Skip to main content

Автор: WeBalkans

Поддршката на ЕУ го зајакнува Системот за водење на матични книги на Косово, при тоа поплочувајќи го патот за ефикасност и доверливост

Напишал/ла WeBalkans на . Објавено во News.

Матичната служба на Косово објави успешна интеграција на над 3 милиони исчезнати евиденции за граѓански статус во нивниот систем за управување со идентитетот. Ова достигнување беше овозможено софинансирање од Европската унија (ЕУ) и со поддршка на Данскиот совет за бегалци, во периодот од 2012 до 2023 година. Целта на проектот е да се исполни мандатот на агенцијата во рамките на процесот на дијалог меѓу Косово и Србија.

 

На 1 јуни 2023 година, Матичната служба на Косово може официјално да го објави успешното завршување на интеграцијата на податоците од над 12.000 регистри за граѓански статус во нивниот систем. Ова достигнување го означи финализирањето на проектот „Дигитализација на заверените копии од Матичните книги –фаза III “, кој имаше за цел да ги поврзе е-архивата на заверени копии и Централната матична служба на Косово. Проектот, финансиран од ЕУ, имаше буџет од 2 милиони евра и беше спроведен од Данскиот совет за бегалци во период од 42 месеци, почнувајќи од 2 декември 2019 година.

 

Главната цел на проектот беше да придонесе за создавање на единствен, сеопфатен надграден систем на податоци за граѓанскиот статус за подобрување на веродостојноста на системот за регистрација на Косово во рамките на дијалогот Белград-Приштина. Клучниот персонал на Матичната служба на Косово, Министерството за внатрешни работи, како и општинските канцеларии за граѓански статус, (кои обезбедуваат услуги на локално ниво) учествуваа во проектот.

Напредок на дигиталните трендови и пазарната конкурентност во БиХ со поддршка на ЕУ и германската влада

Напишал/ла WeBalkans на . Објавено во News.

Викендов во Сараево се одржа првиот Форум за дигитални иновативни центри (DIH Форум), како дел од Sarajevo Maker Faire, кој воедно е и прва иницијатива на Центарот за дигитални иновации (DIH) во Босна и Херцеговина. Sarajevo Maker Faire, кој викендов го посетија околу 12.000 посетители и ентузијасти за иновации, е меѓу најголемите светски фамилијарни фестивали на пронајдоци, креативност и технологија, каде што сите центри за дигитални иновации ги претставија своите активности во Сараево.

 

Проектот EU4DigitalSME отвори четири центри за дигитални иновации (DIH) во Босна и Херцеговина (два во Сараево, еден во Тузла и еден во Бања Лука), со цел развој на дигитална технологија како би се зголемилаконкурентноста на домашните производи и услуги на пазарот, што би резултирало со нови работни места, економски раст и развој. DIH центрите се од витално значење за Босна и Херцеговина бидејќи им овозможуваат на малите и средни претпријатија да развиваат вештини, да стимулираат иновации и да привлечат инвестиции преку совладување на можностите на дигиталната технологија. Важен момент е секако воспоставувањето на платформа за соработка, со која Босна и Херцеговина ќе остане конкурентен играч на глобалниот пазар.

 

Воспоставувањето на центри за дигитални иновации и воспоставувањето на екосистем за дигитализација во Босна и Херцеговина се заеднички финансирани од Европската Унија и Сојузното Министерство за економска соработка и развој на Сојузна Република Германија (BMZ) преку проектот Иновации и дигитализација на мали и средни претпријатија во Босна и Херцеговина/EU4DigitalSME.

Револуционизирање на сточарството во Србија

Напишал/ла WeBalkans на . Објавено во Stories.

