Новости
Дознај ги најновите информации за активностите на ЕУ и настаните во Западен Балкан
Проект, во соработка помеѓу ЕУ и Германија, придонесува за развивање на систем за управување со отпад во регионот на Приштина
На 12. декември, како дел од проект, финансиран од ЕУ и Германија, за развивање на заеднички систем за управување со отпад во регионот на Приштина; градоначалниците на Косово Поле, Глоговац, Грачаница, Обилиќ, Подујево и Приштина потпишаа меморандум за разбирање со цел отпочнување на нивната соработка.
Во согласност со релевантните директиви на ЕУ и законите во Косово, општините ќе работат со цел развивање Меѓуопштински план за управување со отпад и Меѓуопштинска спогодба за соработка за заедничка работа во секторот за управување со отпад. Имплементацијата на Меѓуопштинскиот план за управување со отпад ќе биде следниот чекор во поставувањето интегриран систем за управување со отпад; започнат со финансирање, од ЕУ и Германија, во вредност од 35 милиони евра, за конструкција, проширување и санација на депонии и претоварни станици за цврст отпад во регионот.
Со цел поддржување реформи во секторот за управување со отпад, и во соработка со владата на Германија; ЕУ финансира проекти, со 19 милиони евра, имплементирани од „ГИЗ“, за развивање соодветни политики и закони за управување со отпад, спогодби за планирање и соработка за интегрирано меѓуопштинско управување со отпад, градење капацитети на централно и локално ниво, воведување циркуларна економија и имплементација на проекти за приоритетно инвестирање.
Извор: EU Office in Kosovo
Извор на фотографии: EU Office in Kosovo
