Skip to main content

Autor: WeBalkans

Reduktimi i konsiderueshëm i tarifave roaming mes Ballkanit Perëndimor dhe BE-së fillon më 1 tetor 2023

Written by WeBalkans on . Posted in Lajme.

Në Samitin BE-Ballkani Perëndimor të mbajtur në Tiranë sot, operatorët e telekomunikimeve nga Bashkimi Evropian (BE) dhe Ballkani Perëndimor nënshkruan një Roaming Declaration që do të lejojë reduktimin e tarifave roaming mes BE-së dhe Ballkanit Perëndimor që nga 1 tetori 2023.

 

Komisioneri për Fqinjësinë dhe Zgjerimin, Olivér Várhelyi, u shpreh:

 

“Unë e mirëpres deklaratën e nënshkruar sot nga operatorët e telekomunikacionit të BE-së dhe Ballkanit Perëndimor dhe angazhimin e tyre për të filluar reduktimet e para në tetor të vitit 2023. Tranzicioni digjital për BE-në dhe parterët është parësor në agjendën tonë për ndërlidhjen. Një nga elementet themelore të këtij tranzicioni është bërja e shërbimeve të telekomunikacionit të përballueshme dhe të aksesueshme. Duke qenë se po reduktojmë tarifat e roaming-ut mes BE-së dhe rajonit, do të afrojmë më shumë njerëzit dhe bizneset. Objektivi ynë është që kur të na vizitoni ose kur t’ju vizitojmë të ndihemi të gjithë gjithnjë e më shumë si në shtëpi.  Ky është integrimi i vërtetë i Ballkanit Perëndimor për të cilin të gjithë ne duhet të punojmë.”

 

Ky është fillimi i procesit që synon të arrijë në një ulje të konsiderueshme të tarifave të roaming-ut që nga 1 tetori 2023 dhe reduktime të mëtejshme që do të çojnë në çmime të afërta me çmimet e vendit. Çdo operator i telekomunikacionit nga Ballkani Perëndimor dhe BE-ja, që ka nënshkruar Deklaratën, do të marrë në konsideratë prezantimin e planeve dhe opsioneve për shitjen me pakicë, me tarifa më të ulëta roaming që nga 1 tetori 2023.

 

Është e rëndësishme që politikëbërësit në Ballkanin Perëndimor të përshpejtojnë zbatimin e reformave për politikat në sektorin e telekomunikacionit, të cilat do të jenë në përputhje me përfundimet e Western Balkans Digital Summit 2022, me qëllimin e krijimit të  Common Regional Market në Ballkanin Perëndimor dhe një mjedis biznesi më përfitues. Ekonomitë e Ballkanit Perëndimor duhet t’i zbatojnë këto reforma të politikave jo më vonë se fundi i vitit 2023.

 

Duke u nisur nga suksesi i regjimeve Roam Like at Home si në BE dhe në Ballkanin Perëndimor, qëllimi i kësaj nisme është të mbështesë lëvizje dhe të lehtësojë ndërlidhjen e qytetarëve dhe bizneseve në BE dhe Ballkanin Perëndimor.

 

Përfitimet janë të shumëfishta. Kjo do të reduktojë koston e roaming-ut për qytetarët në Ballkanin Perëndimor dhe BE teksa udhëtojnë në rajon dhe në BE, si dhe kosto më të ulëta operimi për bizneset dhe inkurajimi për të bërë biznes jashtë kufijve të tyre. Iniciativa është e jashtëzakonshme, duke qenë se është ndërmarrë në baza vullnetare mes operatorëve të telekomunikimeve.

 

Deklarata është rezultat i angazhimit të madh të operatorëve të telekomunikacionit në BE dhe Ballkanin Perëndimor dhe mbështetjes së Komisionit Evropian, Regional Cooperation Council, si dhe angazhimi i autoriteteve të rajonit që nga hyrja në fuqi e Western Balkans Regional Roaming Agreement. Operatorë të tjerë të telekomunikacionit si nga BE-ja dhe nga Ballkani Perëndimor janë të ftuar t’i bashkohen nismës.