Запознајте го Робо-овчарот – креиран во рамки на научно-технолошкиот парк во Ниш

Најверојатно, многумина од вас се запознаени со RoboCop – протагонист во филм од 80-тите, половина човек, а половина машина. Во тој период, концептот на роботи кои ги заменуваат луѓето во најразлични улоги беше замисла претставена само во научно-фантастичните филмови. Но, во текот на изминатите децении, идејата постепено се претвори во реалност и, денес, сведочиме како роботите ни помагаат во најразлични задачи. Неодамна, одличен пример беше претставен во Србија. Но, овој пат, целта не е да се замени човечката работа туку да се адресираат задачите поврзани со животинското однесување, особено оние кои се поврзани со овчарските кучиња.

 

Српската информациско-технолошка компанија „Coming Computer Engineering“ соработуваше со инженери од Факултетот за механичко инженерство при Универзитетот во Ниш со цел развивање и воведување најсовремен и мултифункционален робот познат како Робо-овчар. Оваа иновативна креација се справува со еден од најголемите предизвици со кои се соочени производителите во Србија: недостатокот од работници.

„Робо-овчарот е дизајниран со цел да се ревитализира традиционалното сточарство, вклучително и одгледувањето добиток на пасиштата.“

„Робо-овчарот е дизајниран со цел да се ревитализира традиционалното сточарство, вклучително и одгледувањето добиток на пасиштата,“ изјавува Душан Крстиќ, проектен менаџер при „Coming Computer Engineering“. „Земајќи ја предвид намалената работна сила, наша цел е да ги замениме луѓето со роботи. Овие роботи ќе ги водат животните на пасиштата, ќе ги заштитуваат од предатори и ќе се погрижат животните да пасат доволно трева.“ Веројатноста робот-овчар да се грижи за стадо од 620 овци може да стане позната глетка на српските пасишта. Освен за грижа за добиток, „Coming Computer“ развива роботи за најразлични земјоделски работи, како, на пример, садење, наводнување,  берба и орање.

За разлика од машините, овие електрични асистенти можат да функционираат на исклучително стрмен терен. „Ја тестиравме способноста на прототипот за влечење товар од 345 килограми на угорнина од 30 %, користејќи систем за автоматско урамнотежување,“ објаснува Никола Велчев, инженер при „Coming Computer“. „Ваквиот систем му овозможува на роботот да ја наведне својата предна страна кога се искачува по стрмни предели, со што се спречува негово паѓање при носење голем товар или при влечење приколка.“ Исто така, роботот се адаптира на операции на ниво на земјата, како што се собирање јагоди, и може веднаш да ја прилагоди својата роботска платформа за да се издигне на височина до 2 метри. „Наша цел е да развиеме платформа која може да инкорпорира најразлични додатоци за различни активности,“ раскажува Велчев. „Роботот се контролира со џојстик, опремен со сензор на движење кој може да детектира пречки и да ги избегне. Со помош на GPS навигација, роботот може самостојно да се врати од пасиштето до шталата.“

Во текот на следните три години, роботите ќе навлезат во доменот на производство, со ценовна стратегија која ќе ги направи достапни за малите земјоделски производители. Во моментов, роботите од овој вид чинат преку 100000 евра и не се достапни за повеќето земјоделци во Србија и околниот регион.

„Суштината на научно-технолошкиот парк лежи во креирањето заедница од иновативни компании кои поттикнуваат размена на знаење, меѓусебна поддршка и активно учество во организирани активности.“

За проектот

Проектот „Истражување и развој на јавниот сектор“ опфаќа серија инвестиции насочени кон ревитализирање на истражувањето и развојот на јавниот сектор во државата. Овие инвестиции вклучуваат надградување на постоечката инфраструктура, креирање центар за промоција на наука, изградба на капацитети за сместување на студенти и млади научници, како и изградба на центри за усовршување во приоритетните полиња на истражување. Висината на проектот е процената на 420 милиони евра. Проектот е целосно усогласен со приоритетите за позајмување на Европската инвестициска банка насочени кон зајакнување и развој на активности во поддршка на земјите-кандидати и земјите потенцијални кандидати. Европската инвестициска банка, долгорочна финансиска институција на ЕУ, поддржува одржливи капитални инвестициски проекти кои ги унапредуваат целите на политиката на ЕУ. Во државите од Западен Балкан, финансиските операции на ЕИБ придонесуваат за олеснување на процесот на интеграција во ЕУ. Од 2001 година, ЕИБ издвоила 2,6 милијарда евра во корист на проекти во Србија.

