Skip to main content

Autor: WeBalkans

Klara Šovagović dhe Josip Lukić fitojnë çmimin Zemra e Sarajevës për filmin më të mirë studentor

Written by WeBalkans on . Posted in Lajme.

Regjisorët e rinj kroatë Klara Šovagović dhe Josip Lukić fituan çmimin Zemra e Sarajevës për Filmin më të Mirë Studentor në Festivalin e 28-të të Filmit në Sarajevë, me filmin e tyre Nuk Është Ftohtë për Mushkonjat. Çmimi, pajtori i së cilit ishte Regional Cooperation Council (RCC), u prezantua gjatë ceremonisë mbyllëse të festivalit.

 

Zemra e Sarajevës për Filmin më të Mirë Studentor, e përkrahur nga RCC-ja, synon të promovojë filma të krijuar nga studentët që vijnë nga shkollat rajonale të filmit, fakultetet dhe akademitë e arteve. Me këtë seksion të programit të konkursit, Festivali i Filmit në Sarajevë ofron një platformë të re për trajnimin e profesionistëve të talentuar të filmit, që në hapat e parë të karrierës së tyre. Fokusi është te filmat artistikë, dokumentarët dhe filmat e animuar me kohëzgjatje deri në 60 minuta, që janë krijuar gjatë procesit të mësimit në shkollat rajonale të filmit.

 

Që nga prezantimi i tij në vitin 2017, RCC-ja ka sponsorizuar çmimin Zemra e Sarajevës për Filmin më të Mirë Studentor të Festivalit të Filmit në Sarajevë. Laureatët e mëparshëm të çmimit janë: Alexandru Mironescu (Rumani) për Summer Planning në vitin 2021; Zeynep Dilan Süren (Turqi) për The Great Istanbul Depression në vitin2020; Nikola Stojanović, (Serbi) për Sherbet në vitin 2019; Hajni Kis (Hungari) për Last call në vitin 2018l; dhe Neven Samardžić (Bosnja dhe Herzegovina) për Clean në vitin 2017.

Ambasadorët e Rinj Evropianë marrin pjesë në Festivalin e Filmit në Sarajevë

Written by WeBalkans on . Posted in Lajme.

Në gusht, Sarajeva ishte qendra e rajonit, në sajë të edicionit të 28-të të Festivalit të Filmit në Sarajevë. Për herë të parë, këtë vit, morën pjesë në event edhe Ambasadorët e Rinj Evropianë (YEAs), si pjesë e programit Dita e të Drejtave të Njeriut.

 

Në program morën pjesë edhe 11 YEA të tjerë, së bashku me vullnetarë nga Institute for Youth Development, KULT, nga Bosnja dhe Herzegovina. Ata panë filma të përzgjedhur posaçërisht, morën pjesë në leksione, u futën në punishte të drejtuara nga ekspertë në fushën e të drejtave të njeriut dhe artit ndërveprues, vizituan institucionet përkatëse dhe morën pjesë në panele me pjesëmarrës të programit rinor që kanë të bëjnë me të kaluarën.

 

Gjatë këtyre pesë ditëve, YEA-t patën mundësinë të shikonin filma nga kineastë me famë, si Ari Folman dhe Joseph Pierson, të dëgjonin historitë dhe përvojat e gazetares së luftës më të famshme boshnjake, Aida Čerkez ose të lideres së OJQ-së Forgotten Children of War, Ajna Jusić, por gjithashtu të flisnin me Ambasadorin e BE-së, Johann Sattler dhe me Ambasadorin e Mbretërisë së Holandës, Jan Waltmans. Programi përdori një kombinim të artit– filmit artistik – dhe punës aktiviste e akademike për të ngritur pyetjen: kujt i përkasin të drejtat e njeriut sot?

T’i japim një shtysë bujqësisë dhe blegtorisë në Malin e Zi

Written by WeBalkans on . Posted in Priče.

Fondet e BE-së hapin vende të reja pune dhe prodhojnë produkte më cilësore

Milenko Nedić-i (47) shërbente dikur në ushtri. Në vitin 2005, reformat e qeverisë çuan në shkarkimin e tij dhe 3,000 kolegëve të tjerë dhe, kështu, u gjend i papunë brenda ditës. Kur iu desh të vendoste ç’të bënte më pas, atij iu kujtua se prindërit e tij ishin marrë më parë me bujqësi dhe blegtori, dhe se ky ishte i vetmi zanat tjetër që njihte.

