Catwalk Sarajevë është një kompani mode nga Sarajeva, e themeluar nga Ema Burdžović në vitin 2011, fillimisht si një kompani tregtimi dhe shitjeje që importonte mallra në Bosnjë-Hercegovinë dhe i shiste ato në dyqanin e tyre në Sarajevë. Megjithatë, Ema shpjegon se biznesi nuk po shkonte mirë në atë kohë pasi ajo synonte të importonte mallra cilësore që ishin të shtrenjta, dhe xhiroja nuk ishte mjaftueshëm e lartë për shkak të kapacitetit të përgjithshëm blerës në situatën ekonomike të Bosnjë-Hercegovinës. Gjashtë vjet më parë, ajo vendosi të ndryshonte strategjinë e saj dhe të kalonte nga tregtia te prodhimi, duke punësuar dy rrobaqepëse me përvojë.
Megjithatë, ndryshimi nuk ishte i lehtë. Ema është ekonomiste dhe në kohën e ndryshimit dinte shumë pak për specifikat e procesit të prodhimit të tekstileve. Ajo kujton se është përballur me sfida të shumta për të siguruar lëndën e parë, makineritë e duhura dhe fuqinë punëtore të nevojshme. “Fatkeqësisht, ekziston një tendencë e fuqisë punëtore të kualifikuar për t’u larguar nga Bosnjë-Hercegovina në kërkim të një jete më të mirë. Nuk ishte e lehtë, por ia dolëm të gjejmë punonjës të kualifikuar dhe ambiciozë, që janë pika e kthesës për kompaninë tonë,” thotë Ema.
“Projekti i financuar nga BE-ja ka përmirësuar ndjeshëm biznesin tonë dhe na ka ndihmuar të kapërcejmë pasojat negative të viteve të pandemisë COVID-19.”
Ema Burdžović, themeluese e Catwalk Sarajevë
Sapo kompania filloi të stabilizohej dhe të krijonte vizionin për një të ardhme më të mirë, filloi pandemia COVID-19. Kompanitë e tekstileve në Bosnjë-Hercegovinë u përballën me sfida të shumta gjatë pandemisë. Porositë dhe shitjet ranë ndjeshëm, dhe zinxhirët e furnizimit u ndërprenë, duke e bërë blerjen e lëndës së parë shumë të vështirë që nga fillimi i shkurtit 2020. Sipas përllogaritjeve të industrisë, një në tre vende pune që u humbën në vend gjatë pandemisë i përkiste sektorit të tekstileve.
Emës nuk iu desh të largonte nga puna asnjë punonjës; megjithatë, ajo nuk mund të rritej siç e kishte planifikuar. Në atë kohë, ajo dëgjoi për njoftimin për projektin e financuar nga BE-ja EU4Business Recovery që ofronte mbështetje financiare dhe teknike për industrinë tekstile në Bosnjë-Hercegovinë, duke zbutur ndikimin e pandemisë te shitjet dhe vendet e punës. Ema aplikoi dhe përfitoi mbështetjen që e kishte kaq shumë të nevojshme. “Projekti i financuar nga BE-ja ka përmirësuar ndjeshëm biznesin tonë dhe na ka ndihmuar të kapërcejmë pasojat negative të viteve të pandemisë COVID-19,” shprehet ajo.
Kontributet themelore nga projekti përfshinë blerjen e pajisjeve të reja dhe prezantimin e një dyqani online, si dhe të një dyqani të ri të shitjeve me pakicë në Mal të Zi.
“Me mbështetjen që morëm nga BE-ja, dyfishuam numrin e punonjësve tanë, nga 12 në 24.”
Ema Burdžović, themeluese e Catwalk Sarajevë
Si rezultat i mbështetjes nga projekti, fillimisht drejtuesit planifikuan të hapnin pesë vende të reja pune. Ema tregon me krenari se ai qëllim jo vetëm që u arrit, por në fund u tejkalua. “Me mbështetjen që morëm nga BE-ja, dyfishuam numrin e punonjësve tanë, nga 12 në 24,” deklaron ajo.
Aktualisht, kompania po prezanton linjën e re të produkteve, që janë rrobat e banjës, dhe ka përmirësuar proceset e saj të prodhimit duke blerë softuer për dizenjimin e veshjeve. Ata synojnë që të fillojnë eksportimin në vende të BE-së. Sipas Emës, vizioni i tyre është të ndërtojnë një fabrikë të mesme të fuqishme që nuk do të bëhet shumë e madhe, por që do të jetë në gjendje të gjenerojë fitime të mjaftueshme dhe, më e rëndësishmja, do të paguajë rroga të mira për punonjësit e saj.
