Програмата „Иновации. Медиуми. Умови.“ им помага на јавните медиумски сервиси ширум Западниот Балкан да го подобрат квалитетот на содржината, да ги модернизираат работните процеси и да ја зголемат публиката. Таа им помага на јавните медиумски сервиси (ЈМС) подобро да им служат на своите публики преку унапредување на практиките за управување, внатрешните структури и прилагодување кон променливата дигитална средина.
Клучна цел е да се промовира независно, висококвалитетно новинарство што ги одразува потребите на различните заедници.
Медиумските професионалци, од новинари и уредници до технички кадар, имаат корист од наменски обуки, грантови и можности за регионална соработка. Посебен фокус се става на оспособување на младите новинари, обучувачи и креатори на содржини, со цел да се поттикнуваат иновации и да се одржуваат високите професионални стандарди.
Со стратешки инвестиции за развој на капацитетите, програмата ги поддржува иницијативите што ја зголемуваат релевантноста, достапноста и јавната доверба во медиумските содржини. Прекуграничната соработка и копродукциите активно се поттикнуваат, со цел да се зајакнат врските меѓу медиумските сервиси и да се промовира заедничко учење.
Преку обезбедување финансирање, обуки и можности за вмрежување, програмата придонесува за изградба на поотпорен, поинклузивен и понапреден јавен медиумски пејзаж во регионот.

Програмата „Иновации. Медиуми. Умови.“ има за цел им помогне на јавните медиумски сервиси ширум Западен Балкан подобро да се поврзат со својата публика, да се прилагодат на дигиталната ера и да предводат со доверливо и квалитетно новинарство. Со инвестирање во луѓе, идеи и соработка, програмата придонесува кон обликување на пожив и поразвиен медиумски пејзаж во регионот.

Специфични цели:
• Унапредување на квалитетот и релевантноста на содржините создадени од јавните медиумски сервиси.
• Создавање простор за креативност, иновации и регионална соработка меѓу медиумите.
• Поддршка за модернизација на управувањето и работењето на јавните медиумски сервиси.
• Развој на вештините на медиумските професионалци — особено на младите новинари, обучувачи и уредници.
• Поддршка на јавните медиумски сервиси да останат силни, независни и посветени на етичкото новинарство.

До крајот на програмата, од јавните медиумски сервиси ширум Западниот Балкан се очекува да покажат:
• Зајакнати менаџерски вештини и поефикасни внатрешни работни процеси.
• Подобрени уредувачки структури и модернизирана продукција.
• Програми со повисок квалитет што подобро ги задоволуваат јавните интереси.
• Унапредени вештини кај медиумските професионалци, особено кај младите новинари и обучувачи.
• Поголема примена на иновативни алатки и техники во новинарството.
• Зголемено учество на јавноста во креирањето содржини и давањето повратни информации.
• Нова генерација мултипликатори и практики кои го поддржуваат квалитетното новинарство.
• Зајакнати етички и професионални стандарди кај јавните медиумски сервиси.
• Проширена соработка меѓу јавните медиумски сервиси во регионот.
• Повеќе прекугранични копродукции и заеднички медиумски проекти.
• Посилна и подобро поврзана мрежа на јавни медиумски сервиси ширум Западниот Балкан.