Новости
Дознај ги најновите информации за активностите на ЕУ и настаните во Западен Балкан
25 раселени семејства добија клуч од нови RHP домови во Орашје, Босна и Херцеговина
Расположението во Орашје, Босна и Херцеговина (БиХ) беше добро како и времето денес, бидејќи 25 нови станови од Регионалната програма за домување (RHP) беа предадени на најранливите раселени семејства. RHP ќе заврши во јуни 2023 година, до кога ќе има успешно испорачано домови на близу 34 000 луѓе.
Покрај самите корисници, на настанот присуствуваше и Севлид Хуртиќ, министер за човекови права и бегалци на Босна и Херцеговина; Џанлука Ванини, раководител на операции, Сектор за социјален развој, граѓанско општество и прекугранична соработка во Делегацијата на Европската Унија во БиХ; Есад Ивојевиќ, секретар во Федералното Министерство за раселени лица и бегалци на БиХ; Маријан Оршолиќ, градоначалник на Орашје; Сања Хамидовиќ, програмски менаџер во Делегацијата на ЕУ во БиХ, и Свјетлана Мујезиновиќ, Службеник за човекови права во ОБСЕ во БиХ, меѓу другите.
Во име на Европската Унија, најголемиот донатор на RHP, Џанлука Ванини изјави дека му е чест да ја сподели радоста на присутните семејства. „По години живеење во привремено сместување, тие ќе можат да најдат мир и сигурност во своите нови домови и пристојни услови за живеење“, рече тој. “
На крај, еден од корисниците, Кристијан Јукиќ, исто така, ја искористи оваа прилика да им се заблагодари, во име на 25-те семејства, на донаторите на RHP, партнерските организации – имплементатори, на националните и локалните институции.
Source: RHP
Photo credits:RHP
