Skip to main content

Përfaqësuesi i Lartë / Zëvendëspresidenti Josep Borrell në Ballkanin Perëndimor

Written by WeBalkans on . Posted in Lajme.

Përfaqësuesi i Lartë për Punët e Jashtme dhe Politikën e Sigurisë / Zëvendës presidenti i Komisionit Evropian, Josep Borrell, ishte në Maqedoni ditën E hënë para se të udhëtonte për në Shqipëri diten E martë dhe më pas për në Bosnjë dhe Hercegovinë ditën E mërkurë. Vizita e tij konfirmoi sërish angazhimin dhe mbështetjen e BE-së për rajonin, veçanërisht tani në periudhën e luftës ruse kundër Ukrainës dhe ndikimit të saj në sigurinë e Evropës në tërësi.
 
Borrell u takua në Shkup me Presidentin Stevo Pendarovski dhe Kryeministrin Dimitar Kovačevski, Zëvendës Kryeministrin për Çështjet Evropiane, Bojan Marichijk, Ministrin e Punëve të Jashtme, Bujar Osmani dhe Ministren e Mbrojtjes, Slavjanka Petrovska. Të martën, Përfaqësuesi i Lartë Josep Borrell do të udhëtojë  për në Tiranë, ku do të takohet me Kryeministrin Edi Rama dhe përfaqësues të tjerë të autoriteteve shqiptare dhe përfaqësues të shoqërisë civile dhe do të vizitojë punimet e vazhdueshme të restaurimit në mozaikun e Muzeut Kombëtar të Historisë, i rinovuar me ndihmën e BE-së për rimëkëmbjen pas tërmetit (EU’s post-earthquake recovery assistance).
Ditën E mërkurë, Josep Borrell do të jetë në Sarajevë, ku do të vizitojë për herë të parë EUFOR Althea Operation, kapaciteti i trupave në terren i së cilës është dyfishuar pothuajse kohët e fundit. Ai do të takohet më pas me autoritetet e Bosnjës dhe Hercegovinës, me përfaqësuesit e opozitës politike dhe me shoqërinë civile.

Ekspozita që promovon EU Green Deal hapet në Shkup

Written by WeBalkans on . Posted in Lajme.

Ne vijim të dy ekspozitave të frymëzuara nga pandemia, për temat e kthimit të mërzisë në kreativitet dhe artin si një mënyrë për t’u larguar nga realiteti, Rezidenca e Ambasadorit të BE-së në Maqedoninë e Veriut është do të mirëpresë sërish një shfaqje tjetër artistike.

 

Ekspozita, e hapur më 10 mars nga Ambasadori i BE-së, David Geer, dhe Zonja e Parë, Elizabeta Gjorgjievska, është pjesë e fushatës së Delegacionit të BE-së në Maqedoninë e Veriut për të promovuar objektivat – dhe mundësitë – e European Green Deal. Green Deal lidhet me jetesën, prodhimin dhe përmbushjen e nevojave tona me kosto minimale për planetin dhe burimet e tij. Bëhet fjalë për trajtimin e pasojave të ndryshimeve klimatike, ruajtjen e biodiversitetit dhe zhvillimin e qëndrueshëm.

 

Veprat e artit janë nga Ozbek Ayvaz, Maja Kirovska, Zoran Todovikj, Nenad Tonkin, Vana Uroshevikj, dhe Velimir Zhernovski, dhe janë përzgjedhur nga Galeria Skopje Acanthus. Ato përfshijnë reflektime mbi riciklimin – jo vetëm si një mënyrë për të mbrojtur burimet natyrore, por edhe për të stimuluar kreativitetin, dhe për ndërgjegjësuar rreth  varësisë tonë nga natyra, dhe fuqinë shëruese të natyrës. Ekspozita do të jetë e hapur per publikun deri me 20 maj. Vizitorët mund të rezervojnë një orar dhe bileta falas nëpërmjet faqes në Facebook (EU za Kultura Facebook page).

EIB konfirmon përsëri angazhimin për tranzicionin e gjelbër në Maqedoninë e Veriut

Written by WeBalkans on . Posted in Lajme.

Gjatë një vizite në Maqedoninë e Veriut, zëvendës presidenti i European Investment Bank (EIB) konfirmoi përsëri angazhimin e bankës së BE-së për tranzicionin e gjelbër. Nënkryetarja Lilyana Pavlova përshkroi mbështetjen për dekarbonizimin nga EIB-ja – krahu huadhënës i BE-së – përmes projekteve kyçe të përshkruara në Planin Ekonomik dhe të Investimeve.

