Новости
Дознај ги најновите информации за активностите на ЕУ и настаните во Западен Балкан
Нови програми за магистерски студии во Erasmus Mundus каталогот
Дваесет и седум нови Еразмус Мундус (Erasmus Mundus) здружени програми за магистерски студии ќе овозможат пристап до стипендии на студенти од Западен Балкан и други места во светот. Ова се првите програми под Еразмус+ (Erasmus+) за 2021-2027.
Првиот прием на студенти ќе започне оваа година и овие новоизбрани програми опфаќаат повеќе од 170 програми достапни во Еразмус Мундус каталогот (Erasmus Mundus catalogue). Речиси 127 милиони евра се инвестирани во овие нови програми кои поддржуваат повеќе од 2.000 стипендии за студенти од целиот свет. Еразмус Мундус здружените програми за магистерски студии се достапни веќе 17 години и во овој период повеќе од 28.000 студенти од 195 држави добија стипендија за студирање во 566 програми.
Здружените програми ја спојуваат најдобрата настава од различни универзитети, често преку комбинирање на различни факултети и дисциплини. Студентите следат настава на два или повеќе партнерски универзитети во период од две години. Најголем дел од нив добиваат и ангажман во некоја компанија или организација со цел да се стекнат со практично искуство. На овој начин студентите дипломираат со вистинските вештини и меѓународни вредности кои ги подготвуваат за кариера како практичари, администратори или истражувачи во клучни и/или тесно дефинирани сектори.
Извор: ERASMUS +
Автор на фотографија: ERASMUS +