Ai dhe bashkëshortja e tij morën një kredi bankare dhe blenë tri lopë, me të cilat hapën fermën e tyre të vogël. Fillimi ishte i vështirë, sepse kredia kishte një normë të lartë interesi, dhe çifti nuk kishte aftësitë e duhura. Më pas, për Milenko-n dhe bashkëshorten e tij u shfaq një mundësi për të zgjeruar dhe stabilizuar biznesin e tyre, me mbështetjen nga ‘Instrumenti i Asistencës së Para-Aderimit për Zhvillimin Rural’ (IPARD II), i BE-së. “Nëpërmjet programeve IPARD, kam arritur të përfundoj mekanizimin tonë dhe pajisjen me sisteme për mjeljen dhe të gjitha aparaturat e nevojshme për fermën. Gjatë thirrjes së fundit, më mbështetën me një shumë prej rreth 48,000 eurosh, të cilat i plotësova me kontributin tim prej 32,000 eurosh,” thotë Milenko. Tani, ai ka rreth 40 lopë dhe zotëron një prej fermave më të mëdha në rajon.

“Para se të fillonte të vihej në zbatim programi IPARD II, kishim vetëm dy ose tri fabrika përpunimi që përmbushnin standardet kombëtare të sigurisë ushqimore. Tanimë, kemi mbi 21 objekte që përmbushin standardet. Ky fakt tregon ndikimin pozitiv që ka pasur IPARD II-shi në Mal të Zi,”

Ushqim më i sigurt

Historia e Milenko Nedić-it nuk është e vetmja histori suksesi e IPARD II-shit në Mal të Zi. Deri më tani, të paktën 254 fermerë kanë përdorur fondet e IPARD II-shit dhe kanë përfituar nga përmirësimet e kushteve të punës në ferma. Gordana Dujović-i nga Ministria e Bujqësisë, Pylltarisë dhe Menaxhimit të Ujit shpjegon:- “Para se të fillonte të vihej në zbatim programi IPARD II, kishim vetëm dy – tri fabrika përpunimi që përmbushnin standardet kombëtare të sigurisë ushqimore. Tanimë, kemi mbi 21 objekte që përmbushin standardet. Ky fakt tregon ndikimin pozitiv që ka pasur IPARD II-shi në Mal të Zi”. Sipas Gordanës, nëpërmjet mbështetjes së IPARD II-shit, deri më tani janë hapur edhe mbi 100 vende të reja pune, që janë zënë kryesisht nga të rinjtë.

Aktualisht, Mali i Zi po përdor fondet e vëna në dispozicion nga programi IPARD II, që mund të shfrytëzohen deri në fund të vitit 2023, ndërsa BE-ja, së fundmi, ka miratuar programin IPARD III për Malin e Zi, për periudhën 2021-2027. Gordana është e bindur se IPARD III-shi do të korrë edhe më shumë sukses se programet e mëparshme. “Po e fillojmë IPARD III-shin me shumë më tepër përvojë dhe njohuri të fituara gjatë vënies në zbatim të thirrjeve nëpërmjet programit IPARD II. Ne, bashkë me përfituesit, kemi shumë më tepër përvojë dhe besoj se përfitimet do të rriten ndjeshëm. Është planifikuar edhe akreditimi i masave të reja, që do t’u japin mundësi përfituesve të marrin më shumë mbështetje, si edhe shtetit të tërheqë më shumë nga fondet e BE-së të vëna në dispozicion për Malin e Zi,” thotë ajo.

“Ferma na siguron një jetesë të mirë. Kërkon shumë punë dhe shumica e parave të fituara duhet të ri-investohen sërish në prodhim, por ferma po zhvillohet.”

