Skip to main content

Fushata MADE OF US mbërrin sot në Serbi

Written by WeBalkans on . Posted in Lajme.

Made of Us – një fushatë “rrugëtimi BE-Ballkani Perëndimor”, e financuar nga Bashkimi Evropian dhe e sjellë për ju nga WeBalkans mbërrin këtë javë në Serbi. Kjo fushatë ndërgjegjësimi synon të promovojë në imazh pozitiv të BE-së te njerëzit në Ballkanin Perëndimor, dhe anasjelltas. Protagonistët e saj janë 12 vlogerë të rinj nga BE-ja dhe Ballkani Perëndimor që udhëtojnë nëpër rajon në çifte. Secili çift i bën të njohura përvojat e veta përgjatë rrugëtimit duke krijuar përmbajtjet e tyre online.

 

Zyra e Bashkimit Evropian në Serbi zhvilloi sot një drekë me median për të çelur rrugëtimin në Kosovë. Znj. Plamena Halacheva, Zëvendës kryetarja e delegacionit të BE-së në Serbi mirëpriti vlogerët.

 

Vlogerët, Jelena Radovanović (fluorescentni_producent) nga Serbia dhe Joshua Steib (joshua.steib) nga Gjermania nisin sot udhëtimin e tyre. Ata do të udhëtojnë për plot shtatë ditë midis datave 16 prill dhe 22 maj, duke shpalosur të mirat që ofron Serbia, si dhe investimet e BE-së në rajon. Itinerari përfshin vizita në vendndodhje të ndryshme duke përfshirë projekte të lidhura me teknologjinë, kulturën dhe shëndetësinë të mbështetura nga BE-ja. Midis projekteve të financuara nga BE-ja, ata do të vizitojnë dhe Anoris, një kompani që ka shpikur një “smart glove” për të mbështetur individët me probleme të shikimit, BioSense Institute, që ka bërë disa shpikje duke përfshirë edhe një robot që ndihmon në bujqësi dhe një projekt në qytetin e Ruma-ës që ndihmon të rinjtë në zhvillimin profesional dhe prodhimin e ushqimit të shëndetshëm.

 

Fushata nisi më 18 prill dhe do të vijojë deri më 30 maj, dhe çdo javë do t’i kushtohet te një nga partnerëve të WB6-s. Vlogerët do të vizitojnë gjithsej 18 projekte të mbështetura nga BE-ja, do të përshkojnë 6000 km me autovetura dhe do të takojnë personalitete vendase interesante dhe frymëzuese përgjatë rrugës, ndërkohë që do të shfaqin gjithë peizazhet natyrore, vendndodhjet e jashtëzakonshme me interes për t’u vizituar dhe trashëgiminë unike kulturore të Ballkanit Perëndimor. Dymbëdhjetë vlogerët do t’i regjistrojnë përvojat e tyre nëpërmjet pajisjeve të tyre personale dhe kanaleve të medias sociale, duke e kthyer udhëtimin e tyre në përmbajtje me cilësi të lartë rrjeti dhe mediash sociale, me foto dhe video që do të shpërndahen nëpër kanalet e WeBalkans.

Connecting Europe: Komisioni nënshkruan marrëveshje të nivelit të lartë me Ballkanin Perëndimor për të përmirësuar lidhjet e transportit

Written by WeBalkans on . Posted in Lajme.

Më 16 maj Komisioni nënshkroi marrëveshje të nivelit të lartë me Bosnje dhe Hercegovinën, Malin e Zi, Maqedoninë e Veriut dhe Serbinë. Marrëveshjet do të përshtatin rrjetin e transportit trans-evropian (TEN-T), rrjetet hekurudhore, rrugët, portet dhe kanalet ujore të brendshme që lidhin qytetet dhe qytezat e BE-së, duke i lidhur ato me Ballkanin Perëndimor. Ky është një hap i madh drejt ndërlidhjes më të gjerë të rrjetit të transportit mes Bashkimit Evropian dhe partnerëve tanë në Ballkanin Perëndimor.   
Komisionerja për transportin, Adina Vălean, u shpreh: “Me nënshkrimin e këtyre marrëveshjeve dhe me propozimin tonë për Western Balkans European Transport Corridor jemi duke hedhur themelet për integrimin e rrjetit të transportit të Ballkanit Perëndimor me atë të BE-së. Kjo do të promovojë zhvillimin e lidhjeve të qëndrueshme dhe efikase ndaj burimeve mes BE-së dhe këtyre vendeve. Rëndësia e lidhjeve më të afërta dhe pa të probleme të transportit nuk duhet të nënvlerësohet.”   
Komuniteti i Transportit që bën bashkë shtetet anëtare të BE-së, i përfaqësuar nga Komisioni dhe partnerët e Ballkanit Perëndimor mbështet në mënyrë aktive zbatimin e projekteve që lidhin gjashtë vendet me njëri-tjetrin, si dhe me BE-në.   
Integrimi i rrjeteve të transportit të Ballkanit Perëndimor në TEN-T do të ndihmojë edhe në përgatitjen e vendeve kandidate te BE-së apo kandidate të mundshme të BE-së për integrimin e tyre të ardhshëm në BE. 

