Проектот „Поддршка од ЕУ за Регионалниот систем за управување со отпад во Скопскиот регион“ има за цел да ја изготви целокупната потребна планска и техничка документација за воспоставување на финансиски и оперативно одржлив интегриран Регионален систем за управување со отпад (РСУО) во Скопскиот регион. Паралелно, проектот ќе ги зајакне капацитетите на регионалните и локалните структури за управување со отпад и ќе дизајнира и спроведе сеопфатна програма за подигнување на јавната свест, која ќе промовира правилни и одговорни практики за управување со отпад.

Општата цел е следнава:
• Да се поддржи воспоставувањето на интегриран и самостојно одржлив систем за управување со отпад во Скопскиот Регион, во согласност со националните стандарди и стандардите на ЕУ.

Специфични цели се следниве:
• Да се подготви целокупната потребна планска и техничка документација за воспоставување на интегриран и самостојно одржлив РСУО во Скопскиот регион.
• Да се зголемат капацитетите на регионалните и локалните структури за управување со отпад во Скопскиот регион.
• Да се зголеми јавната свест за управување со отпад во Скопскиот регион.

• Ревизија и ажурирање на Регионалниот план за управување со отпад (РПУО) за Скопскиот регион, со Стратешка оцена на влијанието врз животната средина и проценка и анализа на постојната состојба на управувањето со отпад во Скопскиот Регион.
• Подготовка на Студија за изводливост, Анализа на трошоци и придобивки и Студија за оцена на влијанието врз животната средина за воспоставување на интегриран и самостојно одржлив РСУО во Скопскиот регион.
• Подготовка на техничка документација за набавка и изведба на потребните инвестиции за воспоставување на интегриран и самостојно одржлив РСУО во Скопскиот регион.
• Зајакнување на капацитетите на регионалните и локалните власти и институции за ефикасно спроведување и примена на регионалниот систем за управување со отпад.
• Програма и кампања за подигнување на јавната свест за поддршка на воведувањето на интегриран и самостојно одржлив РСУО во Скопскиот регион.