Lidhur me programin

Si pjesë e ‘Instrumentit të Asistencës së Para-Aderimit’ (IPA), i projektuar për të mbështetur reformat në vendet në proces aderimi në BE, ‘Instrumenti i Asistencës së Para-Aderimit për Zhvillimin Rural’ (IPARD), përqendrohet te zonat rurale dhe sektorët agro-ushqimorë të këtyre vendeve. Nëpërmjet këtij instrumenti, BE-ja u ofron përfituesve ndihmë teknike dhe financiare, për t’i bërë sektorët e tyre bujqësorë dhe zonat rurale më të qëndrueshme dhe në përputhje me politikat e përbashkëta bujqësore të BE-së.

Milenko është i bindur se pa projektet IPARD, nëntë nga dhjetë fermerëve do t’u duhej të hiqnin dorë nga bujqësia. Sipas tij, shumica e fuqisë punëtore nuk kanë dëshirë të merren me bujqësinë dhe blegtorinë, kështu që mekanizimi i siguruar nëpërmjet thirrjeve të IPARD-it është një kontribut i rëndësishëm. “Ferma na siguron një jetesë të mirë. Kërkon shumë punë dhe shumica e parave të fituara duhet të ri-investohen sërish në prodhim, por ferma po zhvillohet,” thotë Milenko.

Kampi i skautistëve në Maqedoninë e Veriut, i hapur për aventura

Written by WeBalkans on . Posted in Priče.

Një projekt i financuar nga BE-ja nxit përmirësimin e ambienteve dhe shërbimeve në një kamp skautistësh në Strugë

Kampi i Skautistëve Krste-Jon mund të gjendet në një zonë të mrekullueshme: pranë pyjeve dhe plazhit të liqenit të Ohrit. Gjithashtu, ndodhet afër qendrës së qytetit të Strugës. Kampi i skautistëve u hap në vitet ‘70 me një infrastrukturë shumë të thjeshtë dhe investimi i parë shtesë u bë vetëm në vitin 2003, kur bashkia financoi ndërtimin e godinës së parë prej betoni me tetë dhoma.

“Kishim probleme madhore me infrastrukturën: nuk kishim tualete, ujë të ngrohtë apo ndriçim.”

Marjan Glavinceski është drejtuesi i organizatës së shoqërisë civile Krste-Jon Struga, që menaxhon kampin. Ai shpjegon se pavarësisht mjedisit të mrekullueshëm ku ndodhet kampi, për turistët nuk ishte edhe aq tërheqës. “Kishim probleme madhore me infrastrukturën: nuk kishim tualete, ujë të ngrohtë apo ndriçim.”

Fatmirësisht, tre vjet më parë u hapën mundësi të reja për këtë kamp skautistësh, kur stafi i menaxhimit të kampit vendosi të kërkonte mbështetje për të përmirësuar kushtet e tij. Këtë mbështetje e morën nga Bashkimi Evropian dhe së bashku, e shndërruan kampin në një nga vendet më tërheqëse në Ballkanin Perëndimor.

Projekti ‘Local and Regional Competitiveness’, i financuar nga BE-ja, e mbështeti kampin për të përmirësuar infrastrukturën e tij fizike, si dhe për të krijuar atraksione të reja për vizitorët. Deri më sot, kampi ka ndërtuar shtatë shtëpiza të ngritura mbi këmbalecë, zgjeruar godinën aktuale dhe përmirësuar infrastrukturën e sheshit të tendave. Si rezultat, kampi tani mund të strehojë deri në 200 vizitorë njëherazi, duke u siguruar tualete të përshtatshme e ujë të ngrohtë.

Projekti gjithashtu nisi shërbime të reja turizmi aventuresk, duke përfshirë këtu zhytje me skafandra, ture çiklistike e marshimi në këmbë dhe lundrim me kajak. Projekti ndihmoi me blerjen e pajisjeve për këto atraksione dhe mbështeti trajnimin e instruktorëve. “Tani mund t’i mbajmë vizitorët të zënë gjatë qëndrimit të tyre: nëse qëndrojnë për pesë ditë, çdo ditë do të kenë rastin të bëjnë diçka ndryshe. Zhytja me skafandra në liqenin e Ohrit është atraksioni më i kërkuar nga vizitorët për momentin,” thotë Marjani.

“Mbështetja nga BE-ja ishte thelbësore. Ne jemi një organizatë e vogël që funksionon brenda zonës dhe nuk kishim potencial për t’u zgjeruar pa këtë mbështetje.”