Fushata ndërgjegjësuese #IDecide rrit ndërgjegjësimin për zgjedhjet vendore në Shqipëri

Written by WeBalkans on . Posted in Lajme.

Gjatë zgjedhjeve vendore të fundit në Shqipëri, #YEA-të në Shqipëri vazhduan traditën e fushatës ndërgjegjësuese #IDecide, që synon promovimin e pjesëmarrjes aktive në zgjedhjet vendore. Fushata arriti me sukses në katër qytete: Korçë, Rrëshen, Selenicë dhe Bulqizë, ku u angazhuan me të rinjtë për t’i edukuar ata rreth të drejtave të tyre politike, për të theksuar rëndësinë e pjesëmarrjes në proceset zgjedhore dhe për t’i fuqizuar ata të raportojnë rastet e keqadministrimit zgjedhor.

 

Për të mbyllur fushatën u mbajt një konferencë përfundimtare. Konferenca u përqendrua në diskutimin rreth gjetjeve të fushatës dhe rekomandimeve, analizës së trendeve gjatë zgjedhjeve dhe theksimit të ndikimin të korrupsionit në rezultatin e votimeve në sistemet demokratike.

Fushata „MADE OF US“ arrin sot në Maqedoninë e Veriut

Written by WeBalkans on . Posted in Lajme.

„Made of Us“ – një fushatë rrugëtimi BE-Ballkani Perëndimor, e financuar nga Bashkimi Evropian dhe e sjellë për ju nga WeBalkans arrin këtë javë në Maqedoninë e Veriut.  Kjo fushatë ndërgjegjësimi synon të promovojë në imazh pozitiv të BE-së te njerëzit në Ballkanin Perëndimor, dhe e anasjellta. Protagonistët e saj janë 12 vlogerë të rinj nga BE-ja dhe Ballkani Perëndimor që udhëtojnë nëpër rajon në çifte. Secili çift i bën të njohura përvojat e tyre përgjatë udhëtimit duke krijuar përmbajtjet e tyre online.

 

Delegacioni i BE-së në Maqedoninë e Veriut shtroi një sillë sot për të lajmëruar nisjen e udhëtimit në Maqedoninë e Veriut. David Geer, Ambasadori i BE-së në Maqedoninë e Veriut, i mirëpriti vlogerët dhe i përgëzoi për kontributin që jepnin për promovimin e BE-së dhe Maqedonisë së Veriut.

 

Vlogerët, Elena Vasilevska (@vasilevska_elena) nga Maqedonia e Veriut dhe Nick Van Putte (@traveltower) nga Belgjika, nisën sot rrugëtimin e tyre. Ata do të udhëtojnë për plot shtatë ditë midis datave 2-8 maj, duke shfaqur të mirat që ofron Maqedonia e Veriut, si dhe investimet e BE-së në rajon.  Ata do të vizitojnë pika të ndryshme në vend, përfshirë dhe qytetin historik të Ohrit, projektet novatore dhe bizneset turistike qe mbështeten nga BE-ja.  Midis projekteve të tjera të financuara nga BE-ja, do të vizitojnë dhe Parkun Aventura në Shkup, një projekt që u mundëson banorëve të Shkupit që të zbaviten në mënyrë aventurore, dhe kampin e skautëve në Strugë, një kamp pushimi të mirënjohur pranë qytetit të Strugës, si dhe sitin arkeologjik të Heraclae-s në Manastir, ndër më të njohurit në Maqedoninë e Veriut.

