Skip to main content

BE-ja rrit kapacitetin e BiH Agency for Medicinal Products and Medical Medical Devices duke dhuruar pajisje IT

Written by WeBalkans on . Posted in Lajme.

Si pjesë e mbështetjes së vazhduar të BE-së për shëndetësinë në Bosnjë dhe Hercegovinë, Zyra e BE-së në BH i shpërndau pajisje IT me vlerë rreth 20,000 euro BiH Agency for Medicinal Products and Medical Devices. Për punën e përditshme të Agjencisë, Bashkimi Evropian siguroi pesë PC, 11 monitorë të mëdhenj, dy printerë multifunksionalë me lazer dhe nëntë laptopë. Këto pajisje do të rrisin kapacitetin e Agjencisë, që është përgjegjëse për sigurimin e produkteve dhe pajisjeve mjekësore të sigurta e me cilësi të lartë për përdorim njerëzor dhe për ngritjen e një sistemi funksional për rregullimin e produkteve medicinale, në përputhje me standardet ndërkombëtare.

 

Pajisjet e dhuruara do t’i japin një pamje më të qartë të diagramave të analizave të ndërlikuara të laboratorit dhe të numrit të madh të të dhënave, por gjithashtu do të lehtësojnë lëvizshmërinë më të madhe të punonjësve dhe vazhdimësinë e biznesit në kushte emergjente.

 

Gjatë pandemisë, donatori që i ka ofruar mbështetjen më të madhe BH-së ka qenë BE-ja, duke dhuruar më shumë se 20 milionë euro për sigurimin e pajisjeve mjekësore, vaksinave dhe pajisjeve të zinxhirit të ftohtë të cilësisë së lartë për ruajtjen e vaksinave. BE-ja gjithashtu ka siguruar më shumë se 75 milionë euro për rimëkëmbjen pas pandemisë.

Zëvendës Presidentja Pavlova zoton mbështetje nga EIB Global për krizën energjetike në Samitin BE Ballkani Perëndimor

Written by WeBalkans on . Posted in Lajme.

Në Samitin BE Ballkani Perëndimor të mbajtur në Tiranë, Shqipëri, Zëvendës Presidentja e Bankës Evropianë të Investimeve (EIB) Lilyana Pavlova u zotua për mbështetje për rajonin për të përballuar nevojat urgjente afat-shkurtra që rrjedhin nga lufta e Rusisë në Ukrainë. Kjo mbështetje do të vijë nga EIB Global, dega e Bankës e cila është e fokusuar në operacionet jashtë Bashkimit Evropian, në formën e projekteve të reja që planifikon të financojë në rajon për energjinë e pastër, zgjerimin e rrjeteve të energjisë elektrike dhe infrastrukturës mbajtëse, si dhe për të ndihmuar sektorin privat të zbatojë masa të eficiencës energjetike. Ajo konfirmoi se Banka është plotësisht e harmonizuar me paketën prej 1 miliard euro për mbështetje energjetike të njoftuar nga Komisioni Evropian dhe planifikon të luaj një rol kyç në zbatimin e saj.  
Përveç mbështetjes në fushën e energjisë, banka EU do të rrisë shërbimet e përziera gjithëpërfshirëse të saj të huazimit, këshillimit dhe bashkimit dhe do të vendosë më shumë ekspertë në terren për të mbështetur ndërlidhjen, tranzicionin e gjelbër dhe dixhital, arsimin dhe kujdesin shëndetësor. Promovimi i rritjes, dixhitalizimit dhe dekarbonifikimit të sektorit privat do të jetë gjithashtu një prioritet për Bankën. Për këtë qëllim, Fondi i Investimeve Evropianë (EIF), një filial i EIB Group, ka krijuar Instrumentin për Zhvillimin e Sipërmarrjeve dhe Inovacion në Ballkanin Perëndimor (WB EDIF) Garanci për Rezistencën e NMV-ve, e cila ka si qëllim të përballojë vështirësitë ekonomike duke rritur aksesin në financa për rreth 4,000 sipërmarrje të vogla dhe të mesme në rajon.

