Shqipëria

Shqipëria është një vend kandidat për anëtarësim në BE. BE-ja është partneri kryesor politik dhe ekonomik i Shqipërisë, si dhe donatori e investitori më i madh i saj. Për ta ndihmuar vendin të përparojë në rrugën e tij drejt BE-së, BE-ja ofron ndihmë financiare për një seri të gjerë fushash: nga bujqësia deri tek transporti, nga energjia e gjelbër deri tek mbështetja për sipërmarrësit, e shumë të tjera.

Ajo ofrohet paralelisht me mbështetjen për përmirësimet që janë të nevojshme për të përmbushur standardet e BE-së në fusha si gjyqësori dhe administrata publike. Në këtë mënyrë, BE-ja po kontribuon në përmirësimin e cilësisë së jetës dhe mundësive për qytetarët shqiptarë.