Skip to main content

Realizimi me sukses i ciklit të parë të skemës së shkëmbimeve “Superschools”

Written by WeBalkans on . Posted in Lajme.

Regional Annual School Conference u zhvillua të martën më 5 korrik në Strugë, Maqedoni e Veriut, duke shënuar realizimin me sukses të ciklit të parë të programit “Superschools”, që drejtohet nga Regional Youth Cooperation Office (RYCO). Ky program është pjesë e projektit “Western Balkans School Exchange Scheme” me shumë donatorë, të financuar nga Bashkimi Evropian dhe German Federal Ministry for Economic Cooperation and Development (BMZ), dhe të zbatuar nga Deutsche Gesellschaft für Internationale Zusammenarbeit (GIZ) së bashku me RYCO-n.
 
Ky event mblodhi të gjitha shkollat pjesëmarrëse, të përfaqësuara nga një mësues dhe një nxënës, për të ndarë përvojat, arritjet dhe rezultatet e tyre me të rinjtë, mësues të rinj nga rajoni, stafin e RYCO-s, përfaqësues të ministrisë, donatorë dhe zyrtarë të nivelit të lartë. Eventi promovoi ndikimin e shkëmbimeve dhe të projektit “Superschools” të RYCO-s në rajon. Pjesë e eventit ishte edhe një panair i studentëve, i cili u dha mundësinë pjesëmarrësve të zhvillonin personalisht biseda me përfaqësues të shkollave që morën pjesë në ciklin e parë të shkëmbimeve “Superschools” të RYCO-s.

BE-ja dhe EBRD-ja ndihmojnë shitësit serbë me pakicë të artikujve sportivë që të arrijnë më mirë klientët

Written by WeBalkans on . Posted in Lajme.

Një nga shitësit me pakicë më të suksesshëm të veshjeve dhe pajisjeve sportive në Serbi, Planeta Sport, e cila disponon mbi 100 dyqane ne mbarë vendin, kishte një rrjet të mirëndërtuar shitjesh, si me dyqane fizike ashtu dhe online. Kompania kërkoi asistencë nga BE-ja dhe European Bank for Reconstruction and Development (EBRD) për të përmirësuar komunikimin me klientët e saj duke investuar për mjete të reja digjitale. Ndryshimet që solli projekti, së bashku me financimin nga BE-ja dhe EBRD-ja, përkuan me fillimin e pandemisë COVID-19, pikërisht në momentin kur shumicës së bizneseve iu desh të kalonin me shpejtësi te puna online.

 

Projekti përfshinte krijimin e një strategjie digjitale dhe zbatimin e softuerit të ri të marketingut dhe komunikimit. Për të arritur këtë, Planeta Sport kishte nevojë për asistencë të jashtme. Më pas, kompania kontaktoi Advice for Small Businesses programme të EBRD-së, i cili mbështet ndërmarrjet e vogla dhe të mesme duke i lidhur ato me ekspertë që ofrojnë këshilla dhe njohuri teknike. Programi mbulon një gamë të gjerë fushash, duke përfshirë strategjinë, operacionet, menaxhimin e cilësisë, raportimin financiar, eficiencën e energjisë etj. Është financuar nga Bashkimi Evropian dhe ka mbështetur aktualisht qindra biznese në Serbi.

Nis fushata “Protect yourself – use protective equipment” në Serbi

Written by WeBalkans on . Posted in Lajme.

“Protect yourself – use protective equipment” është titulli i fushatës së lançuar për të mundësuar ndërgjegjësimin rreth rëndësisë së përdorimit të pajisjeve mbrojtëse gjatë punimeve në ndërtim, sporte dhe aktivitete argëtuese. Fushata është pjesë e projektit “EU for Serbia – support for safer products”, i cili filloi këtë muaj me një fushatë televizive, me autobusë të transportit urban në Beograd me logo e slogane të fushatës, dhe stenda në disa qytete serbe.   
Nëpërmjet projektit “EU for Serbia – support for safer products”, Bashkimi Evropian po mbështet Ministrinë e Ekonomisë dhe ministritë e tjera në harmonizimin e legjislacionit të Republikës së Serbisë me atë të Bashkimit Evropian për lëvizjen e lirë të mallrave. Krahas lirisë së lëvizjes së njerëzve, shërbimeve dhe kapitalit, kjo është një nga liritë themelore mbi të cilat është themeluar Bashkimi Evropian. Tregu i përbashkët është thelbi i integrimit evropian.  
Fushata është e dyta nga disa promovime mediatike që do të zhvillohen gjatë projektit, me qëllim përmirësimin e mëtejshëm të procesit të harmonizimit dhe zbatimit të rregulloreve të nevojshme për integrimin e ekonomisë së Republikës së Serbisë në tregun e vetëm evropian.