Bashkimi Evropian mundëson 10 milion euro shtesë në mbështetje të Forcave të Armatosura të Bosnjës dhe Hercegovinës

Written by WeBalkans on . Posted in Lajme.

Këshilli i Bashkimit Evropian miratoi një masë ndihme me vlerë 10 milion euro e cila do të mbështesë Forcat e Armatosura të Bosnjës dhe Hercegovinës (AFBiH). Ky vendim është pjesë e punës së BE-së për të fuqizuar më shumë angazhimin me partnerët e saj në Ballkanin Perëndimor dhe vazhduar në vazhdën e ndihmave të saj të mëparshme për AFBIH, veçanërisht në vazhdën e ndihmës së njoftuar në Nëntor 2021 me vlerë 10 milion euro për batalionin e çminimit të AFBiH, ndihmës me vlerë 6 milion euro të njoftuar në Qershor 2022 në përfitim të Task Forcës Balkan Medical (BMTF) dhe mbështetjes së vazhdueshme për EUFOR Althea të Forcave të Armatosura të BH, përfshirë edhe trajnimet.  
Ndihma e re do të financojë pajisje terreni, mjete thelbësore për inxhinierinë ushtarake dhe materiale për mbrojtje ndaj kërcënimeve kimike, biologjike, Radiologjike dhe Nukleare (CBRN). Kjo ndihmë u kërkua nga Ministria e Punëve të Jashtme të Bosnje dhe Hercegovinës në Qershor 2022. Përmes mundësimit të pajisjeve të përshtatshme, ndihma do të mundësojë fuqizimin e kapaciteteve të brigadës mbështetëse taktike si dhe të AFBiH në tërësi.  
Ndihma e re u miratua në kuadër të Instrumentit Evropian të Paqes (EPF). EPF u krijua në Mars 2021 si një mjet për të zgjeruar mundësinë e BE-së për të dhënë siguri për qytetarët dhe partnerët e saj. I mundëson BE-së të sigurojë të gjitha llojet e pajisjeve si dhe infrastrukturë për forcat e armatosura të partnerëve të BE-së, në përputhje me ligjin ndërkombëtar për të drejtat e njeriut dhe ligjin ndërkombëtar humanitar. Ndihma e re u miratua në përgjigje të një kërkesë të bërë nga Ministria e Punëve të Jashtme të BH në Qershor 2022.

Programi Rajonal i Strehimit feston shpërndarjen e 10,000 shtëpive në Ballkanin Perëndimor

Written by WeBalkans on . Posted in Lajme.

Programi Rajonal i Strehimit (RHP) festoi një moment të rëndësishëm në 30 Nëntor, me shpërndarjen e shtëpisë numër 10,000 për refugjatët më të prekshëm dhe personat e zhvendosur në rajonin e Ballkanit Perëndimor. Rasti u shënua gjatë një ceremonie për shpërndarjen e çelësave të 40 apartamenteve të RHP të sapo ndërtuar për familjet e refugjatëve në  Vršac, Serbi. Në total, RHP synon të shpërndajë 11,400 shtëpi në të katër Shtetet Partnere të RHP-së – Bosnje dhe Hercegovinë, Kroaci, Mal i Zi, dhe Serbi deri në mesin e vitit 2023.

 

Përveç vetë përfituesve, në ceremoninë e shpërndarjes të çelësave morri pjesë Nataša Stanisavljević, Komisioner për Refugjatët dhe Migrimin i Republikës së Serbisë; Holger Schröder, Përgjegjës i Njësisë në Programet Rajonale të Ballkanit Perëndimor dhe Plani i Investimeve Ekonomik në DG NEAR si dhe morën pjesë përfaqësues të tjerë kombëtar dhe ndërkombëtar.

