Lajme
Zbulo të rejat më të fundit rreth aktiviteteve dhe ngjarjeve që lidhen me BE-në në Ballkanin Perëndimor.
Ulja e tarifave roaming midis Ballkanit Perëndimor dhe BE-së
Në dhjetor 2022, 38 operator telekomunikacioni nga BE-ja dhe Ballkani Perëndimor ranë dakord të ulnin tarifat roaming. Kjo marrëveshje tashmë ka hyrë në fuqi nga 1 tetori 2023, që do të thotë se roaming ndërmjet Ballkanit Perëndimor dhe BE-së është bërë më i përballueshëm si për shtetasit ashtu edhe bizneset në këto rajone. Këshilli i Bashkëpunimit Rajonal (RCC) dhe Komisioni Evropian kanë mbështetur këtë proces.
Këta operator u angazhuan me dëshirë të lirë që ta zvogëlonin në mënyrë domethënëse hendekun midis tarifave brenda vendit dhe roaming për përdorimin e internetit kur udhëtoni në të dyja drejtimet midis BE-së dhe Ballkanit Perëndimor. Uljet fillestare të çmime janë duke u zbatuar aktualisht nga operatorët pjesëmarrës të telekomunikacionit. Shumë prej tyre ofrojnë paketa me çmime nën kufijtë maksimalë të përcaktuar, duke i bërë ato të aksesueshme për një gamë të gjerë konsumatorësh. Ulje të mëtejshme janë planifikuar për 2026, duke ndjekur rrugën e përcaktuar me synimin për t’i bërë tarifat roaming afër çmimeve të vendit në 2028.
Operatorët e telekomunikacionit si nga BE-ja ashtu edhe nga Ballkani Perëndimor janë të ftuar t’i bashkohen kësaj nisme.
Fotografia: Bashkimi Evropian
Burimi: Bashkimi Evropian