Подигнување на стандардите во напредното земјоделство

 Обично, би биле потребни меѓу пет и десет години за да се развијат вакви специјализирани земјоделски решенија засновани на вештачка интелигенција. Дури и за глобалните високотехнолошки компании сместени во главните информациско-технолошки центри како што е Силициумската долина. Но, иноваторите во научно-технолошкиот парк во Ниш го реализирале овој предизвик за зачудувачки три години, со поддршка од Фондот за иновации на Република Србија и ЕУ.

Меѓу бројните компании кои оперираат во рамки на научно-технолошкиот парк во Ниш – иновативен центар отворен во 2020 година, е и „Coming Computer Engineering“. Паркот се развил како централна точка за унапредување на научни и технолошки проекти, како и нивна меѓународна промоција. Соработуваат со универзитетите и академската заедница, обединувајќи преку 500 млади ИТ инженери со цел да го претворат регионот во глобален центар за најсовремени технологии.

„Суштината на научно-технолошкиот парк лежи во креирањето заедница од иновативни компании кои поттикнуваат размена на знаење, меѓусебна поддршка и активно учество во организирани активности,“вели Милан Ранџеловиќ, директор на научно-технолошкиот парк во Ниш. „Нашата цел е да ги поддржиме локалните високотехнолошки претприемачи и да ја зголемиме свеста, истовремено зајакнувајќи го целиот иновациски екосистем во регионот.“

Заедно со своите виртуелни членови, компаниите сместени во научно-технолошкиот парк вработуваат приближно 5000 индивидуи. Изградбата на просториите на научно-технолошкиот парк беше финансирана од Владата на Србија и заем од Европската инвестициска банка, обезбеден во 2010 година, за секторот за истражување и развој во Србија.

Објавен натпреварот за млади европски создавачи на наследство за 2023 година

Напишал/ла WeBalkans на . Објавено во News.

„Млади европски создавачи на наследство“ е натпревар за младите во Европа. Истиот претставува можност за истражување нови околини, учење за локалното материјално и нематеријално културно наследство и споделување приказна за Европа. Целта на натпреварот „Млади европски создавачи на наследство“ е собирање искуства и приказни за начинот на кој децата и младите ја разбираат европската димензија на нивното локално наследство. Тука може да се вброи материјалното наследство, како што се споменици, згради и елементи на природниот пејзаж или нематеријалното наследство како, на пример, танците, песните или локалните културни традиции. Притоа, се охрабруваат креативни интерпретации.

 

Натпреварот е дел од Европските денови на наследство. Со приближно 70000 настани организирани секоја година во земјите-потписнички на Европската конвенција за култура и, отприлика, 30 милиони посетители, оваа заедничка акција на Советот на Европа и Европската комисија е уникатен пример за иницијатива на народот организирана и споделена од милиони луѓе кои живеат во Европа. Провери го веб сајтот на Европските денови на наследство за да дознаеш повеќе за натпреварот, вклучително и за начинот на пријавување, статусот на учество на твојата држава и улогата на менторите во натпреварот.

Кампањата „ОД НАС НАПРАВЕНО“ денес пристигнува во Албанија

Напишал/ла WeBalkans на . Објавено во News.

Кампањата „Од нас направено – патување низ ЕУ и Западен Балкан“, финансирана од ЕУ, а до вас доведена од страна на „WeBalkans“, неделава продолжува во Албанија. Кампањата за сензибилизација има за цел промовирање позитивна слика за ЕУ меѓу луѓето од Западен Балкан и обратно. Протагонисти на кампањата се 12 млади влогери од ЕУ и Западен Балкан кои ќе патуваат ширум регионот, во парови. Секој пар ќе ги споделува искуствата од патувањето преку креирање сопствена онлајн содржина. Делегацијата на ЕУ во Албанија беше домаќин на медиумски ручек за објавување на почетокот на патувањето во Албанија. Шефот на политичката секција на ЕУ во Албанија, Алекси Ипин, ги пречека влогерите и ги пофали за нивниот придонес за промоција на ЕУ и Албанија.

