Lajme
Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
TEDxYouth@MarijinDvor, Sarajevë, Bosnjë dhe Hercegovinë
TEDxYouth@MarijinDvor është eventi më i madh TEDxYouth në Ballkanin perëndimor. Këtë herë, eventi u organizua nga Ambasadorët e Rinj Evropianë (YEA-të), Hadzera Selimovic dhe Ena Porca dhe përfshiu nëntë folës nga Ballkani Perëndimor dhe Bashkimi Evropian. Emri zyrtar i edicionit të këtij viti është “Rishpikja e së ardhmes”.
Në eventin e këtij viti morën pjesë pesëmbëdhjetë Ambasadorë të Rinj Evropianë; gjashtë të tjerë kontribuan për organizimin. YEA -ja nga Mali i Zi, Ivana Sreckovic, ishte një nga folëset në event. Ajo foli për barazinë gjinore në biznes gjatë fjalës të saj “Wo(Men) in Business: Is it a Man’s world?”. (Gratë në biznes, a është e burrave bota?) Përveç fjalës së Ivanës, u mbajtën dhe dy të tjera nga YEA-të nga Bosnja dhe Hercegovina, Anastasija Djordja Bosancic dhe YEA-ja nga Kosova, Fatbardh Kabashi.
Temat e folësve të tjerë kishin të bënin me mjedisin, muzikën, ndërgjegjësimin për shëndetin mendor, hulumtimin dhe tema të ngjashme.
Në frymën e ideve që ia vlen të përhapen, TEDx është një program për evente lokale e të vetorganizuara ku njerëzit bashkohen për të ndarë përvoja TED. Në një event TEDx, kombinohen videot TEDTalks dhe folësit për të ndezur diskutime dhe lidhje të thella në një grup të vogël. Këto evente lokale dhe të vetorganizuara kanë markën TEDx, ku x= një event TED i organizuar në mënyrë të pavarur. Konferenca TED ofron orientime të përgjithshme për programin TEDx, por eventet individuale TEDx janë të vetorganizuara (u nënshtrohen rregullave dhe rregulloreve të veçanta).
