Skip to main content

RHP-ja u jep çelësat e apartamenteve të sapondërtuara 25 familjeve refugjate në Serbi

Written by WeBalkans on . Posted in Lajme.

Ndonëse 2022-s po i vjen fundi, Regional Housing Programme (RHP) nuk po e ul aspak ritmin e kativiteteve, pasi 25 familje të tjera refugjate dhe të zhvendosura morën çelësat e apartamenteve të sapondërtuara të RHP-së në Šid dhe Lučani të Serbisë, më 15 dhe 16 dhjetor. Në ceremoninë e parë që shënoi shpërndarjen e çelësave për dhjetë familje në bashkinë e Šid-it më 15 dhjetor, morën pjesë ndër të tjerë Svetlana Velimirović-i, Deputy Commissioner for Refugees and Migration of the Republic of Serbia; Zoran Semenović-i, kryetar i bashkisë së Šid-it; Mirjana Maksimović-i, Programme Manager at the European Union Delegation to Serbia;  Ružica Banda, National Human Rights Officer at the OSCE Mission to Serbia, dhe Jovan Lazarov, Deputy Director of the Public Sector Projects Implementation Unit Ltd., ndër të tjerë.

 

Në emër të Bashkimit Evropian, donatori kryesor i RHP-së, Mirjana Maksimović-i uroi familjet për shtëpitë e tyre të reja dhe theksoi vendosmërinë e BE-së për të mbështetur njerëzit vulnerabël nga pikëpamja sociale. “Më bëhet qejfi që tashmë do të kemi mundësinë të hapim dyert e më shumë apratamenteve para se ky program të mbyllet vitin e ardhshëm,” tha ajo.

 

Festimet vazhduan të nesërmen në Lučani, ku iu dhanë shtëpi të reja 15 familjeve të tjera që përfitojnë nga RHP-ja. Në emër të familjeve refugjate të pranishme, përfituesi i RHP-së, Radoslav Mirković-i nga Lučani përfitoi nga rasti për të falenderuar të gjithë donatorët dhe palët e interesit.

Grante nga BE-ja në shumën 263 milionë euro për 7 projekte në Serbi

Written by WeBalkans on . Posted in Lajme.

Së fundmi, Bashkimi Evropian prezantoi një paketë të re për energjetikën në mbështetje të Ballkanit Perëndimor, nga e cila do të përfitojë veçanërisht Serbia. Planet janë të larmishme, dDuke filluar që nga mbështetja për familjet dhe bizneset vulnerabël për të zbutur rritjen e çmimeve të energjisë, e deri te hidrocentrali dhe centrali i ri eolik, dhe do të konkretizohen së shpejti në Serbi dhe në rajon.

 

Serbia dhe BE-ja kanë rënë dakord për një paketë me shtatë projekte të reja për energjetikën, mjedisin dhe infrastrukturën e transportit. Ky është investimi më i madh i BE-së në Serbi përekonominë e gjelbër. Operation Board of the EU dhe Western Balkan Investment Framework i tij, bashkëfinancuar nga shtetet anëtare, miratuan grantet e BE-së me vlerë 263 milionë euro për shtatë projekte në Serbi. Grantet e miratuara nga BE-ja plotësojnë financimin e huave nga European Investment Bank,  European Bank for Reconstruction and Development, dhe German Kreditanstalt für Wiederaufbau (KfW), si dhe kontributet kombëtare nga Serbia. Fondet janë dhënë në vijim të donacioneve të Bashkimit Evropian për të mbështetur Green Agenda for the Western Balkans dhe përmbajnë elemente  të EU’s Economic and Investment Plan.

 

Këto projekte të reja do të ndikojnë pozitivisht dhe drejtpërdrejt te cilësia e jetës në të gjithë Serbinë, duke përmirësuar konektivitetin dhe reduktuar emetimet e panevojshme dhe degradimin mjedisor. Ky investim prej 263 milionë eurosh do të mundësojë rritjen të konsiderueshme ekonomike nëpërmjetmundësive të reja për biznes dhe hapjes së vendeve të reja të punës në komunitetet vendase.

