Skip to main content

Area of Cooperation: Environment

„TAIEX“ ја поддржува локалната власт во Црна Гора во борбата против морското загадување

Објавено . Објавено во Вести.

Според еколошката програма на ОН, секоја минута во океанот се фрла смет колку што собира еден камион за отпадоци. Ваквата ситуација е штетна не само за морскиот екосистем, туку и за човекот; преку честичките микропластика во прехранбениот ланец.

 

На 10. и 11. април, инструментот на Европската комисија за техничка помош и информациска размена (TAIEX), во соработка со општината на градот Будва, организираше работилница, за справување со пластичен отпад, наменета за сите општини на црногорското крајбрежје. Претставници на централните институции и невладиниот сектор се приклучија, исто така,  во настанот со цел споделување идеи со експерти на ЕУ од Словенија и Белгија.

 

Учесниците се согласија дека се потребни повеќе иницијативи за рециклирање со што би се соочиле со овој проблем во Јадранското море. Разменија, исто така, идеи за начинот на кој можат да ги мотивираат граѓаните со цел намалување на користењето на пластика за еднократна употреба. Кристоф Делаттер, шеф на одделот за стратегија и политика при Агенцијата за управување со отпад во Фландрија (Белгија), покажа како Белгија успеа да достигне намалување на домаќинскиот отпад преку спој од законски иницијативи и комуникациски кампањи. Штефан Трдан, од Институтот за вода во Словенија, ја објасни важноста од прибирањето информации во врска со управувањето со отпад и покажа како општините можат да ги користат истите во комуникациските акции насочени кон трајни и обновливи резултати.

 

Настанот во Будва ја отпочна втората фаза на иницијативата „TAIEX“ која треба да понуди стратешка поддршка за локалните авторитети во Западен Балкан кои работат директно со локалните и регионални авторитети со цел споделување на најдобрите пракси за јавна политика на ЕУ. Наскоро, ќе се организираат повеќе локални работилници и експертски мисии на теми поврзани со екологијата и животната средина.

Стар рецепт за сирење во пресрет на нови клиенти

Објавено . Објавено во Приказни.

Произведувачи на сирење од БиХ ги зголемуваат своето производство и работна сила со поддршка на ЕУ

Кога Томислав Пуџа имал 20 години, неговиот татко починал, а Томислав ја наследил семејната традиција за производство на сирење. Семејството Пуџа специјализира во производство на сирењето „Ливно“; биено сирење, од кравјо или овчо млеко или, пак, мешавина од двете. Во форма на тркало, сирењето природно зрее под кората, најмалку 60 дена, и има остар и јак вкус. Рецептот бил воведен во регионот Ливно за да одговара на вкусот на кралското благородништво во времето на австро-унгарското владеење.

„Татко ми отсекогаш сонуваше за проширување на нашиот бизнис и отворање мала млекарница. Брат ми и јас, одлучивме овој сон да го претвориме во реалност.“

Од работилница за сирење до голема компанија  

Бабата и дедото на Томислав произведувале сирење, во мали количини, во нивната визба. Во 1970-те, одлучиле да го комерцијализираат својот производ и да го продаваат во туристичкиот регион ширум јадранското крајбрежје. Иако количините не биле големи, продажбата добро се одвивала, а заработувачката била доволна за семејството. Таткото на Томислав ја продолжил традицијата, а Томислав помогнал.

„Татко ми отсекогаш сонуваше за проширување на нашиот бизнис и отворање мала млекарница. Брат ми и јас, одлучивме овој сон да го претвориме во реалност,“ вели Томислав.

Млекарницата „Puđa Eco Cheese“ била основана во 2003 година и, оттогаш, постојано расте. Денес, млекарницата произведува дузина видови сирење, а добиле и бројни меѓународни награди за квалитет меѓу кои посебно се издвојува медалот добиен на Меѓународниот семинар за сирење; одржан во Австрија во 2014 година.

Во 2019 година, водени од идејата за модернизирање на производствениот процес и зацврстување на долгогодишната позиција на млекарницата, како на домашниот, така и на странскиот пазар; компанијата „Пуџа“ одговорила на јавен повик за грантови, објавен во рамки на проектот „EU4Business“; финансиран од ЕУ и германската влада, а имплементиран од Програмата за развој на Обединетите Нации, Меѓународната организација на трудот и германската организација за кооперативен развој – ГИЗ. Благодарение на проектот „EU4Business“, млекарницата ги заменила старите буриња за сирење со поголеми и софистицирани, а инсталирале и системи за одржување микро клима во млекарницата. Градежната работа придонела, исто така, за подобрување на целосниот квалитет на производствениот процес во млекарницата.

