Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
Lajme / Financimi nga BE-ja i infrastrukturës për një seksion të ri autostrade në Republikën Serbe
Seksioni i parë i autostradës që do të përfundohet përgjatë korridorit Vc në Republikën Serbe (RS), nga Johovaci në Rudanka, u përurua në një ceremoni ku morën pjesë anëtari serb i Presidencës së Bosnjës dhe Hercegovinës (BH), Milorad Dodik, Presidenti i RS-së, Željka Cvijanović, dhe përfaqësuesit e qeverisë së RS-së, Autoputevit të RS-së(Ndërmarrja Publike e Autostradave të RS-së), përfaqësuesit e European Bank for Reconstruction and Development (EBRD) dhe Zyrës së BE-së në Bosnjë dhe Hercegovinë.
Seksioni me gjatësi 6.1 km u përfundua falë një granti të BE-së me vlerë 15 milion euro, që lehtësoi financimin e mëtejshëm në formën e kredive të favorshme nga EBRD-ja me vlerë rreth 70 milion euro. Seksioni nga Johovaci në Rudanka siguron një lidhje të drejtpërdrejtë me autostradën Banja Luka – Doboj dhe me rrugën kryesore aktuale M17 në Bosnjë dhe Hercegovinë. Ai plotëson seksionet Vukosavlje – Johovac dhe Rudanka – Putnikovo Brdo, që janë ndërtuar nga Autoputevi i RS-së. Shpejtësia e udhëtimit të pasagjerëve dhe mallrave në seksion do të rritet nga 60 km/orë në 100 -120 km/orë.
Projektet e autostradave të përkrahura nga BE-ja përgjatë korridorit Vc sjellin, jo vetëm udhëtime më të shpejta e më të sigurta, por dhe përfitime ekonomike, duke ndihmuar ngritjen e urave të komunikimit në Ballkanin Perëndimor, si dhe midis këtij të fundit dhe Tregut të Vetëm të BE-së, që është zona më e madhe ekonomike në botë. Qeveritë dhe taksapaguesit vazhdojnë të përfitojnë nga kushtet tepër të favorshme financiare që janë ofruar për këto projekte infrastrukturore të mbështetura nga BE-ja në Bosnjë dhe Hercegovinë.
Burimi: WBIF
Fotografia: WBIF
Mëso më shumë
Regjistrohuni në buletinin tonë mujor për të gjitha lajmet e fundit, tregimet, mundësitë e financimit, dhe ngjarjet!
Ju gjithashtu mund të zgjidhni të merrni një përmbledhje javore ose njoftime të menjëhershme.Buletini dhe njoftimet janë në gjuhen Angleze.
Please wait while your video is being uploaded...
Don't close this window!Thank you! Please check your e-mail
We have sent you an email with a confirmation link. Click on the link and complete your subscription.
If you don’t see the email in your inbox please check your spam folder.