Skip to main content

Fjalimi i Presidentes von der Leyen gjatë Javës Rome 2023, përmes një video-mesazhi

Written by WeBalkans on . Posted in Lajme.

Të nderuar Deputetë të Parlamentit Evropian, Të dashur përfaqësues të komuniteteve rome, të rinj romë, të reja rome, akademikë, partnerë socialë, dhe shoqëri civile, Zonja dhe zotërinj,  
Demokracitë tona janë ndërtuar mbi një premtim themelor: Të drejta të barabarta për të gjithë qytetarët. Nuk duhet të ketë rëndësi se çfarë pamjeje keni, çfarë gjuhe flisni, apo çfarë mbiemri mbani. Demokracitë duhet të funksionojnë për të gjithë ne. E dimë që jo gjithmonë ndodh kështu. Për shumë nga gjashtë milionë evropianë romë këto të drejta të barabarta nuk ofrohen plotësisht. Romët ende hasin vështirësi në gjetjen e një pune apo apartamenti. Ishte e trishtë të shihje kaq shumë romë teksa largoheshin nga Ukraina dhe ndesheshin me vështirësi dhe diskriminim në Bashkimin tonë. Romët në Evropë ende përballen me fyerje dhe shpifje në rrugë, në media, dhe shpeshherë, edhe në diskursin politik. Kjo duhet të ndryshojë. Dhe mundet të ndryshojë. Në demokraci, progresi është gjithnjë i mundshëm. Edhe gjykimet dhe diskriminimet më të rrënjosura mund të çrrënjosen, nëse autoritetet publike dhe shoqëria civile punojnë së bashku dhe ndajnë të njëjtin drejtim, i cili duhet të jetë barazia dhe të drejtat e barabarta.  
Kjo është arsyeja përse në vitin 2020, ne parashtruam Kornizën e re Strategjike të BE-së për Komunitetin Rom mbi barazinë, gjithëpërfshirjen dhe pjesëmarrjen. Dhe kemi vërejtur disa ndryshime pozitive në mbarë Bashkimin Evropian. Për shembull, në Rumani, plani evropian i rimëkëmbjes “NextGenerationEU” po i ndihmon familjet rome që të aksesojnë kujdesin shëndetësor dhe mjekun e familjes. Në Belgjikë, të rinjtë romë dhe të rejat rome që kërkojnë një vend pune, trajnohen dhe mentorohen falë fondeve të BE-së. Polonia po punëson çdo ditë e më shumë ndërmjetës kulturorë për të mbështetur fëmijët romë në shkolla. Dhe në Itali, për herë të parë, është shtruar një “pllakë përkujtimore”, Stolperstein, për të kujtua një të ri rom që u dëbua drejt një kampi nazist të përqendrimit. Kjo pllakë përkujtimore u shtrua në sheshin ku ai i binte violinës. Këta janë hapa të rëndësishëm përpara. Drejt gjithëpërfshirjes. Drejt ndërgjegjësimit të rritur rreth trashëgimisë dhe kontributit të komunitetin rom në trashëgiminë tonë kulturore evropiane. Drejt barazisë së plotë për të gjithë evropianët.  
Dhe progresi duhet të vazhdojë. Ne duhet t’i mbajmë të drejtat rome në qendër të axhendës sonë politike. Për këtë arsye, janarin e kaluar kryem vlerësimin e parë të strategjive të reja kombëtare për komunitetin rom. Ne nënvizuam nxitjen e nismave dhe praktikave të mira nga mbarë Evropa. Megjithatë, duhet punuar më fort drejt çështjeve kyç, si: lufta kundër antigipsizmit dhe segregimit. Për të përmirësuar cilësinë e jetës së romëve, Strategjia e BE-së për Komunitetin Rom ka përcaktuar objektiva të qarta që duhen përmbushur deri në vitin 2030. Këto objektiva përfshijnë përgjysmimin e hendekut të punësimit dhe hendekut të pjesëmarrjes së anëtarëve të komunitetit rom në të nxënit e fëmijërisë së hershme. Shumë Shtete Anëtare kanë vendosur objektiva kombëtare. Kjo do të na mundësojë që ta monitorojmë dhe ta matim progresin tonë, për të ecur përpara në rrugëtimin tonë drejt barazisë.  
Ndërtimi i Bashkimit të barazisë kërkon politikat dhe objektivat e duhura. Por, nuk duhet të harrojmë as shkëmbimet e vazhdueshme me shoqërinë civile. Me komunitetet rome, me OJF-të që luftojnë për të drejta të barabarta, me shoqata kulturore që promovojnë kulturën rome në Evropë. Zëri juaj duhet dëgjuar. Zëri i romëve duhet dëgjuar. Si brenda institucioneve tona, ashtu edhe në debate publike në shoqëritë tona. Ndaj, ju falënderoj për organizimin dhe pjesëmarrjen tuaj në këtë aktivitet të rëndësishëm. Dhe më lejoni t’ju uroj një javë të mbarë kushtuar komunitetit rom!  
Faleminderit!

