Projekti mbështet zhvillimin ekonomik vendor të qëndrueshëm në Shqipëri përmes mbrojtjes, menaxhimit dhe vlerësimit të Parkut Arkeologjik të Bylisit–Klosit, një prej siteve më të rëndësishme të trashëgimisë kulturore në vend. I financuar nga Bashkimi Evropian dhe i zbatuar nga AICS, në partneritet me Ministrinë e Turizmit, Kulturës dhe Sportit, si edhe me institucionet kombëtare të trashëgimisë kulturore, projekti ndërthur ruajtjen e trashëgimisë kulturore me zhvillimin e turizmit dhe fuqizimin e komunitetit.
Projekti financon punime për ruajtjen dhe mbrojten, infrastrukturën për vizitorët, programet për ngritjen e kapaciteteve, grante për zhvillimin lokal dhe mbështetje institucionale për qeverisjen e parkut. Përmes një qasjeje të integruar, projekti synon:
- të përmirësojë cilësinë e shërbimeve turistike, të forcojë sipërmarrjen vendore, të krijojë mundësi punësimi dhe të rrisë pjesëmarrjen e komuniteteve lokale në përdorimin e qëndrueshëm të trashëgimisë kulturore.
Duke lidhur ruajtjen e trashëgimisë me zhvillimin ekonomik, projekti kontribuon në rritje gjithëpërfshirëse dhe në rritjen e atraktivitetit të rajonit të Mallakastrës si destinacion i turizmit kulturor.

• forcimi i ruajtjes, mbrojtjes dhe menaxhimit të qëndrueshëm të Parkut Arkeologjik të Bylisit–Klosit;
• përmirësimi i infrastrukturës turistike dhe i shërbimeve për vizitorët që lidhen me parkun arkeologjik;
• mbështetja e zhvillimit ekonomik vendor përmes granteve dhe nismave turistike të bazuara në komunitet;
• rritja e kapaciteteve të profesionistëve të trashëgimisë kulturore, institucioneve publike, operatorëve turistikë dhe komuniteteve lokale;
• promovimi i qeverisjes së integruar dhe koordinimit ndërmjet palëve të interesuara në nivel kombëtar dhe vendor, përgjegjëse për trashëgiminë kulturore dhe zhvillimin e turizmit.

• forcimi dhe bërja funksionale e kuadrit të ruajtjes dhe menaxhimit të Parkut Arkeologjik të Bylis–Klosit;
• realizimi i investimeve strategjike në ruajtjen e trashëgimisë kulturore dhe infrastrukturës për vizitorët;
• mbështetja e bizneseve lokale dhe nismave komunitare përmes granteve dhe asistencës teknike;
• rritja e kapaciteteve të profesionistëve të trashëgimisë, guidave, institucioneve publike dhe palëve të interesuara vendore përmes programeve të specializuara të trajnimit;
• rritje e interesit turistik dhe mundësive socio-ekonomike përmes vlerësimit të qëndrueshëm të trashëgimisë kulturore.