Skip to main content

Area of Cooperation: Democracy and fundamental rights

Po të japim më shumë dashuri, gradualisht do i japim fund urrejtjes

Written on . Posted in Tregime.

Personat e famshëm në Serbi po i bashkohen betejës kundër gjuhës së urrejtjes online, drejtuar LGBTQ-së dhe grupeve të tjera të shënjestruara

“Bllokoje urrejtjen. Jep dashuri” është slogani i një nisme të re të Bashkimit Evropian/Këshillit të Evropës (CoE), e cila synon të luftojë gjuhën e urrejtjes, duke përfshirë këtu edhe sasinë në rritje të materialeve negative online, veçanërisht në mediat sociale. Duke pranuar që dallimi midis lirisë së shprehjes dhe gjuhës së urrejtjes dhe përcaktimit se çfarë është e përshtatshme dhe ku nevojiten filtrat do të jetë një betejë e vështirë, fushata synon t’u mësojë përdoruesve të mediave sociale t’u kushtojnë vëmendje përmbajtjeve që postojnë në faqet e tyre apo në platformat e tjera publike.

Nisma ka si qëllim të trajtojë forma të ndryshme të gjuhës së urrejtjes që shënjestrojnë komunitete të caktuara dhe grupe sociale vulnerabël. Si kudo në Ballkanin Perëndimor, edhe në Serbi fushata ka përfshirë figura publike që veprojnë dhe flasin në rolin e ambasadorëve të ndryshimit. Njerëzit që janë të famshëm për arritjet e tyre në arte, aktrim, sporte dhe fusha të tjera, po i inkurajojnë audiencat dhe ndjekësit e tyre të diskutojnë dhe të përqafojnë sjelljet pozitive në shoqëri të shumëllojshme, të përpiqen të ndryshojnë stereotipet dhe të promovojnë barazinë. Drejtuesit e fushatës besojnë se kjo mund të sjellë një ndryshim që është nevojitur prej kohësh në opinionin publik dhe të reduktojë gjuhën problematike online.

“U bëjmë thirrje njerëzve të mendohen dy herë para se të postojnë diçka online: kini parasysh se narrativat toksike mund të përhapen shumë shpejt, por pasojat e tyre mund të jenë fatale, sepse mund të nxisin urrejtjen dhe madje të inkurajojnë përdorimin e dhunës ndaj një individi apo një grupi, pavarësisht qëllimit që mund të keni pasur në fillim.”

Ninoslav Mladenović-i nga departamenti i KE-së kundër diskriminimit, është një anëtar i ekipit që po punon për projektin “Promovimi i Diversitetit dhe Barazisë në Ballkanin Perëndimor”. Ai shpjegon se, është e rëndësishme që ky mesazh të shpërndahet tek njerëzit, të cilët nuk janë në dijeni të dëmit që po shkaktojnë (mbase të paqëllimshëm) dhe t’u bëjnë të ditur se si pohimet e tyre mund t’i ndikojnë të tjerët. “U bëjmë thirrje njerëzve të mendohen dy herë para se të postojnë diçka online: kini parasysh se narrativat toksike mund të përhapen shumë shpejt, por pasojat e tyre mund të jenë fatale, sepse mund të nxisin urrejtjen dhe madje të inkurajojnë përdorimin e dhunës ndaj një individi apo një grupi, pavarësisht qëllimit që mund të keni pasur në fillim.”

Të mendojmë për gjurmën digjitale

Fushatës rajonale të KE-së iu dha një dimension shtesë në Serbi, ku përdoruesve online të medias iu bë një pyetje-slogan: “Çfarë gjurme digjitale lini?”. Kjo ka bërë që përdoruesit të mendohen para se të publikojnë diçka, duke u rikujtuar se kjo e fundit qëndron aty dhe nuk zhduket menjëherë, pavarësisht nëse inkurajon dhunë apo simpati.