 

Në emër të Bashkimit Evropian – Donatori kryesor i RHP – Z. Holger Schröder përgëzoi të gjitha familjet për shtëpitë e tyre të reja, dhe reflektoi mbi rëndësinë që ka RHP si për rajonin ashtu edhe për BE. “Programi Rajonal i Strehimit simbolizon solidaritetin e BE-së ndaj familjeve të prekshme të cilat lanë pas jetët e tyre”, tha ai.

 

Vizita nga grupet e interesit RHP në Vršac ishte në vijim të një takimi të Asamblesë së Donatorëve të RHP atë mëngjes, paraprirë nga një takim i Komitetit Drejtues të RHP në Beograd në 30 Nëntor, organizuar nga Komisariati për Refugjatët dhe Migrimin i Republikës së Serbisë, drejtuar nga Bashkimi Evropian, dhe bashkë-drejtuar nga Zvicra, një tjetër donator kyç i Programit.

MADE OF US: Një aventurë e pabesueshme do të nisë në pranverën e vitit 2023

Written by WeBalkans on . Posted in Lajme.

Ne në WeBalkans jemi krenarë që hapim një thirrje për aplikime drejtuar vlogerevë nga Ballkani Perëndimor të cilët duhet të bëhen pjesë e udhëtimit “Made of Us” përmes Ballkanit Perëndimor. Kjo aventurë pritet të ndodhë në pranverën e vitit 2023. Ftojmë të gjithë vlogerët e talentuar nga Ballkani Perëndimor, 21 deri në 30 vjeç, të aplikojnë në portalin e dedikuar WeBalkans.eu.

 

Vlogerët e përzgjedhur do të vizitojnë projekte të mbështetura nga BE dhe takojnë personalitete interesante dhe frymëzuese, duke ekspozuar gjithashtu peizazhin natyror, objektet dhe vendet e jashtëzakonshme si dhe trashëgiminë kulturore unike që ka Ballkani Perëndimor. Udhëtarët e përzgjedhur do të regjistrojnë eksperiencat që do të kenë duke përdorur pajisjet e tyre dhe përkthyer udhëtimin në materiale të cilësisë së lartë për media sociale dhe ueb, foto dhe video të cilat do të shpërndahen përmes kanaleve të tyre dhe të WeBalkans.

 

Udhëtimi do të jetë edhe më shumë emocionues duke qenë se gjashtë fituesit nga Ballkani Perëndimor nuk do të udhëtojnë të vetëm. Në fillim të vitit 2023, ata do të bëhen bashkë me gjashtë krijues nga BE për të udhëtuar së bashku dhe bashkëpunuar për prodhimin e materialeve. Dy grupet BE-Ballkani Perëndimor me nga gjashtë persona secili do të kenë mundësi të eksplorojnë më të mirat e Ballkanit Perëndimor, duke ia treguar me fjalët e tyre pjesës tjetër të botës në Prill-Maj 2023!

 

I ftojmë të gjithë të interesuarit të vizitojnë faqen tonë të internetit webalkans.eu për më shumë informacion për procesin e përzgjedhjes, duke përfshirë afatet dhe kushtet për pjesëmarrje. Faza e aplikimit fillon në 7 Dhjetor dhe do të jetë e hapur deri në 7 Janar 2023. “Made of US” është fushata e tretë rajonale e ndërgjegjësimit qe prezantohet nga WeBalkans, një projekt që financohet nga Bashkimi Evropian.

Samiti BE- Ballkani Perëndimor në Tiranë riafirmon perspektivën e anëtarësimit në BE të Ballkanit Perëndimor dhe partneritetin strategjik të BE-së me rajonin

Written by WeBalkans on . Posted in Lajme.