Lidhur me projektin

‘Local and Regional Competitiveness Project’ (LRCP) është një projekt investimi katër-vjeçar, i financuar nga një grant i Bashkimit Evropian (Instrument for Pre-Accession Assistance – IPA II). Projekti ofron një qasje gjithëpërfshirëse për zhvillimin e turizmit dhe menaxhimin e destinacionit. Do të dhurojë fonde investimi dhe do të rrisë kapacitetin për të mbështetur fuqizimin e sektorit, investimet për destinacione dhe mirëqenien e destinacionit specifik. Objektivi i LRCP-së është të rrisë kontributin e turizmit për zhvillimin ekonomik të zonës dhe kapacitetin e qeverisë dhe institucioneve publike për të nxitur zhvillimin e turizmit dhe lehtësuar menaxhimin e destinacioneve.

Marjani shpjegon se për shkak të projektit, numri i vizitorëve është rritur mjaft dhe vitin e shkuar, numri i vizitorëve të huaj ishte më i lartë se i atyre nga Maqedonia. “Mbështetja nga BE-ja ishte thelbësore. Ne jemi një organizatë e vogël që funksionon brenda zonës dhe nuk kishim potencial për t’u zgjeruar pa këtë mbështetje,” thotë Marjani.

Kampi i investoi fitimet e vitit të shkuar për përmirësimin e mëtejshëm të infrastrukturës dhe, në të ardhmen, ka në plan të prezantojë atraksione të reja si fluturimi me deltaplan. “Duam të zhvillohemi më tej dhe të bëhemi një element i rëndësishëm në tregun e turizmit aventuresk në Ballkanin Perëndimor,” thotë Marjani.

Aplikacioni Bebbo, një instrument online për prindërit në Mal të Zi

Written by WeBalkans on . Posted in Priče.

Një aplikacion online që jep këshilla të besueshme prindërimi, tanimë ofrohet falas për të gjitha familjet në Mal të Zi.

Maja Miranović-i është nëna e një vajze pesë-vjeçare dhe si të gjithë prindërit, është e interesuar për metodat më të mira të prindërimit pozitiv, duke përfshirë këtu shëndetin, sigurinë, zhvillimin dhe të nxënin e së bijës. Sidoqoftë, nuk është gjithmonë e lehtë të gjesh këshilla të besueshme prindërimi, për arsye se ka shumë burime zyrtare dhe jozyrtare informacioni. Që prej shkurtit të këtij viti, Maja e ka përdorur aplikacionin për celular Bebbo për t’iu përgjigjur shumicës së pyetjeve kryesore që ka për prindërimin pozitiv.

“Duke qenë se jetojmë në një epokë ku komunikohet me anë të internetit dhe përdorimi i rrjeteve sociale po rritet, kemi prirjen të bombardohemi me informacione dhe këshilla që vijnë nga burime të shumëllojshme, prandaj nuk e verifikojmë dot menjëherë besueshmërinë e disa prej këtyre informacioneve. Aplikacioni Bebbo më kursen kohë dhe energji, sepse gjithçka që gjej në të, vjen nga një institucion i besuar, kështu që ua rekomandoj të gjithë prindërve që njoh,” thotë Maja.

Aplikacioni Bebbo është një instrument online falas që doli në shkurt të këtij viti dhe Maja ishte pjesë e një grupi testimi prindërish, që e provuan ‘Bebbo-n’ dhe dhanë sugjerimet e tyre për zhvillimin e mëtejshëm të aplikacionit. Që në momentin kur doli aplikacioni, Maja e ka përdorur rregullisht dhe ua ka rekomanduar prindërve të tjerë. Ajo i quan këshillat dhe artikujt në aplikacionin Bebbo ‘konkrete, koncize, të verifikuara dhe të besueshme.’ “Shumë prej ‘lojërave të mprehtësisë’, të sugjeruara për një moshë të caktuar, jo vetëm që na e bënë kohën më të këndshme dhe e argëtuan time bijë, por gjithashtu më bënë të kuptoj se fëmija im është i aftë të mendojë në një mënyrë që nuk e kisha vënë re deri në atë moment,” thotë Maja.