 

Takimet bilaterale me Kryeministrin Dimitar Kovačevski dhe me ministrat e tjerë përfshirë Ministrin e Financave Fatmir Besimi, me Kryetarin e Bashkisë të Shkupit dhe Kryetarin e Delegacionit të Maqedonisë së Veriut, ndihmuan në identifikimin e mundësive të reja për zgjerimin e bashkëpunimit në kuadër të degës së re Globale të EIB-së. Filiali Global synon të rrisë mbështetjen për vendet jashtë Bashkimit Evropian.

 

Zëvendës presidentja Pavlova theksoi mbështetjen për zhvillimin e infrastrukturës moderne hekurudhore, rrjetit të energjisë dhe infrastrukturës së sistemit te ujit për të ndihmuar vendin të përshtatet me ndryshimet klimatike dhe mbrojtjen e mjedisit. Banka gjithashtu synon të zhvillojë instrumente të reja të garancisë dhe të ndarjes së rrezikut për sektorin privat në bashkëpunim me Komisionin Evropian.

 

Që nga fillimi i pandemisë COVID-19, EIB ka dhuruar 156 milionë euro për Maqedoninë e Veriut për të mundësuar rimëkëmbjen sa më të shpejtë të bizneseve të vogla dhe të mesme dhe për të lehtësuar ndërtimin e një rrjeti të ri të domosdoshëm të gazit për furnizimin e qëndrueshëm dhe të sigurt me energji. Në të ardhmen, banka do të ndihmojë edhe partnerët e saj në Maqedoninë e Veriut për të rritur kapacitetet për përgatitjen dhe zbatimin e projekteve, gjë që do të ndihmojë në realizimin e investimeve me ndikim të madh për të mirën e vendit dhe popullit të tij.

Progresi në projektin më të madh mjedisor të Maqedonisë së Veriut

Written by WeBalkans on . Posted in Lajme.

Një hap kyç në zbatimin e projektit 136 milionë eurosh të financuar nga BE-ja u bë me njoftimin e hapjes së tenderëve për ndërtimin e projektit më të madh mjedisor të Maqedonisë së Veriut – Impianti i trajtimit të ujërave të zeza në Shkup.

 

Impianti i trajtimit të ujërave të zeza në Shkup është një nga 21 projektet kryesore të përzgjedhura në shkurt për tu financuar nga BE në vitin 2022 përmes Kornizës së Investimeve të Ballkanit Perëndimor. Paketa e investimeve është një hap më tej në zbatimin e Planit Ekonomik dhe Investimeve për Ballkanin Perëndimor 2021-2027 (Economic and Investment Plan for the Western Balkans 2021-2027). Impianti i trajtimit të ujërave të zeza në Shkup është një nga projektet mjedisore të përzgjedhura për financim në kuadër të Flagship 7 – trajtimi i ujërave të zeza në Shkup (Flagship 7 – Waste and Wastewater Management)

 

BE-ja po e financon këtë projekt me një grant investimi prej 70 milionë euro, duke plotësuar një hua prej 35 milionë euro nga European Bank for Reconstruction and Development, një hua prej 30 milionë euro nga Banka Evropiane për Rindërtim dhe Zhvillim dhe fonde nga donatorët dypalëshe. Ujërat e zeza në Shkup aktualisht derdhen në lumin Vardar pa u trajtuar, projekti pritet të ketë përfitime të konsiderueshme mjedisore dhe shëndetësore për banorët e Shkupit. Ai gjithashtu do të kontribuojë në përputhjen e ligjeve te Maqedonisë së Veriut me ligjet dhe standardet përkatëse të BE-së për mjedisin dhe ujin.

Modernizimi i Portit Brčko po bën hapa përpara

Written by WeBalkans on . Posted in Lajme.

Punimet e ndërtimit për projektin e Fazës 1 të Kornizës së Investimeve të Ballkanit Perëndimor për Rindërtimin dhe Modernizimin e Portit të Lumit Brčko po përparojnë, për të përfunduar platformën e portit. Ky është hapi i parë i projektit i cili filloi në qershor 2021. Punimet do të vazhdojnë me blerjen e një vinçi të ri dhe rindërtimin e rrugës hyrëse nga porti në Bijeljinska cesta si dhe hekurudhës industriale nga porti në stacionin hekurudhor Brčko Novo.

 

Pajisjet e Portit Brčko janë kryesisht të vjetëruara dhe vinçat kanë më shumë se 50 vjet që janë përdorur. Një vinç i ri me një kapacitet mbajtës deri në 16 tonë (tre herë më i madh se kapaciteti aktual), do të kontribuojë në rritjen e kapacitetit të mbajtjes të mallrave në 150-200 tonë në orë.