Целосната вредност на инвестицијата изнесува преку 380000 евра, од кои ЕУ обезбедила приближно 150000 во форма на грантови. Модерната опрема го подобрила работниот тек, како и квалитетот; ги намалила производствените трошоци и придонела за зголемување на продуктивноста. „Модерната технологија ги сведе грешките на минимум, што е особено важно за нас, во насока на одржување континуитет на квалитетот. Тоа што веднаш забележавме е дека новата опрема овозможува подобро искористување на млекото; што значи дека денес добиваме повеќе сирење од истата количина млеко. Оттука, нашата пазарна конкурентност се подобри,“ вели Томислав. Подобрувањата, постигнати преку проектот „EU4Business“, значат и нови можности за проширување на производството надвор од границите на БиХ.

„Луѓето се нашиот најсилен адут. Со новите машини, нашите работници имаат подобри работни услови и можат побрзо и полесно да ја завршат својата работа.“

За проектот

„EU4Business“ е проект на ЕУ кој има за цел зајакнување на капацитетот за економски развој и вработување во БиХ преку поттикнување конкурентност и иновација во одредени сектори. Истиот располага со буџет од 16,1 милион евра: 15 милиони евра обезбедени од ЕУ и 1,1 милион евра од страна на Федералната република Германија.

„EU4Business“ е дел од програмата за Локален развој на стратегии – локално самоуправување и економски развој во БиХ на германското федерално министерство за економска соработка и развој.

Приближно 40 работници се вработени во млекарницата, вклучително и седуммина вработени благодарение на инвестицијата преку „EU4Business“. Новите вработувања го зголемуваат производственото ниво, придонесувајќи, исто така, и за подобра контрола на квалитетот. Како што Томислав вели: „Луѓето се нашиот најсилен адут. Со новите машини, нашите работници имаат подобри работни услови и можат побрзо и полесно да ја завршат својата работа.“

Поврзување на Западен Балкан преку Транс-балканскиот коридор за електрична енергија

Објавено . Објавено во Вести.

Заедно со останатите партнери од Западен Балкан, Србија е во процес на изградба и поврзување преку Транс-балканскиот коридор за електрична енергија, долг 371,3 километри, за кој Инвестициската рамка Западен Балкан (Western Balkans Investment Framework (WBIF)) обезбедува 32,1 милион евра неповратен фонд од ЕУ.

   

Данко Гавриловиќ, координатор на Инвестициската рамка Западен Балкан за Србија, ја истакнува важноста на проектот за економијата, поврзувањето и одржливоста на развојот на обновлива енергија. „Економскиот и инвестициски план за Западен Балкан 2021 – 2027 е одраз на напорите на ЕУ да поттикне долготрајно зацврстување на државата и регионот, со поддршка на така наречената зелена и дигитална трансформација и забрзување на регионалното поврзување, како и поврзувањето со ЕУ. Забрзаниот развој на одржливите капацитети бара и развој на преносната мрежа,“ изјави Гавриловиќ.

   

Проектот беше категоризиран како водечки проект за транзицијата од јаглен, а, исто така, претставува и инвестициски приоритет за чиста енергија; како што е одлучено во Економскиот и инвестициски план за Западен Балкан 2021 – 2027. Проектот е дел од пошироката поддршка на ЕУ наменета за енергетскиот сектор; во текот на изминатите две децении, ЕУ инвестираше преку 830 милиони евра во енергетскиот сектор. Само во 2022 година, поддршката на ЕУ за енергетскиот сектор на Србија е проценета на 100 милиони евра.

   

Диверзификација на енергетските извори, безбедност на снабдување, енергетска ефикасност и декарбонизација на економијата, во согласност со Договорот од Париз, се главните цели на поддршката на ЕУ, која се имплементира во соработка со Владата на Србија. ЕУ ќе продолжи да ја поддржува Србија во достигнувањето на правото на ЕУ и при креирањето на структури кои ќе поттикнат инвестиции во процесот на декарбонизација на енергетскиот сектор.

Нова поддршка за рурален развој за Албанија, Северна Македонија и Србија

Објавено . Објавено во Вести.

