Ky projekt synon të forcojë pjesëmarrjen e të rinjve, të rritë mirëkuptimin dhe bashkëpunimin e ndërsjellë midis të rinjve në rajon, si dhe promovimin e përfitimeve politike, ekonomike dhe shoqërore të procesit të integrimit të Ballkanit Perëndimor në BE. Fuqizon organizatat e shoqërisë civile, veçanërisht organizatat e të rinjve dhe të grave, për të marrë një rol aktiv në formësimin, monitorimin dhe avokimin për politika publike relevante për të rinjtë (në fushën e punësimit, arsimit, shëndetit seksual dhe riprodhues, shëndetit mendor, mjedisit, medias dhe shkrim-leximit digjital, kulturës, strehimit etj.). Projekti forcon njohuritë, aftësitë dhe bashkëpunimin e të rinjve dhe aktorëve të shoqërisë civile përmes Shkollës Rajonale Politeia për Pjesëmarrjen e të Rinjve, Sesioneve Tematike Politeia mbi Politikat Publike, një programi rajonal për stazhim, nën-granteve për OSHC-të dhe grupet joformale rinore, Hulumtimit mbi Qëndrimet e OJQ-ve dhe të Rinjve mbi Proceset e Hartimit të Politikave në Ballkanin Perëndimor, Analizës Krahasuese të Politikave Rinore në Ballkanin Perëndimor dhe debateve publike. Theks i veçantë i vihet ndërtimit të kapacitetit të të rinjve dhe OJQ-ve për t'u angazhuar në mënyrë efektive në dialogun e strukturuar me vendimmarrësit, duke i mundësuar ata të diskutojnë, hartojnë dhe ndikojnë së bashku në politikat që ndikojnë në jetën e të rinjve në të gjithë Ballkanin Perëndimor.

Objektivi i përgjithshëm i projektit Dialogu Rajonal Rinor për Evropën (RYDE) është të forcojë demokracinë pjesëmarrëse, integrimin në BE dhe bashkëpunimin rajonal në Ballkanin Perëndimor duke mbështetur një rol dhe ndikim më të fortë të organizatave të shoqërisë civile, veçanërisht të organizatave rinore, në promovimin e vlerave demokratike dhe përfitimeve politike, ekonomike dhe shoqërore të integrimit në BE.
Objektivat specifike janë të:
• Rritet pjesëmarrja e OJQ-ve dhe të rinjve në dialogun e strukturuar mbi politikat publike në nivel kombëtar dhe rajonal, duke u përqendruar në politikat e zhvillimit njerëzor dhe investimeve shoqërore që lidhen me të rinjtë dhe grupet e tjera të margjinalizuara.
• Forcohen kapacitetet dhe bashkëpunimi i OJQ-ve dhe organizatave rinore për të adresuar sfidat politike, ekonomike dhe shoqërore në kontekstin e integrimit në BE si dhe të kontribuon në ndërtimin e qëndrueshmërisë sociale.
• Promovohet demokracia pjesëmarrëse, vlerat demokratike dhe një kulture politike tolerante, si dhe përfitimet politike, ekonomike dhe shoqërore të integrimit në BE për shoqëritë e Ballkanit Perëndimor.

• Kapacitete dhe pjesëmarrje më të mëdha të OJQ-ve, organizatave rinore dhe të grave në monitorimin dhe promovimin e politikave publike dhe pjesëmarrjen në dialogun e strukturuar;
• Rritja e bashkëpunimit të OJQ-ve në projekte/aktivitete rajonale;
• OJQ-të në Ballkanin Perëndimor të jenë më të zëshme në avokimin e integrimit të Ballkanit në BE për shkak të koalicioneve rajonale të përmirësuara dhe të konsoliduara;
• Të rinjtë e Ballkanit Perëndimor fuqizohen me njohuri dhe aftësi për të luftuar diskriminimin, intolerancën, polarizimin politik dhe shoqëror dhe për të promovuar vlerat evropiane dhe integrimin e Ballkanit Perëndimor në BE;
• Rritje e ndërgjegjësimit dhe sigurim i mbështetjes më të madhe për procesin e integrimit në BE të Ballkanin Perëndimor.