 

Fushata nisi më 18 prill dhe do të vijojë deri më 30 maj, dhe çdo javë do të përqendrohet te një nga partnerët e WB6-s. Vlogerët do të vizitojnë gjithsej 18 projekte të mbështetura nga BE-ja, do të përshkojnë 6000 km me autovetura dhe do të takojnë personalitete vendase interesante dhe frymëzuese përgjatë rrugës, ndërkohë që do të shfaqin gjithë peizazhet natyrore, vendndodhjet e jashtëzakonshme me interes për t’u vizituar dhe trashëgiminë unike kulturore të Ballkanit Perëndimor. Dymbëdhjetë vlogerët do t’i regjistrojnë përvojat e tyre nëpërmjet pajisjeve të tyre personale dhe kanaleve të medias sociale, duke e kthyer udhëtimin e tyre në përmbajtje me cilësi të lartë rrjeti dhe mediash sociale, me foto dhe video që do të shpërndahen nëpër kanalet e WeBalkans.

YEA-të në Ditën e Evropës në Bruksel

Written by WeBalkans on . Posted in Lajme.

Disa Ambasadorë të Rinj Evropianë (YEA) nga Ballkani Perëndimor u ftuan në Ditën e Evropës  të këtij viti në Bruksel, duke iu bashkuar YEA-ve të tjerë nga Rajoni Lindor i Fqinjësisë së BE-së dhe Ambasadorët Vullnetmirë nga  Rajoni Jugor i Fqinjësisë. Dymbëdhjetë Ambasadorë të Rinj Evropianë nga Ballkani Perëndimor patën mundësinë të ndërvepronin me moshatarët e tyre dhe zyrtarë të BE-së dhe rajoneve fqinje, si dhe të merrnin pjesë në aktivitete të ndryshme.

 

YEA-të e angazhuara në diskutime me njësi të ndryshme brenda Drejtorisë së Përgjithshme për Fqinjësinë dhe Negociatat e Zgjerimit (DG NEAR), duke i lejuar të kuptonin më tepër për projektet dhe zonat e fokusit brenda DG NEAR. Për më tepër, ata patën mundësinë të takonin kolegë YEA nga Rajonet Lindore dhe Jugore të Fqinjësisë. Veç kësaj, ata vizituan Kolegjin e Universitet Evropian në Brugge, ku u angazhuan në diskutime me rektorin e universitetit, Znj. Federica Mogherini, lidhur me rolin e të rinjve dhe akademisë. Ditën e fundit të aktiviteteve, ata organizuan një sërë aktivitetesh të ndryshme gjatë Ditës së Hapur në Berlaymont, duke e shfaqur rajonin e Ballkanit Perëndimor në mënyrë krijuese.

Fushata „MADE OF US“ arrin sot në Bosnjë dhe Hercegovinë

Written by WeBalkans on . Posted in Lajme.

„Made of Us – një fushatë rrugëtimi BE-Ballkani Perëndimor“, e financuar nga Bashkimi Evropian dhe e sjellë për ju nga WeBalkans arrin këtë javë në Maqedoninë e Veriut.  Kjo fushatë ndërgjegjësimi synon të promovojë në imazh pozitiv të BE-së te njerëzit në Ballkanin Perëndimor, dhe anasjelltas. Protagonistët e saj janë 12 vlogerë të rinj nga BE-ja dhe Ballkani Perëndimor që udhëtojnë nëpër rajon në çifte. Secili çift i bën të njohura përvojat e veta përgjatë rrugëtimit duke krijuar përmbajtjet e tyre online.

 

BE-ja në Bosnjë dhe Hercegovinë shtruan një sillë për median sot për të shpallur fillimin e rrugëtimit në Bosnjë dhe Hercegovinë. Aurelie Valtat, Zëvendës Shef në detyrë i Delegacionit të BE-së në BdhH dhe Patrik Turosik, Zëvendës Shef i Misionit dhe Konsull, Ambasada e Sllovakisë në Bosnjë dhe Hercegovinë, mikpritën vlogerët dhe i përgëzuan për kontributin për promovimin e BE-së dhe Bosnjë dhe Hercegovinës.