The European Commission has adopted (IPARD) rural development programmes under the instrument for pre-accession assistance, offering €112 million for Albania, €97 million for North Macedonia and €288 million for Serbia. The programmes provide the basis for EU support in the field of agriculture and rural development until 2027.

 

Together with national public and private contributions, the IPARD programmes are expected to generate in total over €2 billion of investments in the rural areas of Western Balkans and Turkey. Through these programmes, countries pursue objectives related to the competitiveness of the agri-food sector, sustainable management of natural resources, climate action and improving rural areas’ attractiveness.

 

The programmes also contribute to the objectives of the European Green Deal and the Green Agenda for the Western Balkans through investments to align with EU standards including through upgrading buildings, machinery, and equipment. They also help increasing rural areas’ growth potential and their attractiveness to prevent depopulation. This can be done through better infrastructure, diversifying income-generating economic activities and fostering rural employment, in particular among women and youth. IPARD is an integral part of the broader EU pre-accession strategy under the Instrument for Pre-Accession Assistance.

Обновлива енергија за Косово

Објавено . Објавено во Приказни.

ЕУ поддржува изградба на топлана на основа на обновлива енергија во Ѓаковица

Кога била изградена, во раните 1980-ти, топланата „Ngrohtorja“ била гордоста на градот Ѓаковица. Ова било единствениот град, покрај главниот, кој поседувал современ топлификационен систем заснован на мазут. Меѓутоа, мазутот станал финансиски неисплатлив, а свеста за загадувањето кое истиот го предизвикува постојано растела. Како последица, во периодот по војната во Косово, во 1999 година, топланата „Ngrohtorja“ скоро и да престанала да обезбедува греење за жителите на Ѓаковица, а подоцна обезбедувала греење само неколку часа дневно.

Зрак надеж дека компанијата можеби повторно ќе успее да понуди одржлив систем на греење се појавил на почетокот на минатата деценија кога, со поддршка на ЕУ, топланата „Ngrohtorja“ иницирала студија за изводливост („физибилити студија“) за обезбедување квалитетно и еколошко греење за локалните жители.

„Кога идејата допре до јавноста, сите бевме возбудени; но, истовремено, имаше и одредена доза скептицизам, бидејќи топланата веќе со години не обезбедуваше квалитетно греење.“

Албана Скивјани е генерален менаџер на компанијата. Кога студијата за изводливост („физибилити студијата“) била иницирана, Албана не била менаџер; туку граѓанка на Ѓаковица и клиентка на топланата и, притоа, се сеќава на ентузијазмот меѓу јавноста. „Кога идејата допре до јавноста, сите бевме возбудени; но, истовремено, имаше и одредена доза скептицизам, бидејќи топланата веќе со години не обезбедуваше квалитетно греење,“ вели Албана.

Студијата за изводливост покажа дека има реални можности за повторно враќање на топлификациониот систем во Ѓаковица; со употреба на еколошки енергетски извори.

Волшебниот збор беше биомаси!

Греењето со биомаси користи органски материи како гориво за топланата или за производство електрична енергија. Во случајот на Ѓаковица, планот беше да се користи дрвен отпад (струготини) и отпад од грозје кое изобилува во регионот. Но, и покрај достапноста на биомаси во регионот; кои би можеле да се користат како гориво, проектот не беше едноставен за реализација, бидејќи трошоците за технологијата беа особено високи, а, исто така, беше неопходна и експертиза за ракување со технологијата. Европската Унија пристапи и го поддржа проектот со околу 15 милиони евра.

Новата топлана која произведува греење и електрична енергија беше свечено отворена во пролетта 2021 година; станувајќи еден од ретките најсовремени системи кои функционираат на биомаса во Западен Балкан и пионер за енергетската иднина. Оваа зима, енергијата произведена во топланата овозможи 24-часовно греење за мноштвото клиенти на топлификационата мрежа „Ngrohtorja JSC“.

„Лично, и во име на жителите на нашиот град, ја изразувам нашата благодарност до ЕУ за овој огромен проект кој ќе обезбеди греење во следните децении; служејќи како пример за останатите градови.“

За проектот

Преку програмата на Инструментот за претпристапна помош (ИПА) 2015, ЕУ инвестираше преку 15 милиони евра во подготвителни активности за изградба на топланата на основа на биомаси во градот Ѓаковица. Проектот ќе има значајно економско и еколошко влијание врз градот: годинешните оперативни трошоци на „Ngrohtorja JSC“ се очекува да се намалат од 35 % на 50 %; додека, пак, севкупната стапка на загадување во регионот ќе се намали за околу 90 %.

