Skip to main content

Кампањата „Блокирај ја омразата. Сподели љубов!“ започна во Србија

Напишал/ла WeBalkans на . Објавено во News.

Секоја индивидуа игра важна улога во одговарањето на говорот на омраза со позитивен јазик и заемна почит. Ова беше една од клучните пораки при отворањето на настанот за кампањата за подигнување свест – „Блокирај ја омразата. Сподели љубов!“, заеднички организирана од страна на ЕУ и Советот на Европа, која се одржа на 5. мај во Белград.  
Кампањата „Блокирај ја омразата. Сподели љубов!“ има за цел да се бори со различните форми на говор на омраза кои се насочени кон заедниците или индивидуите во Србија; особено оние од ранливите групи и малцинствата. Кампањата ќе се спроведе во онлајн формат; преку страните на социјалните медиуми, како и преку јавни настани. Активностите ќе вклучат јавни личности, институции и активисти кои ќе ги промовираат разноликоста и еднаквоста во Србија и регионот преку своите лични искуства, сведоштва и размена на добри практики.  
Амбасадори на кампањата против говор на омраза во Србија се реномирани јавни личности од светот на глумата: Милена Радуловиќ, Сандра Силаџев, Милош Тимотијевиќ и Славен Дошло, а кампањата беше, исто така, поддржана и од Младите европски амбасадори (Young European Ambassadors). Тие изјавија дека ја поддржуваат кампањата, бидејќи веруваат дека заедно можеме да направиме позитивна промена и поинклузивно општество.  
Кампањата е спроведена во рамки на иницијатива за промоција на разноликоста и еднаквоста во Србија, како дел од заедничката програма, помеѓу ЕУ и Советот на Европа, насловена „Хоризонтален инструмент за Западен Балкан и Турција 2019 – 2022“. Оваа програма поддржува клучни локални чинители и институции-кориснички во Србија и Западен Балкан во борбата против дискриминација, говор на омраза и злосторства од омраза насочени кон малцинства, членови на ЛГБТИ заедницата и останати ранливи категории во српското општество.

Младите европски амбасадори на Европски форум за млади лидери

Напишал/ла WeBalkans на . Објавено во News.

Европскиот форум за млади лидери, четиридневна хибридна конференција, заврши во Катовице, Полска. Форумот обезбеди место за младите учесници од ЕУ, Западен Балкан, Источна Европа и Кавказ да ги разменат своите видувања за тековната политичка ситуација, да споделат искуства и да воспостават нови контакти. Настанот вклучи панел-дискусија и тематски сесии на аспекти за соработка помеѓу европската младина; со посебен фокус на ситуацијата за младината во Украина. Дел од останатите теми на форумот беа и Агендата 2030 за одржлив развој на ОН, Европската младинска стратегија 2019 – 2027, како и приоритетите на Младинските програми на ЕУ за периодот 2021 – 2027; вклучувајќи ги инклузијата и диверзитетот, дигиталната трансформација, животната средина и борбата против климатски промени, како и учеството во демократски живот.

 

Годинава, Младите европски амбасадори (Young European Ambassadors (YEAs)) од Западен Балкан учествуваа во настанот, преку присуство во панел-дискусии, собирање корисни контакти и запознавање професионалци од нивното поле на работа и студии.

 

Ова беше 14-тото издание на настанот, традиционално организиран од „SALTO-YOUTH“ – дел од програмата ЕРАЗМУС+.

Фестивалот „Balkan Trafik“ ја носи културата на Западен Балкан во Брисел

Напишал/ла WeBalkans на . Објавено во News.

Прославувајќи ја балканската музика; од традиционална до фолк, џез, па, сè до панк, фестивалот „Balkan Trafik“ се враќа во Белгија за своето 16-то издание, со почеток, во Брисел, на 29. април и крај на 1. мај. Настанот се случува во живо, за првпат во две години, по олеснувањето на рестрикциите за Ковид-19 годинава.

 

Четиридневниот фестивал на отворено собира, на едно место, 150 различни артисти и музичари; вклучувајќи ги и меѓународните фаворити како Горан Бреговиќ, Бернард Оркестар и Ројазе. На затворањето на фестивалот, 10-то издание на „Giant Horo“ ги обединува танцувачките трупи од балканскиот регион. Тие танцуваа заедно на Големиот плоштад во Брисел во финале кое беше отворено и бесплатно за јавноста.

