Новости
Дознај ги најновите информации за активностите на ЕУ и настаните во Западен Балкан
Амбасадорката Попа се состана со младите европски амбасадори
Амбасадорката на ЕУ во Црна Гора, Оана Кристина Попа, се состана со младите европски амбасадори како дел од иницијативата „Младински дијалог“ која започна на почетокот од годината. Целта на состанокот беше дискутирање за досега сработеното, како дел од иницијативата, но и темите кои во иднина треба да се разработат. Младите европски амбасадори зборуваа за проблемите кои ги засегаат; како, на пример, нападите врз ЛГБТ заедницата во Црна Гора, пристрасното медиумско покривање и националните поделби, високиот процент млади кои сакаат да ја напуштат земјата, нивната нејасна улога во општеството итн.
Амбасадорката Попа им ги претстави проектите и активностите кои ЕУ ги имплементира во Црна Гора со цел надминување на овие предизвици, но и ги покани младите да бидат активни, предложувајќи им конкретни инцијативи за подобрување на нивната заедница.
Младите европски амбасадори се иницијатива посветена на младите во Западен Балкан, отпочната од ЕУ, пред три години, која има за цел да им даде можност на младите да учат и да ги искусат вредностите на ЕУ, промовирајќи ги можностите кои ги нуди оваа заедница.
Неодамна беше објавена третата генерација млади европски амбасадори во Црна Гора, вклучувајќи ги Селда Јахјагиќ, Марија Блажевиќ, Анџела Мициќ, Мерита Дукај, Едина Османовиќ, Филип Јоветиќ, Лукас Јунковиќ, Милутин Радолуовиќ, Лука Вукотиќ, Андреј Бубања и Матиа Пренкочевиќ.
Прочитај повеќе
Извор на фотографии: Europe House Podgorica
Извор: Europe House Podgorica