Sot, presidentja e Komisionit Evropian, Ursula von der Leyen, presidenti i Këshillit Evropian Charles Michel, përfaqësuesi i lartë/zëvendës presidenti Josep  Borrell Komisioneri Olivér Várhelyi, si dhe kryetarët e shteteve ose qeverive të shteteve anëtare të BE-së dhe Ballkanit Perëndimor morën pjesë në  Samitin BE-Ballkani Perëndimor në Tiranë. Organizimi i Samitit për herë të parë në këtë rajon është shenjë e qartë e angazhimit të fortë të BE-së në Ballkanin Perëndimor dhe në rrugëtimin e tij drejt BE-së.

 

Liderët e BE-së riafirmuarn angazhimin e plotë dhe të padiskutueshëm ndaj perspektivës për anëtarësim në Bashkimin Evropian të Ballkanit Perëndimor . Ata kërkuan përshpejtimin e procesit të anëtarësimit bazuar në reforma të besueshme nga partnerët, kushtëzim të drejtë dhe rigoroz dhe parimin e meritave vetjake.

 

Përshkallëzimi i agresionit të Rusisë kundër Ukrainës e vendos në rrezik paqen dhe sigurinë globale. Ai thekson rëndësinë e partneritetit strategjik mes BE-së dhe rajonit të Ballkanit Perëndimor.

 

Presidentja e Komisionit Evropian, Ursula von der Leyen, u shpreh: “Ky Samit i mbajtur për herë të parë në një vend të Ballkanit Perëndimor, përcjell një mesazh të qartë për angazhimin tonë,unitetin tonë, dhe partneritetintonë të fortë. Bashkimi Evropian është më i angazhuar se kurrë për një të ardhme të përbashkët. Dhe ne po shfrytëzojmë çdo mundësi që të afrojmë rajonet dhe popujt tanë. Nga trajtimi i përbashkët i krizës energjitike në hapjen e më shumë mundësive për qytetarët dhe bizneset, duke përfshirë reduktimin e tarifave të roaming-ut. Kjo është një arritje e jashtëzakonshme.”

 

Për më tepër, Samiti ishte një mundësi për të rishikuar përparimin në zbatimin e pothuajse €30 miliardë për  Economic and Investment Plan i fokusuar në projekte novatore në tranzicionin e gjelbër dhe digjital, transportin e qëndrueshëm, energjinë e pastër, mbështetjen në sektorin privat dhe zhvillimin e kapitalit njerëzor për të ndihmuar në mbylljen e hendekut socio-ekonomik mes Ballkanit Perëndimor dhe BE-së. Deri më tani, BE-ja ka miratuar financimin për 40 projekte novatore në transport, ndërlidhje, tranzicionin e energjisë, agjendën e gjelbër, tranzicionin digjital dhe zhvillimin e kapitalit njerëzor, me mbështetje prej €1.8 miliardë nga BE-ja dhe një investim total prej €5.7 miliardë.

 

Kjo përfshin 12 projekte për investime të miratuara më 5 dhjetor, prej të cilëve 6 projekte në sektorin e energjisë janë përshpejtuar falë Energy Support Package prej €1 miliardë, e përbërë prej dy shtyllash:

  • €500 milionë në mbështetje të menjëhershme për të gjithë partnerët nga Ballkani Perëndimor për të përballuar rritjen e çmimeve të energjisë për bizneset dhe familjet e cenueshme, që është miratuar dhe do të jetë gati për disbursim në fillim të vitit 2023.
  • €500 milionë në mbështetje afatmesme nëpërmjet Western Balkans Investment Framework për të avancuar në tranzicionin e energjisë dhe sigurinë e energjisë. Paketa mbulon transferimin e Regional Energy Efficiency Programme për rinovimin me efikasitet energjitik për ndërtesat private dhe publike, gjashtë grante investimesh të reja për burimet e rinovueshme të energjisë, tre skema grantesh për tranzicionin e energjisë në sektorin privat dhe një sërë garancish për të mbështetur energjinë e rinovueshme dhe eficiencën energjitike. Pritet të mobilizohen deri në €2.5 miliardë investime në total në bashkëpunim me institucionet financiare ndërkombëtare.