“Është e rëndësishme të kemi fuqinë e nevojshme për t’i përdorur hapësirat tona publike për të promovuar simpatinë, mirëkuptimin dhe respektin reciprok, pasi kjo është padyshim ajo që i mungon shoqërisë sonë. ”

Lidhur me programin

Ky program mbështet pjesëmarrësit më të rëndësishëm vendorë dhe institucionet përfituese në Serbi apo kudo tjetër në Ballkanin Perëndimor, në luftën kundër diskriminimit, gjuhës së urrejtjes dhe krimeve të urrejtjes ndaj minoriteteve, njerëzve të komunitetit LGBTI dhe grupeve të tjera vulnerabël të shoqërisë. Gjithashtu, mbështet edhe përpjekjet e përfituesve nga Serbia dhe Ballkani Perëndimor në kontekstin e hapjes së negociatave me Bashkimin Evropian, në fushën e të drejtave themelore. Programi financohet nga Bashkimi Evropian/ Instrumenti Horizontal i Këshillit të Evropës për Ballkanin Perëndimor dhe Turqinë 2019-2022.

Slaven Došlo, një nga figurat më të shquara në botën e aktrimit, iu bashkua fushatës kombëtare si ambasador për të shpërndarë mesazhin e gjithëpërfshirjes. “Është e rëndësishme të kemi fuqinë e nevojshme për t’i përdorur hapësirat tona publike për të promovuar simpatinë, mirëkuptimin dhe respektin reciprok, pasi kjo është padyshim ajo që i mungon shoqërisë sonë,” tha Došlo në një intervistë për mediat, si pjesë e fushatës. Aktori i famshëm ka luajtur role që trajtojnë problematika që ai beson se duhen trajtuar, të tilla si abuzimi i të drejtave të njeriut dhe pabarazia. Kur Slaven Došlo luajti rolin e një personazhi nga komuniteti LGBTI, u përball me një valë kritikash e madje me mesazhe urrejtjeje nga përdorues interneti që e barazuan aktorin me personazhin e tij.

Kjo lloj gjuhe urrejtjeje nuk i habit organizatorët e fushatës “Bllokoje urrejtjen. Jep dashuri”. Sipas një studimi të publikuar nga Qendra për Zgjedhje të Lira dhe Demokraci, përfituese e grantit të KE-së këtë vit, më pak se 20% e qytetarëve në Serbi kanë sjellje pozitive ndaj komunitetit LGBTI, dhe 50% e të intervistuarve kanë sjellje negative. Një ndër rekomandimet e studimit është krijimi i një strategjie që përfshin përdoruesit nën moshën 40 vjeç të mediave online dhe rrjeteve sociale, për të influencuar anëtarët e tjerë të shoqërisë.

Ky rekomandim po vihet tashmë në zbatim në fushatë, nëpërmjet pjesëmarrjes së një grupi specifik influencuesish – Ambasadorëve të Rinj Evropianë ‘kundër urrejtjes’ (YEA). Rrjeti i tyre promovon aktivizimin e të rinjve brenda komuniteteve të tyre vendase, si një forcë e jashtëzakonshme e ndryshimit social. YEA-të kanë marrë pjesë në marshimet LGBTI, shfaqje filmash, diskutime rreth marrëdhënieve brenda së njëjtës gjini dhe metodave për të përmirësuar pozitën e anëtarëve të komunitetit LGBTI, që janë ndër grupet më të diskriminuara të shoqërisë. Rreth 25 Ambasadorë të rinj Evropianë, anëtarë të rrjetit, janë trajnuar nga ekipi i Këshillit të Evropës për të rritur ndërgjegjësimin e tyre për gjuhën e urrejtjes dhe për të përforcuar aftësitë e zhvillimit të narrativave të së drejtave të njeriut gjatë fjalimeve publike dhe bashkëveprimit në mediat sociale.

Për të ndryshuar perceptimet dhe sjelljet ndaj komunitetit LGBTI, nevojitet një nismë shumëdimensionale. Mladenović-i shpjegon se e nisën veprimtarinë në maj, para Ditës së Evropës, dhe vazhduan me vizitat shkollore për të rritur ndërgjegjësimin për dëmet që mund t’i shkaktojë shoqërisë gjuha e urrejtjes.

Krahas aktiviteteve për rritjen e ndërgjegjësimit, KE-ja punon me partnerë për të sjellë ndryshime strukturore dhe të rregullta në sistem. Një shembull është edhe bashkëpunimi me institucionet vendore, me qëllimin e rritjes së kapacitetit të tyre për të normalizuar të drejtat e LGBTI-së në dokumentet e politikave vendore dhe aktet nënligjore.

Jo të gjithë ne mund të bëjmë ndryshime të tilla në nivel politikash, por fushata na rikujton se mund ta bllokojmë urrejtjen dhe të japim dashuri. 

