Projekti “Shoqëria civile dhe të rinjtë për zhvillim gjithëpërfshirës dhe të qëndrueshëm përmes ekonomisë rrethore në Maqedoninë e Veriut” mbështet tranzicionin e vendit drejt një ekonomie të gjelbër dhe efikase me burime, duke forcuar rolin e organizatave të shoqërisë civile dhe duke fuqizuar të rinjtë për të marrë pjesë aktive në ekonominë rrethore dhe iniciativat për reduktimin e mbeturinave.

Zbatuar në të tetë rajonet statistikore të Maqedonisë së Veriut, iniciative adreson sfidat kryesore mjedisore, të cilat lidhen me menaxhimin e mbeturinave, menaxhimin e shkallëve të ulëta të riciklimit dhe ndërgjegjësimin e kufizuar publik për praktikat e ekonomisë rrethore. Projekti forcon kapacitetet e organizatave të shoqërisë civile për të hartuar dhe për të zbatuar modele inovative të ekonomisë rrethore në bashkëpunim me autoritetet publike dhe sektorin privat.

Njëkohësisht, iniciativa promovon ndryshimin e sjelljes tek të rinjtë përmes aktiviteteve praktike të të nxënit në qendrat rinore dhe në shkollat e mesme profesionale. Duke integruar temat e ekonomisë rrethore në arsimin profesional dhe duke mbështetur iniciativat mjedisore të udhëhequra nga të rinjtë, projekti nxit praktikat e qëndrueshme siç janë reduktimi i mbeturinave, ripërdorimi, riciklimi dhe përmirësimi i tyre. Përmes edukimit, angazhimit të komunitetit dhe bashkëpunimit ndërsektorial, veprimi kontribuon në ndërtimin e një shoqërie më të qëndrueshme dhe më të përgjegjshme ndaj mjedisit, në përputhje me Paktin e Gjelbër Evropian.

• Mbështetja e tranzicionit në Maqedoninë në Veriut drejt një ekonomie të gjelbër, të qëndrueshme dhe efikase në burime, në përputhje me Marrëveshjen e Gjelbër Evropiane;
• Forcimi i rolit, kapaciteteve dhe qëndrueshmërisë së organizatave të shoqërisë civile, që punojnë në ekonominë rrethore dhe iniciativat me zero mbeturina;
• Fuqizimi i të rinjve, që të angazhohen në mënyrë aktive në ekonominë rrethore, reduktimin e mbeturinave dhe aktivitetet për mbrojtjen e mjedisit;
• Promovimi i bashkëpunimit mes organizatave të shoqërisë civile, autoriteteve publike, institucioneve arsimore dhe sektorit privat në iniciativat e zhvillimit të qëndrueshëm;
• Integrimi i temave dhe praktikave të ekonomisë rrethore në proceset e arsimit profesional dhe të të nxënit të të rinjve.

• Forcimi i kapaciteteve dhe qëndrueshmërisë të së paku 35 organizatave të shoqërisë civile që punojnë me iniciativa të ekonomisë rrethore;
• Rritja e ndërgjegjësimit dhe angazhimit të të rinjve nga të paktën 8 komuna për çështjet e ekonomisë rrethore dhe menaxhimit të mbetjeve;
• Futja e temave dhe praktikave të ekonomisë rrethore në proceset e arsimit të mesëm profesional;
• Zbatimi i zgjeruar i nismave lokale të fokusuara në reduktimin, ripërdorimin, riciklimin dhe përmirësimin e mbetjeve;
• Përmirësimi i bashkëpunimit dhe pjesëmarrjes së komunitetit në praktikat e qëndrueshme mjedisore në Maqedoninë e Veriut.