Java e Mundësive të BE-së – Zbuloni se çfarë ju ofron BE-ja

Written by WeBalkans on . Posted in Lajme.

Bashkimi Evropian iu ofron mundësi të ndryshme qytetarëve, institucioneve, shoqërive dhe organizatave serbe, duke filluar nga ndihma financiare e deri te udhëtimet falas dhe programet e shkëmbimit. Ky është mesazhi kryesor i Javës së Mundësive të BE-së – një aktivitet unik që do të zhvillohet nga data 15 deri në datën 21 maj në Beograd (Salla MTS), Niš (Hoteli Ambassador), dhe Novi Sad (Panairi Novi Sad). Java e Mundësive në BE organizohet bashkërisht nga Delegacioni i BE-së në Serbi dhe Qeveria e Republikës së Serbisë.

 

Në gjashtë ditë do të realizohen mbi 120 panele dhe seanca informuese, duke iu ofruar pjesëmarrësve mundësinë që të mësojnë se si të aplikojnë për programet, projektet, dhe fondet e BE-së. Sipërmarrës, biznesmenë, fermerë, studentë, nxënës, mësues, risiprurës, institucione, qeveri vendore, media, shoqata qytetare, dhe organizata të tjera do të paraqesin mundësi të shumta.

 

Folës të ndryshëm do të analizojnë tema ekonomike dhe do të japin informacione specifike rreth fondeve në fusha të ndryshme, si: biznesi, risitë, arsimi, kultura, dhe segmente të tjera bashkëpunimi. Java e Mundësive në BE do të përmbyllet duke pasur në vëmendje bujqësinë, dhe seancat do të zhvillohen gjatë Panairit Bujqësor të këtij viti në Novi Sad.

Fushata MADE OF US mbërrin sot në Kosovë

Written by WeBalkans on . Posted in Lajme.

Made of Us – një fushatë “rrugëtimi BE-Ballkani Perëndimor”, e financuar nga Bashkimi Evropian dhe e sjellë për ju nga WeBalkans mbërrin këtë javë në Kosovë. Kjo fushatë ndërgjegjësimi synon të promovojë në imazh pozitiv të BE-së te njerëzit në Ballkanin Perëndimor, dhe anasjelltas. Protagonistët e saj janë 12 vlogerë të rinj nga BE-ja dhe Ballkani Perëndimor që udhëtojnë nëpër rajon në çifte. Secili çift i bën të njohura përvojat e veta përgjatë rrugëtimit duke krijuar përmbajtje online.

 

Zyra e Bashkimit Evropian në Kosovë zhvilloi sot një drekë me median për të çelur rrugëtimin në Kosovë. Alessandro Bianciardi, Zëvendës Shefi i Seksionit të Bashkëpunimit të Zyrës së Bashkimit Evropian në Kosovë, mirëpriti dhe përgëzoi vlogerët për kontributin e tyre në promovimin e BE-së dhe Kosovës.