Pride Month mbështetet gjerësisht nga YEA-të në të gjithë rajonin

Written on . Posted in Lajme.

The Young European Ambassadors (YEAs) morën pjesë gjerësisht në evente dhe aktivitete të Pride Month në të gjithë rajonin. Pride Month shënon një periudhë të dedikuar ngritjes së zërit, festimeve dhe mbështetjes së të drejtave civile dhe barazisë për anëtarët e komunitetit LGBTQ – lezbike, gej, biseksualë, transgjinorë dhe queer. Gjatë gjithë muajit qershor, YEA-të kanë marshuar, kanë marrë pjesë në shfaqje, lexime dhe në debate rreth mbulimit mediatik.  
Në Sarajevë, Bosnje dhe Hercegovinë, YEA-të morën pjesë në pride walk në qendrën e qytetit, një aktivitet që solli debat në ndikimin e raportimit të mediave në dinamikën e familjes, si dhe një piknik familjar duke përfshirë diskutime për të ndërgjegjësuar e publikut.  
Në Podgoricë, Malin e Zi, një sërë eventesh u organizuan nga organizatat e shoqërisë civile, në disa prej tyre ishin pjesëmarrës dhe YEA-të. Ata nisën një seminar rreth mbulimit mediatik për LGBTQ-të, një mbledhje për të diskutuar rreth shëndetit mendor, si dhe çështjet ligjore rreth ligjit të identitetit gjinor. Eventi do të mbyllet nga një seminar tre ditor për aktivistët në Malin e Zi.  
YEA-të ishin pjesë edhe në eventet në Serbi, ku aktivistët në Novi Sad nisën muajin me panelet e diskutimit rreth identitetit, personat interseks dhe të drejtat e LGBTQ-së. Ndërkohë në Beograd u shfaq një film dhe u publikua një raport.  
The Young European Ambassadors morën pjesë në pride marches në Shkup, Maqedoninë e Veriut dhe gjithashtu në Prishtinë, Kosovë. YEA-të kaluan një pasdite poetike në Prishtinë ku u interpretuan poezi queer shqiptare dhe pjesëmarrësit u ftuan të ndajnë krijimet e tyre poetike.  
Promovimi i aktivizmit brenda komuniteteve të tyre lokale përkufizon platformën YEA, me idenë se aktivizmi tek të rinjtë është forca më e madhe e ndryshimit shoqëror.

BIRN Albania bën thirrje për hetime në çështjet mjedisore

Written on . Posted in Lajme.

The Balkan Investigative Reporting Network (BIRN) në Shqipëri ka lançuar një thirrje për histori investigative, duke ofruar i grante katër gazetarëve për të shkruar artikuj që lidhen me tema mjedisore. Thirrja është pjesë e projektit“Using Big Data and Multimedia to Boost Quality and Independent Journalism in Albania”, i cili mbështetet nga Bashkimi Evropian.

 

Qëllimi i këtij projekti është të krijojë një mjedis ku gazetarët shqiptarë të kenë mundësinë të krijojnë përmbajtje të pavarura nëpërmjet trajnimeve, këshillimeve, mbështetjes financiare e teknike, dhe bashkëpunimit të ngushtë me shoqërinë civile, përmirësimi i lirisë së shprehjes dhe forcimi i pluralizmit mediatik në Shqipëri.

 

Thirrja është e bazuar në tematika të sugjeruara nga aktivistë dhe gazetarë të shoqërisë civile gjatë një seminari të mbajtur më 10 qershor. Në seminar ishin pjesëmarrës 24 aktivistë dhe gazetarë të shoqërisë civile, të cilët diskutuan rreth temave të rëndësishme lidhur me mjedisin që duhen të hetohen gjithashtu dhe për nevojën për të ndërtuar një komunikim dhe bashkëpunim më të fortë ndërmjet organizatave të shoqërisë civile dhe gazetarëve.

 

Gazetarëve të mbështetur nga kjo thirrje, do t’u jepet një periudhe kohore prej 3 muajsh për të kërkuar informacione dhe për të hulumtuar rreth ideve të tyre gjithashtu do të kenë mundësinë që të punojnë me  redaktorë me eksperiencë si mentorë që do t’i udhëheqin  gjatë procesit të të shkruarit në përputhje me standardet e BIRN-së.

