Skip to main content

Area of Cooperation: Democracy and fundamental rights

Комесарот Вархелеј ја посетува Србија со цел дискутирање за приоритетите за пристап кон ЕУ и енергетска соработка

Објавено . Објавено во Вести.

Комесарот за соседство и проширување на ЕУ, Оливер Вархелеј, на 1. и 2. декември 2022 година, ќе допатува во Србија за да дискутира за приоритетите на пристапниот процес кон ЕУ, со силен фокус на енергетска соработка. Во текот на попладнето, заедно со министерката за енергија, Дубравка Ѓедовиќ, и министерот за европска интеграција, Мишчевиќ, ќе ја посети „Elektromreža Srbije (EMS)“, за презентација на имплементацијата на Трансбалканскиот електричен коридор; енергетски проект, кофинансиран од ЕУ, кој ќе овозможи поголема енергетска стабилност и ефикасност на Србија. Вечерта, ќе се состане со претседателот, Александар Вучиќ; премиерката, Ана Брнабиќ; собранискиот спикер, Владимир Орлиќ; заменик премиерот и министер за надворешни работи, Дачиќ; како и со министерот за внатрешни работи, Гашиќ. Исто така, ќе биде присутен и на потпишувањето на спогодбата за финансирање, од ЕУ, кое ќе ја постави правната рамка за идна претпристапна помош на ЕУ за Србија; како и на два проекта, финансирани од ЕУ, за поддршка на капацитетот на Србија за управување со миграциските текови и граничната контрола.

Младите европски амбасадори учествуваат на настанот „Блокирај ја омразата. Сподели инклузија!“ во Пљевља, Црна Гора

Објавено . Објавено во Вести.

Овозможувањето простор за младите да ги искажат своите мислења и да дискутираат за предизвиците со кои се соочуваат во своите локални заедници е неопходно за градење поинклузивно општество, ослободено од дискриминација. Ова беше потенцирано на работилница за студенти која се одржа во Пљевља, на 23. ноември, како дел од иницијативата на ЕУ и Советот на Европа, „Блокирај ја омразата. Сподели љубов!“, во соработка со Бирото за регионална младинска соработка. Настанот обедини студенти, претставници на институции, локални невладини организации од Пљевља и претставници од мрежата „Млади европски амбасадори“.

 

На настанот, младите европски амбасадори и другите млади имаа можност да дискутираат со носители на одлуки; пред општината Пљевља, народниот правобранител, министерството за образование, како и министерството за спорт и млади. Како дел од дискусиите, разговараа за начините на кои омразата се шири низ системот и општеството и што можат да направат младите за да ги поддржат институциите во борбата против говорот на омраза; покажувајќи колку се важни почитта и заедништвото. Исто така, ги потенцираа и придобивките на мултикултурните средни и потребата за охрабрување на другите млади со цел да не се откажуваат и да продолжат со својата работа во доменот на активизмот, за заедничка придобивка на нивните општества.

Завршување на работата на најсовремениот затвор во Крагујевац, Србија

Објавено . Објавено во Вести.

Во четвртокот, 16. ноември 2022 година, високи офицери од Србија, ЕУ и други донаторски држави присуствуваа на отворањето на затворот во Крагујевац. Целосната вредност на новиот затвор изнесува 40 милиони евра. Затворот беше делумно финансиран со заем, во вредност од 17 милиони евра, од Банката за развој, на Советот на Европа, и техничка помош, во форма на грантови, од 3 милиони евра, од билатерални донатори на Инвестициската рамка за Западен Балкан.  
Како една од најсовремените и најбезбедни казнено-поправни институции во Европа, затворот во Крагујевац може да смести 500 затвореници во 265 ќелии, вклучително и ќелии за затвореници со инвалидитет. Комплексот се состои од 11 згради, на целосна површина од 22000 метри квадратни; овозможувајќи простор за социјализирање, работни активности, стручна обука; како и модерна опрема и здравствени објекти. Во затворот ќе бидат вработени 270 луѓе.  
Од 2009 година, со поддршка на ЕУ, билатерални донатори на Инвестициската рамка за Западен Балкан и Банката за развој, на Советот на Европа; Србија започна програма за модернизирање на затворските објекти во согласност со европските затворски правила. Во склоп на програмата беше отпочнат проект на Инвестициската рамка за Западен Балкан, кој опфати конструкција и опремување на два нови затворски објекти во Панчево и Крагујевац. Затворскиот објект во Панчево, со капацитет од 500 затвореници, беше завршен во 2018 година.

ЕУ во Косово се придружува на Министерството за правда во кампања за шеснаесет дневен активизам против родово насилство

Објавено . Објавено во Вести.

Со цел подигнување на свеста за потребата од заштита и пријавување секаква форма родово насилство, ЕУ во Косово, Швајцарија и Програмата за развој на ОН, ги здружија силите со косовското министерство за правда и невладината организација „Интегра“ во имплементирање на кампањата за шеснаесет дневен активизам против родово насилство.