 

Покрај музика и танц, фестивалот вклучува, исто така, и улична уметност, храна и дегустација на вина, работилници и дебати. Младите европски амбасадори (Young European Ambassadors) од Западен Балкан зазедоа, исто така, учество во фестивалот како зборувачи или водители на дебати во врска со улогата на уметноста во градењето мир; преку претставување на кујната од Западен Балкан во рамки на настан за дегустација на храна и други активности.

ЕУ и Западен Балкан ги здружуваат силите во борба против дезинформациите

Напишал/ла WeBalkans на . Објавено во News.

На 27. април, Генералниот директорат за соседство и проширувачки преговори на Европската комисија организираше виртуелен настан во врска со новите геополитички последици од дезинформациите во Западен Балкан; со преку 95 учесника од сите партнери во Западен Балкан. Настанот за Техничка помош и информациска размена беше заеднички напор помеѓу Генералниот директорат за соседство и проширувачки преговори на Европската комисија, Европската надворешна акциска служба и земјите-членки на ЕУ.

 

Во контекст на војната во Украина, Директорот за источно соседство и градење институции – Лоренс Мередит, ги потенцира ризиците од дезинформациите во поткопувањето на демократијата и безбедноста додека, пак, вршителката на должност Директор за Западен Балкан, Мишела Матуела, нагласи дека слободата на изразување и медиумите се клучните елементи на проширувачкиот процес. Вршителот на должност Директор за тематска поддршка, координација на политики и финансиски инструменти, Метју Буске, се фокусираше на практичните решенија за одговор на дезинформациите.

 

Заедно, 17-те зборувачи од земјите-членки на ЕУ и институциите на ЕУ споделија информации за правните алатки на ЕУ и практични студии на случај; како и конкретни алатки за борба против дезинформациите. Учесниците во настанот заклучија дека се потребни повеќе напори за подигнување на свеста и разбирањето на странските манипулативни тактики, инвестирање во квалитетно и независно новинарство и медиумска писменост; како и поддршка за понатамошна билатерална и мултилатерална соработка за спречување на дезинформации. Инструментот за техничка помош и информациска размена, со својата брзина и флексибилност, беше согледан како добро адаптиран за поддршка на сите овие заеднички напори.

ЕУ и Европската банка за реконструкција и развој прошируваат нови финансирања за бизниси во Србија

Напишал/ла WeBalkans на . Објавено во News.

Малите и средни претпријатија во Србија ќе можат да ги искористат придобивките од новите фондови на ЕУ и Европската банка за реконструкција и развој достапни преку „Intesa Leasing“.  
Нова кредитна линија, во вредност од 5 милиони евра, ќе биде достапна за српските фирми преку „Intesa Leasing“ и тоа во форма на лизинг за опрема и возила; овозможувајќи им, на овој начин, да инвестираат во работните стандарди и процеси и да станат поконкурентни на локалните и пазарите на ЕУ. Малите и средни претпријатија ќе можат да добијат и пристап до грантови од ЕУ во вредност од, најмногу, 15 % од севкупниот износ на лизингот.   
Целта на финансирањето е охрабрување на малите и средни претпријатија за инвестирање во надградување; и тоа во три клучни области: заштита на животната средина, здравје и безбедност, и квалитет на производите. Особен фокус ќе се посвети на инвестициите во зелени технологии, за да им се помогне на малите и средни претпријатија да се прилагодат на еколошките стандарди на ЕУ и да ја подобрат својата енергетска ефикасност со, најмалку, 60 % од сите лизинг средства наменети за поддршка на мерките за енергетско штедење.  
Новиот инструмент е дел од Програмата за поддршка на конкурентност на малите и средни претпријатија во Западен Балкан; во која ЕУ придонесува со стимулативни плаќања и техничка помош додека, пак, Европската банка за реконструкција и развој е задолжена за заемите. Целта е да се обезбеди помош за модернизација на активностите на малите и средни претпријатија и да се искористат трговските можности во регионот на Западен Балкан и поширокиот европски пазар.