Dhurohen 81 shtëpi familjeve përfituese të RHP-së në Serbi

Written on . Posted in Lajme.

Më 20 qershor, në Ditën Botërore të Refugjatëve (World Refugee Day) u mbajt në Beograd ceremonia e dhënies së kontratave për blerjen e 60 apartamenteve të Regional Housing Programme (RHP) për familjet e refugjatëve nga Bosnja dhe Hercegovina dhe Republika e Kroacisë. Përveç përfituesve, në event ishte dhe Nemanja Starović, State Secretary of the Ministry of Foreign Affairs; Nicola Bertolini, Head of Cooperation at the Delegation of the European Union to Serbia; Richard Kohli, Head of Cooperation at the Swiss Embassy to Serbia, Swiss Cooperation Office; Ambasadori Jan Braathu, Head of the OSCE Mission to Serbia; Stefanie Krause, Acting Representative of UNHCR in Serbia; Vladimir Cucić, Serbian Commissioner for Refugees and Migration; Nataša Stanisavljević, Secretary for Social Protection in the City of Belgrade, and Dušan Kovačević, Head of the Public Sector Projects Implementation Unit Ltd.

 

Në emër të BE-së, donatori më i madh i RHP-së, Z. Bertolini u shpreh: “Një nga synimet kryesore të BE-së është që qytetarët tanë të bëjnë një jetë sa më dinjitoze. Ky program ka ndihmuar më shumë se 6,000 familje në Serbi për të arritur këtë qëllim.”

 

Tre ditë para organizimit të eventit në Beograd, kontratat për 21 shtëpi fshati ju dorëzuan familjeve refugjate në Odžaci, Serbi.

Sondazhi i opinionit publik tregon një mbështetje të fortë për BE-në në Mal të Zi

Written on . Posted in Lajme.

Një numër i madh njerëzish mbështesin anëtarësimin e Malit të Zi në Bashkimin Evropian, të cilët kanë një qëndrim pozitiv ndaj komunitetit dhe do të jepnin votën e tyre në referendumin e mundshëm që Mali i Zi të jetë vendi anëtar i radhës. Mbështetja e tyre u konfirmua përsëri në muajin maj nëpërmjet një sondazhi të opinionit publik të organizuar nga DeFacto Cosultancy for the European Union dhe qeveria e Malit të Zi. Në këtë sondazh morën pjesë 1,008 persona në të gjithë vendin, të cilët u pyetën për opinionin e tyre rreth procesit të integrimit dhe pranimit në BE.

 

Mbështetja e fortë për idenë evropiane, e përkthyer në shifra tregon se 76% e qytetarëve kanë një qëndrim pozitiv ndaj Bashkimit Evropian dhe pothuajse po i njëjti numër (74.6%) mbështet procesin e anëtarësimit në BE. Nëse do të mbahej një referendum ditën e nesërme, pothuajse 90% e votave duke u mbështetur në sondazhin e bërë, 4/5 e votave ose 83.5% do të votonin që Mali i Zi të bëhej pjesë e Bashkimit Evropian.

 

BE-ja njihet si donatori më i madh në Malin e Zi nga 43% e qytetarëve, dhe 39% mendojnë se BE-ja ka treguar solidaritetin më të madh në luftën kundër COVID-19.

YEA-të takohen me Presidentin e Këshillit Evropian në Kosovë

Written on . Posted in Lajme.

Young European Ambassadors (YEAs) nga Kosova u takuan dhe diskutuan me Presidentin e Këshillit Evropian, Charles Michel, gjatë vizitës së tij në Kosovë. YEA-të prezantuan rrjetin e tyre dhe shpjeguan qëllimin e tij dhe motivimet e tyre për t’u bërë Young European Ambassadors.

 

Pas prezantimit të parë, diskutimi kaloi në çështjet rajonale dhe globale si konflikti i kohëve të fundit në Ukrainë dhe rëndësia e paqes. Në pjesën përfundimtare të diskutimit, YEA-të ngritën temën e lirisë së lëvizjes për të rinjtë nga Ballkani Perëndimor dhe ranë dakord me Presidentin për rëndësinë e programeve të tilla si ERASMUS+ dhe nismave e programeve të tjera të financuara nga BE-ja për zhvillimin e mëtejshëm personal dhe profesional të të rinjve në Ballkanin Perëndimor.