 

Глобалната кампања, иницирана во 1991 година, традиционално се одвива од 25. ноември, Меѓународен ден за елиминација на насилство врз жените, сè до 10. декември, Меѓународен ден на човековите права, и се однесува на секаква форма насилство врз жените; вклучително сексуално и семејно насилство врз жени и девојчиња.

 

Во Косово, кампањата ќе вклучи палета комуникациски и теренски активности координирани од Министерството за правда; како, на пример; тркалезни маси со судии, обвинители, жени и девојки, општински посети, театарски претстави и проекција на пораки на владините згради.

Советот одобрува преговарачки мандат за безвизно патување за Косово

Објавено . Објавено во Вести.

Амбасадорите на државите-членки на ЕУ денес го одобрија преговарачкиот мандат, на Комисијата, за регулирање на безвизно патување за имателите на пасоши издадени од Косово. Врз основа на овој мандат, претседателството ќе започне преговори со Европскиот парламент.

 

Нацрт правилата ќе им овозможат на имателите на косовски пасоши да патуваат без виза во ЕУ, за престој од 90 дена во кој било период од 180 дена. Во согласност со оваа позиција на Советот, ослободувањето од визните барања ќе се примени од почетниот датум за операцијата на Европскиот патувачки систем и авторизација, не подоцна од 1. јануари 2024 година.

Комесарот Вархелеј во посета на БиХ за да дискутира за реформските приоритети на ЕУ, миграција и енергетска безбедност.

Објавено . Објавено во Вести.

Комесарот за соседство и проширување на ЕУ, Оливер Вархелеј, ќе патува во БиХ, од 28. до 29. ноември 2022, за да дискутира за реформските приоритети на ЕУ и поширока соработка во клучни сфери; особено миграцијата.  
По предлогот на кандидатски статус на Европската комисија, комесарот Вархелеј, во Сараево, ќе се состане со членови на претседателството на БиХ, како и со официјални претставници, за да дискутираат за следните чекори и реформи поврзани со патот на државата кон ЕУ. Комесарот Вархелеј ќе дискутира и за соработка во доменот на управување со миграција и ќе присуствува на потпишувачката церемонија помеѓу Министерството за безбедност на БиХ и Меѓународната организација за миграција, за зголемување на доброволни и недоброволни враќања, поддржани од Европската комисија, со финансирање од 500000 евра.  
Исто така, комесарот официјално ќе го отвори „FabLab“, еден од клучните дигитални центри, поддржан од проектот „EU4DigitalSME“, за зголемување на конкурентноста на малите и средни претпријатија.

Четврт регионален форум за ставање крај на насилството врз жените во Западен Балкан и Турција

Објавено . Објавено во Вести.

Четвртиот регионален форум за ставање крај на насилството врз жените, насловен „Интегрирани политики, инклузивни партнерства“, ќе започне на 29. ноември. Истиот, ќе се надоврзе на динамиката и напредокот од последните пет години и ќе биде можност за континуирани достигнувања насочени кон ставање крај на насилството врз жените во регионот. Настанот е организиран од „UN Women“ со заедничко учество на Советот на Европа, ЕУ и националните структури за жени од Западен Балкан.

 

Регионалниот форум е единствениот регуларен механизам кој ги собира на едно место клучните чинители во Западен Балкан за ставање крај на насилството врз жените. Годинешниот форум ќе се насочи кон прашања поврзани со поставување механизми за мониторинг на фемициди (убиства на жени); на национално и регионално ниво, вклучително и испитување на стратегиите и предизвиците на веќе воспоставените механизми во Европа и ширум светот. Исто така, настанот ќе се фокусира и на зајакнување на алијансите, мрежите и платформите ширум регионот и локално, напредувајќи ја соработката помеѓу организациите на жените и давателите на здравствени услуги; испитувајќи ги предизвиците и можностите за зајакнување на механизмите за упатување на локално и национално ниво.

 

Регионалниот форум ќе содржи комбинација од пленарни и групни сесии на гореспоменатите тематики со цел овозможување плодни дискусии. Експерти од регионот и пошироко ќе претстават анализи, засновани на докази, и ќе водат дискусии со цел согласување за методите и пристапите за имплементирање интервенции насочени кон ставање крај на насилството врз жените во Западен Балкан и Турција.

Програмата „M’BASE“ поддржува 23 проекти на граѓанското општество во Црна Гора

Објавено . Објавено во Вести.

Добитниците на фондови на третиот натпревар, во рамки на програмата „M’BASE“; финансирана од ЕУ, а имплементирана од Центарот за граѓанска едукација, се собраа за церемонијата за потпишување во „Europe House“. Третиот натпревар, во склоп на програмата „M’BASE“, беше објавен на 13. септември, а до неговото затворање, на 13. октомври, беа поднесени 82 проектни апликации. Севкупно, 23 од нив ќе бидат имплементирани.

