Lajme
Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
BE jep 45 milionë euro shtesë për ndërtimin e Korridorit Vc në Bosnjë-Hercegovinë
Bashkimi Evropian po shton mbështetjen e tij në ndërtimin e Korridorit Vc, projektin kryesor të infrastrukturës së transportit në Bosnjë dhe Hercegovinë, me një financim shtesë prej €45.2 milion.
Shuma totale e granteve të miratuara nga BE për ndërtimin e Korridorit Vc arrin më shumë se gjysmë miliardë euro. Marrëveshja e grantit për financimin, e nënshkruar më 27 prill do të paguajë punimet në vazhdimësi të dy seksione të autostradës Poprikuše- Nemila, një vlerë prej 36 milionë eurosh, me një grant investimi prej 9.2 milionë euro për tunelin Ivan. Korridori Vc është një projekt transporti pan-evropian, dhe seksioni prej 325 kilometrash në Bosnjë dhe Hercegovinë do të kalojë vendin nga veriu në jug, duke sjellë Bosnjën dhe Hercegovinën më afër BE-së dhe duke lidhur portin Adriatik të Ploče-së në Kroaci me kryeqytetin hungarez, Budapestin.
Autostrada është bashkëfinancuar nga grantet e dhuruara nga BE-ja dhe nga kreditë e favorshme nga European Bank for Reconstruction and Development dhe European Investment Bank (EIB).
Fondet e grantit janë siguruar përmes Western Balkans Investment Framework të mbështetur nga BE-ja, e cila synon të përmirësojë ndërlidhjen e rajonit duke krijuar lidhje të reja të transportit, përmirësuar e infrastrukturës së vjetëruar të transportit dhe mjedisit. Zhvillimi i Korridorit Vc është një prioritet strategjik për Bosnjën dhe Hercegovinën dhe pritet të kontribuojë në zhvillimin më të shpejtë ekonomik dhe social.
Burimi: EU Delegation to Bosnia and Herzegovina
Fotot nga: EU Delegation to Bosnia and Herzegovina