 

Vlogerët, Alb Muhaxhiri (@albfilmss) nga Kosova dhe Brian Rocca (@brianrocca) nga Holanda, e nisin sot rrugëtimin e tyre. Ata do të udhëtojnë për plot shtatë ditë midis datave 25 prill dhe 1 maj, duke shpalosur të mirat që ofron Kosova, si dhe investimet e BE-së në rajon. Ata do të vizitojnë pika të ndryshme në vend, duke përfshirë dhe qytetin historik të Prizrenit, Bjeshkët e Rugovës, dhe Festivalet e Filmave, projektet Risiprurëse, si dhe bizneset turistike që mbështeten nga BE-ja. Disa nga projektet e financuara nga BE-ja që do të vizitojnë janë Labbox, një projekt që iu mundëson fëmijëve të eksperimentojnë me projekte të vogla inxhinierike dhe elektronike; Dokufest, një festival filmash i mirënjohur në mbarë botën; si dhe Balkan Natural Adventure, një shoqëri operatorësh turistikë që tërheq vizitorë nga e gjithë bota në Kosovë.

 

Fushata nisi më 18 prill dhe do të vijojë deri më 30 maj, dhe çdo javë do të përqendrohet te një nga partnerët e WB6-s. Vlogerët do të vizitojnë gjithsej 18 projekte të mbështetura nga BE-ja, do të përshkojnë 6000 km me autovetura dhe do të takojnë personalitete vendase interesante dhe frymëzuese përgjatë rrugës, ndërkohë që do të shfaqin gjithë peizazhet natyrore, vendndodhjet e jashtëzakonshme me interes për t’u vizituar dhe trashëgiminë unike kulturore të Ballkanit Perëndimor. Dymbëdhjetë vlogerët do t’i regjistrojnë përvojat e tyre nëpërmjet pajisjeve të tyre personale dhe kanaleve të medias sociale, duke e kthyer udhëtimin e tyre në përmbajtje me cilësi të lartë rrjeti dhe mediash sociale, me foto dhe video që do të shpërndahen nëpër kanalet e WeBalkans.

 

Mos humbisni momentet më të spikatura të këtij rrugëtimi emocionues – filloni të ndiqni qysh tani WeBalkans dhe 12 vlogerët nga BE-ja dhe Ballkani Perëndimor në Instagram!

Mbrëmja e Madhe e BE-së – Përgjithmonë të Rinj

Written by WeBalkans on . Posted in Lajme.

Si pjesë e festimeve të Ditës së Evropës, si dhuratë për qytetarët e Serbisë, Delegacioni i Bashkimit Evropian po organizon një Mbrëmje të Madhe të BE-së, që do të zhvillohet më 12 maj në Hangar, në Portin e Beogradit, me bandën muzikore gjermanë Alphaville në qendër të mbrëmjes, që do të këndojnë për herë të parë në Serbi.

 

Koncepti i Mbrëmjes së Madhe të BE-së është përmbushja e të gjitha shijeve muzikore dhe brezave, ndaj, përveç Alphaville-s, do të japë shfaqje dhe çifti i maskuar e misterioz kroat, Nipplepople, si dhe banda e jashtëzakonshme nga Nishi, Stereo Banana. Mbrëmja do të vijojë deri në mëngjes me disa nga përfaqësuesit më të mirë të skenës lokale të DJ-ve, dhe Dejan Milićević, Lea Dobričić, Luton, Cosmic G dhe Gavra do të garantojnë një argëtim të paharrueshëm.

 

Kjo është një mundësi e mrekullueshme për të kërcyer, kënduar dhe për të festuar për dashurinë, respektin, lirinë dhe tolerancë – vlerat universale të Bashkimit Evropian, por edhe për bandën muzikore Alphaville, që ekziston prej 40 vjetësh në skenën e muzikës botërore dhe që do të japin shfaqje për herë të parë në Serbi më 12 maj. Hitet e tyre “Forever Young”, “Big in Japan”, dhe “Sounds Like a Melody” janë të pavdekshme. Albumi i tyre i parë „Forever Young“ që përmban hitet e tyre më të mëdha, është shpallur albumi më i mirë i të gjitha kohërave i muzikës electro-pop në sondazhe të ndryshme. Banda gjermane që këndon për Japoninë e pushtoi Evropën në vitet 1980, dhe fakti që këngët e tyre janë ripunuar dhe miksuar nga disa prej muzikantëve dhe DJ-ve më të famshëm të botës tregon se ç’gjurmë kanë lënë në muzikë.

Ndihma e drejtpërdrejtë financiare e BE-së për Kosovën tejkalon shumën prej 1.3 miliardë eurosh

Written by WeBalkans on . Posted in Lajme.