“Aplikacioni është shkarkuar më shumë se 7,800 herë në Mal të Zi. Prindërit e kanë vlerësuar mesatarisht 4.53 nga 5. Këto të dhëna dëshmojnë që prindërit janë të kënaqur nga aplikacioni, por sidoqoftë, ne planifikojmë ta pasurojmë vazhdimisht Bebbo-n me përmbajtje të reja dhe të përpiqemi ta bëjmë të dobishëm për sa më shumë prindër dhe profesionistë të jetë e mundur.”

Prindërimi profesional, i përmbledhur në një aplikacion

Aplikacioni Bebbo u zhvillua dhe u nxor nga ‘Zyra Rajonale për Evropën dhe Azinë Qendrore’ e UNICEF-it, me kontributin e Bashkimit Evropian. Aplikacioni është modeluar për të ndihmuar prindërit e fëmijëve nën moshën gjashtë vjeç me këshilla të thjeshta rreth tematikave si ushqyerja me gji, ndërprerja e ushqimit me gji, shëndeti, të ushqyerit, imunizimi, të mësuarit, lodrat dhe lojërat për fëmijë, piketat zhvillimore dhe prindërimi pozitiv. Mjetet e dobishme dhe interaktive ndihmojnë shëndetin dhe zhvillimin e fëmijëve. Ida Ferdinandi, Zyrtare e UNICEF-it për Zhvillimin e Fëmijërisë së Hershme në Mal të Zi, shpjegon se janë shumë të kënaqur me rezultatet dhe përgjigjet e deritanishme të prindërve. “Aplikacioni është shkarkuar më shumë se 7,800 herë në Mal të Zi. Prindërit e kanë vlerësuar mesatarisht 4.53 nga 5. Këto të dhëna dëshmojnë që prindërit janë të kënaqur nga aplikacioni, por sidoqoftë, ne planifikojmë ta pasurojmë vazhdimisht Bebbo-n me përmbajtje të reja dhe të përpiqemi ta bëjmë të dobishëm për sa më shumë prindër dhe profesionistë të jetë e mundur,” thotë Ida.

Ida shpjegon më tej se e gjithë përmbajtja është zhvilluar dhe shpallur e vlefshme nga ekspertë të zhvillimit në fëmijërinë e hershme dhe një ekip i madh profesionistësh, duke përfshirë këtu zhvillues, ekspertë të psikologjisë së fëmijëve dhe praktikantë. Për më tepër, zyra e UNICEF-it në Mal të Zi punoi për përshtatjen e aplikacionit me nevojat specifike të vendit.

“Na u desh ta përshtatnim përmbajtjen me kontekstin tonë, kështu që lidhëm partneritet me Institutin e Shëndetit Publik, që verifikoi dhe redaktoi disa artikuj, si dhe krijoi përmbajtje të re. Për shembull, përshtatëm kalendarin e vaksinimit, i cili është shumë ndryshe nga ai i shteteve të tjera, agjendën e pediatrisë, shërbimet shëndetësore të vëna në dispozicion dhe informacionet rreth numrave të telefonit dhe linjave telefonike. Na u desh t’i përshtateshim situatës, në mënyrë që njerëzit në Mal të Zi të mund të përfitojnë shërbime të plota nga aplikacioni Bebbo,” thotë Ida.

“Mbështetja financiare nga BE-ja ishte e dobishme si për zhvillimin e aplikacionit në nivel rajonal, ashtu edhe për prezantimin e Bebbo-s në nivel vendor. Aplikacioni është modeluar mjeshtërisht, me shumë veçori që plotësojnë nevojat e ndryshme që mund të kenë prindërit. Për të gjithë procesin, u nevojitën muaj të tërë pune të palodhur nga një ekip shumë i madh profesionistësh. Për përshtatjen vendore të aplikacionit, përdorëm burime nga projekti “EU and UNICEF for Early Childhood Development in Montenegro”.