Studimet tregojnë ndikimin e COVID-19 te grupet e cenueshme në Mal të Zi

Written by WeBalkans on . Posted in Lajme.

Dy organizata joqeveritare (OJQ) kanë punuar së bashku me një shoqatë të prindërve të fëmijëve e të rinjve me aftësi të kufizuara zhvillimore për të kryer studime mbi ndikimin e pandemisë COVID-19. Organizatat u përqendruan te fëmijët dhe të rinjtë me nevoja të veçanta arsimore, si dhe fëmijët dhe prindërit e grupeve të tjera të cenueshme në Mal të Zi. Rezultatet e këtij bashkëpunimi ndërmjet Shoqatës Path të Prindërve, OJQ-së Fëmijët e Malit të Zi nga Tuzi dhe OJQ-së Impuls nga Nikšić u prezantuan në Europe House në Podgoricë.

 

Të dhënat nga kampioni prej 1,055 të anketuarish tregojnë se pandemia pati një ndikim negativ në cilësinë e të nxënit, zakonet e punës, përvojën shkollore dhe qëndrimin e mësuesve. Ka pasur stanjacion zhvillimor dhe akademik, madje edhe regres. U shfaqën pasiguri, te cilat u shoqëruan me rënie të iniciativës, motivimit, vëmendjes dhe qëndrimit ndaj detyrimeve. Ndikimi në arsim pasqyrohet kryesisht në aspektin e socializimit, zakoneve të punës, cilësinë e të nxënit dhe statusin socio-emocional.

 

Për mësuesit, sfida më e madhe lidhej me përshtatjen, organizimin e jetës dhe punës, dhe njohuritë e kompetencat në teknologjinë e informacionit (veçanërisht për mësuesit nga veriu i vendit). Për sa u përket prindërve, aspekti më kërkues ishte ndërthurja e detyrimeve familjare dhe të punës, duke komplikuar dhe shumëfishuar rolet e tyre (prind-mësues-lehtësues).

 

Studimi u zhvillua në kuadër të projektit të financuar nga BE-ja me titull ““Professional and timely provision of services after COVID.”

Komisioneri i Bashkimit Evropian Várhelyi viziton projektin infrastrukturor të financuar nga BE-ja në Shqipëri

Written by WeBalkans on . Posted in Lajme.

Komisioneri për Zgjerimin dhe Politikat e Fqinjësisë, Olivér Várhelyi vizitoi së bashku me Kryeministrin e Shqipërisë, Edi Rama, Bypass-in e Vlorës në jug të vendit. Segmenti rrugor prej 29 kilometrash do të shkurtojë kohën e udhëtimit drejt rivierës shqiptare, do të rrisë sigurinë rrugore, do të reduktojë ndotjen e ajrit dhe do të sjellë mundësi të reja për bizneset shqiptare.  
BE-ja ka mbështetur ndërtimin e Bypass-it të Vlorës duke ofruar 20 milionë euro. Përveç kësaj, European Bank for Reconstruction and Development (EBRD), si institucioni kryesor financiar ndërkombëtar dhe European Investment Bank (EIB), kanë dhënë kredi prej 18 milionë eurosh secila.
 
Gjatë konferencës së përbashkët me Kryeministrin Rama, Komisioneri Várhelyi u shpreh: “Jam i kënaqur që vizitoj sot Bypass-in e Vlorës. Ky është një shembull i shkëlqyer i ndihmës sonë dypalëshe për Shqipërinë dhe tregon se si mund të bëjmë një ndryshim për rajonin falë planit tonë ekonomik dhe të investimit”.
 
Bypass-i rreth qytetit të Vlorës është një lidhje jetike në jugperëndim të Shqipërisë. Ky do të përmirësojë kushtet e transportit rrugor në qytetin e Vlorës dhe në zonat përreth, duke përfshirë rrugën bregdetare përgjatë Gjirit të Vlorës. Ky segment rrugor do të sjellë përfitime për turizmin, do të stimulojë sektorin privat dhe do të lehtësojë tregtinë, do të promovojë rritjen rajonale e kombëtare dhe do të kontribuojë në kohezionin ekonomik e social.
 

Këshilli i Stabilizim-Asociimit, BE-Mal i Zi

Written by WeBalkans on . Posted in Lajme.

Mali i Zi dhe Bashkimi Evropian zhvilluan një takim në nivel ministror për Këshillin e 11-të të Stabilizim-Asociimit. Takimi u zhvillua në Podgoricë, Mal i Zi.

 

Kjo ishte hera e parë që takimi i Këshillit të Stabilizim-Asociimit u mbajt në rajonin e Ballkanit Perëndimor. Mbledhja theksoi angazhimin e qartë të Bashkimit Evropian për integrimin evropian të të gjithë rajonit dhe për procesin e antarësimit të Malit të Zi.

