Новости
Дознај ги најновите информации за активностите на ЕУ и настаните во Западен Балкан
„Денови на зелена енергија 2022“ во Косово
Како дел од иницијативата „Европеизација на косовската еколошка агенда“, од 16. до 22. мај, се одржува иницијативата „Денови на зелена енергија 2022“ во Косово. Иницијативата е финансирана од Канцеларијата на ЕУ во Косово, а е имплементирана од Балканската мрежа за истражувачко новинарство во Косово, „CEE Bankwatch“, „ERA Group“ и „TV Mreža“.
Иницијативата го поддржува проактивното учество на косовското граѓанско општество, медиумите и еколошките активисти во политичките реформи и носењето одлуки во доменот на енергија, екологија и јавно здравство. Целта на проектот е да се обезбеди помош за Косово да се доближи до еколошките политики и законодавство на ЕУ и да се поттикне дијалог помеѓу организациите на граѓанското општество, медиумите, активистите и јавниот сектор.
По вторпат, домаќин на иницијативата „Денови на зелена енергија“ е Балканската мрежа за истражувачко новинарство и нивните партнери. Целта на неколкудневната активност е да се укаже внимание на важноста од енергетска ефикасност, заштита на животната средина и јавното здравје; особено меѓу релевантните функционери. Годинава, иницијативата ќе предложи бројни активности кои ќе придонесат за најдобрите енергетски практики во Косово.
Извор: BIRN
Извор на фотографии: BIRN