 

Më 6 dhjetor, Presidentja e Komisionit Evropian, Ursula von der Leyen, prezantoi Energy Support Package for the Western Balkans në Samitin e BE-së për Ballkanin Perëndimor në Tiranë. Donacioni për sektorin energjetik të Serbisë është pjesë e fondeve prej 500 milionë eurosh për projektet në sektorin energjetik të Ballkanit Perëndimor, siç u njoftua në samitin e Tiranës.

Indeksi i sigurisë së gazetarëve: Mali i Zi i treti në rajon

Written by WeBalkans on . Posted in Lajme.

Mali i Zi u rendit i treti në rajon në Journalists’ Safety Index, me 3.40 pikë, pas Maqedonisë së Veriut (3.95) dhe Kroacisë (3.73). Krahasuar me vitin e kaluar, renditja për Malin e Zi ka rënë ndjeshëm (zbritur nga 3.59), kryesisht për shkak të numrit rekord të sulmeve ndaj gazetarëve. Kjo u shpjegua në prezantimin e Journalist Safety Index of Montenegro for 2021, që u mbajt në Europe House, si pjesë e panelit të “The Role of Independent Media in a Democratic Society”, organizuar nga Ambasada e Republikës Çeke në Podgoricë.

 

Western Balkan Journalist Safety Index është një mekanizëm që mat dhe monitoron ndryshimet e mjedisit social dhe politik, që kanë një ndikim të drejtpërdrejtë ose të tërthortë te siguria e gazetarëve dhe profesionistëve të medias gjatë ushtrimit të profesionit të tyre, dhe përbëhet nga katër njësi të veçanta që pasqyrojnë imazhin e përgjithshëm të sigurisë së gazetarëve. Mali i Zi mori vlerësimet më të dobëta në kategorinë Real Security dhe shënoi edhe rënien më të madhe në renditje për vitin 2021, nga 3.58 në 3.20. Për këtë kontribuoi kryesisht numri rekord i sulmeve, kërcënimeve dhe presioneve ndaj gazetarëve.

BE-ja në Kosovë ndihmon luftën kundër korrupsionit, duke mbështetur përpjekjet për informimin e publikut rreth Anti-Corruption Agency

Written by WeBalkans on . Posted in Lajme.

Anti-Corruption Agency, mbështetur nga BE-ja në Kosovë, ka nisur një fushatë për informimin e publikut, që promovon rolin e saj në kontrollin e deklarimit të pasurive të zyrtarëve, parandalon  konfliktet e interesit dhe heton raportimet sinjalizuese. Fushata, me sloganin “for a corruption-free Kosovo”, që i bën thirrje publikut ta denoncojë korrupsionin,po ndërmerret menjëherë pas miratimit të ligjeve të reja që fuqizojnë mandatin e Agjencisë, duke i dhënë fuqi dhe detyra shtesë, përfshi këtu sanksionimin e drejtpërdrejtë të zyrtarëve dhe vlerësimin  anti-korrupsion të legjislacionit.

 

Me mbështetjen e Bashkimit Evropian në Kosovë, fushata do të përfshijë pesë video dhe një broshurë me informacion rreth mandatit të Agjencisë, mënyrat se si publiku mund ta raportojë korrupsionin, si dhe gjobat e sanksionet me të cilat mund të përballen zyrtarët dhe institucionet nëse nuk respektojnë ligjin. BE-ja në Kosovë po punon me institucionet legjislative dhe ekzekutive  për të ndihmuar në përafrimin e ligjeve dhe praktikave të vendit me  ato të BE-së, si pjesë e procesit të integrimit në BE.

BIRN trajnon 30 Gazetarë në Raportimin e Angazhimit me Publikun

Written by WeBalkans on . Posted in Lajme.

