Новости
Дознај ги најновите информации за активностите на ЕУ и настаните во Западен Балкан
Младите европски амбасадори го одбележуваат Меморијалниот ден на ромскиот холокауст
Од 2010 година, младите Роми и не-Роми се собираат заедно, секоја година, на 2. август, за одбележување на Меморијалниот ден на ромскиот холокауст. Годинава, меѓународната младинска мрежа на Роми „Ternype“ обедини околу 150 млади, од ширум Европа, во Краков и Аушвиц-Биркенау во уникатен младински настан насловен „Dikh he na bister“ („Гледај и не заборавај“). Оваа година, младата европска амбасадорка од Албанија – Олта Шеху, беше дел од настанот.
Настанот е дел од иницијативата за одбележување на геноцидот на Ромите; која има за цел подигнување на свеста на младите Европејци, граѓанското општество и носителите на одлуки, за геноцидот на Ромите, како и за механизмите на антициганизмот во денешниот предизвикувачки контекст на растечки расизам, говор на омраза и екстремизам во Европа. Меѓу другото, настанот цели и кон градење на капацитетите на младинските активисти и младинските организации; мотивирајќи ги да земат активно учество во промоција на образованието за сеќавање, на локално, државно и меѓународно ниво. Со оваа иницијатива, ромската младина се залага за официјално признавање на 2. август како Меморијален ден на ромскиот холокауст.
Покрај собирањето на 2. август, образовниот настан во Краков вклучува и други активности кои се организирани во петдневна програма во чии рамки Олта и млади од многу други држави ќе имаат можност да научат за Холокаустот, антициганизмот, како и човековите права денес.
Платформата на млади европски амбасадори е креативна мрежа на млади активисти од Западен Балкан (Албанија, БиХ, Косово, Црна Гора, Северна Македонија и Србија).
Извор: International Roma Youth Network Ternype
Извор на фотографии: International Roma Youth Network Ternype