The New European Bauhaus: mundësi për Ballkanin Perëndimor dhe Turqinë

Written by WeBalkans on . Posted in Lajme.

Duke filluar nga sot, Komisioni ka hapur aplikimet për New European Bauhaus Prizes 2023. Në vijim të dy edicioneve të fundit të suksesshme ku pati më shumë se 3,000 hyrje nga të gjithë shtetet anëtare të BE-së, konkursi i vitit 2023 do të vlerësojë me çmime 15 nisma shembullore që lidhin qëndrueshmërinë, estetikën dhe gjithëpërfshirjen – tre vlerat bazë të New European Bauhaus.

 

Në kontekstin e European Year of Skills, edicioni i këtij viti do të fokusohet në arsim dhe të nxënit. Gjithashtu, ne do të mirëpresim për herë të parë aplikimet për projektet dhe konceptet në Ballkanin Perëndimor. Ashtu si vitin e kaluar, do të ketë çmime specifike për personat nën 30 vjeç. Thirrja është e hapur deri më 31 janar 2023 në 19:00 CET.

 

Çmimet e vitit 2023 do të vlerësojnë projektet ekzistuese si dhe konceptet e zhvilluara nga talentet e reja në katër kategori:

 

-Rilidhja me natyrën

-Rifitimi i ndjesisë së përkatësisë

-Prioritizimi i vendeve dhe njerëzve që kanë më shumë nevojë

-Nevoja për të menduarit afatgjatë për ciklin e jetës në ekosistemin industrial

 

Në secilën kategori, aplikantët mund të zgjedhin mes tre drejtime të konkurrimit:

 

-Drejtimi A: “New European Bauhaus Champions”, i përkushtuar ndaj projekteve ekzistuese dhe të përfunduara me rezultate të qarta dhe pozitive.

-Drejtimi B: “New European Bauhaus Rising Stars” i dedikuar ndaj koncepteve të dorëzuara nga talentet e reja të moshës 30 vjeç ose më pak se 30 vjeç. Konceptet mund të jenë në faza të ndryshme zhvillimi, nga ide me një plan të qartë në nivelin e prototipit.

-Drejtimi C: “New European Bauhaus Education Champions” i përkushtuar ndaj nismave që fokusohen në arsim dhe të nxënit. Pranohen si projektet e përfunduara, po ashtu edhe nismat me nivel minimal maturiteti.

 

Çmimet e vitit 2023 do t’i jepen 15 fituesve që do të marrin shpërblim për çmimin deri në €30,000, si dhe një paketë komunikimesh që do t’i ndihmojë ata të zhvillojnë dhe promovojnë më tej projektet dhe konceptet e tyre.

 

Samiti BE-Ballkani Perëndimor në Tiranë rikonfirmon lidhjen strategjike të BE-së me partnerët e anëtarësimit

Written by WeBalkans on . Posted in Lajme.

Të martën më 6 dhjetor, liderët e BE-së dhe Ballkanit Perëndimor do të mbajnë një Samit në Tiranë, që do të organizohet nga kryeministri i Shqipërisë, Edi Rama dhe do të kryesohet nga Presidenti i Këshillit Evropian, Charles Michel. Komisioni Evropian do të përfaqësohet nga presidentja e tij, Ursula von der Leyen , përfaqësuesi i lartë / zëvendës presidenti për politikat e çështjeve të jashtme dhe sigurisë Josep Borrell dhe Komisioneri për Zgjerimin dhe Fqinjësinë e Mirë, Olivér Várhelyi.  
Samiti do të zhvillohet në Ballkanin Perëndimor për herë të parë, një shenjë e qartë e angazhimit të BE-së ndaj partneritetit strategjik me rajonin dhe perspektivën e tij për anëtarësim në BE. Diskutimet do të përqendrohen në trajtimin e përbashkët të pasojave të agresionit të luftës ruse ndaj Ukrainës, në veçanti në sektorin e energjisë. Komisioni do të raportojë zbatimin e pothuajse €30 miliardë të Economic and Investment Plan për të ndihmuar në nxitjen e rikuperimit afatgjatë të rajonit.  Për më tepër, Komisioni do të informojë për Energy Support Package prej €1 miliardë për të gjithë Ballkanin Perëndimorprezantuar nga Presidentja von der Leyen në nëntor për të ndihmuar familjet e cenueshme dhe sipërmarrjet e mesme dhe të vogla të përballojnë çmimet e larta të energjisë dhe të përparojnë investime kyçe në infrastrukturë për të zgjeruar prodhimin e energjisë së rinovueshme dhe efikasitetin e energjisë.   
Përpara Samitit, liderët do të dëshmojnë nënshkrimin e deklaratës mes përfaqësuesve të operatorëve telecom nga Ballkani Perëndimor dhe BE-ja për uljen e parë vullnetare të uljes së tarifave roaming, duke filluar nga tetori i vitit 2023, midis rajonit dhe BE-ja.