 

Platforma YEA është një rrjet krijues i aktivistëve të rinj nga i gjithë Ballkani Perëndimor (Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia). YEA-të kanë formime të ndryshme, por të gjithë ndajnë një vizion të përbashkët: bashkimin e Ballkanit Perëndimor  në diversitet. Ata mësojnë për njëri-tjetrin dhe BE-në së bashku, ndjekin projekte krijuese, fitojnë aftësi të reja, lidhen përmes rrjeteve sociale dhe organizojnë veprimtari frymëzuese – gjithmonë të shtyrë nga ideja se aktivizmi tek të rinjtë është forca më e fuqishme e ndryshimit social.

 

Qëllimet e rrjetit përfshijnë: ndarjen e vlerave të BE-së; shtimin e ndërgjegjësimit për bashkëpunimin e BE-së me partnerët e saj të Ballkanit Perëndimor; paraqitjen e rezultateve konkrete të këtij bashkëpunimi; kontributin në dialogun politik mbi tema të ndryshme dhe shtimin e aktivizmit civil.

Mbrojtja e të drejtave të njerëzve në lëvizje

Written on . Posted in Tregime.

Me mbështetjen e Bashkimit Evropian, një OJQ malazeze ka përkrahur emigrantët me shërbime ligjore falas.

Irfani* është një 30 vjeçar me origjinë nga Maroku, por  ai thotë për vendlindjen e tij se “Të drejtat e njeriut nuk respektoheshin, nuk kishte vende pune: ekonomia ishte e dobët. Gjithçka ishte si mos më keq!”. Ai u arratis nga Maroku në vitin 2011 dhe u drejtua fillimisht për në Turqi, duke përdorur një fluturim të zakonshëm. Së shpejti, iu desh ta linte atë shtet dhe më pas, pati kontaktin e parë me kontrabandistët. Ata e transferuan për në Greqi e më pas në Shqipëri, derisa më në fund mbërriti në Malin e Zi. “Jeta ime ishte në duart e kontrabandistëve. Ata mund të kishin bërë ç’të donin me mua; nuk mund të bëja asgjë. I lodhur nga arratisja, mbërrita në Malin e Zi dhe nuk kisha fuqi të vazhdoja më tutje,” shton Irfani.

Irfani tanimë jeton në Malin e Zi prej më shumë se 10 vitesh. Shumë shpejt pas mbërritjes, ai gjeti një punë në një hotel, ku ra në dashuri me një malazeze me emrin Jovana*. Tani janë të martuar dhe kanë dy fëmijë të mrekullueshëm. Ndërkohë, Irfani mësoi edhe gjuhën malazeze dhe, në shumë aspekte, u ndje vërtet pjesë e shoqërisë në shtëpinë e tij të re. Sidoqoftë, kjo nuk vlente për aspektin ligjor. Ai kishte të drejtë të aplikonte për shtetësi malazeze, por për shkak të ndërlikimeve ligjore dhe faktit që ligje të caktuara janë në konflikt me njëri-tjetrin, ai akoma nuk është në gjendje ta ushtrojë këtë të drejtë. Për ta zgjidhur këtë problem, ai trokiti në derën e Qendrës Ligjore të OJQ-së malazeze, që ofron ndihmë ligjore për të huajt që kërkojnë azil në Malin e Zi, nëpërmjet një projekti të financuar nga BE-ja, të titulluar “Avokati Im – Ndihmë Ligjore Profesionale Falas për Migrantët”, në bashkëpunim me Caritas-in. Tani ai po merr ndihmë ligjore nga ata në lidhje me këtë çështje.

“Ngaqë numri i migrantëve që duan të qëndrojnë në Malin e Zi është i vogël, qeveria akoma nuk ka një politikë për integrimin e tyre në aspektin edukativ dhe të punësimit.”

Shërbime ligjore falas për ata në nevojë

Luka Kovačević-i është drejtori i Qendrës Ligjore të OJQ-së, e cila u themelua në vitin 2007, me synimin për të mbështetur të shpërngulurit dhe refugjatët e luftërave në ish-Jugosllavi. Në atë kohë, Mali i Zi nuk kishte as infrastrukturën ligjore më bazike për azilkërkuesit dhe as një plan qeveritar për t’u ofruar përkrahje azilkërkuesve apo refugjatëve. Fillimisht, Luka dhe ekipi i tij e mbështetën qeverinë për t’i kapërcyer këto pengesa dhe, më pas, qeveria prezantoi infrastrukturën ligjore që është në fuqi deri më sot.