Nga data 5 deri më 8 nëntor, BIRN organizoi një kurs trajnimi katërditor online mbi angazhimin me publikun për 30 gazetarë nga vendet e Ballkanit dhe Vishegradi. Tridhjetë gazetarë nga dhjetë media morën trajnim për gazetarinë e angazhimit gjatë seminarit të udhëhequr nga botuesja e angazhimit të ProPublica, Ariana Tobin dhe trajnerët dhe mentorët ekspertë të BIRN-it Aleksandra Bogdani, Ana Petruseva, Gyula Csak dhe Katarina Zrinjski.  
Si pjesë e programit, mediat e përzgjedhura patën mundësinë të merrnin pjesë në trajnime dhe mentorim për të inovuar redaksitë e tyre, për të angazhuar komunitetet dhe për të zhvilluar histori hulumtuese duke përdorur mjetin B-angaged, një mjet digjital i krijuar dhe zhvilluar nga BIRN për angazhimin e audiencës. Kursi i trajnimit, i cili kombinoi aftësitë teknike dhe njohuritë editoriale, ishte hapi i parë i programit për të ndihmuar mediat të zhvillojnë historitë e tyre të angazhimit.  
Grantet për Gazetari të Angazhuar me Publikun janë pjesë e projektit Media Innovation Europe (MIE), financuar nga Komisioni Evropian. Programi menaxhohet nga Instituti Ndërkombëtar i Shtypit, Fondacioni Thomson, Fondacioni për Zhvillimin e Medias dhe BIRN dhe synon të fuqizojë organet mediatike në tranzicionin digjital, duke i pajisur ato me mjete gazetarie dhe ekspertizë në produkte dhe struktura të ndryshme biznesi për të arritur audiencat dhe për të sjellë qëndrueshmëri. 

Paketa e mbështetjes energjetike prej 1 miliardë eurosh për Ballkanin Perëndimor

Written by WeBalkans on . Posted in Lajme.

Më 6 dhjetor 2022, në samitin BE-Ballkani Perëndimor në Tiranë, Presidentja e Komisionit Evropian Ursula von der Leyen, prezantoi Paketën e Mbështetjes së Energjisë për Ballkanin Perëndimor. Ai përbëhet nga 1 miliard euro grante të BE-së për të ndihmuar Ballkanin Perëndimor të përballet me pasojat e menjëhershme të krizës energjetike dhe të krijojë elasticitet në periudhën afatshkurtër dhe afatmesme.

 

Gjysma e parë e paketës përbëhet nga 500 milionë euro në mbështetje buxhetore për të zbutur ndikimin ekonomik dhe social në familjet e cenueshme dhe NVM-të dhe për të mbështetur tranzicionin energjetik dhe sigurinë e rajonit. 90% e fondeve do të disbursohen që në janar 2023, ndërsa pjesa tjetër do të vijojë më vonë në vitin 2023/fillim të vitit 2024, pas zbatimit të suksesshëm të planeve kombëtare të veprimit për trajtimin e krizës energjetike nga gjashtë partnerët e Ballkanit Perëndimor.

 

Gjysma e dytë e paketës përbëhet nga 500 milionë euro për të përparuar në diversifikimin e energjisë, prodhimin e energjisë së rinovueshme dhe ndërlidhjet e gazit dhe energjisë elektrike përmes Kornizës së Investimeve të Ballkanit Perëndimor (KIBP). Paketa mbulon një ndarje prej 100 milionë eurosh për rivendosjen e Programit Rajonal të Efiçiencës së Energjisë (PREE), 170 milionë euro shtesë në grante të BE-së për përzierjen e sektorit publik dhe privat dhe deri në 230 milionë euro financim të BE-së për gjashtë skema garancie për të mbështetur sektorin e energjisë. Pjesa më e madhe e kësaj pakete financimi është miratuar tashmë nga Këshilli Operativ i KIPB-së për përzierjen më 5 dhjetor 2022 në Bruksel.

BE-ja po investon 91 milionë euro në hekurudhat e Kosovës për të ndihmuar në përmirësimin e lidhjes me Evropën

Written by WeBalkans on . Posted in Lajme.

Ambasadori i BE-së në Kosovë, Tomas Szunyog dhe kryeministri i Kosovës, Albin Kurti, kanë shënuar sot në Fushë Kosovë fillimin e punimeve të bashkëfinancuara nga BE-ja për rehabilitimin dhe modernizimin e 34 kilometrave të hekurudhës në mes të Fushë Kosovës dhe Mitrovicës.