Lidhur me projektin
Projekti i financuar nga BE-ja “COVID-19 Investment Response-EU4 Business Recovery” u zbatua nga
International Labour Organisation, në partneritet me German Development Agency GIZ dhe United Nations Development Programme. Qëllimi i projektit është të mbështesë rimëkëmbjen e ekonomisë së Bosnjë-Hercegovinës nga pasojat e pandemisë COVID-19. Objektivi konkret është ofrimi i mbështetjes emergjente për ndërmarrjet mikro, të vogla dhe të mesme, me qëllim garantimin e vijimësisë së biznesit të tyre, mbajtjen e mbi 1,000 vendeve të punës, dhe krijimin e të paktën 100 vendeve të reja të punës, në veçanti duke mbështetur gratë sipërmarrëse, të rinjtë dhe grupet e tjera të cenueshme.
Photo credits: Catwalk Sarajevo
Megjithatë, ndryshimi nuk ishte i lehtë. Ema është ekonomiste dhe në kohën e ndryshimit dinte shumë pak për specifikat e procesit të prodhimit të tekstileve. Ajo kujton se është përballur me sfida të shumta për të siguruar lëndën e parë, makineritë e duhura dhe fuqinë punëtore të nevojshme. “Fatkeqësisht, ekziston një tendencë e fuqisë punëtore të kualifikuar për t’u larguar nga Bosnjë-Hercegovina në kërkim të një jete më të mirë. Nuk ishte e lehtë, por ia dolëm të gjejmë punonjës të kualifikuar dhe ambiciozë, që janë pika e kthesës për kompaninë tonë,” thotë Ema.
Sapo kompania filloi të stabilizohej dhe të krijonte vizionin për një të ardhme më të mirë, filloi pandemia COVID-19. Kompanitë e tekstileve në Bosnjë-Hercegovinë u përballën me sfida të shumta gjatë pandemisë. Porositë dhe shitjet ranë ndjeshëm, dhe zinxhirët e furnizimit u ndërprenë, duke e bërë blerjen e lëndës së parë shumë të vështirë që nga fillimi i shkurtit 2020. Sipas përllogaritjeve të industrisë, një në tre vende pune që u humbën në vend gjatë pandemisë i përkiste sektorit të tekstileve.
Emës nuk iu desh të largonte nga puna asnjë punonjës; megjithatë, ajo nuk mund të rritej siç e kishte planifikuar. Në atë kohë, ajo dëgjoi për njoftimin për projektin e financuar nga BE-ja EU4Business Recovery që ofronte mbështetje financiare dhe teknike për industrinë tekstile në Bosnjë-Hercegovinë, duke zbutur ndikimin e pandemisë te shitjet dhe vendet e punës. Ema aplikoi dhe përfitoi mbështetjen që e kishte kaq shumë të nevojshme. “Projekti i financuar nga BE-ja ka përmirësuar ndjeshëm biznesin tonë dhe na ka ndihmuar të kapërcejmë pasojat negative të viteve të pandemisë COVID-19,” shprehet ajo.
Kontributet themelore nga projekti përfshinë blerjen e pajisjeve të reja dhe prezantimin e një dyqani online, si dhe të një dyqani të ri të shitjeve me pakicë në Mal të Zi.
Si rezultat i mbështetjes nga projekti, fillimisht drejtuesit planifikuan të hapnin pesë vende të reja pune. Ema tregon me krenari se ai qëllim jo vetëm që u arrit, por në fund u tejkalua. “Me mbështetjen që morëm nga BE-ja, dyfishuam numrin e punonjësve tanë, nga 12 në 24,” deklaron ajo.
Aktualisht, kompania po prezanton linjën e re të produkteve, që janë rrobat e banjës, dhe ka përmirësuar proceset e saj të prodhimit duke blerë softuer për dizenjimin e veshjeve. Ata synojnë që të fillojnë eksportimin në vende të BE-së. Sipas Emës, vizioni i tyre është të ndërtojnë një fabrikë të mesme të fuqishme që nuk do të bëhet shumë e madhe, por që do të jetë në gjendje të gjenerojë fitime të mjaftueshme dhe, më e rëndësishmja, do të paguajë rroga të mira për punonjësit e saj.
Lidhur me projektin
Projekti i financuar nga BE-ja “COVID-19 Investment Response-EU4 Business Recovery” u zbatua nga
International Labour Organisation, në partneritet me German Development Agency GIZ dhe United Nations Development Programme. Qëllimi i projektit është të mbështesë rimëkëmbjen e ekonomisë së Bosnjë-Hercegovinës nga pasojat e pandemisë COVID-19. Objektivi konkret është ofrimi i mbështetjes emergjente për ndërmarrjet mikro, të vogla dhe të mesme, me qëllim garantimin e vijimësisë së biznesit të tyre, mbajtjen e mbi 1,000 vendeve të punës, dhe krijimin e të paktën 100 vendeve të reja të punës, në veçanti duke mbështetur gratë sipërmarrëse, të rinjtë dhe grupet e tjera të cenueshme.
Photo credits: Catwalk Sarajevo
Please wait while your video is being uploaded...
Don't close this window!
