Lajme
Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
Çmimi për kryebashkiakun më miqësor ndaj komunitetit Rom në Ballkanin Perëndimor dhe Turqi
ERGO Network ka lançuar një thirrje për ‘’Kryebashkiakun më miqësor ndaj komuniteti Rom’’ si pjesë e projektit ‘”The Power of Change for Roma Women in the Western Balkans and Turkey” të zbatuar së bashku nga Roma Active Albania dhe ERGO Network. Thirrja është pjesë e një fushate më të gjerë që synon të rrisë ndërgjegjësimin – dhe të ndryshojë qëndrimet ndaj – gjithëpërfshirjes së Romëve dhe të kontribuojë në kapërcimin e barrierave të shumta.
Kryebashkiakët fitues të çmimeve nga Shqipëria, Bosnja dhe Hercegovina, Kosova, Maqedonia e Veriut, Serbia dhe Turqia do të marrin pjesë në një ngjarje të veçantë në Bruksel si pjesë e Roma Week midis datave 16 dhe 19 maj, për të takuar një përfaqësues të lartë nga European Commission’s Directorate-General for Neighbourhood and Enlargement (DG NEAR).
Konkursi do të jetë i hapur deri më 15 prill dhe në çdo vend do të krijohet një juri e pavarur për të zgjedhur fituesin e konkursit në bazë të kritereve të përcaktuara. Partnerët e projektit të Romani Women Power of Change in the Western Balkans and Turkey do të zhvillojnë sesione informuese lokale për të informuar më tej komunat e interesuara mbi fushatën dhe konkurrencën.
Fushata dhe konkursi financohen nga Bashkimi Evropian.
Burimi: ERGO Network
Fotot nga: ERGO Network