 

Vlera totale e punimeve, të cilat do të kryhen gjatë 15 muajve të ardhshëm, kap vlerën 68 milionë euro, nga të cilat BE-ja siguron 27 milionë euro, nëpërmjet Planit të saj Ekonomik dhe Investimeve për Ballkanin Perëndimor, Bankës Evropiane për Rindërtim dhe Zhvillim (BERZH) dhe Bankës Evropiane të Investimeve (BEI) 41 milionë euro të mbetura. “Tani po fillojmë të rehabilitojmë dhe të përmirësojmë seksionin e dytë të Linjës Hekurudhore rajonale 10 në Kosovë, e cila është pjesë e Rrjetit të Transportit Trans-Evropian (TEN-T) dhe lidh Kosovën me rajonin dhe pjesën tjetër të Evropës”, ​​tha Szunyog.

 

Linja Hekurudhore 10, e cila fillon nga Maqedonia e Veriut, kalon Kosovën dhe mbërrin në Serbi, është e gjatë 256 kilometra, 148 prej të cilave janë në Kosovë. Përmirësimi i seksionit të parë nga kufiri me Maqedoninë e Veriut në Fushë Kosovë, 66 kilometra i gjatë, ka filluar në gusht të vitit 2019 dhe pritet të përfundojë në fund të vitit 2023, ndërsa përgatitjet për përmirësimin e seksionit të tretë nga Mitrovica e tutje, janë në vazhdim.

 

Linja hekurudhore 10 ishte përgjithësisht në gjendje të keqe me kufizime të rënda strukturore që kufizonin shpejtësinë e trafikut në 60 km/h. Rehabilitimi i saj, është investimi i parë i madh në sektorin hekurudhor në Kosovë dhe përfshin ndërrimin e çelësave, shinave dhe traversave të vjetruara, si dhe rinovimin e tuneleve dhe urave.

Komisioni publikon raportin e ri mbi kulturën për zhvillim të qëndrueshëm në veprimet e BE-së

Written by WeBalkans on . Posted in Lajme.

Komisioni Evropian publikoi më 9 dhjetor 2022 një raport mbi dimensionin kulturor të zhvillimit të qëndrueshëm në veprimet e BE-së.  
Raporti thekson rolin e domosdoshëm që luan kultura në zbatimin e politikave, programeve dhe iniciativave të BE-së në lidhje me Axhendën 2030 të OKB-së për zhvillimin e qëndrueshëm. (UN’s 2030 Agenda on sustainable development.) Komisioni identifikon fushat kryesore ku do të ishte strategjik përforcimi i bashkëpunimit me sektorët kulturorë dhe krijues për të nxitur zhvillimin e qëndrueshëm. Ai shpjegon nga këndvështrime dhe politika të ndryshme se sa të pozicionuar në mënyrë unike janë sektorët kulturorë dhe krijues për të interpretuar dhe vënë në zbatim dimensionet ekonomike, sociale dhe mjedisore të Axhendës 2030. Rishikimi Vullnetar i BE-së për zbatimin e synimeve të zhvillimit të qëndrueshëm, që do t’i paraqitet Forumit të nivelit të lartë të OKB-së në mesin e vitit 2023, mund të përfitojë nga sugjerimet e përfshira në raport.  
Raporti gjithashtu, plotëson dhe u përgjigjet disa rekomandimeve të grupit të punës të vendeve anëtare për Metodën e Hapur të Koordinimit (MHK) mbi dimensionin kulturor të zhvillimit të qëndrueshëm, i cili publikoi raportin ‘Stormy times. Nature and humans: cultural courage for change’ më 20 shtator 2022. Raporti gjithashtu ndjek rezultatet e konferencës MONDIACULT 2022 të UNESCO-s, e cila bëri thirrje për përfshirjen e kulturës si një objektiv specifik më vete midis Objektivave të Zhvillimit të Kombeve të Bashkuara.

