Krijimi i vendeve të punës, duke siguruar punë të denjë dhe mbrojtje sociale janë qëllimet themelore të BE-së. Kjo është pasqyruar edhe te mbështetja që BE-ja i ka ofruar Ballkanit Perëndimor. Por, pavarësisht investimeve të shumta, financimeve dhe asistencës teknike, ka ende hendeqe të mëdha. Konkurrenca e dobët, papunësia e lartë, investimet e pakta në arsim dhe shëndetësi, dhe pabarazitë sociale janë vetëm disa nga sfidat.

BE-ja qëndron tashmë pas shumë aktiviteteve për të rritur mundësitë e punësimit, dhe për të trajtuar nevojat për akses në shëndetësi dhe nevojat sociale. Megjithatë, nevojitet akoma më shumë - dhe kjo është arsyeja se përse BE-ja po rrit mbështetjen nëpërmjet Planit Ekonomik dhe të Investimeve, si dhe programeve të tjera.