Според Албана, еден од најголемите предизвици било совладување на управувањето со новата технологија, бидејќи повеќето вработени немале претходно слично искуство. Меѓутоа, оваа пречка била надмината со поддршката на проект, финансиран од ЕУ, кој овозможил специјализирана обука за ракување со новата опрема за вработените. Албана објаснува дека оваа зима, за првпат во многу години, успеале да обезбедат постојана 24-часовна енергија за своите клиенти. „Нашите корисници се воодушевени, како и сите други во градот, затоа што покрај греењето, градот не е загаден како порано,“ вели Албана. Редовното греење од топланата беше особено значајно годинава; поради глобалната енергетска криза, зголемените цени на енергија и недостатоците на енергија.

„Лично, и во име на жителите на нашиот град, ја изразувам нашата благодарност до ЕУ за овој огромен проект кој ќе обезбеди греење во следните децении; служејќи како пример за останатите градови,“ вели Албана.

Помош за вкусните малини од БиХ кои го освојуваат пазарот на ЕУ

Објавено . Објавено во Приказни.

Земјоделска компанија од БиХ го зголемува својот производствен капацитет со поддршка на ЕУ

Преку повеќе од две децении, Небојша Радовиќ, од Братунац во БиХ, одгледува малини; а, денес, неговата сопруга и трите деца му помагаат на насадите со малини. Поради дополнителните приходи кои ги добиваме од малините, Небојша објаснува: „Малините ни значат многу. Мојата сопруга нема друга работа, а мојата постојана работа не е доволна за покривање на сите трошоци. И децата ги подучуваме за одгледувањето малини.“

Небојша е еден од неколкуте кооперанти во семејната компанија, „Herbos Nature“, која собира шумски овошја уште од 2006 година. Од 2012 година, компанијата е ангажирана во купување, преработка и продажба на големо на шумски плодови, печурки и билки. Денес, имаат мрежа од преку 1000 кооперанти ширум државата.

„Како што постојано растевме, имавме и проблеми, но со пандемијата, проблемите пораснаа, особено за нашите кооперанти.“

Поддржување раст во време на криза

Маида Хаџиавдиќ, од „Herbos Nature“, објаснува дека компанијата стабилно растела со години; но дека, како и многу други бизниси, биле соочени со тешкотии кога пандемијата КОВИД-19 започна во 2020 година. „Како што постојано растевме, имавме и проблеми, но со пандемијата, проблемите пораснаа, особено за нашите кооперанти,“ вели Маида.

Тогаш, наишле на повик за предлози за поддршка на земјоделските претпријатија во БиХ, отворен од проектот „EU4AGRI“; финансиран од ЕУ. „Herbos Nature“ се пријавиле и добиле поддршка; вклучително и купување опрема за компанијата и нивните кооперанти, како и друг вид помош за подобрување на условите за работа; во вкупна вредност од преку 114000 евра.

Како еден од кооперантите на „Herbos Nature“, Небојша добил вредна опрема, финансирана од ЕУ, за олеснување на семејната работа и поголема ефикасност. „Со оглед на тоа што сега имам свој мотокултиватор, дониран од „EU4AGRI“, моите трошоци се помали,“ објаснува Небојша.

„EU4AGRI“ ни помогна да го прошириме нашиот пазар. Покрај Устиколина и Братунац, сега имаме филијала и во Травник. Вработивме повеќе работници и започнавме соработка со дополнителни кооперанти.“

За проектот

Проектот „EU4AGRI“ е четиригодишна иницијатива (2020 – 2024), насочена кон модернизирање на земјоделско-прехранбениот сектор, создавање нови работни места, како и задржување на веќе постоечките, и поддржување на закрепнувањето од кризата КОВИД-19 во БиХ. Целосната вредност на проектот, основан од ЕУ, изнесува преку 20 милиони евра; а истиот е заеднички имплементиран и кофинансиран од програмата на Обединетите Нации за развој во БиХ и Агенцијата за развој на Република Чешка.

Проектот ѝ овозможил на компанијата да искористи нова опрема и дополнителна  поддршка. „Поддршката од „EU4AGRI“ ни помогна да го прошириме нашиот пазар. Покрај Устиколина и Братунац, сега имаме филијала и во Травник. Вработивме повеќе работници и започнавме соработка со дополнителни кооперанти.,“ вели Маида. Преку опремата добиена од „EU4AGRI“, компанијата ги модернизирала, исто така, и своите производствени процеси.