 

Влогерите Орнела Зани (@ornela.zani) од Албанија и Наталиа Орда (@natalia_orda) од Полска, денес поаѓаат на нивното патување. Ќе патуваат седум дена, од 16. до 22. мај, прикажувајќи го најдоброто од Албанија, како и инвестиции од ЕУ во регионот. Нивното патување опфаќа посети на различни локации, вклучително туристички, културни и уметнички проекти кои добиле поддршка од ЕУ. Меѓу проектите, финансирани од ЕУ, кои ќе ги посетат, се: „ЕУзаКултура“ („EU4 Culture“) – проект кој обезбедува помош за реставрирање на локалитети и споменици погодени од земјотресот во 2019 година. Ќе присуствуваат, исто така, и на музичкиот фестивал „Za Fest“, кој во фокус го става северниот регион на Албанија; како и винската патека на римските императори – колекција од виртуелни патеки кои го покриваат целиот регион на Западен Балкан, вклучително и Албанија.

 

Кампањата започна на 18. април и ќе трае до 30. мај, а секоја недела фокусот ќе биде ставен на една од шесте партнерски држави од Западен Балкан. Влогерите ќе покријат вкупно 18 проекти, поддржани од ЕУ; 6000 километри со автомобил, и ќе запознаат бројни интересни и инспиративни локалци во текот на патувањето; прикажувајќи ги, истовремено, природните пејзажи, исклучителните обележја и уникатното културно наследство кое го нуди Западен Балкан. Дванаесетте влогери со своја опрема ќе ги снимат искуствата и ќе ги споделат на каналите на социјалните медиуми, трансформирајќи го своето патување во висококвалитетни содржини за социјалните медиуми и Интернет, слики и видеа, кои ќе бидат споделени на каналите на „WeBalkans“.

Зголемување на енергетската ефикасност на јавните згради: трансформирање на инфраструктурата во Сараево

Напишал/ла WeBalkans на . Објавено во Stories.

Проект, финансиран од ЕУ, работи на ревитализирање на јавните згради во Сараево за посветла и позелена иднина.

БиХ е држава која се одликува со значајна енергетска неефикасност во доменот на градежниот, индустрискиот и секторот за услуги. Јавните згради во БиХ имаат просечна енергетска потрошувачка трипати повисока од просекот во ЕУ, со што се потполно енергетски неефикасни. Над 70 % од јавните згради во БиХ се изградени пред 30 години, без да се земе предвид енергетската ефикасност. Дополнително, преку 80 % од јавните згради моментално зависат од фосилни горива или градски системи за греење на јаглен.

Сараево, најголемиот град во државата, со просечно население од 360000 жители, е сместен во кантонот Сараево. Овој регионален и административен реон го вклучува градот Сараево и окружувањето, со целосно население од приближно 450000 жители. Кантонот Сараево зависи од увоз на електрична енергија, во висина од 61,6 % од консумираната електрична енергија во 2021 година, додека, пак, 38,3 % доаѓаат од домашно производство. Но, забележан е напредок, со поддршка од ЕУ преку проектот „Енергетска ефикасност на јавните згради во кантонот Сараево“.