 

Во своето обраќање кон потписниците, Ингве Енгстром, шеф на отсекот за соработка при Делегацијата на ЕУ во Црна Гора, ја опиша програмата „M’BASE“ како добра можност за организациите на граѓанското општество да добијат пристап до фондовите на ЕУ кои ќе им помогнат да ги зајакнат своите капацитети и да играат значајна улога во своите заедници.

 

Како програма на организациите на граѓанското општество во Црна Гора, од основни услуги до основачи на политики, програмата „M’BASE“ е имплементирана од Центарот за граѓанска едукација, во партнерство со германската фондација „Friedrich Ebert“, невладината организација Центар за заштита и проучување на птиците, мрежата невладини организации „Politikon“, во соработка со Министерството за државна администрација и Министерството за европски работи на Владата на Црна Гора. Проектот е финансиран од ЕУ и Министерството за државна администрација.

Форумот за јавни обвинители „TAIEX“ се справува со прекугранични економски и кибер злосторства

Објавено . Објавено во Вести.

Блиските партнерства и прекуграничната соработка се неопходни за искоренување на прекуграничниот криминал. Оваа клучна порака одекна на дводневната програма на 22-риот Меѓународен форум за јавни обвинители за борба против организираниот прекуграничен криминал –  „TAIEX“, во Будва, Црна Гора, на 8. и 9. ноември 2022 година. Форумот „TAIEX“ за првпат беше организиран во партнерска држава.   
Настанот беше организиран во соработка со Врховното државно обвинителство во Црна Гора, Агенцијата за соработка за кривично право на ЕУ, „Eurojust“ („Евроџаст“), Европското јавно обвинителство и Јавното обвинителство на Саксонија, Германија. Истиот здружи преку 100 јавни обвинители и судски претставници, со присуство во живо, како и далечински, од преку 30 држави; вклучително и соседски региони, региони за проширување, држави-членки на ЕУ, како и агенции и институции на ЕУ. Говорниците се справија со различни неодамнешни случаи на перење пари и истражувања за кибер-злосторства за враќање средства, заеднички истражувачки тимови и употреба на дигитални докази.  
Форумот придонесе за зголемена меѓународна соработка во доменот на криминални прашања. Најпрво, на практичарите, во рамки на ланецот за криминална правда, им овозможи прилика за градење и зајакнување на професионални мрежи. Следно, го зајакна институционалниот капацитет за справување со прекугранични случаи во критични домени; како шеми за перење пари и употреба на дигитални докази. Најнакрај, зајакнувањето на прекуграничната судска соработка не ќе биде ограничено само на дводневниот форум. „TAIEX“ ќе продолжи да обезбедува поддршка за своите партнери во насока на клучни реформи за владеење на правото со целни и специјално дизајнирани активности за техничка помош.

Албанија се приклучува на Механизмот за граѓанска заштита на ЕУ

Објавено . Објавено во Вести.

Денес, Албанија официјално стана земја-учесничка во Механизмот за граѓанска заштита – систем на ЕУ за управување со ризици и непогоди.

 

Како постојана членка на Механизмот за граѓанска заштита на ЕУ, Албанија не само што ќе добие можност за примање итна помош, но ќе добие и прилика да испраќа помош во држави погодени од несреќи; со што ќе придонесе за посилен и подобро координиран одговор во време на криза, во Европа, а и во остатокот на светот. Пред придружувањето како полноправна членка, Албанија веќе беше поддржана од Тимовите за граѓанска заштита на ЕУ; по разорниот земјотрес во ноември 2019 година и шумските пожари во текот на последните три лета.

 

Комесарот Јанез Ленарчиќ е во Тирана за да ја одбележи приликата. Таму, се сретна со премиерот Еди Рама и министерот за одбрана Нико Пелеши. Заедно со министерот Пелеши, комесарот ја потпиша спогодбата со што Албанија стана членка на Механизмот.

 

Механизмот за граѓанска заштита на ЕУ има за цел зајакнување на соработката помеѓу државите во ЕУ и осумте држави-учеснички (Исланд, Норвешка, Србија, Северна Македонија, Црна Гора, Турција, Босна и Херцеговина и, најпосле, Албанија) во доменот на граѓанска заштита за подобрување на превенцијата, подготвеноста и реактивност во време на непогоди.

 

Кога некаква итна ситуација ги надминува можностите за реагирање на одредена држава во Европа и пошироко, државата може да побара помош преку Механизмот. Европската комисија игра клучна улога при координирање на реагирањето за време на непогоди на светско ниво. Од својот зачеток, во 2001 година, Механизмот за граѓанска заштита на ЕУ одговорил на повеќе од 600 барања за помош во и надвор од ЕУ.