Liderët dëshmuan edhe nënshkrimin e deklaratës mes përfaqësuesve të operatorëve të telekomunikacionit nga Ballkani Perëndimor dhe BE-ja për uljen e parë vullnetare të uljes së tarifave të roaming-ut, duke filluar nga tetori i vitit 2023, midis rajonit dhe BE-së që fillojnë në tetor të vitit 2023. Komisioni Evropian dhe Regional Cooperation Council lehtësuan negociatat për marrëveshjen dhe vendimet për reduktimet e mëtejshme që priten në maj të vitit 2023.

 

Së fundmi, Samiti ishte një mundësi për të diskutuar dhe zgjeruar bashkëpunimin e BE-së me rajonin në menaxhimin e migracionit, sigurinë kibernetike, arsimin dhe të rinjtë. Komisioni ka miratuar së fundmi €70 milionë financime për të ndihmuar në përmirësimin e aftësive të menaxhimit të kufiritdhe të shtojë luftën kundër emigracionit të paligjshëm dhe trafikimit të qenieve njerëzore në Ballkanin Perëndimor. BE-ja po përmirëson ndihmën dhe bashkëpunimin me Ballkanin Perëndimor për të forcuar reziliencën kibernetike në vijim të një sërë sulmesh kibernetike në shkallë të gjerë në rajon, duke përfshirë edhe nëpërmjet një programi të ri prej  €5 milionë në të gjithë rajonin i programuar të fillojë në fillim të vitit 2023. Universitetet e Ballkanit Perëndimor do të përfshihen në European Universities Initiative të Erasmus+ për përparim të barabartë me shtetet anëtare të BE-së, për të krijuar mundësi të mëtejshme për të rinjtë.

Reduktimi i konsiderueshëm i tarifave roaming mes Ballkanit Perëndimor dhe BE-së fillon më 1 tetor 2023

Written by WeBalkans on . Posted in Lajme.

Në Samitin BE-Ballkani Perëndimor të mbajtur në Tiranë sot, operatorët e telekomunikimeve nga Bashkimi Evropian (BE) dhe Ballkani Perëndimor nënshkruan një Roaming Declaration që do të lejojë reduktimin e tarifave roaming mes BE-së dhe Ballkanit Perëndimor që nga 1 tetori 2023.

 

Komisioneri për Fqinjësinë dhe Zgjerimin, Olivér Várhelyi, u shpreh:

 

“Unë e mirëpres deklaratën e nënshkruar sot nga operatorët e telekomunikacionit të BE-së dhe Ballkanit Perëndimor dhe angazhimin e tyre për të filluar reduktimet e para në tetor të vitit 2023. Tranzicioni digjital për BE-në dhe parterët është parësor në agjendën tonë për ndërlidhjen. Një nga elementet themelore të këtij tranzicioni është bërja e shërbimeve të telekomunikacionit të përballueshme dhe të aksesueshme. Duke qenë se po reduktojmë tarifat e roaming-ut mes BE-së dhe rajonit, do të afrojmë më shumë njerëzit dhe bizneset. Objektivi ynë është që kur të na vizitoni ose kur t’ju vizitojmë të ndihemi të gjithë gjithnjë e më shumë si në shtëpi.  Ky është integrimi i vërtetë i Ballkanit Perëndimor për të cilin të gjithë ne duhet të punojmë.”

 

Ky është fillimi i procesit që synon të arrijë në një ulje të konsiderueshme të tarifave të roaming-ut që nga 1 tetori 2023 dhe reduktime të mëtejshme që do të çojnë në çmime të afërta me çmimet e vendit. Çdo operator i telekomunikacionit nga Ballkani Perëndimor dhe BE-ja, që ka nënshkruar Deklaratën, do të marrë në konsideratë prezantimin e planeve dhe opsioneve për shitjen me pakicë, me tarifa më të ulëta roaming që nga 1 tetori 2023.