Dy qytete në listën e ngushtë për t’u bërë Kryeqyteti Kulturor Evropian 2028 në një vend kandidat

Written by WeBalkans on . Posted in Lajme.

Budva (Mali i Zi) dhe Shkupi (Maqedonia e Veriut), janë përzgjedhur në listën e ngushtë të konkursit për titullin Kryeqytet i Kulturës Evropiane 2028 në një vend kandidat ose kandidat potencial të EFTA/KEE. Një panel prej 10 ekspertësh të pavarur rekomandoi listën e ngushtë në fund të një takimi digjital njëditor.  Komisioni ftoi qytetet e interesuara të aplikojnë në muajin dhjetor 2021. Budva (Mali i Zi) dhe Shkupi (Maqedonia e Veriut) dorëzuan aplikime deri në afatin përfundimtar të 11 nëntorit 2022.  
Përfshirja në listën e ngushtë për titullin, mund të rezultojë në përfitime të rëndësishme kulturore, ekonomike dhe sociale për qytetet në fjalë, me kusht që oferta e tyre të jetë pjesë e një strategjie afatgjatë të zhvillimit kulturor. Qytetet kanë afat deri në verën e vitit 2023 për të plotësuar aplikimet e tyre. Paneli do të mblidhet në muajin shtator 2023 për të rekomanduar një qytet, i cili do të bëhet në vitin 2028, Kryeqyteti i tretë Evropian i Kulturës në një vend kandidat apo kandidat potencial të EFTA/KEE, pas Novi Sadit (Serbi) në vitin 2022 dhe Bodos (Norvegji) në vitin 2024.
 
Në të njëjtin vit, do të ketë edhe dy Kryeqytete të tjera Kulturore Evropiane, një në Republikën Çeke (Bromouv dhe Budweis, u përzgjodhën në listën e ngushtë (short-listed) në muajin tetor 2022) dhe një në Francë (takimi para-përzgjedhës do të mbahet në fillim të muajit mars 2023).

BE: Statusi i Kandidatit – Mesazh i Shefit të Delegacionit të BE-së në Bosnje dhe Hercegovinë dhe Përfaqësuesit Special të BE-së në Bosnje dhe Hercegovinë, Ambasadorit Johann Sattler

Written by WeBalkans on . Posted in Lajme.

Të nderuar shtetas të Bosnjës dhe Hercegovinës!

 

Jam i lumtur të ndaj me ju gëzimin që Bosnja dhe Hercegovina, ka fituar statusin e kandidatit për anëtarësim në BE!

 

“Të bashkuar në diversitet” është parimi udhëheqës dhe vlera thelbësore e BE-së. Bosnja dhe Hercegovina dhe BE-ja, qëndrojnë mbi të njëjtat themele; parimi “të bashkuar në diversitet” është vlera, forca dhe thesari ynë i përbashkët.

 

Ky vend është plot energji dhe talent. Kudo që të shkoni, do të gjeni trashëgimi kulturore dhe bukuri natyrore, arritje në art dhe sporte, risi dhe traditë, dhe mbi të gjitha një shpirt të palëkundur.

 

Statusi i kandidatit është një shenjë se ne besojmë në këtë vend dhe se ndajmë shpresat tuaja për një të ardhme më të mirë. Mbrojtje më e fortë e të drejtave të njeriut, më shumë besim, luftë efektive kundër korrupsionit, institucione publike funksionale, ekonomi më e fortë, kujdes shëndetësor dhe arsim më i mirë.

 

Është një inkurajim për të gjithë qytetarët që e dinë se rruga drejt BE-së është rruga për një Bosnjë dhe Hercegovinë më të mirë. Por është gjithashtu një mesazh për liderët politikë që të kthejnë një faqe të re dhe të zbatojnë reformat e nevojshme për t’u sjellë të mira qytetarëve dhe për ta sjellë Bosnjën dhe Hercegovinën më afër BE-së.

 

Ne e dimë se ka shumë sfida përpara, por momenti i ri politik është këtu. Le ta përdorim!

 

Ne besojmë në këtë vend. Një vend që ka qenë gjithmonë në zemër të Evropës!