„ЕУ со задоволство го поддржува напорот на Владата на кантонот Сараево во справувањето со воздушното загадување преку бројни проекти. За оваа специфична иницијатива, која ќе резултира со почисто греење, подобрена изолација и севкупно подобри услови во училиштата, градинките, студентските домови и здравствените установи во кантонот Сараево, ЕУ обезбеди грант во висина од 2 милиони евра. Проектот претставува значаен напредок кон колективен напор за подобрување на животната средина и квалитетот на воздухот во кантонот Сараево.“

Во тек е значајно подобрување на енергетската ефикасност на јавните згради во Сараево, благодарение на пакетот од 10 милиони евра од ЕУ и Европската банка за реконструкција и развој. ЕУ додели 2 милиони евра, додека, пак, Европската банка за реконструкција и развој придонесе со заем од 8 милиони евра за возобнова на 40 згради во главниот град на БиХ. Овие работи се приоритетна иницијатива во склоп на Акцискиот план за зелен град за кантонот Сараево.

Инвестициите првично се фокусираат на 29 училишта и поврзани објекти, шест градинки, три студентски дома, и две болнички установи. Имплементацијата на мерки за заштеда на енергија се очекува да резултира со проценета заштеда на енергија од приближно 13,7 гигавати на час и годишно намалување од околу 4,774 тони емисија CO2. Мерките за енергетска ефикасност вклучуваат и воведување почисти и поефикасни системи за греење, подобра изолација, подобро осветлување и севкупни подобрувања.

Еден од корисниците на поддршка е градинката „Labudovi“ во Сараево, каде што работите за енергетска ефикасност неодамна беа завршени. Интервенцијата вклучи термичка изолација на фасадата, делумна замена на дотраените отвори, инсталација на термостатски вентили на постоечките радијатори, поставување на калориметри и автоматска контрола на греењето со циркулациона пумпа, замена на неефикасното осветлување со ЛЕД светла, и подготвителни мерки за реновирање на зградата.

Жил Ребате, шеф на операции во одделот за економски развој, природни ресурси и инфраструктура при делегацијата на ЕУ во БиХ, присуствуваше на церемонијата со која се означи завршувањето на интервенцијата во градинката „Labudovi“. Тој го потенцираше штетното влијание на воздушното загадување кое има значајни економски последици, го намалува животниот век и го зголемува трошокот за лечење. „ЕУ со задоволство го поддржува напорот на Владата на кантонот Сараево во справувањето со воздушното загадување преку бројни проекти. За оваа специфична иницијатива, која ќе резултира со почисто греење, подобрена изолација и севкупно подобри услови во училиштата, градинките, студентските домови и здравствените установи во кантонот Сараево, ЕУ обезбеди грант во висина од 2 милиони евра. Проектот претставува значаен напредок кон колективен напор за подобрување на животната средина и квалитетот на воздухот во кантонот Сараево,“ изјави Ребате.

„Нашата градинка навистина доби прекрасна промена која сега нè истакнува од останатите. Ја изолиравме зградата и ги заменивме сите безбедносни вентили за греење. Верувам дека сегашните и идните генерации ќе уживаат во убавината на нашата градинка.“

За проектот

Проектот „Енергетска ефикасност на јавните згради во кантонот Сараево“ е имплементиран како дел од Регионалната програма за енергетска ефикасност („REEP/REEP Plus“) за Западен Балкан. Оваа програма беше идентификувана како еден од водечките проекти во рамки на „Бранот на реновирање“ од делот „Чиста енергија“ на Економскиот и инвестициски план за Западен Балкан на Европската комисија. Овие проекти носат значаен придонес за намалување на стакленичките гасови и подобрување на животните стандарди и здравјето на граѓаните. Активностите спроведени во рамки на Регионалната програма за енергетска ефикасност се во насока на Регулативата на ЕУ и целите на Зелената агенда за Западен Балкан, засновани на петте темели од Европскиот зелен договор. Регионалната програма за енергетска ефикасност беше воспоставена од страна на Инвестициската рамка за Западен Балкан во 2012 година. Различни организации соработуваат за да постигнат успех, вклучително и Енергетската заедница, Европската банка за реконструкција и развој, Европската комисија и Банката за развој „KfW“. Програмата вклучува преку 600 милиони евра инвестиции од Европската банка за реконструкција и развој и Банкарската групација „KfW“; комбинирани со грантови од Инвестициската рамка за Западен Балкан.

