Проектот „Мрежа SEECheck – борба со дезинформациите и мисинформациите преку мрежа на проверувачи на факти“ има за цел да ја зголеми отпорноста на Југоисточна Европа кон ширењето на дезинформации. Во неговата срж е да се воспостави првата регионална мрежа на посветени проверувачи на факти. Поврзувањето на проверувачите на факти со независните медиуми ја зајакнува нивната способност за реагирање на лажните информации. Исто така, развива и подобри алатки за проверка на факти и општи стандарди за споделување податоци.
За да се подигне свеста, проектот организира кампањи и обезбедува обуки за новинари, граѓанското општество и јавните институции. Локалните медиуми и граѓанските организации добиваат мали грантови за поддршка на нивните активности на терен. Наодите од истражувањата се споделуваат преку извештаи и документи за јавни политики, со цел да се информираат носителите на одлуки. Содржината се преведува и на англиски јазик, со што се овозможува пристап до странската публиката и се подига профилот на регионот.
Посебен фокус се става на младите луѓе и маргинализираните заедници, со цел тие да не бидат изоставени. Проектот ја поттикнува соработката и размената на знаење преку границите. Во целина, оваа иницијатива има за цел да создаде подобро информирана јавност и поотпорен и обединет пристап во борбата против ширењето на дезинформации.

Општата цел на проектот е да се зајакне отпорноста на информативниот простор во Југоисточна Европа преку унапредување на професионалните мрежи на проверувачи на факти и независните медиуми. Иницијативата има за цел да обезбеди одржлив и координиран одговор на дезинформациите и мисинформациите во регионот.
Специфични цели:
• Да се подобрат капацитетите, знаењето и ангажманот на граѓанските организации (ГО) и независните медиуми во анализата, мониторингот и застапувањето на политики и реформи поврзани со медиумите и дезинформациите.
• Да се зајакнат професионалните мрежи за проверка на факти и медиумите преку промовирање соработка и размена на знаење со други ГО и медиуми на ниво на ЕУ, како и на регионално, национално и локално ниво.
• Да се подобри способноста на проверувачите на факти и медиумите за детекција, верификација и разобличување на дезинформации и погрешни информации преку обуки, алатки и заеднички стандарди за податоци.
• Да се поттикне поголема поддршка од засегнатите страни и да се зголеми јавното и граѓанското учество во борбата против дезинформациите преку обезбедување точни, навремени и достапни информации.
• Да се стави приоритет на досегот до ранливите и недоволно застапени групи, вклучително младите и маргинализираните заедници, со цел тие да бидат информирани и подготвени во информативниот простор.

Од овој проект се очекуваат следниве резултати:
• Објавено едно сеопфатно истражување за влијанието на дезинформациите врз јавната перцепција.
• Објавени три извештаи за состојбата со дезинформациите во регионот на Југоисточна Европа.
• Објавени документи за застапување и позиции наменети за носителите на одлуки на локално, регионално и ниво на ЕУ.
• Одржани три годишни состаноци на мрежата SEECheck.
• Развиена комуникациска стратегија за мрежата SEECheck.
• Создаден стандард за податоци и база на податоци за проверка на факти.
• Доделени најмалку 20 подгрантови на локални медиуми и граѓански организации.
• Спроведени 20 обуки и менторски сесии за медиуми, студенти и граѓански организации.
• Организирани три годишни регионални POINT конференции.
• Основано регионално уредништво и редовно се произведува заедничка содржина.
• Еден регионален напис за проверка на факти и 15 преводи на англиски јазик се објавуваат на месечно ниво.