 

Vlogerët, Milos Kuzmanovic (@miloskuzmanov1c) nga Bosnjë dhe Hercegovina dhe Simona Gavalcova (@vecinko) nga Slovakia, u nisën sot në udhëtimin e tyre. Ata do të udhëtojnë për plot shtatë ditë midis datave 9 maj, duke shfaqur të mirat që ofron Bosnja dhe Hercegovina, si dhe investimet e BE-së në rajon. Ata do të vizitojnë pika të ndryshme në vend, përfshirë dhe qytetin historik të Travnikut, projektet për të drejtat e njeriut dhe bizneset turistike që mbështeten nga BE-ja.  Gjithashtu, do të vizitojnë Muzeun e Fëmijërisë gjatë Luftës të vlerësuar me çmim nga BE-ja, një muze i dedikuar përvojës së rritjes së ndikuar nga lufta, dhe midis projekteve të financuara nga BE-ja, Rrugën e Vjetër Hekurudhore, projekt që përfshin vendosjen e një piste për biçikleta përgjatë itinerarit të hekurudhës së vjetër dhe kampin e kanotazhit Encijan që ndodhet në Lumin Tara, një nga lumenjtë më të bukur të Ballkanit Perëndimor.

 

Fushata nisi më 18 prill dhe do të vijojë deri më 30 maj, dhe çdo javë do t’i kushtohet te një nga partnerëve të WB6-s. Vlogerët do të vizitojnë gjithsej 18 projekte të mbështetura nga BE-ja, do të përshkojnë 6000 km me autovetura dhe do të takojnë personalitete interesante dhe frymëzuese vendase përgjatë rrugës, ndërkohë që do të shfaqin gjithë peizazhet natyrore, vendndodhjet e jashtëzakonshme me interes për t’u vizituar dhe trashëgiminë unike kulturore të Ballkanit Perëndimor. Dymbëdhjetë vlogerët do t’i regjistrojnë përvojat e tyre nëpërmjet pajisjeve të tyre personale dhe kanaleve të medias sociale, duke e kthyer udhëtimin e tyre në përmbajtje me cilësi të lartë rrjeti dhe mediash sociale, me foto dhe video që do të shpërndahen nëpër kanalet e WeBalkans.

 

Mos humbisni momentet më të spikatura të këtij rrugëtimi emocionues – filloni të ndiqni qysh tani WeBalkans dhe 12 vlogerët nga BE-ja dhe Ballkani Perëndimor në Instagram!

Liberalizimi i vizave: BE-ja miraton udhëtimin pa viza për Kosovën

Written by WeBalkans on . Posted in Lajme.

Udhëtimi pa viza për shtetasit e Kosovës do të bëhet realitet jo më vonë se 1 janari 2024. Pas marrëveshjes midis Parlamentit dhe Këshillit Evropian për një propozim nga Komisioni, shtetasit e Kosovës do të lejohen të udhëtojnë pa viza në BE, për një periudhë maksimale prej 90 ditësh  çdo 180 ditë.

 

Udhëtimi pa viza u jep përfitime thelbësore qytetarëve të dyja palëve, duke i forcuar më tej marrëdhëniet e BE-së me Kosovën. Kosova i ka përmbushur në mënyrë të qëndrueshme të gjitha etapat dhe e ka treguar pareshtur përkushtimin e vet. Pas kësaj arritjeje, të gjithë partnerët e Ballkanit Perëndimor do të kenë së shpejtë mundësi të hyjnë pa viza në BE.

 

Komisioni i pati propozuar Parlamentit dhe Këshillit Evropian dhënien e mundësisë për udhëtim pa viza në BE për shtetasit e Kosovës qysh në 2016-n. Komisioni vlerësoi se Kosova i kishte përmbushur të gjitha kërkesat që nga 2018-a, duke i realizuar të gjitha etapat e kërkuara në Udhërrëfyesin për Liberalizimin e Vizave.

E BËRË NGA NE: Sapo ka nisur një aventurë e mrekullueshme

Written by WeBalkans on . Posted in Lajme.

WeBalkans dhe Drejtoria e Përgjithshme e Komisionit Evropian për Fqinjësinë dhe Negociatat e Zgjerimit (DG NEAR) njoftojnë me krenari nisjen e fushatës ndërgjegjësuese “Made of Us – An EU-Western Balkans road trip” (E bërë nga ne – rrugëtim BE – Ballkani Perëndimor) që synon të promovojë një përshtypje pozitive për BE-në te banorët e Ballkanit Perëndimor, dhe e kundërta. Formati i fushatës karakterizohet nga 12 vlogerë nga BE-ja dhe Ballkani Perëndimor, që janë protagonistët e fushatës të cilët do të udhëtojnë nëpër rajon në çifte të përbëra nga një vloger nga BE-ja dhe një tjetër nga BP-ja. Çdo çift do të udhëtojë në një nga gjashtë vendet e Ballkanit Perëndimor dhe do t’i bëjnë publike përvojat e tyre përgjatë rrugëtimit nëpërmjet përmbajtjeve online të krijuara prej vetë atyre.