Por, ndërkohë, filluan të vinin në Malin e Zi migrantë nga pjesë të tjera të botës që kishin nevojë për përkrahje. Sipas statistikave të Qendrës Ligjore të OJQ-së, mbi 95% e refugjatëve në vend po e përdorin Malin e Zi si rrugë tranziti dhe vetëm një numër i vogël i tyre vendosin të qëndrojnë, duke qenë se shumica synojnë shtete me mundësi më të mira ekonomike. Por ata që qëndrojnë, kanë nevojë për përkrahje. Luka shpjegon se qeveria nuk mund të bëjë shumë për t’i ndihmuar. “Ngaqë numri i migrantëve që duan të qëndrojnë në Malin e Zi është i vogël, qeveria akoma nuk ka një politikë për integrimin e tyre në aspektin edukativ dhe të punësimit.”

Mbështetja e ofruar për këta migrantë dhe të tjerë që e shohin Malin e Zi vetëm si një rrugë tranziti, është arsyeja pse OJQ-ja e Lukës nisi projektin e financuar nga BE-ja, “Avokati Im – Ndihmë Ligjore Profesionale Falas për Migrantët”, në bashkëpunim me Caritas-in.

“Kemi bërë mbi 146 vizita në terren: kemi qenë në të gjitha bashkitë malazeze, duke vizituar dhe ndihmuar migrantët në vendet zyrtare dhe jozyrtare të grumbullimit. Migrantët që ndihmuam vitin e shkuar, vinin nga Afganistani, Algjeria, Irani, Maroku e vende të tjera.”

Lidhur me projektin

Projekti i financuar nga BE-ja, “Avokati Im – Ndihmë Ligjore Profesionale Falas për Migrantët”, nisi në fillim të vitit 2020 dhe përfundoi më korrik 2021. Vlera financiare e projektit arriti mbi 130,000 euro. Projekti synon të mbrojë të drejtat e kategorive të ndryshme të migrantëve, nëpërmjet ofrimit të ndihmës ligjore, informacionit, konsultimit, ndihmave humanitare, mbështetjes psiko-sociale si dhe përpjekjeve për të rritur kapacitetin e organizatave të shoqërisë civile vendase dhe institucioneve përkatëse për të ndjekur politikat për menaxhimin e migrimit, integrimin e të huajve të cilëve u është siguruar mbrojtje ndërkombëtare dhe ri-integrimin e të kthyerve pas ripranimit.

*Emri është ndryshuar për të ruajtur privatësinë

Nëpërmjet këtij projekti, u mbështetën 677 përfitues, që nga migrantët e parregullt dhe njerëzit që kërkonin mbrojtje ndërkombëtare në Mal të Zi, e deri tek të kthyerit që ktheheshin në bazë të marrëveshjeve të ri-pranimit. Krahas ndihmës ligjore falas, migrantëve iu shpërndanë 350 pako ndihmash humanitare. “Kemi bërë mbi 146 vizita në terren: kemi qenë në të gjitha bashkitë malazeze, duke vizituar dhe ndihmuar migrantët në vendet zyrtare dhe jozyrtare të grumbullimit. Migrantët që ndihmuam vitin e shkuar, vinin nga Afganistani, Algjeria, Irani, Maroku e vende të tjera,” thotë Luka.

Lançohet fushata Europeans Making A Difference

Written on . Posted in Lajme.

On 10 June, the European External Action Service launched the fourth edition of the “Europeans Making a Difference” campaign at the Italian Cultural Institute in Paris. Within the European Year of Youth, this edition of the “Europeans Making a Difference” campaign portrays young people from the Western Balkans who do things that matter, in the region and far beyond.

 

High Representative/ Vice-President Josep Borrell said: “This campaign gives a platform to people who move boundaries; who inspire and open doors for others. In our work we come across Europeans who make a difference every day. With this campaign, we want to highlight their stories not just because they are good, genuine human stories but also because their stories are not known enough in our EU Member States, and not visible enough in the Western Balkans either.”

   

The launch event presented inspiring young people from the Western Balkans in debate followed by six videos portraying their work.

Bashkëpunimi Evropian për nxitjen e eksperimentimit mediatik dhe inovacionit

Written on . Posted in Lajme.

