Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
Lajme / Projekti i Kosovës në mesin e fituesve të European Heritage Awards 2022
Komisioni Evropian dhe Europa Nostra kanë shpallur fituesit e European Heritage Awards 2022 / Europa Nostra Awards. Çmimi vjetor i BE-së për Trashëgiminë Kulturore shpërblen 30 iniciativa dhe personalitete të shquara nga 18 vende evropiane, që përfaqësojnë zhvillimet dhe prioritetet e fundit në lidhje me politikën dhe praktikat e trashëgimisë në Evropë.
Kategoritë e çmimeve përfshijnë ruajtjen dhe ripërdorimin adaptiv, edukimin kërkimor, trajnimin dhe aftësitë, angazhimin e qytetarëve e ndërgjegjësimin dhe kampionët e trashëgimisë.
Këtë vit, projekti “Lumbardhi Public Again” nga Prizreni, Kosova, ishte ndër fituesit në kategorinë e angazhimit dhe ndërgjegjësimit të qytetarëve. “Lumbardhi Public Again” është një iniciativë për ta shpëtuar kinemanë Lumbardhi nga privatizimi dhe shkatërrimi, dhe për t’i ridhënë vendin si trashëgimi kulturore e hapur për të gjithë. Kinemaja, e përbërë nga ekranet e brendshme dhe një kinema në ajër të hapur, u ndërtua në vitet 1950 dhe gëzoi popullaritet të madh në qytetin e Prizrenit deri në fund të viteve 1980. Pas fushatave të tyre në vitin 2007 dhe 2014, organizatat e shoqërisë civile ‘DokuFest’ dhe ‘EC Ma Ndryshe’ lançuan Fondacionin Lumbardhi në vitin 2015. Gjatë shtatë viteve, fondacioni ka arritur synimet e tij kryesore. Rilindja e kinemasë në bashkëpunim me CHwB Kosovë dhe një numër partnerësh lokalë dhe ndërkombëtarë, duke përfshirë edhe BE-në, përmes ndërhyrjeve emergjente dhe restaurative, ka mundësuar pothuajse 1,000 programe publike që arrijnë më shumë se 100,000 përdorues dhe vizitorë.
Burimi: Creative Europe
Fotot nga: Creative Europe
Mëso më shumë
Regjistrohuni në buletinin tonë mujor për të gjitha lajmet e fundit, tregimet, mundësitë e financimit, dhe ngjarjet!
Ju gjithashtu mund të zgjidhni të merrni një përmbledhje javore ose njoftime të menjëhershme.Buletini dhe njoftimet janë në gjuhen Angleze.
Please wait while your video is being uploaded...
Don't close this window!Thank you! Please check your e-mail
We have sent you an email with a confirmation link. Click on the link and complete your subscription.
If you don’t see the email in your inbox please check your spam folder.