Градинката „Labudovi“ во Сараево е првиот објект подлежен на целосна реновирање, подобрувајќи ги условите за најмалите, намалувајќи го трошокот за греење и минимизирајќи ги штетните емисии во воздухот.

„Нашата градинка навистина доби прекрасна промена која сега нè истакнува од останатите. Ја изолиравме зградата и ги заменивме сите безбедносни вентили за греење. Верувам дека сегашните и идните генерации ќе уживаат во убавината на нашата градинка,“ потенцира Шпреса Зенони, долгогодишна учителка за претшколска возраст во градинката „Labudovi“. Таа додава дека изолацијата на градинката ќе придонесе за попријатна и повесела средина за децата.

Возобновениот иконичен мозаик на Албанија го добива својот оригинален сјај на главниот плоштад во Тирана

Напишал/ла WeBalkans на . Објавено во News.

16.мај го одбележа официјалното прикажување на возобновената фасада на мозаикот на Националниот историски музеј сместен на плоштадот Скендер Бег во Албанија. Церемонијата беше дел од прославата на Неделата на Европа и на неа присуствуваа претставници од Делегацијата на ЕУ, Министерството за култура, ОН и Бирото на ОН за поддршка на проекти, медиуми, експерти за наследство, како и креаторите на мозаикот. Мозаикот беше реставриран во рамки на програмата „ЕУзаКултура“ („EU4Culture“), финансирана од ЕУ, а имплементирана од Бирото на ОН за поддршка на проекти, во блиска соработка со Министерството за култура на Албанија.  

Мозаикот на фасадата од Националниот историски музеј се смета за еден од најдобрите примери на доцниот албански социјалистички реализам. Поставен во 1981 година, мозаикот ги прикажува, на површина од 565 м2, едни од најзначајните достигнувања во историјата на државата, од стариот период, па сè до ерата на Комунизмот. Дизајнот е изработен од реномирани уметници; вклучително Вилсон Килика, Јосиф Дробонику, Агим Небиу, Анастас Костандини и Александар Филипи.

 

Во ноември, 2019 година, Албанија ја погоди еден од најсмртоносните земјотреси во последните 50 години. Последиците беа ужасни, причинувајќи голема штета во 11 општини, вклучително и бројни локалитети на културно наследство, меѓу кои и мозаикот. Како одговор на кризата, ЕУ го започна проектот „ЕУзаКултура“ („EU4Culture“), имплементиран од Бирото на  ОН за поддршка на проекти, во блиска соработка со Министерството за култура на Албанија. Проектот се фокусира на реновирање и ревитализирање на локалитетите на културно наследство кои беа оштетени од земјотресот и е една од најголемите програми за културно наследство, на светско ниво, со целосен буџет од 40 милиони евра.

Кампањата „ОД НАС НАПРАВЕНО“ денес пристигнува во Србија

Напишал/ла WeBalkans на . Објавено во News.

Кампањата „Од нас направено – патување низ ЕУ и Западен Балкан“, финансирана од ЕУ, а до вас доведена од страна на „WeBalkans“, неделава продолжува во Србија. Кампањата за сензибилизација има за цел промовирање позитивна слика за ЕУ меѓу луѓето од Западен Балкан и обратно. Протагонисти на кампањата се 12 млади влогери од ЕУ и Западен Балкан кои ќе патуваат ширум регионот, во парови. Секој пар ќе ги споделува искуствата од патувањето преку креирање сопствена онлајн содржина.

 

Делегацијата на ЕУ во Србија беше домаќин на медиумски ручек за објавување на почетокот на патувањето во Србија. Г-ѓа Пламена Халачева, шеф на делегацијата на ЕУ во Србија ги пречека влогерите.