 

Ambasadori i BE-së në Mal të Zi, znj. Oana Cristina Popa, ambasadori italian, znj. Andreina Marsella, si dhe folës të tjerë, folën në aktivitetin me rastin e nisjes së fushatës, që u mbajt në Shtëpinë e Evropës në Podgoricë.  Aktiviteti përfshinte ushqim të frymëzuar nga BE-ja dhe Ballkani, muzikë dhe lidhje me personalitete nga fushatat e mëparshme WeBalkans, si dhe influencues lokalë malazezë të mediave sociale.

 

Edhe vlogerët që mbulojnë pjesën e Malit të Zi të rrugëtimit, Emir Cirikovi nga Mali i Zi dhe Alice Franchi nga Italia, ndodheshin fizikisht në aktivitet dhe folën të dy bashkë me dhjetë vlogerë të tjerë të Made of Us që morën pjesë online. Pas aktivitetit, ata u nisën menjëherë për rrugëtimin e tyre me autoveturë.

 

Fushata do të zgjasë gjithsej gjashtë javë, midis 18 prillit dhe 30 majit, dhe çdo javë do t’i kushtohet një prej partnerëve të EB6-s. Vlogerët do të mbulojnë gjithsej 18 projekte të mbështetura, duke përshkuar 6000 kilometra me autovetura, dhe do të takojnë shumë personalitete lokale interesante dhe frymëzuese përgjatë rrugës, ndërkohë që do të shfaqin peizazhet natyrore, pikat më të spikatura dhe trashëgiminë unike kulturore që ofron Ballkani Perëndimor.  Dymbëdhjetë vlogerët do t’i regjistrojnë përvojat e tyre nëpërmjet pajisjeve të tyre personale dhe kanaleve të medias sociale, duke e kthyer udhëtimin e tyre në përmbajtje me cilësi të lartë rrjeti dhe mediash sociale, me foto dhe video që do të shpërndahen nëpër kanalet e WeBalkans.

 

Mos humbisni asnjë moment nga ky rrugëtim emocionues – filloni të ndiqni qysh tani WeBalkans dhe të gjithë vlogerët në Instagram.

Ulja e tarifave të internetit në roming midis Ballkanit Perëndimor dhe BE-së

Written by WeBalkans on . Posted in Lajme.

38 operatorë telekomunikimi nga BE-ja dhe Ballkani Perëndimor kanë rënë dakord ta bëjnë më të përballueshëm përballimin e internetit në roming midis Ballkanit Perëndimor dhe BE-së  për qytetarët dhe bizneset në të dy rajonet, në një proces të mbështetur nga Këshilli i Bashkëpunimit Rajonal (KBR) dhe Komisioni Evropian. Kjo marrëveshje është në harmoni meDeklaratën për Romingun të nënshkruar në Samitin e dhjetorit BE-Ballkani Perëndimor në Tiranë.   
Nëpërmjet marrëveshjes së tyre me dëshirë të lirë, operatorët u angazhuan që ta zvogëlonin në mënyrë domethënëse hendekun midis tarifave brenda vendit dhe në roming për përdorimin e internetit në të dyja drejtimet midis BE-së dhe Ballkanit Perëndimor. Nivelet maksimale të çmimeve të shitjes me pakicë (“kufijtë e çmimeve”) për 1 gigabajt do të ulen nga tetori 2023 në 2028 si më poshtë: 18 euro nga 1 tetori 2023, 14 euro nga 2026 dhe 9 euro nga 2028. Parashikohen rishikime vjetore për vlerësimin e ndikimit dhe hapat pasues.  
Para marrëveshjes, Komisioneri për Fqinjësinë dhe Zgjerimin, Olivér Várhelyi, u shpreh: “Duke u bazuar te suksesi i regjimeve „Roam Like at Home“, si në BE, ashtu edhe në Ballkanin Perëndimor, mirëpres nënshkrimin e marrëveshjes vullnetare midis 38 operatorëve të telekomunikimit. Ulja e tarifave të romingut midis BE-së dhe Ballkanit Perëndimor nga 1 tetori i këtij viti do t’u sjellë përfitime, dhe qytetarëve dhe bizneseve të Ballkanit Perëndimor, dhe atyre të BE-së. Jemi të përkushtuar të bëjmë gjithçka mundemi që të shpejtojmë integrimin e vërtetë të Ballkanit Perëndimor në Tregun tonë Unik.”  
Vendosja e kufijve të çmimeve pritet të ulë tarifat e internetit në roming për konsumatorët që udhëtojnë midis Ballkanit Perëndimor dhe BE-së. Kufizimi i çmimeve nxit dhe thjeshton shkëmbimet tregtare, kulturore, turistike, etj, midis BE-së dhe Ballkanit Perëndimor, duke i forcuar lidhjet midis rajoneve fqinje. Aktualisht, operatorët po punojnë që të krijojnë produkte me çmimet poshtë kufijve të rënë dakord të çmimeve, që do të mund të përdoren nga numri më i madh i mundshëm i konsumatorëve.   
Operatorë të tjerë telekomunikimi, si nga BE-ja, dhe nga Ballkani Perëndimor, janë të ftuar t’i bashkohen nismës.