Nga konsulencat e biznesit dhe inkubatorët, në seminare dhe përshpejtues, kanale mediatike të pavarura në të gjithë Evropën do të përfitojnë nga një sërë mundësish të ofruara nga një nismë e re e hartuar për të nxitur novacionin, modelet e qëndrueshme të biznesit dhe bashkëpunimin. Lançuar më 1 qershor, “Media Innovation Europe: Energising the European Media Ecosystem” është një program 2 vjeçar në drejtimin e redaktorëve, gazetarëve dhe mbështetësve të mediave të International Press Institute Global Network, së bashku me tre organizata jo fitim-prurëse të lajmeve të cilat janë angazhuar për t’i ofruar publikut gazetarinë e pavarur që u nevojitet.

 

Mbështetur nga Bashkimi Evropian, nisma do të shfaqi pikat e forta të partnerëve të konsorciumit në mobilizimin e rrjeteve, në drejtimin e granteve, programet e mbikëqyrjes dhe mbështetjen e novacionit mediatik. Media Innovation Europe synon të ndihmojë kanalet e lajmeve të kalojnë me sukses sfidat si modelet e shkatërruara të bizneseve dhe rënien e të ardhurave për të fituar besimin e publikut, kapjen nga shteti të medias të pavarur dhe presioneve të tjera politike.

Forumi i EU Western Balkans dhe Turkey Civil Society përfundon në Shkup

Written on . Posted in Lajme.

Në emër të Directorate-General for Neighbourhood and Enlargement Negotiations (DG NEAR), projektit të tretë të BE-së Technical Assistance for Civil Society Organisations (TACSO), u organizua në Shkup në datat 8-9 qershor forumi EU Western Balkans and Turkey Civil Society. Kjo është hera e parë që organizohet ky forum që nga fillimi i pandemisë Covid-19.

 

Një numër prej 120 pjesëmarrësish ishin fizikisht në forum dhe 100 në mënyrë virtuale. Zyrtarë të lartë nga European Commission, delegacioni i BE-së, përfaqësues nga qeveria dhe organizata të shoqërisë civile ishin të përfshirë. Për shkak të disa zhvillimeve dramatike gjatë kohëve të fundit në Evropë, konkretisht pandemia e Covid-19 dhe lufta agresive e Rusisë kundër Ukrainës, forumi ofroi një mundësi për të kuptuar më mirë sfidat dhe mundësitë në rajon, rolin e shoqërisë civile për të ardhur në ndihmë.

 

Michela Matuella, Acting Director of the Western Balkans Directorate at DG NEAR, tha: “Ballkani Perëndimor mbetet prioritet për BE-në, dhe Bashkimi Evropian është tërësisht i përkushtuar në përshpejtimin e anëtarësimit në BE. Në këtë kuadër, organizatat e shoqërisë civile janë partnerë shumë të rëndësishëm. Të gjitha palët e interesuara duhet të punojnë dhe të ndajnë një vizion sesi roli i organizatave civile mund të përmirësohet. Pikërisht në këtë moment na vjen në ndihmë ‘Guidelines for EU Support to Civil Society in the Enlargement Region 2021-2027’. Gjithashtu vëmendje të veçantë duhet t’ju kushtohet dhe angazhimit të të rinjve, t’i lejojmë ata të japin ndihmën e tyre për të bërë rajonin një vend më tërheqës për të jetuar, për të punuar dhe për të kuptuar ambiciet e tyre.

 

Objektivi kryesor i forumit ishte të lançonte të rishikuara“Guidelines for EU Support to Civil Society in the Enlargement Region 2021-2027”. Udhëzimet paraqesin objektivat e BE-së për ndihmesën e shoqërisë civile, ofrimi i një instrumenti për qeverinë për të përmirësuar bashkëpunimin me shoqërinë civile dhe për të ndihmuar në matjen e progresit ndaj përmbushjes së kushteve për anëtarësimin në BE.

 

Gjatë viteve 2014-2020, BE-ja ofroi 330 milion euro për të mbështetur shoqërinë civile gjatë Civil Society Facility and Media Programme, ndërkohë që shuma monetare e planifikuar për periudhën kohore 2021-2023 është 218 milion euro. Udhëzimet do të ndihmojnë Bashkimin Evropian të vlerësojë ndikimin e kësaj mbështetjeje.