Trajnim mbi edukimin mediatik në Europe House në Podgoricë

Written by WeBalkans on . Posted in Lajme.

Si pjesë e aktiviteteve të saj të rregullta, Europe House në Podgoricë organizoi një event trajnimi mbi edukimin mediatik për qytetarët mbi 30 vjeç, në bashkëpunim me Montenegro Media Institute. Pjesëmarrësit kryesorë ishin mësues nga shkolla e mesme Cetinje, shkolla e mesme Slobodan Škerović, dhe shkolla fillore Savo Pejanović nga Podgorica. Gjatë katër orëve, pjesëmarrësit patën mundësinë të përmirësonin njohuritë e tyre për median dhe të kuptonin rëndësinë e saj, sidomos kur situata në tregun mediatik është sfiduese.

 

Trajnuesit ndanë parimet kryesore se si funksionon media dhe se si analizohet më mirë përmbajtja. Gjatë trajnimit, u prezantuan edhe format e manipulimit, si lajmet e rreme, propaganda, ose reklamimi i fshehtë, në mënyrë që pjesëmarrësit të mund të mësonin se si t’i dallojnë ato nga përmbajtja gazetareske e prodhuar në mënyrë profesionale.

Shkollat në Šid nxitin diversitetin dhe tolerancën

Written by WeBalkans on . Posted in Lajme.

Më 16 nëntor, nxënësit e shkollave fillore Sremski Front dhe Branko Radičević, dhe të shkollës së mesme Sava Šumanović nga Šid festuan Ditën Ndërkombëtare të Tolerancës. Nxënësit shpërndanë fletëpalosje për tolerancën në shkollat e tyre, dhe më pas në qendër të qytetit folën me qytetarët e Šid për temën e respektit dhe pranimit, ndërkulturalitetit dhe respektit për çdo person. Në program morën pjesë edhe nxënës të migrantëve dhe disa prej tyre fituan çmime në kategoritë e punimeve letrare dhe artistike.  
EU-ja i ka mbështetur institucionet serbe për të mundësuar akses të pandërprerë në arsim për fëmijët migrantë që prej vitit 2015, nëpërmjet asistencës për arsimin formal dhe joformal. Fëmijët dhe shkollat vendore kanë përfituar nga asistenca duke krijuar një mjedis të përshtatshëm për të nxënit dhe për përfshirjen e fëmijëve migrantë në kontekstin vendor.

RHP shpërndan çelësat e apartamenteve të sapondërtuara për dhjetë familje refugjatësh në Kraljevo, Serbi

Written by WeBalkans on . Posted in Lajme.

