju ofron ndërmarrjeve të vogla e të mesme mundësi të mëdha për financime. Është një nismë e përbashkët e BE-së, institucioneve financiare ndërkombëtare, donatorëve dypalësh dhe organeve publike të Ballkanit Perëndimor.

TAIEX është instrumenti i asistencës teknike dhe shkëmbimit të informacionit i Komisionit Evropian. TAIEX ofron asistencë teknike dhe mbështetje politike nga ekspertët publikë me bazë në Shtetet Anëtare të BE-së për përfituesit në rajonin e Ballkanit Perëndimor.

Binjakëzimi mbështet bashkëpunimin ndërmjet administratave publike në shtetet anëtare të BE-së dhe partnerëve tanë të Ballkanit Perëndimor. Projektet e binjakëzimit bashkojnë ekspertizën e sektorit publik nga shtetet anëtare të BE-së dhe vendet përfituese me synimin për të arritur rezultate konkrete përmes aktiviteteve kolegë me kolegë.