Marrëveshja e përvitshme e 16-të radhazi e Financimit ndërmjet European Union dhe Kosovës, në kuadër të Instrument for Pre-accession Assistance (IPA) të BE-së iu prezantua zëvendëskryeministrit Besnik Bislimi, ,më 24 mars, në Prishtinë, nga Ambasadori i BE-së  për Kosovën, Tomas Szunyog. Marrëveshja, e cila ka një vlerë prej 62 milionë eurosh dhe që është pjesë përbërëse e IPA III për vitet 2021-2027, e rrit shumën totale të ndihmës së drejtpërdrejtë financiare nga BE-ja në mbi 1.3 miliardë euro dhe rikonfirmon BE-në dhe shtetet e saj anëtare si donatorët kryesorë të fondeve për Kosovën.

 

Kjo është marrëveshja e dytë e asistencës financiare ndërmjet BE-së dhe Kosovës për këtë vit; vetëm muajin e kaluar, BE-ja i ofroi Kosovës 75 milionë euro në kuadër të  Paketës së saj të Mbështetjes për Energjisë për Ballkanin Perëndimor, për t’i ndihmuar qytetarët dhe bizneset e saj të përballojnë rritjen e çmimeve të energjisë, për të stimuluar  kursimin e energjisë, dhe për të përmirësuar eficiencën e energjisë.

 

Marrëveshja e Financimit, e nënshkruar sot nga zëvendëskryeministri Bislimi, do ta ndihmojë Kosovën ër të përmirësuar integrimin socio-ekonomik të komuniteteve të  pakicës dhe të të kthyerve, dhe për të zhvilluar infrastrukturën e menaxhimit të mbetjeve dhe ujërave të ndotura, duke përfshirë sistemin e kanalizimeve të kryeqytetit, Prishtinës, për të përmirësuar eficiencën e energjisë në sektorin publik, dhe për të përafruar legjislacionin e Kosovës me legjislacionin e BE-së dhe për të mbështetur profesionistët ligjorë.

 

BE-ja filloi të ofronte fonde IPA për Kosovën në vitin 2007. Programet IPA I dhe IPA II përfshijnë periudhën 2007-2020, duke 14 Marrëveshje vjetore Financimi me vlerë 1.2 miliard euro. Financimi IPA III që përfshin periudhën 2021-2027 dhe Marrëveshjet shoqëruese vjetore të Financimit, që kanë filluar të zbatohen vitin e kaluar, së bashku me Marrëveshjen për vitin 2021 kanë një vlerë prej 64 milionë eurosh dhe Marrëveshja për vitin 2022, e dorëzuar sot, ka një vlerë prej 62 milion eurosh.

BE-ja dhe Shqipëria finalizojnë marrëveshjet IPA22 dhe IPA23, falë të cilave Shqipëria përfiton 162.6 milionë euro asistencë nga BE-ja

Written by WeBalkans on . Posted in Lajme.

Më 24 mars, Këshilli i Ministrave i Qeverisë së Shqipërisë miratoi Marrëveshjet e Financimit ndërmjet European Commission dhe Republikës së Shqipërisë për Planet Vjetore të Veprimit (PVP) për vitet 2022 dhe 2023, në kuadër të Pre-Accession Assistance (IPA) III.

 

Programi 2022 (IPA22) përfshin një kontribut të BE-së prej 82.6 milionë eurosh dhe mbulon masat në fushat e mbrojtjes së mjedisit, zhvillimin e perspektivave për të rinjtë, forcimin e demokracisë, përafrimin me legjislacionin e BE-së, vazhdimin e luftës kundër krimit të organizuar, forcimin e gjyqësorit, si dhe mbështetjen e reformave për të përmbushur standardet dhe normat e BE-së. Programi i vitit 2023 (IPA23) do të sigurojë edhe 80 milionë euro të tjera në mbështetje të shqiptarëve për përballimin e pasojave socio-ekonomike të krizës energjetike. Fondet nga të dyja programet janë grante që nuk kanë nevojë të shlyhen nga Shqipëria.