Shpallen fituesit e Çmimit të BE-së për Integrimin e Romëve në Ballkanin Perëndimor dhe Turqi për vitin 2023.

Written by WeBalkans on . Posted in Lajme.

Më 27 prill, Komisioni Evropian shpalli 14 fituesit e Çmimit të pestë të BE-së për Integrimin e Romëve në Ballkanin Perëndimor dhe Turqi. Çmimi i këtij viti vlerëson arritjet për nxitjen e dimensionit të përfshirjes së romëve në Agjendën Digjitale dhe në Ekonominë e Gjelbër. Ceremonia e çmimit u mbajt në kuadër të Javës së Romëve të BE-së 2023 (24-27 prill 2023) me mikpritjen e Parlamentit Evropian.

 

Komisioneri për Fqinjësinë dhe Zgjerimin, Olivér Várhelyi, u shpreh: “Përgëzime gjithë fituesve që kanë punuar shumë mirë! Shpresoj se ky çmim do të ndihmojë zgjerimin e aktiviteteve të tyre të rëndësishme, në mënyrë që të frymëzojnë dhe aktorë të tjerë që duan ta përmirësojnë komunitetin rom.”

 

Çmimi i BE-së për Integrimin e Romëve në Ballkanin Perëndimor dhe Turqi, i nisur rreth 10 vjet më parë, synon të nënvizojë rëndësinë e integrimit të romëve në procesin e Zgjerimit të BE-së dhe të tregojë vendosmërinë dhe përkushtimin e BE-së për përmirësimin e përfshirjes sociale të popullsisë rome në shoqëri dhe sigurimit të rezultateve të prekshme në terren.

 

Nëpërmjet Çmimit, BE-ja u njeh meritën të gjitha përpjekjeve dhe rezultateve të prekshme për t’i fuqizuar romët që të arrijnë potencialin e tyre të plotë si anëtarë me të drejta të njëjta të shoqërive ku jetojnë dhe punojnë. Edicioni i sivjetshëm i çmimit përqendrohej te përfshirja e romëve në agjendën digjitale dhe ekonominë e gjelbër, që përfaqësojnë mundësi të reja për përmirësimin e pozitës në rajon të grave dhe burrave vulnerabël romë në të ardhmen. Dinamikat e përfshirjes së romëve ndikohet nga përparimi i shoqërisë, përfshirë dhe fushën e agjendës digjitale dhe ekonomisë së gjelbër dhe duhet të sigurohemi që romët të mos lihen pas. Për këtë arsye, që të jemi një hap përpara për përmirësimin e kushteve të jetesës së romëve dhe pjesëmarrjes së tyre, është e rëndësishme të merren masa të vendosura që t’u përgjigjen këtyre vështirësive, duke ofruar mundësi për lehtësimin e aksesit në arsim dhe punësim, në shërbimet shëndetësore dhe sociale si dhe të mobilizimit të komunitetit.

 

Organizatat fituese të shoqërisë civile u shpërblyen me një çmim prej 7,500 eurosh për vendin e parë dhe 4,500 për vendin e dytë. Ndërsa fituesit e sektorëve privatë dhe publikë morën çmime jomonetare. Të gjithë fituesve iu dha si shpërblim një vizitë studimore në Bruksel, një trofe dhe një certifikatë vlerësimi.