 

Влогерите Јелена Радовановиќ (fluorescentni_producent) од Србија и Џошуа Стеиб (joshua.steib) од Германија, денес поаѓаат на нивното патување. Ќе патуваат седум дена, од 16. до 22. мај, прикажувајќи го најдоброто од Србија, како и инвестиции од ЕУ во регионот. Ќе посетат различни места; вклучително и проекти од доменот на технологија, култура и здравство, поддржани од ЕУ. Меѓу проектите, финансирани од ЕУ, кои ќе ги посетат, се: „Anoris“ – компанија која создаде „паметна ракавица“ за поддржување лица со оштетен вид; институтот „BioSense“ кој е креатор на неколку изуми, вклучително и робот кој помага при земјоделството; и проект во градот Рума кој им помага на младите за нивниот професионален развој и производство на здрава храна.

 

Кампањата започна на 18. април и ќе трае до 30. мај, а секоја недела фокусот ќе биде ставен на една од шесте партнерски држави од Западен Балкан. Влогерите ќе покријат вкупно 18 проекти, поддржани од ЕУ; 6000 километри со автомобил, и ќе запознаат бројни интересни и инспиративни локалци во текот на патувањето; прикажувајќи ги, истовремено, природните пејзажи, исклучителните обележја и уникатното културно наследство кое го нуди Западен Балкан. Дванаесетте влогери со своја опрема ќе ги снимат искуствата и ќе ги споделат на каналите на социјалните медиуми, трансформирајќи го своето патување во висококвалитетни содржини за социјалните медиуми и Интернет, слики и видеа, кои ќе бидат споделени на каналите на „WeBalkans“.

Поврзување на Европа: Комисијата потпишува договори на високо ниво со Западен Балкан за подобрување на транспортните врски

Напишал/ла WeBalkans на . Објавено во News.

На 16. мај, Комисијата потпиша договори на високо ниво со БиХ, Црна Гора, Северна Македонија и Србија. Договорите ја адаптираат трансевропската транспортна мрежа, европската мрежа на железнички линии, патишта, пристаништа и внатрешни водни патишта кои ги поврзуваат градовите во ЕУ, преку нивно поврзување со Западен Балкан. Ова е значаен чекор кон поголема транспортна поврзаност помеѓу ЕУ и партнерите од Западен Балкан.  
Комесарката за транспорт, Адина Валеан, изјави: „Со потпишувањето на овие договори, и со нашиот предлог за Европски транспортен коридор Западен Балкан, ја поставуваме основата за интегрирање на транспортната мрежа на Западен Балкан во ЕУ. На овој начин, ќе промовираме развој на одржлива и ефикасна транспортна поврзаност помеѓу ЕУ и овие држави. Важноста на поблиски и континуирани транспортни врски не може да биде потценета.“  
Транспортната заедница која ги зближува земјите членки на ЕУ, претставена преку Комисијата и партнерите од Западен Балкан, активно го поддржува спроведувањето на проектите со кои се поврзуваат шесте држави меѓусебно и со ЕУ.  
Интеграцијата на транспортните мрежи во Западен Балкан со трансевропската транспортна мрежа ќе им помогне на земјите кандидати, како и на потенцијалните земји кандидати за членство во ЕУ за нивното идно пристапување кон Унијата.

Кампањата #IDecide/#ЈасОдлучувам ја подигнува свеста за локалните избори во Албанија

Напишал/ла WeBalkans на . Објавено во News.

За време на неодамнешните локални избори во Албанија, младите европски амбасадори во Албанија ја продолжија традицијата на кампањата за подигнување свест #IDecide/#ЈасОдлучувам, насочена кон промовирање активно учество во локалните избори. Кампањата успешно беше спроведена во четири града: Корча, Решен, Селеница и Булчица, каде што младите европски амбасадори ги едуцираа луѓето за нивните политички права; потенцирајќи ја важноста од учеството во изборните процеси и охрабрувајќи ги да пријават секаков вид на изборни нерегуларности.

 

За завршување на кампањата, се одржа завршна конференција. Конференцијата беше со фокус на дискусија за заклучоците и препораките за кампањата, анализирајќи ги гласачките трендови за време на изборите и потенцирајќи го влијанието на корупција врз излезеноста на гласачите во демократиите.