Новости
Дознај ги најновите информации за активностите на ЕУ и настаните во Западен Балкан
Комесарот Вархелеј ја посетува Србија со цел дискутирање за приоритетите за пристап кон ЕУ и енергетска соработка
Комесарот за соседство и проширување на ЕУ, Оливер Вархелеј, на 1. и 2. декември 2022 година, ќе допатува во Србија за да дискутира за приоритетите на пристапниот процес кон ЕУ, со силен фокус на енергетска соработка. Во текот на попладнето, заедно со министерката за енергија, Дубравка Ѓедовиќ, и министерот за европска интеграција, Мишчевиќ, ќе ја посети „Elektromreža Srbije (EMS)“, за презентација на имплементацијата на Трансбалканскиот електричен коридор; енергетски проект, кофинансиран од ЕУ, кој ќе овозможи поголема енергетска стабилност и ефикасност на Србија. Вечерта, ќе се состане со претседателот, Александар Вучиќ; премиерката, Ана Брнабиќ; собранискиот спикер, Владимир Орлиќ; заменик премиерот и министер за надворешни работи, Дачиќ; како и со министерот за внатрешни работи, Гашиќ. Исто така, ќе биде присутен и на потпишувањето на спогодбата за финансирање, од ЕУ, кое ќе ја постави правната рамка за идна претпристапна помош на ЕУ за Србија; како и на два проекта, финансирани од ЕУ, за поддршка на капацитетот на Србија за управување со миграциските текови и граничната контрола.
Извор: European Union
Извор на фотографии: European Union