Lidhur me projektin

Aplikacioni i prindërimit u zhvillua nga UNICEF-i. Projekti “Mitigating the impact of COVID-19 on children and families in the Western Balkans and Turkey”, i financuar nga BE-ja, nxiti zhvillimin e disa veçorive shtesë dhe përmirësimeve të aplikacionit, si dhe inkurajoi ndihmën teknike të vazhdueshme për zyrat e shtetit në Ballkanin Perëndimor, gjatë fazës së përshtatjes. UNICEF-i dhe ‘European Commission Directorate-General for Neighbourhood and Enlargement Negotiations’ nisi projektin në vitin 2021. Synon të fuqizojë shëndetin kombëtar, arsimin, zhvillimin e fëmijërisë së hershme dhe sistemet e mbrojtjes së fëmijëve, për të siguruar ofrimin e shërbimeve themelore për fëmijët vulnerabël dhe familjet e tyre, si përgjigje e menjëhershme dhe afatgjatë e rimëkëmbjes nga COVID-19-a. Në Malin e Zi, përshtatja e aplikacionit u financua nëpërmjet projektit “EU and UNICEF for Early Childhood Development in Montenegro,” (2020-2023).

Sipas Idës, zhvillimi i aplikacionit ishte shumë i vështirë, për sa i përket fondeve dhe ekspertizës. “Mbështetja financiare nga BE-ja ishte e dobishme si për zhvillimin e aplikacionit në nivel rajonal, ashtu edhe për prezantimin e Bebbo-s në nivel vendor. Aplikacioni është modeluar mjeshtërisht, me shumë veçori që plotësojnë nevojat e ndryshme që mund të kenë prindërit. Për të gjithë procesin, u nevojitën muaj të tërë pune të palodhur nga një ekip shumë i madh profesionistësh. Për përshtatjen vendore të aplikacionit, përdorëm burime nga projekti “EU and UNICEF for Early Childhood Development in Montenegro,” thotë Ida.

Ajo shpjegon se Instituti i Shëndetit Publik po mendon të marrë përsipër menaxhimin afatgjatë të aplikacionit. Ndërkohë, UNICEF-i dhe Instituti i Shëndetit Publik po krijojnë përmbajtje të re dhe po e publikojnë në aplikacion.

YEA-të luajnë një rol kryesor në festivalin EXIT

Written by WeBalkans on . Posted in Lajme.

Në festivalin EXIT të këtij viti në Novi Sad, Serbi, Young European Ambassadors (YEAs) organizuan dhe morën pjesë në një sërë aktivitetesh me qëllimin për të promovuar vlerat e BE-së, për të njohur kultura të reja dhe për të marrë pjesë në diskutimin e temave aktuale.

 

Dita e parë e festivalit ishte e dedikuar për njohjen e bashkëmoshatarëve nga Ballkani Perëndimor dhe nga pjesa tjetër e Evropës, për shkëmbimin e ideve dhe ndarjen e eksperiencave dhe qëndrimet. Shërbeu si një mundësi për YEA-të të informonin njerëzit rreth çfarë ofron BE-ja  dhe politikat që ajo ka. Vizitorët që u intervistuan ishin pjesëtarë të organizatave të shoqërisë civile dhe aktivistë të tjerë, për çështje sociale dhe mjedisore.

 

Sipas vizitorëve, çështjet kyç që BE-ja duhet të advokojë janë riciklimi, më shumë mundësi punësimi për të diplomuarit, lufta kundër ngrohjes globale dhe përdorimi i energjisë bërthamore, të drejtat e imigrantëve, rëndësia e birësimit të fëmijëve në martesat gay, mjedisi, veçanërisht gjurmët e karbonit të BE-së dhe sponsorizimi i shpikjeve që krijojnë energji të ripërtëritshme. Opinioni i përgjithshëm ishte që qytetarët mund dhe duhen të trajtojnë këto çështje të rëndësishme si dhe të ndihmojnë në rritjen e përfshirjes së grupeve të cënueshme në shoqëri, diskutime rreth shkeljeve të të drejtave të njeriut dhe të jenë më aktiv në çështje sociale.

 

Vizitorët ndanë gjithashtu nisma nga jeta e përditshme, por gjithashtu dhe gjatë festivalit EXIT.  Disa nga aktivitetet që përmendën ishin vullnetarë në pastrimin e parqeve dhe të lagjeve dhe të mësonin fëmijët në shkolla si të riciklonin.