 

Vlera totale e projektit është 10 milionë euro, e financuar nga një grant investimi i Bashkimit Evropian prej më shumë se 3 milionë euro dhe një hua nga European Bank for Reconstruction and Development  prej 7 milionë euro.

 

Projekti i ndertimit për Portin Brčko është identifikuar dhe në Planin Ekonomik dhe Investimeve të Komisionit Evropian për Ballkanin Perëndimor si “Flagship 1 brenda zonës së investimeve të Transportit të Qëndrueshëm.

Dita Ndërkombëtare e Gruas festohet nga YEA-të në të gjithë Ballkanin Perëndimor

Written by WeBalkans on . Posted in Lajme.

Për Ditën e Gruas të këtij viti, më 8 Mars, WeBalkans dhe Young European Ambassadors bashkuan forcat për të promovuar fushatën #BreakTheBias (https://www.internationalwomensday.com/). Ata e bënë këtë përmes ‘reels’ dhe përmbajtjeve të tjera të mediave sociale dhe aksioneve në rrugë në të gjithë Ballkanin Perëndimor, si në: Banja Luka, Beograd, Kumanovë, Nish, Novi Sad, Podgoricë, Prishtinë, Sarajevë, Shkup dhe Tiranë.

 

Aktivitetet synojnë të thyejnë paragjykimet e stereotipeve gjinore. #BreakTheBias ka të bëjë me fuqizimin e grave dhe rritjen e rolit të tyre në shoqëri dhe lirinë për të vendosur se kush janë dhe çfarë duan të bëhen.

 

Rrjeti WeBalkans Young European Ambassadors (YEA) u lançua në gusht të vitit 2020 nga një program komunikimi rajonal për Ballkanin Perëndimor, i përfaqësuar nga European Commission Directorate-General for Neighbourhood and Enlargement Negotiations (DG NEAR), si një rrjet krijues i të rinjve që do të sjellin ndryshimin në të ardhmen i gjithë Ballkani Perëndimor (Shqipëria, Bosnje dhe-Hercegovina, Kosova, Mali i Zi, Maqedonia e Veriut dhe Serbia). Këta 120 të rinj vizionarë janë të interesuar të mësojnë për vlerat e BE-së dhe të promovojnë mundësitë që ju ofron BE-ja, por janë gjithashtu të etur për të mbështetur tema të tilla si barazia gjinore, mësimi ndërkulturor, mbrojtja e mjedisit dhe të drejtat e njëriut, dhe për të ndarë iniciativat e përbashkëta rajonale për të rinjtë.

Karvani i Vullnetarëve i Route WB6 bën turne në tetë qytete në Ballkanin Perëndimor

Written by WeBalkans on . Posted in Lajme.

Karvani i Vullnetarëve i Route WB6 është duke ardhur! Ky karvan unik krijues përbëhet nga 40 ambasadorë të rinj evropianë, vullnetarë të Route WB6 dhe gazetarë të rinj nga platforma ‘Hajde’ nga i gjithë Ballkani Perëndimor. Si pjesë e fazës përfundimtare të projektit Route WB6,  duke promovuar lëvizshmërinë e të rinjve, vullnetarizmin dhe ndërtimin e paqes në rajon, karvani synon të promovojë shkëmbimet rajonale të vullnetarëve dhe vullnetarizmin e të rinjve në të gjithë rajonin. Karvani i vullnetarëve mbi  rrota po viziton tetë qytete të ndryshme në rajon në një javë, ku vullnetarët e rinj angazhohen me partnerë lokalë në aktivitete si aksione për mbrojtjen e mjedisit, restaurime, workshop-e  krijuese me fëmijë, takime dhe këshillat rinorë. Aktiviteti po zhvillohet në bashkëpunim me rrjetin e Young European Ambassadors.

 

Pika e nisjes së këtij udhëtimi ishte Podgorica më 9 mars dhe destinacioni përfundimtar është Tirana më 15 mars. Gjatë rrugës, vullnetarët do të kenë mundësinë të vizitojnë Mostarin, Sarajevën, Kopaonikun, Prishtinën dhe Manastirin, ndërkohë që do të shoqërohen me bashkëmoshatarët e tyre dhe do të kontribuojnë në komunitetet lokale.

 

Një nga Young European Ambassadors të përfshirë në Karvanin e Vullnetarëve të Route WB6 tha “Si YEA, ne kemi udhëtuar nëpër Ballkanin Perëndimor për studime, çështje mjedisore, socializim, debate, këngë e kërcime në festivale. Jam shumë i emocionuar që këtë herë do i bashkohemi Karvanit të Vullnetarëve të Route WB6. Të gjithë po shkojmë drejt një destinacioni: një rajon që përfaqëson vlerat evropiane. Pra, le të bashkohemi së bashku në këtë karvan, duke ndarë rrugën që çon në pajtim dhe stabilitet si dhe një të ardhme të përbashkët evropiane për rajonin.”