 

Është e rëndësishme që politikëbërësit në Ballkanin Perëndimor të përshpejtojnë zbatimin e reformave për politikat në sektorin e telekomunikacionit, të cilat do të jenë në përputhje me përfundimet e Western Balkans Digital Summit 2022, me qëllimin e krijimit të  Common Regional Market në Ballkanin Perëndimor dhe një mjedis biznesi më përfitues. Ekonomitë e Ballkanit Perëndimor duhet t’i zbatojnë këto reforma të politikave jo më vonë se fundi i vitit 2023.

 

Duke u nisur nga suksesi i regjimeve Roam Like at Home si në BE dhe në Ballkanin Perëndimor, qëllimi i kësaj nisme është të mbështesë lëvizje dhe të lehtësojë ndërlidhjen e qytetarëve dhe bizneseve në BE dhe Ballkanin Perëndimor.

 

Përfitimet janë të shumëfishta. Kjo do të reduktojë koston e roaming-ut për qytetarët në Ballkanin Perëndimor dhe BE teksa udhëtojnë në rajon dhe në BE, si dhe kosto më të ulëta operimi për bizneset dhe inkurajimi për të bërë biznes jashtë kufijve të tyre. Iniciativa është e jashtëzakonshme, duke qenë se është ndërmarrë në baza vullnetare mes operatorëve të telekomunikimeve.

 

Deklarata është rezultat i angazhimit të madh të operatorëve të telekomunikacionit në BE dhe Ballkanin Perëndimor dhe mbështetjes së Komisionit Evropian, Regional Cooperation Council, si dhe angazhimi i autoriteteve të rajonit që nga hyrja në fuqi e Western Balkans Regional Roaming Agreement. Operatorë të tjerë të telekomunikacionit si nga BE-ja dhe nga Ballkani Perëndimor janë të ftuar t’i bashkohen nismës.

The New European Bauhaus: mundësi për Ballkanin Perëndimor dhe Turqinë

Written by WeBalkans on . Posted in Lajme.

Duke filluar nga sot, Komisioni ka hapur aplikimet për New European Bauhaus Prizes 2023. Në vijim të dy edicioneve të fundit të suksesshme ku pati më shumë se 3,000 hyrje nga të gjithë shtetet anëtare të BE-së, konkursi i vitit 2023 do të vlerësojë me çmime 15 nisma shembullore që lidhin qëndrueshmërinë, estetikën dhe gjithëpërfshirjen – tre vlerat bazë të New European Bauhaus.

 

Në kontekstin e European Year of Skills, edicioni i këtij viti do të fokusohet në arsim dhe të nxënit. Gjithashtu, ne do të mirëpresim për herë të parë aplikimet për projektet dhe konceptet në Ballkanin Perëndimor. Ashtu si vitin e kaluar, do të ketë çmime specifike për personat nën 30 vjeç. Thirrja është e hapur deri më 31 janar 2023 në 19:00 CET.

 

Çmimet e vitit 2023 do të vlerësojnë projektet ekzistuese si dhe konceptet e zhvilluara nga talentet e reja në katër kategori:

 

-Rilidhja me natyrën

-Rifitimi i ndjesisë së përkatësisë

-Prioritizimi i vendeve dhe njerëzve që kanë më shumë nevojë

-Nevoja për të menduarit afatgjatë për ciklin e jetës në ekosistemin industrial

 

Në secilën kategori, aplikantët mund të zgjedhin mes tre drejtime të konkurrimit:

 

-Drejtimi A: “New European Bauhaus Champions”, i përkushtuar ndaj projekteve ekzistuese dhe të përfunduara me rezultate të qarta dhe pozitive.

-Drejtimi B: “New European Bauhaus Rising Stars” i dedikuar ndaj koncepteve të dorëzuara nga talentet e reja të moshës 30 vjeç ose më pak se 30 vjeç. Konceptet mund të jenë në faza të ndryshme zhvillimi, nga ide me një plan të qartë në nivelin e prototipit.