 

Pjesëmarrësit diskutuan strategjinë e anëtarësimit – kryesisht duke u mbështetur te Commission’s Montenegro 2021 Report. Pjesëmarrësit mirëpritën përparimin e shënuar në negociatat e anëtarësimit deri më tani, me të 33 kapituj të negociatave të hapur dhe tre kapituj përkohësisht të mbyllur.

 

Gjithashtu, Këshilli i Stabilizim-Asociimit shqyrtoi marrëdhëniet dypalëshe në kuadër të Marrëveshjes së Stabilizim-Asociimit dhe shkëmbeu pikëpamje mbi zhvillimet e fundit në Mal të Zi dhe në Ballkanin Perëndimor.

 

BE-ja përgëzoi harmonizimin e plotë të Malit të Zi me Politikën e Përbashkët të Jashtme dhe të Sigurisë të Bashkimit Evropian, duke përfshirë masat kufizuese të BE-së pas agresionit të paprovokuar të Rusisë kundër Ukrainës, dhe e vlerësoi këtë si një sinjal të fortë të orientimit strategjik të vendit dhe angazhimit për arritjen e synimit të anëtarësimit në BE. Pjesëmarrësit mirëpritën edhe përpjekjet e bëra tashmë për të zbatuar sanksionet dhe inkurajuan që të vazhdojnë me hapat e nevojshëm për të zbatuar plotësisht masat kufizuese të miratuara.

 

Bashkimi Evropian u përfaqësua nga Përfaqësuesi i Lartë i BE-së, Josep Borrell dhe Komisioneri për Zgjerimin dhe Politikat e Fqinjësisë, Olivér Várhelyi. Mali i Zi u përfaqësua nga kryeministri Dritan Abazović. Takimi u kryesua nga Përfaqësuesi i Lartë i BE-së, Josep Borrell.

YEA-të takohen me Ministren e Drejtësisë Znj.Alma Zadić

Written by WeBalkans on . Posted in Lajme.

Young European Ambassadors (YEA) nga Bosnja dhe Hercegovina: Armin Poljak, Nikola Bodulović, Hana Kunić, Nejra Gurbeta, Dragana Vučković dhe Džulisa Otuzbir patën mundësinë të takoheshin me Ministren e Drejtësisë Znj.Alma Zadić, e cila mori pjesë në panelin e diskutimit “Quo vadis, Bosnia and Herzegovina?” me ambasadorin e BE-së, Z.Johann Sattler dhe me përfaqësues të shoqërisë civile boshnjake.

 

Pas diskutimit, YEA-të patën mundësinë të flisnin me Znj.Zadić dhe t’i prezantojnë asaj punën e rrjetit të YEA-ve, si dhe të flisnin për pozicionin e të rinjve në Bosnjë dhe Hercegovinë.

 

Programi The YEA është një rrjet krijues i aktivistëve të rinj nga i gjithë Ballkani Perëndimor (Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia). YEA-të kanë formime të ndryshme, por të gjithë ndajnë një vizion të përbashkët: bashkimin e Ballkanit Perëndimor  në diversitet. Ata mësojnë për njëri-tjetrin dhe BE-në së bashku, ndjekin projekte krijuese, fitojnë aftësi të reja, lidhen përmes rrjeteve sociale dhe organizojnë veprimtari frymëzuese – gjithmonë të shtyrë nga ideja se aktivizmi tek të rinjtë është forca më e fuqishme e ndryshimit social.

 

Qëllimet e rrjetit përfshirjen të ndarjen e  vlerave të BE-së; shtimin e  ndërgjegjësimit për bashkëpunimin e BE-së me partnerët e saj të Ballkanit Perëndimor; paraqitjen e rezultateve konkrete të këtij bashkëpunimi; kontribuimin në dialogun politik mbi tema të ndryshme; dhe rritjen e aktivizmit civil.

Programi “Support to Media Freedom and Pluralism in the Western Balkans”

Written by WeBalkans on . Posted in Lajme.

Organizatat mediatike të pavarura të themeluara dhe që operojnë në Ballkanin Perëndimor janë të ftuara të aplikojnë dhe të marrin pjesë në programin Support to Media Freedom and Pluralism in the Western Balkans i bashkëfinancuar nga Bashkimi Evropian dhe qeveria gjermane, zbatuar nga GIZ në bashkëpunim me Internews dhe DW Akademie.
 
 Objektivi specifik i programit është të rrisë kapacitetet e organizatave profesionale mediatike të pavarura për t’iu përshtatur më mirë ndryshimeve të mjedisit mediatik. Duke pasur parasysh burimet e pakta financiare dhe njerëzore të sektorit të medias së pavarur, programi do të ofrojë një kombinim të investimeve të konsiderueshme kapitale, mbështetje teknike e përshtatur dhe një sërë aktivitetesh për ndërtimin e kapaciteteve për përmirësimin e biznesit dhe zhvillimin e gazetarisë me cilësi të lartë.
 