Како 23 годишната Маида, така и останатите вработени се, најчесто, млади обучени професионалци; имајќи за задача да внимаваат работата да ги исполнува највисоките стандарди за квалитет. Преку 95 % од производството е наменето за извоз во држави како Франција, Германија, Полска, Србија, Словенија, Швајцарија и Турција. „Новата опрема ни овозможи да го подобриме производството и да ги задоволиме барањата на нашите клиенти,“ вели Маида. „Среќни сме што учествувавме во проектот „EU4AGRI“; придонесувајќи, на тој начин, за одржливоста на земјоделскиот и прехранбениот сектор во БиХ.“

„YEA“ и „US Youth Council Albania“ подготвуваат иницијатива која забранува пластични кеси

Објавено . Објавено во Вести.

На 16. март, во Тирана, зазеде место втората отворена дискусија помеѓу амбасадорите на ЕУ и САД во Албанија, Младите европски амбасадори и „US Youth Council“. Сите страни дискутираа за нивната соработка; со почеток од првиот состанок во јуни 2021, како и за можната идна соработка меѓу двете младински мрежи.

 

Севкупно, двата амбасадори ги охрабрија да се ангажираат, да разменуваат идеи и да учествуваат во градењето подобра и побезбедна иднина за нивната држава; потсетувајќи ги, истовремено, за нивното место во светот и разликата која можат да ја направат.

 

Се согласија дека „YEA“ и „US Youth Council“ ќе изготват нацрт верзија за заедничка иницијатива за забрана на пластичните кеси во Албанија. Следниот состанок помеѓу мрежите ќе биде во насока на споделување на резултатите.

„Udhë“ наоѓа начин за автомобилско здружување во Косово

Објавено . Објавено во Приказни.

Група млади иноватори, со поддршка на ЕУ, започнуваат апликација за автомобилско здружување

Како студент во Приштина, Ерол Горчи морал неколкупати неделно да патува, од својот роден град Пеќ, приближно 80 км. Такси превозот бил скап, а автобусите не биле чести. Како и други бројни патници, и тој испробал алтернативни решенија; проверувајќи дали некој од неговите пријатели или роднини оди кон главниот град за да може да им се придружи.

Ерол студирал компјутерски науки и технологии и како што ги развивал своите ИТ способности, согледал дека пополнувањето на празнините во меѓуградскиот сообраќај со мрежа за автомобилско здружување може да биде интересна бизнис прилика. Така започна и „Udhë“ (зборот значи „пат“ или „патување“ на албански); прва апликација за автомобилско здружување во јужниот дел на Балканот која ги поврзува возачите со патници.

„Пред да ја развиеме апликацијата, најпрво, сакавме да го тестираме приодот преку социјалните медиуми и функционираше.“

Ерол и неговите другари дискутирале за идејата неколку години претходно и се договориле да креираат страница на социјалните медиуми за оние кои се заинтересирани за автомобилско здружување да можат да комуницираат меѓусебно и да договорат заедничко патување. „Пред да ја развиеме апликацијата, најпрво, сакавме да го тестираме приодот преку социјалните медиуми и функционираше,“ вели Ерол.

Групата за автомобилско здружување на Фејсбук добила околу 10000 члена за краток период. Ова било доказ дека луѓето се заинтересирани, а тимот препознал прилика за развивање професионална услуга. Започнале да ја развиваат апликацијата за возачи и патници на почетокот од 2020 година. Бидејќи имале малку искуство со вакви подвизи, се пријавиле за проектот „VentureUP“, финансиран од ЕУ, за техничка помош со посебен фокус на прототипирање. Ерол и неговиот тим искористиле вебинари и алатки за маркетинг, бизнис моделирање и финансирање кои биле особено важни при градењето на нивната експертиза.

„Поддршката од ЕУ беше неопходна за развојот и реализирањето на нашата идеја.“

За проектот

Проектот „VentureUP“ (проект „Venture Incubator“ на универзитетот Приштина) е поддржан од ЕУ во Косово и им овозможува на студентите и стартапови можности за развивање бизниси за креирање работни места и зголемување на нивните шанси за вработување во Косово. Во текот на првата програма за инкубација, во 2019 година, седум стартапови со вкупно 23 члена ја завршија програмата. Од нив, четири стартапови се регистрираа како законски бизниси; креирајќи приходи и вработувајќи вкупно 15 луѓе. Во 2020 година, дванаесет стартапови со 31 член ја завршија втората програма за инкубација. Како резултат, регистрирани беа пет законски бизниси кои создаваат приходи и вработуваат вкупно 18 луѓе.