ЕУ и БиХ ја зајакнуваат соработката за подготвеност за непогоди

Напишал/ла WeBalkans на . Објавено во News.

Европскиот комесар за управување со кризи, Јанез Ленарчич, ја посети БиХ со цел зајакнување на соработката за спречување непогоди, подготвеност и реагирање; како на национално, така и на регионално ниво. Неговата посета се случува во време кога државата го потврдува својот интерес за приклучување кон Механизмот за граѓанска заштита на ЕУ кој ги координира заедничките кризни акции. Комесарот присуствуваше, исто така, и на вежба за справување со земјотрес од целосен размер, финансирана од ЕУ; со учесници од Албанија, Австрија, Црна Гора, Романија, Словенија и други меѓународни агенции.
 
Јанез Ленарчич изјави: „Пред само неколку дена, БиХ беше погодена од два земјотреса. Не можеме, секогаш, да предвидиме кога и каде ќе се јави следниот, но можеме да бидеме подобро подготвени. Оттука, целосно го поддржувам барањето на БиХ за приклучување кон Механизмот за граѓанска заштита на ЕУ. Убеден сум дека станувањето членка на нашата Европска рамка за граѓанска заштита ќе ѝ обезбеди на БиХ придобивки за подобар одговор во време на криза кога и да се случи некаква непогода од поголем размер. Заедно, можеме да заштитиме и спасиме човечки животи.“
 
Комесарот оствари средба, исто така, и со членови на Претседателството на БиХ, како и со министерот за безбедност – Селмо Цикотиќ. За време на неговата посета, комесарот, исто така, најави и 2,5 милиони евра дополнителни хуманитарни фондови за помош на БиХ за покривање на потребите на бегалците, барателите на азил и мигрантите во државата.

Европската инвестициска банка ќе го поддржи Западен Балкан во справувањето со тековната криза

Напишал/ла WeBalkans на . Објавено во News.

На крајот од април, Европската инвестициска банка (ЕИБ) ја ко-организираше осмата Меѓународна истражувачка конференција за мотивирање отпор во време на криза; со посебен осврт на улогата на политиките. Конференцијата беше организирана во соработка со Националната банка на Северна Македонија и се одржа на триесеттата годишнина од монетарниот суверенитет на Северна Македонија. Настанот беше насочен кон тековните предизвици, несигурноста која се јавува поради пост-панедмиските политички промени, како и политичките одговори потребни за да се справиме со распространетите недостатоци на енергија и добра предизвикани од војната во Украина. Конференцијата ја илустрираше зацврстената соработка помеѓу ЕИБ, позајмувачкото тело на ЕУ, со партнерите во Северна Македонија и поддршката која ЕИБ ја обезбедува за економската стабилност на државата во текот на интеграцискиот процес за членство во ЕУ, преку 40 години.  
Заменик претседателката на ЕИБ, Лилјана Павлова, потенцираше дека, како банка на ЕУ, ЕИБ е подготвена да го поддржи регионот на Западен Балкан во надминувањето на тековните предизвици. „Освен финансирањето на изградба на побезбедни и поразнолики енергетски мрежи, му помагаме на регионот да го зголеми својот отпор кон климатските промени и да развие нови одржливи проекти во рамки на Економскиот и инвестициски план на Европската Комисија за Западен Балкан. Минатата година, ЕИБ обезбеди 257 милиони евра за да ја поддржи декарбонизацијата и транзицијата кон зелена енергија во регионот,“ изјави таа.  
Меѓународната конференција пречека преку 40 учесника, вклучително и гувернери и членови на управен совет на централните банки, високи функционери на меѓународните финансиски институции и претставници на регионалната и меѓународна академска заедница.

Кампања за младински дијалог во Црна Гора

Напишал/ла WeBalkans на . Објавено во News.

Кампањата за младински дијалог која неодамна започна во Црна Гора има за цел подигнување на свеста за тоа што значи младинско учество и зошто истото е значајно; како и овозможување на младите да се инволвираат во процесот на носење одлуки за проблеми кои ги засегаат. Кампањата има за цел да го достигне ова преку директен дијалог со младите и организациите кои ги претставуваат. Фокусот ќе биде ставен на вработување на младите и дискусија на теми кои ги интересираат младите; вклучително и ветувањата на ЕУ за младите во рамки на Економскиот инвестициски план за Западен Балкан.