 

Shoqatat e para me BE-në përfshinin politikat e demokracisë, paqes, barazisë, drejtësisë, të drejtat e njeriut dhe fondet e BE-së për artistët. Pjesa më e madhe e njerëzve të intervistuar kishin marrë pjesë në programet edukative të BE-së ose njihnin dikë që kishte marrë pjesë. Këto përfshinin seanca të European Youth Parliament duke diskutuar probleme me të cilat përballen të rinjtë në Evropë, projekte të Erasmus+ dhe projekte të tjera në fushën e artit dhe kulturës që financohen nga BE-ja.

 

Në fund të intervistave, pjesëmarrësit u përcollën mesazhe të rinjve nga Ballkani Perëndimor për të ardhmen e BE-së. Tre më të rëndësishmet ishin:

 “Tregohu i mirë me natyrën, të moshuarit dhe fëmijët sepse të gjithë i vlerësojnë gjestet dashamirëse”

“Bashkimi Evropian është krijuar për të mbajtur paqen në Evropë, sidomos midis Francës dhe Gjermanisë. E ardhmja e Bashkimit Evropian është të parandalojë të ndodhin luftëra, si ajo në Ukrainë.”

“BE-ja dhuron një shumë të madhe parash, shfrytëzojini ato.”

 

Gjatë katër ditëve të tyre të kaluara në kalanë Petrovaradin, duke dëgjuar muzikë të mirë dhe të shumëllojshme, YEA-të treguan më së miri se vlerat e BE-së janë vlerat morale, që kultura e Ballkanit Perëndimor është pjesë e kulturës së BE-së dhe që BE-ja nuk është vetëm e ardhmja e rajonit por dhe e së tashmes gjithashtu.

BE-ja dhe EBRD-ja mbështesin ndërmarrjet e vogla në Shqipëri

Written by WeBalkans on . Posted in Lajme.

Ndërmarrjet e vogla dhe të mesme (NVM) në Shqipëri do të përfitojnë nga një financim i ri i ofruar nga European Bank for Reconstruction and Development (EBRD), bashkëfinancuar nga Bashkimi Evropian përmes granteve nxitëse.

 

Banka do t’i alokojë një hua në vlerën 3 milion euro ProCredit Bank në Shqipëri si dhe BE-ja ka ofruar 450,000 euro në formën e granteve nxitëse për të mbështetur investimet e bizneseve lokale me qëllimin për të rritur konkurrencën. Më shumë se gjysma e shumës totale do të përdoret për të financuar investimet në teknologjinë e gjelbër dhe efiçensën e energjisë.

 

Huaja do të përmirësojë disponibilitetin e fondeve për NVM-të dhe do të mbështesë ato për të përballuar rritjen e kostove në mjedisin aktual ekonomik. NVM-të do të kenë mundësinë të aplikojnë për fonde për të investuar në përmirësimin ose zgjerimin e strukturave të tyre të prodhimit, pajisjeve të reja dhe operacioneve. Ndërmarrjet do të kenë gjithashtu mundësinë të investojnë në fushat e mbrojtjes së mjedisit, sigurinë e punëtorëve dhe sigurinë e cilësinë e produktit për të arritur standardet e BE-së,  duke i ndihmuar ata të jenë më konkurrues.

 

NVM-të pjesëmarrëse kanë të drejtën e një granti nxitës, ekuivalente me 15% të shumës së huasë.

 

Dakordsimet janë pjesë e Competitiveness Support Programme të NVM në Ballkanin Perëndimor, të cilat janë bashkëfinancuar nga BE-ja. Nisma fokusohet në përmirësimin e operimit dhe standardeve të produktit të ndërmarrjeve të vogla që të mund të konkurrojnë në nivel vendor dhe në tregun e BE-së.

Nis edicioni i 21-të i Dokufest

Written by WeBalkans on . Posted in Lajme.

Festivali ndërkombëtar i filmit të shkurtër dhe dokumentarë, Dokufest, nisi edicionin e 21-të me shfaqjen e “Fire of Love” nga regjisorja amerikane Sara Dosa. Mbi 250 filma të shkurtër dhe dokumentarë nga e gjithë bota do të shfaqen gjatë javës në Prizren. Përveç shfaqjeve, vizitorët do të kenë mundësinë të marrin pjesë në seminare, kurse dhe debate.