Shpërndahen çelësat e dhjetë apartamenteve të sapondërtuara nga Regional Housing Programme (RHP) për familjet e refugjatëve në Kraljevo, Serbi. Deri më sot, mbi 6,700 shtëpi të RHP u janë dhënë përfituesve në mbarë Serbinë, një nga katër vendet partnere të RHP.  
Krahas vetë përfituesve, pjesëmarrës në ceremoninë për shpërndarjen e çelësave ishin Svetlana Velimirović, Zëvendëskomisionere për Refugjatët dhe Migracionin në Republikën e Serbisë; Predrag Terzić, Kryebashkiaku i Kraljevo; Urs Schmid, Ambasadori i Zvicrës në Serbi; Mirjana Maksimović, përfaqësuese e Delegation of the European Union in Serbia, dhe Dušan Kovačević, Kryetari i Public Sector Projects Implementation Unit Ltd.  
Mbështetja financiare e EU-së për paqe, pajtim dhe marrëdhënie të mira fqinjësore në Serbi ka arritur mbi 300milionë euro. Asistenca synon forcimin e bashkëpunimit dhe stabilitetit rajonal, dhe trajtimin e çështjeve dypalëshe të mbetura pezull dhe të trashëgimive të së shkuarës. EU-ja ka siguruar 74 milionë europër të mbështetur strehimin dhe punësimin e familjeve refugjate më të cenueshme dhe të personave të zhvendosur brenda vendit. Qëllimi i programit rajonal të zbatuar në këtë sektor është përmirësimi i jetëve të 74,000 personave, ose të rreth 27,000 familjeve, nga territori i ish-Jugosllavisë. Buxheti i përgjithshëm llogaritet në rreth 584 milionë europër një periudhë pesëvjeçare.

Arsim gjithëpërfshirës për fëmijët e Shqipërisë

Written by WeBalkans on . Posted in Priče.

BE-ja mbështet mësuesit parashkollorë shqiptarë me praktikë inovative në klasa

Viola është edukatore për fëmijërinë e hershme. Për shumë vite me radhë, ajo ka menaxhuar klasa me një numër të madh fëmijësh me prejardhje dhe aftësi të ndryshme. Ajo thotë se vështirësitë ishin të mëdha. “Ishte e vështirë për mua që të plotësoja nevojat e shumëllojshme të të gjithë fëmijëve në klasë. E mbështes idenë e gjithëpërfshirjes parashkollore dhe jam në dijeni të përfitimeve që sjell, por më mungonin njohuritë dhe aftësitë për praktikën gjithëpërfshirëse.” Pavarësisht përmirësimeve në sistemin arsimor në Shqipëri, filozofia e gjithëpërfshirjes, veçanërisht në arsimin parashkollor, nuk promovohej sa duhej. Shpesh, mësuesit liheshin të merreshin me fëmijë me një diapazon të gjerë aftësish të të mësuarit pa u ofruar trajnim i mjaftueshëm dhe të izoluar.

“Pati disa ndërhyrje të vogla e të shpërndara nga OJQ-të, por nuk kishte një qasje tërësore për mënyrën e trajtimit të arsimit gjithëpërfshirës në kopshte e çerdhe.”

“Arsimi gjithëpërfshirës është një realitet pothuajse i ri në sistemin arsimor shqiptar, veçanërisht për kopshtet e çerdhet,” thotë Mirlinda Bushati, Specialiste Arsimi në UNICEF Albania. Ajo shpjegon se UNICEF-i ka punuar nga afër me Ministrinë e Arsimit në Shqipëri për zhvillimin e një strategjie kombëtare arsimi, që përfshin një element të rëndësishëm në arsimin gjithëpërfshirës, si dhe në standardet për mësuesit parashkollorë. Sidoqoftë, pavarësisht punës së palodhur për strategjinë dhe standardet, UNICEF-i vuri re se kishte një zbrazëti të madhe te zbatimi i strategjisë. “Pati disa ndërhyrje të vogla e të shpërndara nga OJQ-të, por nuk kishte një qasje tërësore për mënyrën e trajtimit të arsimit gjithëpërfshirës në kopshte e çerdhe,” thotë Mirlinda.

