Новости
Дознај ги најновите информации за активностите на ЕУ и настаните во Западен Балкан
Дванаесет селски куќи предадени на корисниците на RHP во Србија
Имотните листови за 12 селски куќи им беа врачени на бегалски семејства во општина Врбас во Србија. Куќите се купени во рамки на Регионалната програма за домување (Regional Housing Programme – RHP) во Србија.
Заблагодарувајќи им се на сите чинителите на RHP за нејзината нова куќа, Мирјана Шишиќ изјави „Куќата има нова дрвенарија. Пред куќата има клупа каде што ќе седам кога ќе биде убаво времето. Позади куќата има прекрасна градина каде што ќе засадам зеленчук и цвеќиња. Во куќата може да се живее и тоа е сѐ што ми треба.“
На настанот на врачување на имотните листови присуствуваа претставници на општината заедно со Немања Старовиќ, државен секретар во Министерството за надворешни работи, Дерек Џорџ, заменик шеф за соработка во Амбасадата на Швајцарија во Србија, Владимир Цуциќ, српски комесар за бегалци и миграција и Виолета Самарџиќ, претставничка на УНХЦР. Тие ја искористија можноста да ја посетат зградата на RHP во Врбас каде што во моментов се градат 14 станови.
Европската унија е најголемиот донатор на Регионалната програма за домување, а други клучни донатори се Германија, Италија, Норвешка, Швајцарија и Соединетите американски држави.