 

Programi IPA23 do t’i mbështesë shqiptarët që të përballojnë pasojat socio-ekonomike të krizës energjetike duke financuar përgjigjen e Qeverisë së Shqipërisë ndaj krizës energjetike, ku parashikohen:

 

-Subvencionimi i faturave të energjisë për më shumë se 1 milion familje shqiptare;

 

-Mbështetje për 168,000 ndërmarrje të vogla dhe të mesme në Shqipëri për të kompensuar çmimet e larta të energjisë.

 

Kjo është pjesë e paketës së mbështetjes energjetike të BE-së prej 1 miliard eurosh të shpallur në Samitin BE – Ballkani Perëndimor në Tiranë, në vitin 2022.

 

Maqedoni e Veriut: BE-ja jep një grant investimi prej 70 milionë eurosh për projektin më të madh për mbrojtjen e mjedisit

Written by WeBalkans on . Posted in Lajme.

EIB Global, filiali i European Investment Bank (EIB) për aktivitete jashtë Bashkimit Evropian, ka nënshkruar një grant investimi të BE-së prej 70 milionë eurosh  me qeverinë e Republikës së Maqedonisë së Veriut për të ndërtuar një impiant të trajtimit të ujërave të ndotura në Shkup. Nënshkruar në Ditën Botërore të Ujit, ky është granti më i madh investues i BE-së që i jepet vendit në kuadër të Western Balkans Investment Framework (WBIF). Ky projekt i rëndësishëm mjedisor, që do të mundësojë kushte më të mira jetese për rreth 500 000 njerëz, është pjesë e Planit Ekonomik dhe Investimeve të Komisionit Evropian dhe e Agjeendës së Gjelbër për Ballkanin Perëndimor.

 

Ambasadori i BE-së në Maqedoninë e Veriut, David Geer, tha: ‘’Rruga drejt BE-së është një proces i transformimit, i përmirësimit të jetës dhe standardeve të jetesës. Investimi i Team Europe në Impiantin e  Trajtimit të Ujërave të Ndotura në Shkup është një shembull konkret për këtë. Impianti do të jetë në gjendje të trajtojë dhe pastrojë në mënyrë të sigurt ujërat e ndotura, të gjeneruara nga pothuajse një e treta e popullsisë së vendit. Ai do të kontribuojë për të ardhmen evropiane më ekologjike të këtij vendi.”

 

Në fazën e tij përgatitore, projekti ka përfituar nga grante të ndryshme të asistencës teknike nga EIB-ja, EBRD-ja, WBIF-ja dhe qeveria franceze – një dëshmi e përkushtimit të Team Europe ndaj Maqedonisë së Veriut dhe projekteve të saj prioritare. Sektori i ujit është ndër prioritetet kryesore për EIB Global në vend. Ky është investimi i dytë në këtë sektor në më pak se pesë muaj, pas një huaje prej 50 milionë eurosh të nënshkruar në nëntor 2022 për ndërtimin dhe rehabilitimin e infrastrukturës së furnizimit me ujë, infrastrukturës së grumbullimit dhe trajtimit të ujërave të ndotura, si dhe për masat emergjente për mbrojtjen nga përmbytjet për 80 bashki në të gjithë Maqedoninë e Veriut.

Nga Beogradi në Nish me 200 km/h – Paketa financiare e BE-së, prej 2.2 miliardë Euro, për Korridorin Hekurudhor X

Written by WeBalkans on . Posted in Lajme.