Mësuesve u nevojiteshin programe praktike për trajnimin e tyre që inkurajonin sjelljet pozitive dhe metodat më të mira për gjithëpërfshirje të suksesshme parashkollore. Nevojiteshin ndërhyrje për të siguruar ritmin e duhur mësimor për ata/ato që përballen me vështirësi më të mëdha gjatë procesit të të nxënit. Me mbështetjen e BE-së, UNICEF-i e ndihmoi Ministrinë e Arsimit dhe Agency for Assuring Quality in Preuniversity Education (AAQPE) në Shqipëri të zhvillonte metodologji të arsimit gjithëpërfshirës për ambientet parashkollore.

UNICEF-i krijoi dhe një manual trajnimi dhe, së bashku me AAQPE-në, u ofroi trajnim për zbatimin praktik të metodologjive 582 mësuesish dhe drejtorësh shkollash. Viola ishte një ndër mësueset që mori pjesë në trajnim. “Instrumentet e reja që u prezantuan në trajnim më ndihmuan të formoj qasje inovative dhe ta përmirësoj mësimdhënien time. Me kalimin e kohës, fillova të përdor stile të reja mësimdhënie që përfshijnë metoda të ndryshme të nxëni. Nëse duam që fëmijët të ndihmojnë njëri-tjetrin – të pranojnë, ndërveprojnë dhe të jenë miqësorë ndaj njëri-tjetrit – duhet që t’ua mësojmë këtë,” thotë ajo.

“Përveç financimit nga BE-ja, fakti që çdo pjesë e kësaj iniciative ishte dhe në përputhje me kriteret e pranimit në BE, e bëri mbështetjen e BE-së edhe më të rëndësishme, për sa i përket bashkëpunimit me qeverinë dhe institucionet.”

Lidhur me projektin

Promovimi i arsimit gjithëpërfshirës është pjesë e programit “Mitigation of the impact of COVID-19 on the lives of children and parents in the Western Balkans and Turkey”, vënë në zbatim nga UNICEF-i dhe financuar nga BE-ja nëpërmjet European Commission’s Directorate-General for Neighbourhood Policy and Enlargement Negotiations (DG NEAR). Nëpërmjet këtij programi me vlerë 5 milionë euro, pritet që 490,000 fëmijë dhe prindër të zonës së programit të kenë akses më të mirë te shërbimet publike që promovojnë zhvillimin e fëmijërisë së hershme, arsimin, shëndetin dhe mbrojtjen, si pjesë e rimëkëmbjes nga COVID-19-a.

Këtë vit, metodologjia për të nxënit parashkollor gjithëpërfshirës u akreditua nga Ministria e Arsimit në Shqipëri. Sipas Mirlindës, ky është një hap i madh përpara: “Kjo nënkupton që tanimë të gjithë mësuesit parashkollorë mund ta përdorin këtë metodologji që siguron arsim gjithëpërfshirës cilësor,” thotë ajo.

Mbështetja e projektit nga Bashkimi Evropian pati domethënie të madhe në këtë kontekst. “Përveç financimit nga BE-ja, fakti që çdo pjesë e kësaj iniciative ishte dhe në përputhje me kriteret e pranimit në BE, e bëri mbështetjen e BE-së edhe më të rëndësishme, për sa i përket bashkëpunimit me qeverinë dhe institucionet,” thotë Mirlinda.

Komisioneri Várhelyi viziton Serbinë për të diskutuar prioritetet për anëtarësimin në BE si dhe bashkëpunimin për energjinë

Written by WeBalkans on . Posted in Lajme.