Апликацијата е на пазарот преку „Google Play“ и „Apple store“ од јануари 2021. Денес, онлајн заедницата има преку 30000 следбеници на социјалните мрежи и приближно 15000 корисници на мобилната апликација. Преку неа, наоѓаат решение за транспортните проблеми на неколку стотици патници дневно. Сега, четиричлениот тим е во потрага на позначаен опсег и помош за обезбедување бизнис-ангелска инвестиција за проширување. Планираат да ја предложат услугата во Албанија и на балканскиот пазар каде што најголемата платформа за автомобилско здружување не успеа во подвигот.

Ерол објаснува дека во косовскиот едукативен систем има недостаток на учење на претприемништвото и начините за развивање на идеите во производи, како и начини за монетизирање на идеите. За него, проектите за инкубација се неопходни за овозможување на првите чекори во светот на бизнисот и претприемништвото. „Поддршката од ЕУ беше неопходна за развојот и реализирањето на нашата идеја,“ вели тој.

Високиот претставник / Заменик-претседателот Жозеп Борел во Западен Балкан

Објавено . Објавено во Вести.

Високиот претставник за надворешни работи и безбедносна политика / Заменик-претседателот на Европската Комисија – Жозеп Борел, во понеделникот, беше во Северна Македоника пред да отпатува, во вторникот, за Албанија, и во Босна и Херцеговина во средата. Неговата посета ја потврдува посветеноста и поддршката на ЕУ за регионот, особено во насока на руската војна против Украина и нејзиното влијание на безбедноста во Европа во целост.

 

Високиот претставник / Заменик-претседателот Борел во Скопје оствари средба со Претседателот Стево Пендаровски и Премиерот Димитар Ковачевски, заменик-министерот за европски прашања – Бојан Маричиќ, министерот за надворешни работи – Бујар Османи и министерката за одбрана – Славјанка Петровска. Во вторник, високиот претставник ќе отпатува за Тирана каде што ќе оствари средба со Премиерот Еди Рама и други претставници на албанските авторитети и граѓанското општество, а ќе ја посети, исто така, и реставрацијата на мозаикот во Музејот за национална историја, реновиран под покровителство на програмата Поддршка на ЕУ за оправување по земјотресот (EU’s post-earthquake recovery assistance).

 

Во среда, високиот претставник / заменик-претседателот ќе биде во Сараево каде, најпрво, ќе ја посети операцијата „EUFOR Althea“ чиј капацитет на земјени трупи неодамна се зголеми за приближно двапати. Ќе се состане и со босанските авторитети, претставници на политичката опозиција и граѓанското општество

Отворање на изложба која го промовира „Зелениот договор“ на ЕУ

Објавено . Објавено во Вести.

После две изложби, инспирирани од пандемијата, на теми за трансформирање на досадата во креативност и уметноста како начин за бегство од реалноста; Резиденцијата на амбасадорот на ЕУ во Северна Македонија е повторно во својство на домаќин на уште една изложба.

 

Изложбата која беше отворена на 10. март од страна на амбасадорот на ЕУ, Дејвид Гир, како и Првата дама – Елизабета Ѓоргиевска, е дел од кампањата на Делегацијата на ЕУ во Северна Македонија која ги промовира целите и можностите на „Европскиот зелен договор“. „Зелениот договор“ подразбира живеење, производство и задоволување на нашите потреби со минимално „трошење“ на планетата и нејзините ресурси. Во него, исто така, станува збор и за справување со последиците од климатските промени, заштита на биодиверзитетот и креирање одржлив развој.

 

Уметничките дела се на Озбек Ајваз, Маја Кировска, Зоран Тодовиќ, Ненад Тонкин, Вана Урошевиќ и Велимир Жерновски, а беа избрани од страна на галеријата Акантус – Скопје. Истите претставуваат видувања на темата рециклирање; не само како начин за зачувување на ресурсите, но и како начин за инспирирање креативност, покренување на свеста за нашата зависност од природата, како и исцелителната моќ на природата. Изложбата ќе биде отворена за јавноста до 20. мај. Посетителите можат да резервираат термин и бесплатни билети преку Фејсбук страната EU za Kultura Facebook page