-Drejtimi C: “New European Bauhaus Education Champions” i përkushtuar ndaj nismave që fokusohen në arsim dhe të nxënit. Pranohen si projektet e përfunduara, po ashtu edhe nismat me nivel minimal maturiteti.

 

Çmimet e vitit 2023 do t’i jepen 15 fituesve që do të marrin shpërblim për çmimin deri në €30,000, si dhe një paketë komunikimesh që do t’i ndihmojë ata të zhvillojnë dhe promovojnë më tej projektet dhe konceptet e tyre.

 

Samiti BE-Ballkani Perëndimor në Tiranë rikonfirmon lidhjen strategjike të BE-së me partnerët e anëtarësimit

Written by WeBalkans on . Posted in Lajme.

Të martën më 6 dhjetor, liderët e BE-së dhe Ballkanit Perëndimor do të mbajnë një Samit në Tiranë, që do të organizohet nga kryeministri i Shqipërisë, Edi Rama dhe do të kryesohet nga Presidenti i Këshillit Evropian, Charles Michel. Komisioni Evropian do të përfaqësohet nga presidentja e tij, Ursula von der Leyen , përfaqësuesi i lartë / zëvendës presidenti për politikat e çështjeve të jashtme dhe sigurisë Josep Borrell dhe Komisioneri për Zgjerimin dhe Fqinjësinë e Mirë, Olivér Várhelyi.  
Samiti do të zhvillohet në Ballkanin Perëndimor për herë të parë, një shenjë e qartë e angazhimit të BE-së ndaj partneritetit strategjik me rajonin dhe perspektivën e tij për anëtarësim në BE. Diskutimet do të përqendrohen në trajtimin e përbashkët të pasojave të agresionit të luftës ruse ndaj Ukrainës, në veçanti në sektorin e energjisë. Komisioni do të raportojë zbatimin e pothuajse €30 miliardë të Economic and Investment Plan për të ndihmuar në nxitjen e rikuperimit afatgjatë të rajonit.  Për më tepër, Komisioni do të informojë për Energy Support Package prej €1 miliardë për të gjithë Ballkanin Perëndimorprezantuar nga Presidentja von der Leyen në nëntor për të ndihmuar familjet e cenueshme dhe sipërmarrjet e mesme dhe të vogla të përballojnë çmimet e larta të energjisë dhe të përparojnë investime kyçe në infrastrukturë për të zgjeruar prodhimin e energjisë së rinovueshme dhe efikasitetin e energjisë.   
Përpara Samitit, liderët do të dëshmojnë nënshkrimin e deklaratës mes përfaqësuesve të operatorëve telecom nga Ballkani Perëndimor dhe BE-ja për uljen e parë vullnetare të uljes së tarifave roaming, duke filluar nga tetori i vitit 2023, midis rajonit dhe BE-ja.

Trajnim mbi edukimin mediatik në Europe House në Podgoricë

Written by WeBalkans on . Posted in Lajme.

Si pjesë e aktiviteteve të saj të rregullta, Europe House në Podgoricë organizoi një event trajnimi mbi edukimin mediatik për qytetarët mbi 30 vjeç, në bashkëpunim me Montenegro Media Institute. Pjesëmarrësit kryesorë ishin mësues nga shkolla e mesme Cetinje, shkolla e mesme Slobodan Škerović, dhe shkolla fillore Savo Pejanović nga Podgorica. Gjatë katër orëve, pjesëmarrësit patën mundësinë të përmirësonin njohuritë e tyre për median dhe të kuptonin rëndësinë e saj, sidomos kur situata në tregun mediatik është sfiduese.

 

Trajnuesit ndanë parimet kryesore se si funksionon media dhe se si analizohet më mirë përmbajtja. Gjatë trajnimit, u prezantuan edhe format e manipulimit, si lajmet e rreme, propaganda, ose reklamimi i fshehtë, në mënyrë që pjesëmarrësit të mund të mësonin se si t’i dallojnë ato nga përmbajtja gazetareske e prodhuar në mënyrë profesionale.