Komisioneri për Zgjerimin dhe Fqinjësinë e Mirë Olivér Várhelyi do të udhëtojë në Serbi më 1 dhe 2 dhjetor për të diskutuar prioritetet e procesit të anëtarësimit në BE, duke u fokusuar fort në bashkëpunimin për energjinë. Pasdite ai do të vizitojë Elektromreža Srbije (EMS) me Ministrin e Energjisë Dubravka Đedović dhe Ministrin e Integrimit Evropian Miščević për një prezantim për zbatimin e Trans Balkan Electricity Corridor – një projekt për energjinë i bashkëfinancuar nga Bashkimi Evropian që do të garantojë stabilitet dhe efikasitet më të lartë për energjinë në Serbi. Në mbrëmje ai do të takohet me deputetët të opozitës dhe kryetarët e grupeve parlamentare në parlamentin serb. Më 2 dhjetor ai do të takohet me presidentin e Serbisë Aleksandar Vučić, kryeministren Ana Brnabić, kryetarin e parlamentit Vladimir Orlić, zëvendës kryeministrin dhe ministrin e punëve të jashtme Dačić, si dhe ministrin e punëve të brendshme Gašić. Ai do të dëshmojë dhe nënshkrimin e marrëveshjes së financimit të BE-së duke përcaktuar kuadrin ligjor për ndihmën në të ardhmen për Serbinë dhe nga dy projektet e financuara nga BE-ja që mbështesin kapacitetet e Serbisë për të menaxhuar rrjedhën e migrimit dhe kontrollet kufitare.

YEA-të morën pjesë në eventin “Block the hatred. Share inclusion!” në Pljevlja, Mal i Zi

Written by WeBalkans on . Posted in Lajme.

Ofrimi i një hapësire për të rinjtë që të shprehin opinionet e tyre, të diskutojnë sfidat me të cilat përballen në komunitetet e tyre, është thelbësor për ndërtimin e një shoqërie më gjithëpërfshirëse dhe pa diskriminim. Kjo u theksua në një  workshop për studentët  që morën pjesë në Pljevlja, më 23 nëntor, si pjesë e nismës së European Union dhe Council of Europe, “Block the Hatred. Share the Love!” dhe në bashkëpunim me  RYCO – Regional Youth Cooperation Office. Aktiviteti mblodhi studentë, përfaqësues të institucioneve, OJF vendore nga Pljevla dhe Young European Ambassadors (YEA).

 

Në këtë event, YEA-të dhe të rinj të tjerë patën mundësinë të diskutonin me vendimmarrësit përballë bashkisë Pljevlja, Avokatit të Popullit, Ministrisë së Arsimit, Ministrisë së Sportit dhe Rinisë. Si pjesë e diskutimit, ata folën për mënyrat sipas të cilave urrejtja përhapet nëpërmjet sistemit dhe shoqërisë, dhe se çfarë mund të bëjnë të rinjtë për t’i mbështetur institucionet në luftën kundër gjuhës së urrejtjes dhe se sa i rëndësishëm është respekti dhe uniteti. Gjithashtu, ata nxorën në pah përfitimet e mjedisit shumëkulturor dhe nevojën për t’i nxitur të rinjtë e tjerë që të mos dorëzohen dhe të vazhdojnë punën dhe aktivizmin e tyre në dobi të shoqërive të tyre.

YEA-të në EYE Varaždin

Written by WeBalkans on . Posted in Lajme.

European Youth Event (EYE) është një event i rregullt ndërkombëtar i ndërmarrë nga Parlamenti Evropian në vitin 2014, i cili mbledh të rinj nga e gjithë Evropa për të ndarë idetë e tyre mbi të ardhmen e Evropës. Krahas eventit kryesor që zhvillohet çdo dy vjet në Strasburg, Francë, këtë vit u organizuan edhe dy evente vendore EYE, një nga të cilët në Varaždin, Kroaci. Rreth 600 të rinj të grupmoshës 16-30 vjeç u mblodhën këtu për t’u socializuar dhe shkëmbyer këndvështrimet e tyre me ekspertë, aktivistë, ndikues dhe vendimmarrës.

 

Programi përfshiu aktivitete dhe diskutime në panel, si “Effective Housing Policies for Young People – Wishful Thinking?” dhe “European Year of Youth 2022”. Këtë vit, Young European Ambassadors (YEA) morën pjesë në aktivitetet e EYE Varaždin. Krahas pjesëmarrjes në aktivitete të tjera, YEA-të organizuan gjashtë kuize Kahoot me pyetje nga të gjashta vendet e Ballkanit Perëndimor. Gjashtë fituesit e kuizeve fituan pako pajisjesh elektronike.