Новости
Дознај ги најновите информации за активностите на ЕУ и настаните во Западен Балкан
ЕУ во Северна Македонија за првпат ја претставува наградата „Европска жена на годината“
Пет извонредни жени кои носат разлики во својот домен; давајќи, истовремено инспирација за целото општество, беа номинирани од #TeamEurope во Северна Македонија за наградата „Европска жена на годината“ за 2022 година.
Петте номинирани кандидатки се: националната координаторка за трансплантација – Маја Мојсовска Мијовска, алпинистката Илина Арсова, филмската режисерка – Дина Дума, директорката на Националната галерија – Дита Старова Ќерими, и основачката на компанијата „MaMa Organa“ – Наталија Бургиева. Истите се предложени од страна на амбасадорите на Хрватска (Нивес Тигањ), Германија (Анке Холстејн), Романија (Моника Аксинте), Шведска (Кристен Форсгрен Бенгтссон) и ЕУ (Дејвид Гир).
„Го одбележуваме Меѓународниот ден на жената со чествување на пет извонредни жени кои покажаа дека само небото е граница во обидот за постигнување на соништата и работа за општото добро. Нивните приказни се инспиративни. Тие ги рушат предрасудите. Покажуваат дека родот не е поврзан со можноста и дека способноста и одлучноста не препознаваат род,“ рече амбасадорот Гир на церемонијата на која присуствуваше и Првата дама – Елизабета Ѓоргиевска.
Наградата „Европска жена на годината“ – комплементарна на наградата „Европеец на годината“ која Делегацијата ја воведе во 2019 – цели кон подигнување на свеста за пречки и родова еднаквост, притоа, оддавајќи признание на жени кои претставуваат пример и помагаат светот да биде еднакво место за сите.
Извор: EU Delegation to North Macedonia
Извор на фотографии: EU Delegation to North Macedonia