Çmimi Green Skills 2022

Written by WeBalkans on . Posted in Lajme.

The European Training Foundation (ETF) ka nisur një thirrje për shembuj të rëndësisë së aftësive në fuqizimin e tranzicionit të gjelbër.  Thirrja, e titulluar “Green transition: education, training and skills” synon të mbledhë histori rreth mënyrës sesi arsimi, trajnimi dhe zhvillimi i aftësive po mbështet zhvendosjen drejt ekonomive dhe shoqërive rrethore të qëndrueshme, të pastra, neutrale ndaj karbonit.

 

Qëllimi është të ofrojë ide dhe frymëzim për politikëbërësit dhe praktikuesit e arsimit dhe trajnimit që janë fqinj të BE-së dhe më gjerë.

 

Finalistët e suksesshëm do të marrin  çmimin ETF Skills for Green Transition i cili do të prezantohet në 2022 European Vocational Skills Week të organizuar nga Komisioni Evropian. Historitë kryesore do të shfaqen në publikimet dhe komunikimet e ETF-së dhe ETF-ja do të prodhojë filma të shkurtër me historitë më interesante, disa prej të cilave do të shfaqen në 2022 European Vocational Skills Week dhe do të promovohen në kanalet e mediave sociale të ETF.

Çmimi për kryebashkiakun më miqësor ndaj komunitetit Rom në Ballkanin Perëndimor dhe Turqi

Written by WeBalkans on . Posted in Lajme.

ERGO Network ka lançuar një thirrje për ‘’Kryebashkiakun më miqësor ndaj komuniteti Rom’’ si pjesë e projektit ‘”The Power of Change for Roma Women in the Western Balkans and Turkey” të zbatuar së bashku nga Roma Active Albania dhe ERGO Network. Thirrja është pjesë e një fushate më të gjerë që synon të rrisë ndërgjegjësimin – dhe të ndryshojë qëndrimet ndaj – gjithëpërfshirjes së Romëve dhe të kontribuojë në kapërcimin e barrierave të shumta.

 

Kryebashkiakët fitues të çmimeve nga Shqipëria, Bosnja dhe Hercegovina, Kosova, Maqedonia e Veriut, Serbia dhe Turqia do të marrin pjesë në një ngjarje të veçantë në Bruksel si pjesë e Roma Week midis datave 16 dhe 19 maj, për të takuar një përfaqësues të lartë nga European Commission’s Directorate-General for Neighbourhood and Enlargement (DG NEAR).

 

Konkursi do të jetë i hapur deri më 15 prill dhe në çdo vend do të krijohet një juri e pavarur për të zgjedhur fituesin e konkursit në bazë të kritereve të përcaktuara. Partnerët e projektit të Romani Women Power of Change in the Western Balkans and Turkey do të zhvillojnë sesione informuese lokale për të informuar më tej komunat e interesuara mbi fushatën dhe konkurrencën.

 

Fushata dhe konkursi financohen nga Bashkimi Evropian.

Task-forca për dezinformimin në lidhje me luftën në Ukrainë

Written by WeBalkans on . Posted in Lajme.

Një task-forcë e re do të mbledhë dhe analizojë materiale për të ndihmuar në kuptimin e prirjeve të dezinformimit në lidhje me luftën në Ukrainë. Task-forca do të fokusohet në dezinformimin në vendet e BE-së dhe EEA-së, si dhe në Ballkanin Perëndimor, duke mbledhur dhe renditur materialet përkatëse si kontrolli i fakteve, hetimet, analizat e shpejta dhe kërkimet mbi fushatat e dezinformimit, si dhe iniciativat për edukimin e medias. Task-forca synon gjithashtu të identifikojë grupet e të dhënave të nevojshme për të kuptuar fushatat e dezinformimit.

 

The European Digital Media Observatory (EDMO) ka publikuar tashmë një listë të përditësuar (list) rregullisht në internet me dezinformime në lidhje me luftën. Materiale të tilla mund të informojnë politikëbërësit, përfshirë Komisionin Evropian, për të ndihmuar në kuptimin e fenomenit të dezinformimit dhe për të kontribuar në një proces vendimmarrjeje të bazuar në prova për luftën në Ukrainë.

 

Anëtarët e grupit të punës do të bashkëpunojnë me qendrat kombëtare dhe rajonale të EDMO-së, projektet e mediave online në shkallë të vogël dhe aktorë të tjerë përkatës në të gjithë Evropën.