Më 28 shkurt 2023, Komisioni Evropian, Banka Evropiane e Investimeve (EIB), Banka Evropiane për Rindërtim dhe Zhvillim (EBRD) dhe Serbia njoftuan bashkarisht një paketë financiare prej 2.2 miliardë eurosh për modernizimin e Korridorit X hekurudhor. Fokusi i paketës është rehabilitimi i seksionit hekurudhor midis Beogradit dhe Nishit, duke mundësuar një linjë hekurudhore me shpejtësi të lartë deri në 200 km/h midis dy qyteteve, me shërbime dhe transport mallrash më të shpejta dhe integrim të shpejtë në rrjetin hekurudhor të BE-së.  
Paketa përfshin një grant investimi prej deri në 598 milionë Euro nga BE-ja – granti më i madh i BE-së për një projekt në Serbi; një hua prej 1.1 miliardë Eurosh nga EIB-i dhe 550 milionë Euro nga EBRD-ja. BE-ja ka miratuar tashmë 265 milionë Euro me grante IPA, dhe transhi i parë prej 82.8 milionë Eurosh qe vulosur nëpërmjet nënshkrimit të protokollit në trenin nga Beogradi në Nish.  
Firmosja u krye në prani të Komisionerit Evropian për Politikat e Fqinjësisë dhe Negociatave të Zgjerimit, Olivér Várhelyi, dhe Presidentit të Serbisë, Aleksandar Vučić, si dhe të Kreut të Zyrës EIB për Ballkanin Perëndimor, Alessandro Bragonzi, Drejtorit të EBRD-së për Ballkanin Perëndimor, Matteo Colangeli, Ministrit për Integrimin e BE-së, Tanja Miščević, Ministrit të Ndërtimit, Transportit dhe Infrastrukturës, Goran Vesić dhe Ministrit të Financave, Siniša Mali, si dhe të diplomatëve të Shteteve Anëtare të BE-së.  
Korridori Hekurudhor X është një nga korridoret pan-evropiane që bashkojnë Evropën Qendrore me Selanikun, Greqi. Është identifikuar si Flagship 1 – Lidhja e Lindjes me Perëndimin, në kuadër të Planit Ekonomik dhe të Investimit të BE-së për Ballkanin Perëndimor. Plani synon mobilizimin e investimeve për transportin, energjinë, tranzicionin e gjelbër dhe digjital, për të krijuar rritje të qëndrueshme dhe vende pune që do të arrijnë një të tretën e PBB-së së Ballkanit Perëndimor.

Media and Information Literacy Workshops by YEAs start in the Western Balkans!

Written by WeBalkans on . Posted in Lajme.

On 7 March, Young European Ambassadors (YEA) in Western Balkans started with the implementation of Media and Information Literacy Workshops, which are peer-to-peer events that will be conducted by YEAs who participated in the training on the topic of Media and Information Literacy.

 

The first workshop was organized in Europe House in Tirana, Albania. The workshop was conducted by two YEAs from Albania – Erisa Zemzadja and Benard Babaj. Participants could learn more about Media and Information Literacy during the workshop through practical and theoretical exercises. This workshop marked the beginning of the implementation process of workshops all around the Western Balkans. For more information and dates, make sure to follow www.webalkans.eu!

BIRN-i nis Projektin për Forcimin e Gazetarisë Cilësore në Ballkanin Perëndimor dhe Turqi II

Written by WeBalkans on . Posted in Lajme.

Gjatë tre viteve të ardhshme, BIRN HUB do të vijojë të ofrojë mbështetje sistematike për përmirësimin e cilësisë dhe profesionalizmit të gazetarisë në Ballkanin Perëndimor dhe Turqi, nëpërmjet Projektit për Forcimin e Gazetarisë Cilësore II, financuar nga Bashkimi Evropian.  
Për gazetarët e rinj dhe në mes të karrierës do të ofrohen trajnime të ndryshme të pasuara nga mbështetja redaktoriale. Në të njëjtën kohë, në aktivitetet e projektit do të përfshihen të gjitha mediat dhe ato kryesore, veçanërisht ato të orientuara drejt prodhimit të përmbajtjeve nëpërmjet bashkëpunimeve ndërkufitare. Projekti do të promovojë standarde të larta për gazetarinë investiguese nëpërmjet skemës së njohur tashmë të çmimeve të BE-së dhe çmimit të ri rajonal. Edhe Akademia do të përfshihet nëpërmjet aktiviteteve të ndryshme, duke përfshirë dhe punën për një program në nivel masteri për gazetarinë investiguese.  
Gjatë tri ditëve, BIRN Hub dhe shtatë organizatat e tij partnere u takuan dhe planifikuar veprime në kuadër të projektit që synojnë mbështetjen e 600 gazetarëve të rinj dhe në mes të karrierës që të prodhojnë lajme cilësore dhe të ndërmarrin raportime investiguese, ofrimin e trajnimeve për gazetarinë, fondeve për prodhimin e përmbajtjeve dhe çmime për merita në fushën e raportimit investigues.