Projekti “Inovacion, media, mendje” (IMM) mbështet transmetuesit e shërbimit publik në Ballkanin Perëndimor në përmirësimin e cilësisë së përmbajtjes, modernizimin e rrjedhave të punës dhe forcimin e angazhimit të publikut. IMM ndihmon mediat e shërbimit publik (PSM) t'i shërbejnë më mirë audiencës së tyre, duke përmirësuar praktikat e menaxhimit, strukturat e brendshme dhe duke u përshtatur me një peizazh digjital në ndryshim të vazhdueshëm.
Qëllimi qendror është promovimi i gazetarisë së pavarur dhe me cilësi të lartë, e cila pasqyron nevojat e komuniteteve të ndryshme.
Profesionistët mediatikë, nga gazetarët dhe redaktorët deri te stafi teknik, përfitojnë nga trajnime të synuara, grante dhe mundësi për bashkëpunim rajonal. Vëmendje e veçantë i kushtohet fuqizimit të gazetarëve, trajnerëve dhe krijuesve të rinj të përmbajtjes për të nxitur inovacionin dhe për të mbështetur standardet profesionale.
Përmes investimeve strategjike në ndërtimin e kapaciteteve, projekti mbështet iniciativa që rrisin rëndësinë, qasshmërinë dhe besimin e publikut në përmbajtjen mediatike. Bashkëpunimet dhe bashkëprodhimet ndërkufitare nxisin në mënyrë aktive forcimin e lidhjeve midis transmetuesve dhe promovojnë të nxënit e përbashkët.
Duke ofruar fonde, trajnime dhe rrjetëzim, IMM ndihmon në ndërtimin e një peizazhi mediatik publik më elastik, gjithëpërfshirës dhe me vizion në rajon.

Projekti “Inovacion, media, mendje” synon të mbështesë mediat e shërbimit publik në Ballkanin Perëndimor në mënyrë që ato të mund të lidhen më mirë me publikun e tyre, të përshtaten me epokën digjitale dhe të udhëheqin me gazetari të besueshme dhe me cilësi të lartë. Duke investuar në njerëz, ide dhe bashkëpunim, projekti ndihmon në formësimin e një peizazhi mediatik më të gjallë dhe më të ndërgjegjshëm në rajon.

Objektivat specifike janë:
• Përmirësim i cilësisë dhe rëndësisë së përmbajtjes së prodhuar nga mediat e shërbimit publik;
• Krijim i hapësirës për krijimtari, inovacion dhe bashkëpunim rajonal midis transmetuesve;
• Mbështetje e modernizimit të menaxhimit dhe funksionimit të medias së shërbimit publik;
• Zhvillim i aftësive të profesionistëve mediatik, veçanërisht të gazetarëve, trajnerëve dhe redaktorëve të rinj;
• Ndihmesë për transmetuesit publikë që të qëndrojnë të fortë, të pavarur dhe të përkushtuar ndaj një gazete etike.

Deri në fund të projektit, mediet në shërbim të publikut në të gjithë Ballkanin Perëndimor pritet të paraqesin:
• Aftësi më të forta menaxhimi dhe rrjedha pune të brendshme më frytdhëdhënëse;
• Struktura editoriale të përmirësuara dhe procese prodhimi të modernizuara;
• Programe me cilësi më të lartë që i shërbejnë më mirë interesit publik;
• Aftësi të përmirësuara të profesionistëve mediatikë, veçanërisht të gazetarëve dhe trajnerëve të rinj;
• Përdorimi i rritur i mjeteve dhe teknikave inovative në gazetari;
• Përfshirje më e madhe e publikut në krijimin e përmbajtjes dhe informata kthyese;
• Një brez i ri shumëzuesish që mbështesin gazetarinë cilësore;
• Standarde më të forta etike dhe profesionale në të gjithë transmetuesit publikë;
• Bashkëpunim i zgjeruar midis mediave të shërbimit publik në rajon;
• Më shumë bashkëprodhime ndërkufitare dhe projekte mediatike të përbashkëta;
• Rrjet mediatik publik më të fortë dhe më të lidhur në Ballkanin Perëndimor;