 

Креирано е и видео, насловено „#Say it loud, we hear you” („#Искажи се гласно, те слушаме“); кое ги повикува младите да заземат учество во дијалогот; со директно и лично учество во својот град, преку пополнување на онлајн прашалник.

 

Се работи за заедничка кампања, спроведена од Делегацијата на ЕУ во Црна Гора, ЕУ Инфо Центарот и Младинската мрежа на Црна Гора, како и релевантните министерства: Министерството за економски развој, Министерството за финансии и социјална грижа, Министерството за здравство и Министерството за образование, наука, култура и спорт; со поддршка од Регионалниот совет за соработка и голем број младински организации: Здружението европска младинска картичка, Здружението на студенти по политички науки од Црна Гора, Организацијата на студенти од Црна Гора во странство, Порталот Макање, Радио Крш, Студентскиот парламент, Унијата на средношколци од Црна Гора и Унијата на млади претприемачи.

Објавен добитникот на Европската награда за литература за 2022 година

Напишал/ла WeBalkans на . Објавено во News.

Меѓународно жири го објави добитникот на Европската награда за литература, за 2022 година, како и пет посебни пофалби, на саемот на книгата во Париз. Грузиската писателка, Ива Пезуашвили, ја доби наградата за својот роман „A garbage chute“. Жирито додели и посебни пофалби на автори од Белгија, Босна и Херцеговина, Ирска, Шпанија и Украина.

 

Изборот за 2022 година прикажува широка палета јазици, земји, приказни и гласови кои ја илустрираат ЕУ и отвореноста на програмата „Creative Europe“ кон културен и јазичен диверзитет во и надвор од ЕУ. Добитникот и номинираните автори ќе добијат тековна промоција, на европско ниво, со цел допирање до поширока и меѓународна публика; како и можност за поврзување со читателите надвор од нивните матични национални и јазични граници.

 

Уште од 2009 година, Европската награда за литература им оддава признание на новите белетристи од Европската Унија и пошироко. Наградата ги чествува современите извонредни книжевни таленти од сите 41 држава кои учествуваат во програмата Креативна Европа.

ЕУ издвојува дополнителни 45 милиони евра, во форма на грантови, за Коридорот „Vc“ во БиХ

Напишал/ла WeBalkans на . Објавено во News.

Европската Унија ја зголемува својата поддршка за Коридорот „Vc“ – клучен транспортно-инфраструктурен проект во БиХ, со дополнителни средства, во форма на грант, од 45,2 милиони евра. На овој начин, севкупната вредност на доделени грантови од ЕУ за Коридорот „Vc“ се искачува на повеќе од половина милијарда евра. Спогодбата за грантово финансирање, потпишана на 27. април, ќе обезбеди средства за плаќање на тековните градежни работи на двете автопатски секции Поприкуше – Немила, вредни 36 милиони евра; со инвестициски грант од 9,2 милиони евра за Ивановиот Тунел.  
 
Коридорот „Vc“ е паневропски транспортен проект кој вклучува автопат, во должина од 325 километри, кој ќе ја поврзува БиХ од север до југ, носејќи ја поблиску до ЕУ и, надежно, ќе го поврзи јадранското пристаниште Плоче, во Хрватска, со унгарската престолнина – Будимпешта.  
 
Автопатот е кофинансиран преку извори, во форма на грант, од ЕУ и преку погодни заеми од Европската банка за реконструкција и развој, како и од Европската инвестициска банка (ЕИБ).  
 
Фондот за грантовите е обезбеден преку Инвестициската рамка за Западен Балкан, поддржана од ЕУ, која има за цел да ја подобри поврзаноста на регионот преку градење нови транспортни врски и надоградба на веќе постоечката и застарена транспортна и еколошка инфраструктура. Развојот на Коридорот „Vc“ е стратешки приоритет за БиХ кој се очекува да придонесе за побрз економски и општествен развој.