Новости
Дознај ги најновите информации за активностите на ЕУ и настаните во Западен Балкан
ЕУ ја поддржува културата во Западен Балкан со иницијатива вредна 8 милиони евра
ЕУ ја отпочна новата иницијатива насловена „Култура и креативност за Западен Балкан (CC4WBs)“ која ќе промовира мирољубиви односи и социо-економски развој. Проектот ќе биде имплементиран од УНЕСКО, во соработка со Британскиот совет и Италијанската агенција за соработка за развој.
Марија Габриел, европска комесарка за иновација, истражување, култура, образование и млади, изјави: „Горда сум што заедно со мојот колега, комесарот Вархелеј, можевме да започнеме ваква амбициозна акција, вредна 8 милиони евра, во знак на поддршка за културните и креативни сектори во Западен Балкан. Интегрирањето на културата може да доведе до меѓусебно разбирање, мирна соработка и стабилност; како и до економски придобивки, особено во регион кој изобилува со културно наследство. Посветена сум на обезбедување асистенција за интеграција на Западен Балкан во сите домени на моето портфолио и му посакувам огромен успех на УНЕСКО и неговите партнери во имплементирањето на оваа иницијатива.“
Клучен елемент во иницијативата ќе бидат образовните и истражувачки институции, студентите и медиумските професионалци од независните медиуми и мрежи, блогови и останати креатори на културна содржина.
Извор: Creative Europe
Извор на фотографии: Creative Europe