Programi do të kontribuojë në objektivin e përgjithshëm të forcimit të demokracisë pjesëmarrëse dhe procesit të përafrimit me BE-në në Ballkanin Perëndimor duke ndërtuar kapacitete në media dhe duke stimuluar një mjedis të favorshëm për mediat pluraliste.  
20 grante me shumën mbi 150 000euro do të jepen si pjesë e këtij programi. Projektet priten që të zgjasin më shumë se 3 vite.

BE dhe EBRD financojnë seksionin rrugor nga Shkupi në kufirin e Kosovës

Written by WeBalkans on . Posted in Lajme.

Bashkimi Evropian dhe European Bank for Reconstruction and Development (EBRD) po financojnë një seksion të ri autostrade në Maqedoninë e Veriut, nga kryeqyteti, në Shkup dhe në kalimin kufitar Bllacë, afër kufirit me Kosovën. Rruga e re do të ofrojë lidhje më të shpejta dhe më të lehta për tregti dhe kalimin e qytetarëve.  
Një grant investimi nga BE-ja me një shumë prej 20.8 milion euro, gjithashtu dhe 8.8 milion euro për bashkëpunimin teknik për përgatitjen, zbatimin dhe mbikëqyrjen e punimeve, do të plotësohet me një hua prej 167.6 milionë euro nga EBRD-ja për ndërtimin e autostradës. Seksioni strategjik i rrugës do të përmirësojë lidhjet në rajon dhe në Bashkimin Evropian. Është pjesë e arteries transportuese nga Shkupi drejt kryeqytetit të Kosovës, Prishtinës që është hasur me shtim të volumit të trafikut gjatë viteve të fundit dhe që është pjesë e një rrjeti më të madh rrugësh në Evropë që lidh Suedinë me Greqinë nëpërmjet Ballkanit Perëndimor.   
Autostrada me dy korsi do të jetë paralele me rrugën kombëtare ekzistuese A4, si një karrexhatë me një drejtim e ndërtuar më shumë se 50 vite më parë. Kjo do të sjellë një trafik të konsiderueshëm dhe përmirësime të sigurisë rrugore. Gjithashtu, pritet të ketë një ndikim pozitiv në punësim nëpërmjet lidhjes së zgjeruar dhe integrimit ekonomik në rajon.

BE dhe EBRD mbështesin tranzicionin e energjisë diellore në Maqedoninë e Veriut

Written by WeBalkans on . Posted in Lajme.

Planet e dekarbonizimit në Maqedoninë e Veriut po bëjnë një hap të madh përpara. Bashkimi Evropian po mbështet Elektrana na Severna Makedonija (ESM), kompaninë shtetërore të energjisë elektrike, për të zbatuar një projekt fotovoltaik 30 MW(PV) që përbëhet nga 10 MW në një pjesë të minierës  e shteruar  të qymyrit të termocentralit Oslomej, dhe 20 MW në afërsi të termocentralit Bitola. BE do të ofrojë një grant prej 5 milion eurosh nëpërmjet Western Balkans Investment Framework (WBIF).  European Bank for Reconstruction and Development (EBRD) po jep një hua prej 25 milion eurosh për plotësimin e këtij zhvillimi.   
Ambasadori David Geer, Head of the EU Delegation në Maqedoninë e Veriut u shpreh, “Ne po shohim veprime konkrete në materializimin e Green Agenda për Ballkanin Perëndimor dhe kthimin e Economic and Investment Plan në realitet. Granti i investimit të WBIF dhe huaja e EBRD-së, për të mbështetur transformimin e termocentraleve të Oslomejt dhe Bitolës nga energjia me bazë qymyri në energji diellore, përfaqësojnë një tregues të qartë, që vendi po merr hapat e duhur në kalimin në energji të gjelbër duke zbatuar një proces tranzicioni të drejtë social. Ky investim duhej bërë kohë më parë, por vjen në momentin e duhur për Maqedoninë e Veriut duke siguruar furnizimin me energji të pastër dhe të sigurt.  
Impiantet e reja diellore janë një shtesë e termocentralit të parë 10 MW PV të ndërtuar në minierat e shfrytëzuara të qymyrit në Oslomej dhe janë dëshmi e rrugës së dekarbonizimit të ESM dhe të vendit. Pasi të jenë funksionale, objektet e reja do të prodhojnë rreth 48 GWh energji elektrike në vit – e mjaftueshme për të furnizuar me energji 10,000 shtëpi dhe për të zëvendësuar 44,000 ton CO2 në vit. Projekti do të mbështesë përpjekjet e ESM-së për të rigjeneruar vendet e minierave të cilat furnizonin termocentralet me qymyr.