 

Çdo vit, ky festival i madh i filmit në Kosovë mbush kinematë dhe vendet e improvizuara për shfaqjet përreth qendrës historike të Prizrenit duke përzgjedhur 200 filma nga e gjithë bota. E krijuar me qëllimin për të ‘ringjallur’ kinemanë dhe jetën kulturore në Prizren, Dokufest është kthyer në festivalin më të rëndësishëm të filmave të shkurtër dhe dokumentarëve në Evropën Juglindore dhe që në 2019 ka qenë festival kualifikues për filma të shkurtër në BAFTA. Festivali është i bashkëfinancuar nga Bashkimi Evropian.

 

Tema e festivalit për këtë vit është “how to survive?” dhe do të trajtohen çështje si ndryshimet klimatike, mbijetesa fizike dhe lufta në Ukrainë.

EIB Global viziton Malin e Zi

Written by WeBalkans on . Posted in Lajme.

Një delegacion nga European Investment Bank (EIB), banka e Bashkimit Evropian dhe dega e saj e zhvillimit e themeluar së fundmi, EIB Global, u takua me qeverinë e Malit të Zi në Podgoricë më 29 korrik. Qëllimi i tyre ishte të identifikonin projekte të reja dhe të vazhdonin bashkëpunimin e tyre të suksesshëm në zhvillimin ekonomik dhe social të vendit, si dhe anëtarësimin në Bashkimin Evropian.

 

Drejtuar nga administratori i Acting Managing, Markus Berndt, delegacioni i EIB Global takoi kryeministrin e Malit të Zi, Dritan Abazović, zëvëndëskryeministrat Jovana Marović dhe Ervin Ibrahimović, dhe ministrin e Financave Aleksandar Damjanović. Së bashku, ata biseduan mundësitë e investimit të alokuara për Malin e Zi nga Economic and Investment Plan i BE-së për Ballkanin Perëndimor, dhe mënyrat që EIB Global mund të mbështesë Malin e Zi në tërheqjen e fondeve të mundshme nga ky program dhe programe të tjera të BE-së.

 

Që nga 2020, EIB Global dhe Investment and Development Fund of Montenegro (IDF) kanë alokuar 150 milion euro në formën e një huaje më të përballueshme për të nxitur rimëkëmbjen pas pandemisë dhe dekarbonizimin e ekonomisë së Malit të Zi. Bashkëpunimi i EIB Global me IDF ka ndihmuar bizneset e vogla dhe të mesme që të rimëkëmben më shpejt nga pandemia dhe ka mbështetur tranzicionin e Malit të Zi drejtë një ekonomie qarkulluese, të gjelbër, të qëndrueshme dhe të drejtë sociale.

YEA-të marrin pjesë në forumin ‘So Keres Europa?!’ në Tiranë, Shqipëri

Written by WeBalkans on . Posted in Lajme.

‘So Keres Europa?!’ (në gjuhën rome, tjeta Evropë?!) është një forum social ndërkombëtar një-javorësh, pjesë e aktiviteteve të Tirana European Youth capital, i cili mirëpriti më shumë se 150 të rinj duke përfshirë Young European Ambassadors (YEAs) nga gjithë BE-ja, Ballkani Perëndimor dhe Turqia, për të marrë pjesë në një sërë seminaresh. Pjesëmarrësit ishin romë dhe jo romë, të cilët morën pjesë në seminare ku në fokus ishin temat për të drejtat e njeriut dhe minoriteteve në Evropë, ndërsektorialiteti, arti dhe kultura, advokimi për problemet e të rinjve dhe qëndrimet e romëve, në Tiranë nga 11 deri më 17 korrik.

 

Pas një jave të tërë me seminare, forumi kulmoi me një event publik – The International Roma Youth Festival – ku grupet prezantuan rezultatet e punëve të tyre dhe përfaqësuesit e European Youth Capital, përfaqësues të qeverisë dhe politikanë kombëtarë kishin mundësinë me ata përtej Evropës për të mbajtur një qëndrim për diversitetin dhe përfshirjen e të rinjve.

 

Eventi u mbajt nga Roma Active Albania dhe Tirana Youth Capital, forumi ishte bashkëfinancuar nga BE-ja, Erasmus+ dhe Tirana European Youth Capital 2022.