EU Project Page - WeBalkans

Слушнете го гласот на жртвите на трговија со луѓе и борете се против организираниот криминал – Годишна работна програма за 2025 година

Project Description

Проектот „Слушнете го гласот на жртвите на трговија со луѓе и борете се против организираниот криминал“ има за цел да го зајакне одговорот на Северна Македонија на трговијата со луѓе и организираниот криминал, преку поставување на правата, потребите и искуствата на жртвите во центарот на креирањето политики и практичните интервенции. Проектот се фокусира на подобрување на механизмите за препознавање, заштита и поддршка на жртвите на трговија со луѓе, обезбедувајќи тие да добијат навремена и соодветна помош во согласност со стандардите за човекови права.

Истовремено, проектот промовира посилна соработка помеѓу институциите и граѓанските организации во справувањето со организираниот криминал поврзан со трговијата со луѓе. Тој го поддржува градењето капацитети кај релевантните засегнати страни и го поттикнува меѓусекторскиот дијалог, со цел да се обезбеди поусогласен, поефективен одговор, кој ќе биде според потребите на жртвите, во согласност со стандардите на ЕУ и меѓународните стандарди.

Specific Objective

Општа цел:
• Да се придонесе за унапредување на партиципативната демократија и процесот на европска интеграција на Северна Македонија со зајакнување на улогата на граѓанското општество во процесите на носење одлуки и подобрување на секторските капацитети за заедничко дејствување во борбата против организираниот криминал.

Специфична цел:
• Да се оснажат актерите на граѓанското општество активно да ја следат владината политика и да преземаат активности во борбата против организираниот криминал.

Expected Results

• Подобра заштита и поддршка за жртвите на трговија со луѓе преку зајакнати механизми за препознавање, помош и оснажување, со што нивните права и потреби се поставуваат како приоритет.
• Зајакната институционална и граѓанска соработка преку подобрена координација помеѓу јавните институции, органите за спроведување на законот и граѓанските организации во борбата против трговијата со луѓе и организираниот криминал.
• Зголемена свест и зајакнати капацитети на засегнатите страни преку целни обуки и активности за подигнување на јавната свест, што придонесува кон поефикасна превенција, гонење и поддршка на жртвите.
• Зајакнати политики и законодавни реформи, според потребите на жртвите, усогласени со стандардите на ЕУ и меѓународните стандарди, кои ги земаат предвид искуствата и гласот на жртвите на трговија со луѓе.