Projekti “BE-ja për lumenjtë“ mbështet përparimin e Shqipërisë drejt përafrimit me legjislacionin e BE-së për ujërat dhe menaxhimin e qëndrueshëm të burimeve ujore. Projekti forcon kapacitetin e institucioneve kombëtare, për të zbatuar standardet e BE-së për ujin dhe mjedisin detar, duke kontribuar në procesin e anëtarësimit të Shqipërisë në BE.
Projekti është i strukturuar rreth katër rezultateve kryesore:
- Së pari, ai përmirëson kuadrin ligjor dhe institucional për menaxhimin e integruar të ujërave, në përputhje me kërkesat e BE-së.
- Së dyti, forcon menaxhimin e pellgjeve lumore përmes mbështetjes për hartimin dhe zbatimin e planeve të menaxhimit të pellgjeve lumore dhe mekanizmave përkatës të qeverisjes.
- Së treti, përmirëson sistemet e monitorimit, raportimit dhe zbatimit të legjislacionit për ujërat, përmes forcimit të kapaciteteve institucionale, përmirësimit të metodologjive dhe rritjes së mbledhjes dhe analizës së të dhënave.
- Së katërti, krijon kuadrin strategjik dhe institucional të nevojshëm për zbatimin e Direktivës Kuadër për Strategjinë Detare, duke mbështetur mbrojtjen e mjedisit detar dhe bregdetar të Shqipërisë.
Përmes asistencës teknike, ngritjes së kapaciteteve, koordinimit më të mirë ndërinstitucional dhe planifikimit të bazuar në prova, EU4Rivers promovon një qeverisje më të mirë të ujërave, ekosisteme më të shëndetshme ujore dhe menaxhim më të qëndrueshëm të lumenjve, ujërave nëntokësore, ujërave bregdetare dhe burimeve detare për brezat e sotëm dhe të ardhshëm.

• përmirësimi i kuadrit të përgjithshëm ligjor dhe institucional të Menaxhimit të Integruar të Ujërave, në përputhje me Direktivën Kuadër të BE-së për Ujërat dhe direktivat e tjera të BE-së të lidhura me ujërat;
• rritja e zbatimit të Menaxhimit të Pellgjeve Lumore në të gjitha pellgjet lumore, përmes planifikimit më të mirë, planeve të përditësuara të menaxhimit të pellgjeve lumore dhe kapaciteteve të forcuara në nivel pellgu;
• përmirësimi në mënyrë të qëndrueshme i monitorimit, raportimit dhe zbatimit të legjislacionit për ujërat, përmes forcimit të laboratorëve, stacioneve të monitorimit, mbledhjes së të dhënave dhe kapaciteteve të raportimit;
• krijimi i kuadrit strategjik dhe institucional për zbatimin e Direktivës Kuadër për Strategjinë Detare, duke përfshirë Strategjitë Detare për detin Adriatik dhe detin Jon;
• forcimi i kapacitetet institucionale, koordinimit dhe njohurive teknike të autoriteteve përkatëse shqiptare, për të mbështetur zbatimin afatgjatë të kërkesave të BE-së të lidhura me ujërat.

• është përmirësuar kuadri ligjor dhe institucional i Menaxhimit të Integruar të Ujërave ndjeshëm, në përputhje me Direktivën Kuadër të BE-së për Ujërat dhe direktivat e tjera të BE-së të lidhura me ujërat;
• është forcuar menaxhimi i pellgjeve lumore në të gjitha pellgjet lumore, përmes planeve të përditësuara dhe/ose të përfunduara të menaxhimit të pellgjeve lumore, mjeteve më të mira të planifikimit dhe kapaciteteve të rritura të administratës së pellgjeve;
• janë përmirësuar kapacitetet e monitorimit, raportimit dhe zbatimit të legjislacionit për ujërat në mënyrë të qëndrueshme, duke përfshirë laboratorë të forcuar, stacione monitorimi të pajisura, mbledhje rutinë të të dhënave dhe raportim më të mirë në përputhje me kërkesat e BE-së;
• janë funksionale një program kombëtar i monitorimit të ujërave dhe një zë buxhetor ligjor, me të paktën 70% të objektivave vjetore të programit të arritura dhe me një trend në rritje të zbatimit;
• është krijuar kuadri strategjik dhe institucional për Direktivën Kuadër të Strategjisë Detare, duke përfshirë Strategjitë Detare për detin Adriatik dhe detin Jon, raportet përkatëse të VSM-së dhe një plan për zhvillimin e kapaciteteve.